یوکرین کے معاملے پر اقوام متحدہ کا خصوصی اجلاس طلب

لائیو کوریج

1. 27 فروری 2022بریکنگ, یوکرین کا اب تک 4300 روسی فوجی ہلاک کرنے کا دعویٰ

   یوکرین کی نائب وزیر دفاع ہنا مالیار نے ایک فیس بک پوسٹ میں ملک کی افواج کی جانب سے روس کو پہنچائے جانے والے نقصانات کی فہرست جاری کی ہے۔

   بی بی سی ان دعوؤں کی تصدیق نہیں کر سکا اور روس نے اپنے فوجیوں کی ہلاکت کے متعلق اب تک کچھ نہیں کہا ہے۔

   یوکرین کی جانب سے روسی فوجیوں کو پہنچنے والے نقصانات:

   • 4300 ہلاکتیں
   • 27 طیارے
   • 26 ہیلی کاپٹر
   • 146 ٹینک
   • 706 بکتر بند گاڑیاں
   • 49 توپیں
   • ایک بک ایئر ڈیفنس سسٹم
   • مختلف اقسام کے چار راکٹ لانچنگ سسٹم
   • 30 گاڑیاں
   • 60 ٹینکرز
   • دو ڈرون
   • دو کشتیاں

2. 27 فروری 2022بینکوں میں رش بڑھنے کا خدشہ: روس کے مرکزی بینک کی شہریوں سے پرسکون رہنے کی اپیل

   

   ،تصویر کا ذریعہGetty Images

   روس کے مرکزی بینک کو خدشہ ہے کہ نئی مالیاتی پابندیوں کے تناظر میں لوگ پیسے نکالنے کے لیے بہت زیادہ تعداد میں بینکوں کا رخ کر سکتے ہیں۔

   انھوں نے شہریوں سے پرسکون رہنے کی اپیل کی ہے۔

   بینک کی جانب سے جاری ایک بیان میں کہا گیا ہے کہ: ’بینک آف روس کے پاس مالی استحکام کو برقرار رکھنے اور مالیاتی شعبے کے آپریشنل تسلسل کو یقینی بنانے کے لیے تمام ضروری وسائل موجود ہیں۔‘

   یاد رہے یورپی یونین، امریکہ اور اتحادیوں نے یوکرین جنگ کے ردعمل کے طور پر روس کے چند بینکوں کو بین الاقوامی ادائیگی کے نظام سوئفٹ سے نکالنے کا فیصلہ کیا ہے۔

   نیٹو ممالک کی جانب سے روس کے یوکرین پر حملے کے بعد سے روزانہ کی بنیاد پر روس کے خلاف اقدامات سامنے آ رہے ہیں جن میں ایک فیصلہ یہ بھی ہے کہ روس کے مرکزی بینک کے اثاثے منجمند کر دیے جائیں تاکہ روس بین الاقوامی مالیاتی ذخائر تک رسائی حاصل نہ کر سکے۔

   یہ اقدامات اب تک روس کے خلاف سخت ترین اقدامات تصور کیے جا رہے ہیں۔

3. 27 فروری 2022آمنہ مفتی کا کالم ’اڑیں گے پرزے‘: میرا بچہ ایسا کیوں ہے؟

4. 27 فروری 2022خارخیو میں روسی بکتر بند گاڑی کو آگ لگ گئی

   

   ،تصویر کا ذریعہUkrainian Armed Forces/Getty

   یہ تصویر یوکرین کی فوج کی طرف سے جاری کردہ ویڈیو سے لی گئی ہے جس میں خارخیو شہر میں ایک روسی بکتر بند گاڑی کو جلتے دیکھا جا سکتا ہے۔

   یوکرینی فوج کا کہنا ہے کہ اس نے شہر میں لڑائی کے دوران اس گاڑی کو تباہ کر دیا ہے۔

   روسی افواج حالیہ چند گھنٹوں کے دوران یوکرین کے دوسرے سب سے بڑے شہر خارخیو میں داخل ہوئی ہیں۔

   بی بی سی نے اس ویڈیو فوٹیج کی تصدیق کی ہے جس میں روسی ٹرک خارخیو میں داخل ہوتے دکھائے گئے ہیں۔

5. 27 فروری 2022بریکنگ, پوتن کا خطاب: سپیشل فورسز کا شکریہ ’میں دعاگو ہوں کہ آپ کامیاب ہوں‘

   

   ،تصویر کا ذریعہAnadolu Agency via Getty Images

   روسی صدر ولادیمیر پوتن نے ملک کی سپیشل فورسز کا شکریہ ادا کیا ہے۔ انھوں نے ان فوجیوں کی تعریف کی جو یوکرین میں ’بہادری سے اپنی ڈیوٹی پوری کر رہے ہیں۔‘

   ایک ٹیلیویژن خطاب جو کریملن کی ویب سائٹ پر بھی شائع ہوا ہے، اس میں پوتن نے ’روس اور عظیم مملکت کے لیے ان فوجیوں کی بے مثال خدمات‘ کو سراہا ہے۔

   مشرقی یوکرین میں باغیوں کے زیر قبضہ ان دو علاقوں کا حوالہ دیتے ہوئے جنھیں روس نے یوکرین پر حملے سے قبل آزاد ریاستوں کے طور پر تسلیم کیا تھا، پوتن نے کہا کہ فوجیوں کو ’عوامی جمہوریہ دونباس‘ میں مدد فراہم کرنے کا کام سونپا گیا ہے۔

