Itoophiyaatti maanguddoon ganna '114 Covid-19’rraa bayyanatan’

Maanguddoon Itoophiyaa ganna 114 koronaavayirasii irraa bayyannachuu isaani hogganaa hospitalaa manguddoon kun itti wal’aanamaa turanii kan ta’an Dr Yaareed Agidew Feesbuukii gubbatti maxxansaniiru.

Haguuggii Tamsaasa Kallattii

24 Waxabajjii 2020Jiraattota Shebel maaltu qe'eerraa buqqise? Amma akkamiin jiru?
24 Waxabajjii 2020Gidduugallii To'annoofi Ittisa Dhibee US, Covid-19 Ameerikaa ''jilbeeffachiiseera'' jedhe
Gidduugallii To'annoofi Ittisa Dhibee US, Covid-19 Ameerikaa ''jilbeeffachiiseera'' jechuun Kongireesii biyyattiif gabaasa dhiyeesseera. Weerarri kun haala nama sodaachisuun dabalaa jira jechuunis ogeeyyiin biyyattii yaaddoo isaanii ibsaa jiru.
Hoogganaan dhaabbatichaa Roobert Redfiild ''Vaayirasii kana to'achuuf waan dandeenyu hunda gooneera, dhugaan jiru garuu biyya kana jilbeefachiisuu isaati'' jedhan.
''Vaayirasii xiqqoon'' kun doolaara tiriiliyoona torba nu baasiftis jedhan.
Waltajjiidhuma kanarratti kan dubbatan gorsaan Waayit Haawus Antooniiy Faawuchii kutaalee Ameerikaa tokko tokko keessatti vaayitrasiin kun ''akkaan hammaachuu'' ibsan.
Kutaaleen biyyaa ''humna namaa, sirnaa fi qorannoo'' gochuu danda'uu qabu, dhukkubsattoota adda baasuu fi tuttuqqaa isaanii fo'uus qabu jedhan.
24 Waxabajjii 2020Taphataa beekamaan teenisii covid-19'n qabamuusaaf 'dhiifama' jedhe
Addunyaarratti tapha teenisiin sadarkaa jalqabaarratti kan beekamu Jokooviich tapha waahillansaa waliin taphateen booda hunda isaaniirrattuu koronaavaayirasiin argamuu ibseera.
Kanaafis dhiifama gaafate.
Jokooviich taphattoota ji'ootaaf dorgommii malee taa'aa turan gara sochiitti deebisuuf jedhee sirna dorgommii mataasaa qopheessee ture.
Kan qopheesses dirree dorgommii isaarratti ture.
Kanneen dorgommii Jokooviic qopheesse irratti hirmaatan Djokovic, Grigor Dimitrov, Borna Coric fi Viktor Troicki hunduu vaayirasichaan qabamaniiru.
Wayita taphataa turan namoonni kunneen walitti siqanii harkafaa walirraa kaa'achaa turan.
Jokooviich rakkoo mudate hundaaf anatu sababa jechuunidha dhiifama kan gaafate.
''Dorgommiin taphaa an qopheesse balaarra waan nu buuseef dhiifama' jedhe.
24 Waxabajjii 2020Poolisiin Naayijeeriyaa hojjettoota 300 warshaa keessa 'itti cufamee ture' baraare
Warshaa ruuzii Kaaba Naayijeeriyaa naannawa Kaanoo jedhamu keessatti hojjettoonni 300 ta'an wayita weerara koronaavaayirasii hojii hojjetanii argaman.
Hojjettonni kunneen Bitootessa darberraa eegalanii warshaa kana keessaa akka hin baane dhorkamaa turan jedhameera.
Yeroo hojiirratti dabalataan kan warshicha keessa turanii hojjetaniif miindaasaanii doolaara Ameerikaa 72 ji'aan argatanirratti doolaarri 13 waadaa galameeraaf.
Kanneen yaada kana fudhachuu didan ammoo ari'amaa turan.
Hooggantoonni warshaa qabeenya warra Hindii ta'ee kanaa shan to'annoo seeraa jala oolaniiru.
Dubbi Himaan Poolisii Abdullaahii Harunaa, warshaan kun amma cufameera jedhan.
Namoonni hojjettoota fedhiisaanii malee hojjechiisaa turan qoratamaa jiru jedhan.
