Cəbhə bölgəsində döyüşlər - ilk on gündə nə baş verib?

Canlı reportaj

1. 29 Sentyabr 2020Müxbirlərimizin Tərtər yaxınlığından reportajı

   Paylaşımını ötürün YouTube

   Google YouTube məzmununa icazə varmı?

   Bu məqalədə Google YouTube məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl Google YouTube kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".

   Qəbul edin və davam edin

   Xəbərdarlıq : BBC kənar saytların məzmununa görə cavabdeh deyil. YouTube məzmununda reklam ola bilər.

   Paylaşımın sonu YouTube

2. 29 Sentyabr 2020"Vardenis atəşə tutulub, bir mülki şəxs öldürülüb" - Ermənistan

   Ermənistan Xarici İşlər Nazirliyi bildirib ki, Azərbaycan silahlı qüvvələri Ermənistanın Vardenis bölgəsindəki hərbi və mülki infrastrukturlara hücum edib, o cümlədən dinc əhalini hədəfləyib və bir mülki şəxs öldürülüb.

   Qurumun sözçüsü Artsrun Hovannisyan Vardenisin kəndlərinin atəşə tutulduğunu deyib.

   Bundan başqa, bildirilib ki, Azərbaycanın genişmiqyaslı hücumun ilk dəqiqələrində 122 mm-lik "Qrad" yaylım sistemiylə uşaq bağçası və məktəbin tam yaxınlığındakı Stepanakertin (Xankəndi) yaşayış məhəlləsi atəşə tutulub - məlumatı yayıb.

   Azərbaycan Müdafiə Nazirliyi bu səhər məlumat yayıb ki, Ermənistanın Vardenis rayonu ərazisindən Azərbaycanın Daşkəsən rayonunun ərazisi artilleriya atəşinə tutulur və Azərbaycan Ordusu tərəfindən adekvat tədbirlər görüləcək.

3. 29 Sentyabr 2020

   

   Şəklin mənbəyi, AFP

   Almaniya kansleri dünən Ermənistanın Baş naziri Nikol Paşinyan və bu gün Azərbaycan Prezidenti İlham Əliyevlə münaqişənin kəskinləşməsini müzakirə edib, Almaniya hökumətinin yaydığı açıqlamada deyilir.

   Angela Merkel dərhal atəşkəsin təmin olunmasına və danışıqlar masasına qayıtmağın vacibliyini vurğulayıb. Rəsmi məlumata görə, bunun üçün ATƏT-in təklif etdiyi Minsk Qrupu uyğun forumdur.

   Almaniya hökumətinin saytındakı bəyanatda həmçinin deyilir ki, qonşu ölkələr məsələnin sülh yolu ilə həllinə töhfə verməlidir”.

   BMT Təhlükəsizlik Şurasının görüşünün vaxtı bəlli olub

   AFP agentliyinə görə, Almaniya, eləcə də Fransa döyüşlərlə əlaqədar, Bakı vaxtilə gecə 1-də baş tutacaq BMT Təhlükəsizlik Şurasının görüşünü tələb edib. Belçika, Britaniya və Estoniya isə buna dəstək verib.

   İclasın mediaya qapalı formatda olacağı bildirilir.

4. 29 Sentyabr 2020Suriya muzdlularının "Azərbaycana gəlməsini təsdiqləyən məlumat yoxdur"

   Suriya üzrə amerikalı ekspert Qarabağa getmək üçün qeydiyyatdan keçmiş bir neçə suriyalı muzdlu tanıdığını bildirir, amma onun sözlərinə görə, onların Azərbaycana gəlməsini təsdiqləyən məlumat yoxdur.

   Elizabeth Tsurkov deyib ki, onların əksəriyyəti Türkiyə rəhbərliyi altında vuruşan Suriya Milli Ordusu (SMO) tərkibində təmsil olunmuş müxtəlif birləşmələrin üzvləridir.

