Видео. Украина уруши: Ханжар тираб, қулоғимни кесиб ташлаш билан қўрқитишди – бугун Россияга асир тушса нима бўлади? Ukraina Rossiya Yangiliklar

Оғир яраланган аҳволда Мариуполда Россияга асир тушган украиналик жангчи ўз кўрган-кечирганларини Би-би-сига айтиб берди. Мариуполь учун жангда Глебнинг тос ва жағ суяги синган, бир кўзи кўрмай қолган.

Алоқадор мавзулар:

Икки ой олдин Глеб қолган сафдошлари билан бирга Мариуполни ҳимоя қилган.

Украинанинг стратегик жиҳатдан муҳим бўлган бу жанубий порт шаҳри ҳозир Россиянинг қўлида, шаҳар яқинда таслим бўлган.

Аммо Мариуполь учун кечган қақшатқич жанглар ҳафталарга чўзилган. Россия шаҳарни ойлаб қамал қилган.

Глеб тирик қолган, аммо асирга тушган.

Уни қўлга олганлар видеосини чиқармагунча, ўлик ёки тириклигини ҳеч ким билмаган.

Глебни Россия босиб олган ҳудуддаги касалхонага ётқизишган.

Йигирма кун деганда, Глебни озод қилишган, уни айирбошлашган.

Мариуполда украиналик юзлаб жангчи Россияга асир тушишга мажбур бўлган.

Айтилишича, уларнинг қаршисида ўлим ёки тутқунликдан бирини танлашдан бошқа чора қолмаган.

Украина шарқидаги Россияпараст бўлгинчилар улардан айримларининг уруш жиноятлари маҳкамасига тортилиши ҳақида ҳам сўз юритишган.

Худди шу манзарада Россия тутқунида бўлган жангчиларнинг тақдири жиддий хавотирларга ҳам сабаб бўлмай қолмаган.

Глебни асирликда нималар қилишган? Батафсил YouTube линкимизда танишинг.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: @bbcuzbek