Hojjettoonni komiisaanii dhiyeessanis, yeroo nyaataa, yeroo kadhannaa fi yeroo boqonnaa qabaachaa akka hin turre ibsan.
Naayijeeriyaa keessatti hanga ammaatti namoonni 20,000 caalan koronaavaayirasiin qabamaniiru.
24 Waxabajjii 2020'Kiliippii muuziqaa Oromoo guddisuuf cimseen hojjedha' - Leencoo Fiqiruu
24 Waxabajjii 2020Kirkirri lafaa cimaa ta'e Meeksikootti namoota 5 galaafate
Kirikirri lafaa cimaa ta’eefi gamoowwan raase bulchiinsota Meeksikoo jaha keessatti yaaddo cimaa uume.
Hanga yoonaa yoo xiqqaate namoota shan galaafateera jedhameera.
Sababa weerara koronaavaayirasiin ugurri namootarra waan ka’ameef namoonni hedduu manaa dalagaa turani.
Haa ta’u malee, ergaa akeekkachiisa mootummaan kenneen jiraattoonni balaan dhufe miidhaa hamaa osoo hin geessisiin manaa bahuu danda’aniiru.
Kirkirri lafaa cimaa bulchiinsa Kibba-Lixa ‘Oaxaca’tti kan galmaa’e yoo ta’u rektar iskeelii 7.4’tu galmaa’e.
Hammi namoota miidhamanii bulchiinsa qarqara Garba Gurraachaa paasifikii jirtu kanarraa kan gabaafamedha.
Waggaa lama duras kirkirri lafaa Meeksikootti nama dhibbaan lakkaawaman kan galaafate ture yoo ta’u kanneen kumaan lakkaa’aman immoo bakka itti jiraatan dhabanii ture.
Manneen 200 ta’an magaalaa ‘La Cruceita’ keessatti miidhamuu isaanii qondaaltonni himaniiru.
Waan qabnu hunda yeroo muraasatti dhabne jedheera namni Vinsente Romeeroo jedhamuufi suuqii qabu isaa Rooyitarsiif hime tokko.
24 Waxabajjii 2020Ashamaa!
Akkam bultan hordoftoota BBC Afaan Oromoo.
Tamsaasni kallattii keenya har'aa eegaleera.
Oduu fi odeeffannoo waytawoo biyya keessaafi alaa kallattiin isin biraan geenya.
Akka nu hordoftan isin affeerre.
Guyyaa gaarii!
23 Waxabajjii 2020Ka hardhaa, ya obbaasne!
Gabaasi keenyi kallattii kan Kibxataa har'aa asumarratti raawwata bor ganama hanga walitti dachaanu, suuraa armaan gadii kanaan nagaa isinitti dhaamanna.
23 Waxabajjii 2020Covid-19 Itoophiyaatti - Guyyoota 100
Koronaavaayirasiin Itoophiyaa keessatti namoota irratti argamuun erga mirkanaa'ee amma guyyoota 100 dabarseera.
Biyyattiitti yeroo jalqabaatiif namni Covid-19'n qabamuun qorannoon kan mirkanaa'ee, Bitootteessa 13, 2020 ture.
Ragaa Institiyuutiin Fayyaa Hawaasaa dhiyeesse gara Afaan Oromootti deebisuun haala kanaan isinii dhiyeessineerra.
Guutuu gabaasichaa asii dubbisaa https://bbc.com.im/afaanoromoo/oduu-53147002%3C/a%3E%3C/p%3E%3C/div%3E%3C/div%3E%3C/article%3E%3C/li%3E%3Cli class="css-xxlek1">
23 Waxabajjii 2020Burundiin waggaa 22 booda Ministira Muummee haaraa muudde
Paarlaamaan Burundii waggaa 22 booda muudama nama ganna 48 Alaayaan Gullaawumi Banyoonii raggaasiseera.
Aangoon ministeera muummee kun pireezidaantii haaraa Evaariistii, torbe darbe kakuu raawwataniin iddootti deebi’e.
Miseensonni paarlaamaa biyyattii Piroospeer Baazombaanzaa immoo pireezidaantii itti aanaa biyyattii gochuun filataniiru.
Namni ganna 60 kun, kana dura yeroo Inkurunziizaan pireezidaantii turan bara 2014-2015 itti aanaa tahuun tajaajilanii turan.
Waggoota shanan darbaniif Baanaayoniin ministira nageenyaa tahuun kan tajaajilan yoo tahu, paartii biyya bulchu CNDD-FDD keessatti nama dhageettii guddaa qabani dha.