   Onları müxalifət və ya qiyamçı adlandırmağın səhv olduğunu deyən Elizabeth Tsurkovun fikrincə, bu qüvvələr adətən cihadçılara və ya kürd birləşmələrinə qarşı istifadə olunur.

   Tsurkov Liviyada Türkiyənin dəstəklədiyi hökumət qüvvələrinin tərəfində minlərlə SMO döyüşçüsünün vuruşduğunu yazır. Onları Suriyaya daha yüksək ödənişlər cəlb edir.

   SMO Liviya və ya Qarabağdakı münaqişələrdə döyüşçülərinin iştirak etmədiyini bildirir.

   Azərbaycan Prezidentinin köməkçisi Hikmət Hacıyev bizə - BBC News Azərbaycancaya verdiyi açıqlamasında Suriyadan muzdlu döyüşçü gətirilməsi iddialarını "tamamilə yalan" adlandırıb.

5. 29 Sentyabr 2020Türk Hava Yolları Azərbaycana uçuşları dayandırmadığını açıqlayıb

   

   Şəklin mənbəyi, Getty Images

   Türk Hava Yollarının nümayəndəsi Yahya Üstün Twitter hesabından "Dost və qardaş ölkə can Azərbaycana olan uçuşlarımız planlaşdırıldığı kimi davam etməkdədir. Bəzi sosial media kanallarında uçuşlarımızın ləğv olunmasına dair paylaşılan məlumatlar həqiqəti əks etdirmir" yazıb.

   Paylaşımını ötürün X

   X məzmununa icazə varmı?

   Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".

   Qəbul edin və davam edin

   Xəbərdarlıq : BBC kənar saytların məzmununa görə cavabdeh deyil.

   Paylaşımın sonu X

6. 29 Sentyabr 2020BMT nümayəndəsi: "Mülki əhalinin... müdafiəsini təmin etməyə çağırıram"

   

   Şəklin mənbəyi, BMT

   “Mülki əhali və döyüşlərdə iştirak etməyən insanların müdafiəsini təmin etməyə çağırıram", BMT-nin İnsan Hüquqları üzrə ali komissarı Michelle Bachelet deyib.

   “Mülki şəxslər arasında ölən və yaralıların olması, eləcə də vətəndaşların mülkiyyətinə və infrastruktura dəyən ziyan haqqında xəbərlərdən dərin narahatlıq hissi keçirirəm. Bütün tərəfləri beynəlxalq insan hüquqları və beynəlxalq humanitar qanunlarına hörmətlə yanaşmağa... çağırıram”, - BMT-nin İnsan Hüquqları üzrə ali komissarı deyib.

   O, həmçinin “vacib mülki infrastruktura zərər vurulmasının qarşısını alınmasına” çağırış edib.

7. 29 Sentyabr 2020"Türkiyə erməni təyyarəsini vurmadı"

   Türkiyə Prezidenti Administrasiyasının İctimaiyyətlə əlaqələr idarəsinin rəhbəri Fahrettin Altun "Türkiyənin Ermənistana məxsus təyyarəni vurması" xəbərini təkzib edib, Habertürk məlumat yayıb.

   Paylaşımını ötürün X

   X məzmununa icazə varmı?

   Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".

   Qəbul edin və davam edin

   Xəbərdarlıq : BBC kənar saytların məzmununa görə cavabdeh deyil.

   Paylaşımın sonu X

8. 29 Sentyabr 2020Təcili xəbər, Ermənistan: "Türkiyə F-16-sı Ermənistan qırıcı təyyarəsini vurub", “Azərbaycan ərazisində F-16 təyyarəsi yoxdur", Müdafiə Nazirliyi BBC-ə deyib.

   Ermənistanın Müdafiə Nazirliyinin sözçüsü Şuşan Stepanyan deyib ki, Türkiyəyə məxsus F-16 qırıcısı Ermənistana məxsus SU-25 qırıcısını vurub və nəticədə erməni pilot ölüb.

