O‘zbekiston

Mintaqa

Dunyo

Sport

Ilm-Fan

Texnologiya

Bosh sahifa

Uzbek

Beshta Markaziy Osiyo davlati Sovet Ittifoqi 1991 yilda qulashi ortidan mustaqil bo‘lgan bo‘lsa-da, Britaniyada bu hudud Rossiyaning "chorbog‘i"dek qabul qilingan. Ba’zi britan ziyolilari hanuz unga 19-asrdan qolgan “Katta o‘yin” kontekstida qaraydi. Unda Britaniya va Rossiya imperiyalari o‘rtasidagi raqobat britanlarning ruslarga mag‘lubiyati bilan yakun topgan edi. Xo‘sh, bu qarash endi o‘zgaryaptimi?

O‘zbekiston Tashqi Ishlar vaziri Londonda. Nega Britaniya to‘satdan Markaziy Osiyoga qiziqib qoldi? Video

"Bir belbog‘, bir yo‘l" ("One Belt, One Road") tashabbusi doirasida qurilayotgan Xitoy–Qirg‘iziston–O‘zbekiston temir yo‘li yangi bahsni  uyg‘otdi. Milliardlab dollarlik loyihalarda oddiy fuqaro ulushi bo‘ladimi?

Markaziy Osiyoda "asr qurilishi": Xitoy–Qirg‘iziston–O‘zbekiston temir yo‘lida xalq ulushi bo‘ladimi?

O‘zbekiston doxil Markaziy Osiyo va Janubiy Kavkazni o‘z ichiga olgan siyosiy shaxmat maydonida qaysi o‘yinchining  donalari ilg‘orroq va jur’atliroq surilmoqda? AQSh yoki Rossiya?

O‘zbekiston, Markaziy Osiyo va Kavkaz: kimning qo‘li baland? Rossiyami yoki AQSh? Video

O‘zbekiston qishloq xo‘jaligi sohasida so‘nggi yillarda amalga oshirilgan o‘zgarishlar xalqaro miqyosda, ayniqsa majburiy mehnatga barham berish borasida yuqori baholanadi. Biroq, tizimning ichki qatlamlaridagi muammolar va fermerlarning huquqiy holati hamon jiddiy xavotirlarga sabab bo‘layotgani aytiladi.

O‘zbekistonlik fermerlar qanchalik erkin? Inson huquqlari tashkilotining hisoboti nimalar deydi?

Farg‘onada bir nechta bog‘cha tarbiyalanuvchilarida ichak kasalligi belgilarining aniqlanishi 62 bolaning shifoxonaga yotqizilishiga sabab bo‘ldi. Bu holat bog‘chalardagi ovqatlanish sifati, tenderlar va sanitariya talablariga rioya etilishi haqidagi savollarni yana kun tartibiga olib chiqdi.

Farg‘ona bog‘chalarida 62 bola zaharlandi: "Sinov"dagi tizimning navbatdagi qurbonlari

Trampning Tinchlik kengashi G‘azo uchun milliardlab dollar ajratayotgan bir paytda, mintaqadagi siyosiy vaziyat yana murakkablashmoqda. Hamas qurolsizlanadimi yoki kuchaymoqdami? Isroil va AQShning talablari, BMTning roli va qayta tiklash rejalari hozir ham katta bahs markazida.
O‘zbekiston ham yordam paketiga qo‘shilgani aytilmoqda. Biroq shu bilan birga, ikki fuqarolik muammosi yangi savollarni o‘rtaga chiqardi: G‘azo mojarosida o‘zbekistonlik izlarini kim qoldirmoqda?

Trampning Tinchlik Kengashi a’zolari G‘azo uchun 7 milliard dollar yordam va’da qildi

Qirg‘iziston korruptsiyaga qarshi qat’iy qonun qabul qildi - O‘zbekistonda esa islohotlar nega jilovlanib qolgan?
Amaldorlarga xorijda hisob ochish taqiqlandi, mol-mulk to‘liq ochiqlanadi. Qo‘shnidagi bu “radikal” qadamlar nima uchun O‘zbekistonda ishlamaydi?
Jurnalistlar, ekspertlar va jamoatchilik fikri maqolada.

Qo‘shnilar islohoti va O‘zbekistondagi "to‘xtab qolgan" kurash: Siyosiy iroda yetmayaptimi?

