ዛምቢያ ዕፀ ፋርስን ህጋዊ ልታደርግ ነው

የዛምቢያ የሚኒስትሮች ምክር ቤት ዕፀ ፋርስ እንዲዘራ፣ ተመርቶም ለንግድም ሆነ ለመድሃኒትነት እንዲውል የሚያስችለውን ህግ እንዲረቀቅ ውሳኔ አስተላልፏል።

የመንግሥት ቃል አቀባይ ዶራ ሲልያ ባወጡት መግለጫ እንዳሳወቁት ውሳኔው የተላለፈው በቅርቡ በነበረ የሚኒስትሮች ምክር ቤት ውይይት ነው።

ቀጣዩ እርምጃ የሚሆነው ህጉ የሚረቀቅበት እንዲሁም ወደ ፓርላመንት ቀርቦ የሚፀድቅበት ቀን ነው፤

ለዚህ ደግሞ ቁርጥ ያለ ቀን አልተሰጠም።

•"ዕፀ ፋርስ በመሸጥ ልጆቼን አሳድጋለሁ" የሌሴቶዋ አምራች

•የካናዳ ፓርላማ ዕፀ-ፋርስን ለመዝናኛነት ህጋዊ አደረገ

•አሜሪካዊው ዶክተር ለአራት አመት ህፃን ዕፀ ፋርስ አዘዘ

በአለም ላይ ያሉ የተለያዩ ሃገራት የዕፀ ፋርስን መድሃኒትነት በመረዳት ህጋዊ እያደረጉ ሲሆን፤ በባለፈው አመት ሌሴቶ ዕፀ ፋርስን ለመድኃኒትነት ለመጠቀም ህጋዊ በማድረግ የመጀመሪያዋ ቀዳሚ አፍሪካዊ አገር ብትሆንም ኢንዱስትሪ ገና በጅማሮ ላይ ነው።

በትንሽ መሬት ዕፀ ፋርስን የሚያመርቱት ገበሬዎች ከመድኃኒት ዕፀ ፋርስ ጋር ሲወዳደር የቴክኖሎጂ አቅርቦትም ሆነ ንግዱ የሚያስፈልገው መነሻ ገንዘብ የላቸውም።

የመድኃኒቱ ዕፀ ፋርስ በትልቅ ደረጃ የታሰበ ከመሆኑ አንፃር ጋር ሲወዳደር ያለውን ከፍተኛ የስራ እድል ለመፍጠርም ትግል ላይ ነው።