   Bununla bağlı Müdafiə Nazirliyinin sözçüsü Vaqif Dərgahlı BBC News Azərbaycancaya deyib ki, “Azərbaycan ərazisində F-16 təyyarəsi yoxdur. İkincisi Azərbaycan tərəfindən döyüşlərdə heç bir aviasiya vasitəsi istifadə olunmayıb, havaya qalxmayıb”.

   O, “əgər Ermənistan Su-25 təyyarəsi itiribsə, o zaman onun pilotunu və pilotun ad-familyasını göstərsinlər. Kimdir bu pilot?”, deyə sual edib.

   “Dördüncüsü, əgər SU-25 itirilibsə, yəqin Ermənistandan, aerodromdan qalxmadan itirilib”, cənab Dərgahlı vurğulayıb.

   Bundan əvvəl Ermənistanın Baş naziri Nikol Paşinyan BBC-nin Newshour verilişinə müsahibəsində deyib ki, Qarabağ səmasında Türkiyəyə məxsus F-16 qırıcıları Azərbaycan tərəfdən hərbi tapşırıqlar yerinə yetirir.

   Türkiyə bu məlumatları təkzib edib.

9. 29 Sentyabr 2020Ağdamda top atəşi nəticəsində bir mülki şəxs həlak olub - Baş Prokurorluq, Ermənistan tərəfi "4 mülki ölümü və 30-dan çox yaralı olduğunu" deyir

   Bu gün Ağdamın Qaradağlı kəndinə “top atılması nəticəsində bir nəfər mülki şəxs həlak olub”, Baş Prokurorluq bildirib.

   Qurum “kənd sakini 1997-ci il təvəllüdlü Sarıyev Elməddin Hümbət oğlunun aldığı qəlpə yarasından həlak olduğunu” açıqlayıb.

   Top mərmisinin atılması nəticəsində kəndin tibb məntəqəsi dağılıb, ərazidəki sakinlər isə təxliyə ediliblər”, məlumatda deyilir.

   Baş Prokurorluq indiyədək, ümumilikdə, mülki əhalidən 33 nəfərin yaralandığını və onların xəstəxanalara yerləşdirildiklərini bildirib.

   Qurum həmçinin deyib ki, Ermənistan tərəfinin atəşi nəticəsində "65 yaşayış evi, 5 mülki obyekt yararsız vəziyyətə düşüb, çoxsaylı xırda və iribuynuzlu heyvanlar tələf olub".

   Faktla bağlı Ağdam rayon Prokurorluğunda cinayət işi açılıb.

   Ermənistan tərəfi bildirib ki, Azərbaycanın Dağlıq Qarabağda "50-dən çox mülki yaşayış məntəqəsinə endirilən PUA zərbələri nəticəsində 4 mülki ölümü və 30-dan çox yaralı var”.

   Bunu tanınmamış "DQR Prezidenti" Arayik Harutyunyanın Twitter səhifəsində paylaşıb.

10. 29 Sentyabr 2020Türkiyə: "Bu həmrəyliyi davam etdirəcəyik"

    Türkiyə Azərbaycanı həm diplomatik, həm də döyüş meydanında dəstəkləməyə hazırdır, Azərbaycanın Ankaradakı Səfirliyini ziyarət edən Türkiyənin xarici işlər naziri Mevlüt Çavuşoğlu bəyan edib.

    "Biz [Dağlıq Qarabağ] məsələsinin əsaslı şəkildə həllini istəyirik. Bunun üçün çox səy göstərdik, amma nəticəsi olmadı. Həmişə Azərbaycanın yanında olduq - həm döyüş meydanında, həm də danışıqlar masasında. Bu həmrəyliyi davam etdirəcəyik", - RİA agentliyində Türkiyə XİN rəhbərinin sözləri iqtibas olunur.

    "Biz hamımız birlikdə Ukrayna və Gürcüstanın ərazi bütövlüyünü dəstəkləyirik. Ancaq Azərbaycan, onun torpaqlarını işğal edən Ermənistanla eyniləşdirilir. Və bu qeyri-məqbuldur," – Çavuşoğlu deyib.