Namni kaabinee mootummaa isaanii hogganuuf jiran, waggoota 15f deeggaraa Inkurunziizaa turan.
Ministirri mummee ammaa kun bara 2015 yeroo hokkorri siyaasaa biyyattii keessa ture sarbama mirga sababa tahaniiru jechuun Ameerikaan qoqqobbii irra keessee jirti.
Burundiin Dhaddacha Yakka Addunnyaa keessa akka baatu kan taasifame, hokkora fonqolcha mootummaan booda uumameen wal qabateeti.
23 Waxabajjii 2020Taphataan teenisii addunyaarra 1ffaa tahe- Jokoovich Covid-19'n qabame
Taphataan teenisa dirree addunyaarraa sadarkaa tokkoffaarra jiru - Noovaak Jokoovich taphattoota teenisii Covid-19n qabaman keessaa isa dhiyeenyatti baramedha.
Kunis taphattoonni Grigor Dimitrov, Borna Coric and Viktor Troicki jedhaman, erga waldorgommii Jokooviichiin qophaa'u Adria Tour jedhamurratti hirmaatanii booda, vaayirasichaan qabamuusaanii erga himanii boodadha.
Tapha Belgireeditti taasifameen taphataan ganna 33 kun, taphataa biraa Troicki jedhamu waliin taphataniiru.
Erga oduun kun dhagahamee as taphoonni Adrian Tour hafan biraan haqamuu obboleessi Djokovich, Djordje mirkaneesseera.
Taphataan beekamaan Biriteen, Andii Marii ''bu'aan qorannoo kun barnoota nuuf taha,'' jedheera.
Taphataan falmisiisaa Awustiraaliyaa Nick Kyrgios ammoo murtoon kun ''murtoo gadhummaa/gowwummaadha,'' jedheera.
23 Waxabajjii 2020Haleellaa Waxabajjii 16n himatni baname maalirra gahe?
23 Waxabajjii 2020Haalli Covid-19 biyyoota Laatin Ameerikaa maal fakkaata?
Biyyoota Laatin Ameerikaa hedduu keessatti lakkoofsi namoota Covid-19n qabamanii fi du’anii dabalaa jira.
Peeruu irraa garuu oduun gaariin dhagahamaa jira.
·Meeksikootti, sa’aatii 24 darban keessatti namoonni 759 ta’an sababa Covid-19 du’aniiru. Kunis lakkoofsa namoota du’an 22,500 gaheera.
Magaalota biyyattii keessaa haalaan miidhaman keessaa Meeksikoo Siitii ishee tokko.
·Peeruu, biyyoota Laatin Ameerikaa keessaa Biraaziliitti aantee biyya lakkoofsa namoota qabamanii hedduu qabduudha.
Gaafa Wiixata lakkoofsi namoota sa’aa 24 keessatti qabamanii guyyoota 42 booda isa gad aanaa galmeesiteetti.
Kutaalee biyyattii tokko tokko keessatti jiddu-galoonni gabaa ji’oota sadi booda banamuu jalqabaniiru.
·Biraaziil lakkoofsa namoota sababa Covid-19 du’anii qabaachuudhaan Ameerikaatti aantee lammaffaarratti argamti.
Biyyattii keessatti namoonni 50,000 koronaavaayirasii waliin wal qabatee du’aniiru.
23 Waxabajjii 2020Amma nu gahe, Itoophiyaatti sa’aatii 24 darbanitti namoonni 115 Covid-19 irraa bayyanatan
Itoophiyaan sa’aatii 24 darban keessatti namoota 3775’f qorannoo taasiftee namoota 185 irratti vaayirasichi argamuu ministeerri fayyaa biyyattii ibseera.
Kanaanis lakkoofsi namootaa hamma ammaatti qabamanii 4848 gaheera.
Qorannoo kanaan namoonni vaayirasichaan qabamuunsaanii mirkanaa’ee dhiira 47 if dhalaa 138 yoo ta’an namoota ganna ji’a sadii hamma waggaa 80’tti jiraniidha.
Namoota haaraa qabaman keessaa 184 lammiilee Itoophiyaa yoo ta’an namni tokko ammo lammii biyya biraati.
Namootaa haaraan qabaman keessaa namoonni torba naannoo Oromiyaarraati.
