Itorero ry’abana Uruyange kuri ‘final’ ya East Africa Got Talent
Ahavuye isanamu, EA Got Talent
Itorero ry'abana babyina imbyino gakondo nyarwanda bitwa Uruyange ryageze mu kiciro cya nyuma cy'irushanwa rya 'East Africa Got Talent' riri kuba ku nshuro ya mbere muri aka karere. Bavuga ko ari ibyishimo bikomeye.
Uruyange ni igice cy'abana cy'itorero Intayoberana rizwi mu mbyino gakondo mu Rwanda.
Uruyange rwageze mu cyiciro cya nyuma nyuma yo gutorwa n'abakurikira iri rushanwa no kubona amajwi ahagije y'abakemurampaka.
Kayigemera Sangwa Aline utoza aba bana b'Uruyange yabwiye BBC ko kugera mu kiciro cya nyuma ari ibyishimo bikomeye kuri bo.
Muri iri rushanwa ubu hasigaye abahatana batandatu, bazahatana bwa nyuma tariki 06 z'ukwezi gutaha kwa 10.
Madamu Kayigemera avuga ko bari bahanganye n'abantu bafite izindi mpano zikomeye ariko bitoje cyane kandi bakitegura kurushanwa bagamije kugera kure.
Ati: "Ntabwo byari bihagije kuko iyo tutagira abadutoye bakaduha amahirwe tutari kugera hano. Dushimiye cyane abadutoye".
Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookie n'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.
Impera ya X ubutumwa
Ikiciro kibanziriza icya nyuma cyabaye ejo ku cyumweru i Nairobi muri Kenya, Madamu Kayigemera avuga basubiye i Kigali mu Rwanda kwitegura ikiciro cya nyuma mu kwezi gutaha.
Abateguye iri rushanwa bavuga ko uzaryegukana azahembwa $50,000 (ni hafi miliyoni 46 y'u Rwanda).
'Got Talent' ni amarushanwa aca kuri za televiziyo (reality TV show) yo kugaragaza impano nta vangura, yatangijwe mu 2006 n'umwongereza Simon Cowell.
Mu 2014 igitabo cya Guinness World Records cyanditse ko ibiganiro bica kuri televiziyo by'iri rushanwa aribyo biganiro bigaragaza ibintu by'ukuri birusha ibindi byose byabayeho kwamamara.