    

    Şəklin mənbəyi, Twitter/Müdafiə Nazirliyi

    Ermənistanı təxribatlarda ittiham edən hakim AKP sədri müavini Numan Kurtulmuş deyib ki, Azərbaycana edilən hücumları Türkiyəyə qarşı “hücum kimi dəyərləndiririk”.

    Paylaşımını ötürün X

    X məzmununa icazə varmı?

    Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".

    Qəbul edin və davam edin

    Xəbərdarlıq : BBC kənar saytların məzmununa görə cavabdeh deyil.

    Paylaşımın sonu X

11. 29 Sentyabr 2020BBC müxbirləri: Tərtər atəş altında olduğuna görə kəndlilər evlərinə qayıda bilmirlər

    “İndi fasiləsiz atışma səsləri eşidilir. Səsindən atışmanın iriçaplı silahlarla aparıldığını ehtimal etmək olar”, hazırda Tərtər yaxınlığında olan BBC müxbirləri xəbər verir.

    “Tərtərin kəndlərindən olan sakinlər deyirlər ki, Ermənistan yaşayış məskənlərinə atdığı üçün camaat atışma tərəfindən daha təhlükəsiz ərazilərə çəkilib. Tərtərdən olan bir nəfər bomba düşməsi nəticəsində evinin dağıldığının şahidi olub. Hələ də Tərtər atəş altında olduğuna görə kəndlilər evlərinə qayıda bilmirlər”, - müxbirlərimiz deyirlər.

    "Baxmayaraq ki, bəzi evlər dağıdılıb, camaat heç evlərinin dağılmasının müzakirə mövzusu olmasına razı deyil. Deyirlər ki, “evdir dağılıb, yenidən tikilər”. Əhali indi sakitcə atışmanın dayanmasını gözləyir”.

    

    Tərtərdən təxminən 15-20 kilometr məsafədə olan Bərdədə isə “həyat öz axarı ilə davam edir”.

    Bəzi Bərdə sakinləri yol kənarına və mümkün ərazilərə toplaşaraq uzaqdan atışmanın istiqamətini müəyyənləşdirirlər.

    “Əhali illərdir yaşadığı ərazidə atılan atəş səslərindən kimin hara atdığını bilirlər. Və onlar atəş səsindən kimin haranı hədəf aldığını təxmin edirlər”, - müxbirlərimiz müşahidələrini bölüşürlər.

12. 29 Sentyabr 2020"Bütün cəbhə boyu döyüşlər davam edir" - indiki vəziyyət, Bunu Azərbaycanın Müdafiə Nazirliyi bildirir.

    

    Şəklin mənbəyi, Müdafiə Nazirliyi

    Qurum deyir ki, Azərbaycan Ordusunun artilleriya bölmələri qarşı tərəfə "sarsıdıcı zərbələr endirir".

13. 29 Sentyabr 2020Təcili xəbər, Müdafiə Nazirliyi hərbçilərin valideynlərinə müraciət edib, Müdafiə Nazirliyinin Tibb Baş İdarəsində qaynar xətt fəaliyyətə başlayıb.

    

    Şəklin mənbəyi, Müdafiə Nazirliyi

    "Bildiririk ki, hərbi qulluqçuların valideynlərini narahat edən məsələlərlə bağlı müraciətləri qəbul etmək məqsədilə Müdafiə Nazirliyinin Tibb Baş İdarəsinin nəzdində sutka ərzində fasiləsiz fəaliyyət göstərən qaynar telefon xətti açılıb", Müdafiə Nazirliyi Facebook səhifəsində bildirib.

    Məlumatda həmçinin deyilir ki, vətəndaşlar (012) 406-41-51, (012) 406-41-91, (012) 406-42-72, (012) 406-44-63 nömrəli telefonlara zəng edərək onları maraqlandıran suallarla bağlı müraciət edə bilərlər.

    Eyni zamanda vətəndaşlardan telefon xətlərinin həddən artıq yüklənməməsi və normal qaydada fəaliyyət göstərməsi məqsədilə ehtiyac olmadığı halda zəng etməmələrini xahiş edirik, qurum bildirib.