Qarannoo walii gala keessaa qorannoon samuuda 30 (11 dhaabbilee fayyaa fi 19 hawaasaa keessaa) reeffarratti kan taasifame yoo ta’u samuudni vaayirasichi irratti argame hin jiru.
Gama kaaniin ammoo sa’aatii 24 darban keessatti namoonni 115 kan bayyanatan yoo ta’u, kunis lakkoofsa namoota hamma ammaatti bayyanatanii gara 1412’tti ol guddiseera.
Lakkoofsi namoota bayyanatanii haga kanaa galmaa'es, isa amma dura 118 galmaa'een itti aanee lakkoofsa olaanaa isa lammeessooti.
Namni haaraan lubbuunsaa darbe hin jiru. Ta’us garuu lakkoofsi namootaa hamma ammaatti lubbuunsaanii darbe 75.
23 Waxabajjii 2020Poolisiin Keeniyaa uggura kabachiisuuf daa’ima ganna 13 rasaasaan dhahe, ajjeechaan himatame
Poolisiin Keeniyaa Dankaan Ndiyeemaa jedhamu, tarkaanfii Covid-19 bahe kabachiisuuf jecha daa’ima ganna 13, Yaasiin Mooyoo rasaasaan dhaye, ajjeechaan himatame.
Bitooteessa irraa eegalee biyyattiin tatamsa’inna Koroonaavaayiras hir’isuuf jecha uggura sa’aatii keessee wayita jirtutti, Yaasiin otoo fooddaarra dhaabatee ilaaluu rasaasaan dhawamee lubbuun dabarte.
Poolisiin kun balleessaa hinqabu jechuun mormeera.
Mana murtichaan alatti, abukaatoon poolisii kanaa, mootummaan daa’imni kun kan lubbuun dabarte rasaasa poolisii kanaan dhukaafameen tahuu mirkaneessuu qaba jedheera.
Himatni kunis wayita poolisiin biyyattii uggura kabachiisuu irratti humna olaanaa fayyadamuun komatamaa jiru kanatti baname.
ALA Bitootessa 30, Yaasiin barandaa gamoo keessa jiraatan, naannoo Maataaree jedhamu irraa poolisoota ilaalaa ture – mandarri kun maatiin harka-qalleeyyii kan keessa jiraatanidha.
Poolisoonnis mandara keessa deemuun sakatta’aa turan.
Haati gurbaa kanaa Kadijjaa Abdullaahii akka BBC Africa Eye’tti himatetti, dhukaasa dhagahuu dubbatti.
"Wayitan dhukaasa dhagahetti, ijoolleen lafarra akka ciisan itti hime. Takka turee wayitan ilaalu, Yaasiin teessoo irra dhaabatee turerraa kufuu arge.’’
"Innis: 'Harmee dhawameera,’ naan jedhe."
Poolisiin himatame kunis to’annoo jala ooluun, guyyaa Roobiitti mirgi wabii haa eegamuuf yookaan haa dhorkamu kan jedhurratti mana murtiitti dhiyaata.
23 Waxabajjii 2020Itoophiyaan xalayaa dhimma Abbayyaarratti UN'tti barreessiteen maal jette?
23 Waxabajjii 2020Talaalliin Covid-19 Afrikaa Kibbaatti namarratti yaalamuu jalqabe
23 Waxabajjii 2020Biyyaa dubartoonni Covid-19’n caalaatti du’aa jiran
23 Waxabajjii 2020Haleellaan boombii Moqaadishuuttii qaqabeen namni lama ajjeefaman
Magaalaa guddittii Somaaliyaa Moqaadishuutti halleellaa boombii gocha badee balleessaa raawwatuun balbala mana baruumsa leenjii waranaa fulduratti qaqabeen lubbuun namoota lamaa darbeera.
Badeen balleessaan kun boombii isaa kan dhoose barattoota waliin hiriira galee gara mana barumsichaa galuuf utuu yaaluu yeroo eegdoti isa dhaabaniitti jedhameera.
Manni barumsaa Turksom jedhamu kun wiirtuu waraanaa Tarkii bara 2017 irraa eegalee humnoota eedumsaa Somaaliif leenjii kennaa kan tureedha.
Haleellaa kanaaf gartuun al shabaab itti gaafatamummaa fudhateera.
23 Waxabajjii 2020Covid-19 Itoophiyaatti- guyyootni 100 darban akkam turan?