Rossiya Ichki ishlar vazirligi tarqatgan ma’lumotga ko‘ra, 2025 yilda 191 O‘zbekiston fuqarosi Rossiyadan siyosiy boshpana so‘ragan. Qirg‘izistonda veb-kamera orqali porno studiyalarni uyushtirgan shaxs afv etildi. Qozog‘iston deputatlari maktablarda nafaqat sinfxonalarda, balki tanaffuslarda ham o‘quvchilardan telefonlari tortib olinishini taklif qilishdi. 

Rossiyadan boshpana so‘rayotgan o‘zbeklar, pornostudiyalar ochgan qirg‘iz va Qozog‘iston maktablaridagi smartfonlar

Jurnalistika va ommaviy kommunikatsiyalar universiteti talabalari kiyinish talablari bois darsga kiritilmaganlari ijtimoiy tarmoqlarda keng muhokamalarga sabab mavzuga aylandi. Uyushgan jinoyatchilik va korruptsiyani tadqiq qilish markazi - OCCRP Olmaliq kombinati tenderlariga bag‘ishlangan tadqiqot e’lon qildi. Chorvoq sohilida qurilayotgan Sea Breeze Uzbekistan loyihasi rahbari Emin Agalarov gazeta.uz nashriga intervyu berdi.

Jurnalistika universitetida kiyim muammosi, Olmaliq kombinatidan 200 mln dollarlik "shubhali" bitim so‘rovi, Agalarov Chorvoqdagi loyiha ekologik bo‘lishini istaydi 

O‘zbekiston va mintaqada nima gap – BBC O‘zbek xizmatining mintaqaviy dayjesti. 

O‘zbekiston va mintaqa: DXX jazo muqarrarligini aytdi, Markaziy Osiyodan G‘azoga yordam bordi, Javohir IShID topshirig‘ini bajarganmi – Rossiya o‘zbekistonlikni 20 yilga kesdi

Ikki yil avval chiqarilgan O‘zbekiston prezidentining farmoni va Senat qaroriga ko‘ra, Xalqaro Transparensi indeksi “O‘zbekiston uchun ustuvor” 15 reytingdan biri hisoblanadi. 

O‘zbekiston korruptsiya bo‘yicha xalqaro reytingda yana pasaydi

Tojikiston hukumati oilaviy zo‘ravonlikka qarshi kurashda "usullarni o‘zgartirish" kerakligini tan olmoqda. Rasmiy statistikaga ko‘ra, mamlakatda ayollar o‘rtasida o‘z joniga qasd qilish va oilaviy nizolar soni yil sayin ortib bormoqda. Ekspertlar esa muammo faqat qonunchilikda emas, balki jamiyatning eng ichiga singib ketgan stereotiplarda ekanini aytmoqdalar.

Tojikistonda 200 ayol joniga qasd qilishga uringan. Sabablar O‘zbekistonda ham bor

O‘zbekiston va Markaziy Osiyo: Endi Rossiya harbiy hozirligi kuchayadimi, Xitoy-chi, vaziyatga aralashadimi – yangi qo‘rquv va xavotirlar qanchalik asosli? Video

Qariyb bir soat oldin London markazidagi to‘rt qatorli serqatnov yo‘l chetida turgandim. Bu yerda havoda hid bor bor, keyin og‘zingizda achimsiq bir maza qoladi. Havo ifloslanishi tanamizga qanday ta’sir qilishini, sog‘lig‘imizga qanday zarar yetkazishini tushunish uchun tajribaning bir qismi sifatida 10 daqiqa davomida iflos havodan nafas olishga rozi bo‘ldim.


Iflos havo tanangizning qaysi qismlariga kirib boradi va qanday ta’sir qiladi?

Nima gap - tafsilotlari BBC O‘zbek xizmatining haftalik dayjestida. 

Mirziyoyev Pokistondan qaytarkan, Islomoboddagi masjidni portlatganlar ushlandimi? Zelenskiy yangi bayonot bilan chiqdi, Putin hozircha jim va rossiyalik general hushiga keldi

Qirg‘iziston Milliy xavfsizlik davlat qo‘mitasi O‘sh viloyatidagi eng yirik "Dostuk" chegara posti rahbarini hibsga oldi. O‘zbekiston va qirg‘izistonlik aksariyat yo‘lovchilarning tinimsiz shikoyatlariga sabab bo‘lgan "sun’iy navbatlar" va "pul evaziga o‘tkazish" tizimi ortida kim turganligi rasman ochiqlandi.