14. 29 Sentyabr 2020

    Müdafiə Nazirliyi onu da bildirib ki, Azərbaycan Ordusunda tibbi təminat, təchizat və qan ehtiyatları ilə bağlı heç bir problem yoxdur.

    "Ordumuzun qan və qan komponentlərinə olan tələbatı Silahlı Qüvvələrin Baş Klinik Hospitalının Qan Bankı bölməsi tərəfindən tam təmin edilir və hərbi tibb müəssisələrində bütün qan qruplarından ehtiyatlar mövcuddur", qurum bildirib.

15. 29 Sentyabr 2020Təcili xəbər, Hospitallara gətirilən yaralılar arasında həyatını itirən hərbi qulluqçu yoxdur - Azərbaycan

    Müdafiə Nazirliyi açıqlayıb ki, hərbi tibb müəssisələrinə daxil olan yaralılar arasında həyatını itirən hərbi qulluqçu yoxdur.

    Qurum bildirib ki, Nazirliyin Tibb Baş İdarəsinin bütün hərbi tibbi personalı gücləndirilmiş iş rejimində fasiləsiz tibbi xidmət göstərir.

    "Döyüşlər gedən bütün istiqamətlərdə mobil səhra cərrahiyə hospitalları fəaliyyətdədir və tibb müəssisələri peşəkar həkim kadrları ilə tam komplektləşdirilib. Hərbi tibb müəssisələrinə daxil olan yaralılar arasında həyatını itirən hərbi qulluqçumuz yoxdur. Bütün imkanlarımız səfərbər olunub və yaralı hərbi qulluqçuların tezliklə müalicə olunaraq öz sağlamlıqlarına qovuşmaları üçün hərbi tibb personalı var qüvvəsi ilə çalışır", qurum bildirib.

16. 29 Sentyabr 2020Rusiya Türkiyəyə və tərəflərə çağırış edib

    Rusiya Prezidentinin sözçüsü çərşənbə axşamı keçirdiyi mətbuat konfransında deyib ki, Kreml bütün tərəfləri və "xüsusən də Türkiyə kimi tərəfdaşlarımızı qarşı tərəfləri atəşi dayandırmağa və dinc nizamlanmaya qayıtmaq üçün əlindən gələni etməyə çağırır".

17. 29 Sentyabr 2020"Azərbaycana 4000 muzdlu döyüşçü göndərilməsi həqiqətə uyğun deyil", Suriya İnsan Haqları Müşahidə qurumu öz saytında açıqlama yayıb.

    Suriya İnsan Haqları Müşahidə qurumu Türkiyə hökumətinə sadiq Suriya qruplaşmalarından təxminən 4000 döyüşçünün Ermənistanla münaqişədə iştirak etmək üçün Azərbaycana göndərilməsi barədə məlumatların həqiqətə uyğun olmadığını təsdiqləyiblər.

    Monitorinq qrupunun məlumatında deyilir ki, indiyədək Türkiyə təhlükəsizlik şirkətləri tərəfindən Azərbaycana 320 suriyalı silahlı çatdırılıb və onlar hələ ki, heç bir döyüşdə iştirak etməyiblər.

    Təşkilatın mənbələri əlavə edir ki, Azərbaycana gələn “suriyalı döyüşçülərin” əksəriyyəti "türkmən" mənşəlidir və onlar “milli vəzifəyə” kömək etməyi rəhbər tuturlar. Bundan əvvəl Türkiyə təmayüllü ərəb qruplarının çoxu Azərbaycana döyüşçü göndərməkdən imtina ediblər.

    Bununla yanaşı, Suriya İnsan Haqları Müşahidə qurumuna daxil olan başqa bir informasiyaya görə, erməni mənşəli suriyalılar münaqişədə iştirak etmək məqsədiylə Ermənistana yollanırlar.

    Azərbaycan Prezidentinin köməkçisi Hikmət Hacıyev BBC-ə verdiyi açıqlamasında Suriyadan muzdlu döyüşçü gətirilməsi iddialarını "tamamilə yalan" adlandırıb.

18. 29 Sentyabr 2020Robert Koçaryan Qarabağa yola düşür

    

    Şəklin mənbəyi, Getty Images

    Ermənistan və tanınmamış "DQR"-in sabiq prezidenti Robert Koçaryan Qarabağa yola düşür, onun mətbuat xidməti bildirib.

    Koçaryan Qarabağ müharibəsi ərəfəsində, erməni özünümüdafiə birləşmələrinin əsas rəhbərlərindən biri olub.

    Sabiq prezident konstitusiya quruluşunu devirməklə bağlı ittihamlar üzrə hüquqi məsuliyyətə cəlb olunub və istintaq altındadır.

    Vladimir Putin mütəmadi olaraq Koçaryanı ad günü münasibətilə təbrik edir və Yerevana səfəri zamanı həbsdə olan sabiq prezidentin xanımına baş çəkib.

19. 29 Sentyabr 2020Azərbaycanda səfərbərliyə çağrılanlar - fotolar

    Azərbaycanda dünən qismən səfərbərlik elan edildikdən sonra Səfərbərlik və Hərbi Xidmətə Çağırış üzrə Dövlət Xidməti tərəfindən ehtiyatda olan hərbi vəzifəlilərin hərbi hissələrə yola salınması davam etdirilir.

    Report agentliyi bu fotoları Bakıda bölmələrin birində çəkdiyini deyir.

    

    Şəklin mənbəyi, Report

    

    Şəklin mənbəyi, Report

    

    Şəklin mənbəyi, Report

    

    Şəklin mənbəyi, Report

20. 29 Sentyabr 2020Bu səhər döyüşlərdə nələr baş verib?, Azərbaycan Müdafiə Nazirliyi döyüşlərin gedişatı barədə bu səhər bəzi məlumatlar açıqlayıb

    "Madagizdəki erməni ordusunun alayı tamamilə demoralizə olunub", bu barədə Azərbaycan Müdafiə Nazirliyi bildirir.

    “Azərbaycan Ordusunun genişmiqyaslı döyüş əməliyyatı nəticəsində Madagizdəki Ermənistan ordusunun alayı tamamilə demoralizə olunub... Şəxsi heyət təşviş içindədir. Dəstək məqsədilə yeni gələn ehtiyat qüvvələri də daxil olmaqla bir çoxları döyüşə girməkdən imtina edir və döyüş əməliyyatı rayonunu tərk edirlər”, - qurum bildirir.

    Müdafiə Nazirliyi çərşənbə axşamı günü səhər saatlarında “Ermənistan ordusunun alayının darmadağın edilməsi” ilə bağlı da xəbər yayıb.

    “Ermənistan silahlı qüvvələrinin işğalı altında olan Xocavənd rayonu ərazisində yerləşdirilən 3-cü “Martuni” motoatıcı alayı darmadağın edilib. Nəticədə canlı qüvvə və hərbi texnika sarıdan böyük itkilərə məruz qalan düşmən alayı tam dağıdılıb. Düşmən ordusunun komandanlığı hər kəsə müraciət edərək ölən və yaralıların təxliyə edilməsi üçün nəqliyyat vasitələri ilə kömək edilməsini istəyib”, - qurum bildirib.

    Başqa bir məlumatlarda isə Vaqif Dərgahlı "müvəqqəti işğal altında olan Cəbrayıl rayonu istiqamətində yerləşdirilən Ermənistan ordusunun 18-ci motoatıcı diviziyasının artileriya rəisi polkovnik Karen Babayan"ın öldürüldüyü, 18-ci motoatıcı diviziyasının 9-cu alayının komandiri polkovnik Artyom Poqosyan ağır yaralandığını deyib.

    Ermənistan tərəfdən bu barədə şərh verilməyib.

    Azərbaycan MN həmçinin bildirib ki, gərgin döyüşlər davam edir.