Qirg‘iziston va O‘zbekiston chegarasidagi "Dostuk" posti: Tizimli korruptsiya zanjiri uzildimi? Video

Toshkent viloyatida bolalarga noqonuniy diniy ta’lim holati aniqlandi. Tojikistonlik muhojirlar Rossiyada kamsitish va izohsiz deportatsiyalar xaqida xabar berishgan. O‘zbekiston va AQSh muhim minerallar bo‘yicha memorandum imzoladi.

O‘zbekiston - Markaziy Osiyo: Bolalarning diniy ta’limi, muhojirlar deportatsiyasi, minerallar bo‘yicha kelishuv

Yana bir o‘zbekistonlik Rossiya armiyasiga qo‘shilib Ukrainada jang qilgani uchun O‘zbekistonda uch yilga ozodlikdan mahrum qilindi. AQShning maxsus vakili Serdjio Gor Markaziy Osiyoga tashrifi nimani anglatadi? Qirg‘iziston bosh vazir o‘rinbosari Yevropa Ittifoqi mamlakatga sanksiyalar qo‘yish rejalari haqidagi xabarlarni tanqid qildi.

Markaziy Osiyo: O‘zbekiston yana bir Rossiyaning Ukrainadagi urushida jang qilgan fuqarosini jazoladi, AQSh maxsus vakilining tashrifi va Qirg‘izistonda sanksiya bahsi

Bu nega xavfli? Fuqarolarning shaxsiy ma’lumotlari kiberjinoyatchilar qo‘liga tushishi mumkin. Ular bundan foydalanib shaxsning nomidan kredit olishlari yo uning hisobidan pul o‘g‘irlashlari mumkin. Shuningdek, saytlarga kiritilgan login parollarini qo‘lga kiritgach, ular shaxsning sirlarini bilib olib shantaj qilishlariga ham yo‘l ochiladi. 


O‘zbekiston fuqarolari shaxsiy ma’lumotlari o‘g‘irlandi deyilmoqda: bu nega xavfli? Darknet o‘zi nima?

AQSh 2025 yilda BMT byudjetiga o‘zining a’zolik badalini o‘tkazmadi va BMT tinchlikni saqlash kuchlari uchun kutilgan to‘lovning atigi 30 foizini to‘ladi. 
Tramp, ayni damda, O‘zbekiston ham ta’sischi sifatida qo‘shilgan «Tinchlik kengashi»ga BMTning ba’zi vakolatlarini o‘tkazish harakatlarida ayblandi. 


Birlashgan millatlar tashkiloti "qulash arafasida» - eskalator va batareyalar o‘chirilgan

Nipah virusi odamlarga cho‘chqa va ko‘rshapalak kabi hayvonlardan yuqishi mumkin. U shuningdek, odamdan odamga ifloslangan oziq-ovqat orqali ham yuqa oladi. Epidemiya xavfi tufayli Jahon sog‘liqni saqlash tashkiloti (JSST) Nipahni COVID-19 va Zika virusi bilan birga eng xavfli 10 ta kasallik qatoriga kiritgan.


Nipah tufayli O‘zbekiston Hindiston reyslari nazoratini kuchaytirdi: bu qanday virus? (Video)

Roza Aytmatova adibning shaxsiy hayoti, diniy e’tiqodi va eng muhimi — 1990 yilgi O‘sh voqealari paytidagi harakatlari haqidagi bahslarga ham to‘xtalgan.

Roza Aytmatova: "Akam Islom Karimov bilan uchrashib, Markaziy Osiyoni katta urushdan saqlab qolgan"

Aksar aholisi musulmon bo‘lgan Markaziy Osiyo davlatlarida, xususan, O‘zbekistonda qo‘shxotinlik tobora keng tarqalmoqdami? 

O‘zbekiston va Markaziy Osiyoda qo‘shxotinlik normal holatmi yoki jinoyat? (Video)

Istanbul shahrida o‘zbekistonlik Durdona Hakimova qotilligiga qarshi norozilik yurishi tashkil etildi. Germaniyaning Bild gazetasi jurnalistik surishtiruvi ortidan "O‘zbekiston pochtasi" sanksiyaga tushgan tovarlarni Rossiyaga yetkazishda yordam beryaptimi degan savol o‘rtaga chiqdi. Yana OAV xodimlariga tovlamachilik ayblovlari ilgari surilgani O‘zbekistondagi so‘z erkinligiga oid xavotirlarni kuchaytirdi.

Istanbulda Durdona Hakimova o‘limiga qarshi norozilik, "O'zbekiston pochtasi" shubha ostida, OAV xodimlarini yana tovlamachilikda ayblashayapti - dayjest