   انھوں نے کہا کہ میں کمانڈ، سپیشل آپریشن فورسز کے اہلکاروں اور حلف سے وفاداری دکھانے والے سپیشل فورسز کے سابق فوجیوں کا شکریہ ادا کرنا چاہتا ہوں جنھوں نے روس اور ہماری عظیم مملکت کے نام پر بے مثال خدمات انجام دی ہیں۔

   انھوں نے پیغام کا اختتام ان الفاظ میں کیا ’میں دعاگو ہوں کہ آپ اور آپ کے چاہنے والے کامیاب ہوں، میں آپ کے لیے نیک خواہشات کا اظہار کرتا ہوں۔‘

   یہ خطاب روس کی سپیشل فورسز کے دن کے موقع پر دیا گیا تھا۔

6. 27 فروری 2022زیلنسکی: روس سے اقوام متحدہ میں ووٹنگ کے اہم اختیارات چھین لیں

   

   ،تصویر کا ذریعہAFP

   یوکرین کے صدر ولادیمیر زیلینسکی نے مطالبہ کیا ہے کہ روس سے اقوام متحدہ میں ووٹنگ کے اہم اختیارات چھین لیے جائیں۔ ان کا کہنا ہے کہ یوکرین میں روس کی مجرمانہ کارروائیاں ’نسل کشی‘ کی زمرے میں آتی ہیں۔

   روس 1945 سے اقوام متحدہ کی سلامتی کونسل کا مستقل رکن ہے۔ مستقل رکن کے طور پر اسے کسی بھی ’بنیاد‘ پر قراردادوں کو ویٹو کرنے کا حق حاصل ہے۔

   جمعہ کے روز روس نے اپنی اسی طاقت کا استعمال کرتے ہوئے سلامتی کونسل میں ماسکو کی جارحیت کی مذمت اور یوکرین سے انخلا کے مطالبے والی قرارداد کو ویٹو کیا۔

   اس کونسل کے دیگر چار مستقل ارکان میں امریکہ، برطانیہ، فرانس اور چین شامل ہیں۔

   اس کونسل کو دوسری جنگِ عظیم کے بعد مستقبل میں تنازعات سے بچنے اور امن کو فروغ دینے کے لیے قائم کیا گیا تھا۔

7. 27 فروری 2022جوڈو فیڈریشن نے پوتن کو معطل کر دیا

   

   ،تصویر کا ذریعہGetty Images

   انٹرنیشنل جوڈو فیڈریشن نے روسی صدر ولادیمیر پیوتن کو اعزازی صدر اور سفیر کی حیثیت سے معطل کر دیا ہے۔

   روسی صدر جوڈو بلیک بیلٹ ہیں۔

   حالیہ دنوں میں کھیلوں کے حوالے سے روس کے خلاف کئی پابندیوں کا اعلان کیا گیا ہے، یہ فیصلہ بھی انھی پابندیوں کا تسلسل ہے۔

   ستمبر میں سوچی میں منعقد ہونے والی روس کی فارمولا ون گرینڈ پرکس کو بھی منسوخ کر دیا گیا ہے۔

   رواں ہفتے کے شروع میں اعلان کیا گیا تھا کہ 2022 چیمپئنز لیگ کا فائنل سینٹ پیٹرزبرگ کے بجائے پیرس میں کھیلا جائے گا۔

8. 27 فروری 2022یوکرین جنگ: کیئو کے عام شہری جو روسی فوج کا مقابلہ کرنے کے لیے تیار ہیں

9. 27 فروری 2022خارخیو میں شدید لڑائی، ’روس کو ملک بھر میں سخت مزاحمت کا سامنا ہے‘

   برطانیہ کی وزارت دفاع کی تازہ ترین انٹیلی جنس میں بتایا گیا ہے کہ روس کئی جانب سے یوکرین کی جانب پیش قدمی جاری رکھے ہوئے ہے مگر اسے یوکرینی فوج کی طرف سے ’سخت مزاحمت‘ کا سامنا ہے۔

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

10. 27 فروری 2022فن لینڈ اور آئرلینڈ نے روس سے آنے والی پروازوں پر پابندی لگا دی

    فن لینڈ اور آئرلینڈ نے اعلان کیا ہے کہ وہ بھی روسی طیاروں کے لیے اپنی فضائی حدود بند کر دیں گے۔

    ابھی تک یہ معلوم نہیں ہے کہ یہ اقدامات کب نافذ العمل ہوں گے۔

    فن لینڈ کی 1300 کلومیٹر سرحد روس کے ساتھ لگتی ہے۔ اس کا مطلب یہ ہے کہ روس سے مغرب کی طرف جانے والا ایک اہم روٹ بند کر دیا جائے گا۔

    بلغاریہ، جمہوریہ چیک، ایستونیا، جرمنی، پولینڈ اور برطانیہ پہلے ہی ایسے ہی فیصلے کر چکے ہیں۔

    ماسکو نے بھی کئی ممالک کے طیاروں کو اپنی فضائی حدود سے پرواز کرنے پر پابندی لگا دی ہے۔

    

11. 27 فروری 2022کیئو کے مضافاتی علاقے پر میزائل حملے کی اطلاعات

    انٹرفیکس نیوز ایجنسی کے مطابق یوکرین کے دارالحکومت کیئو کے مضافاتی علاقے ترائیشچینا پر میزائل حملہ کیا گیا ہے۔

    یوکرین کے وزیر داخلہ کے مشیر نے ٹیلی گرام ایپ پر ایک پوسٹ میں اسے ’کیئو کے رہائشی علاقے ترائیشچینا پر ’بے مقصد اور بے رحمانہ حملہ‘ قرار دیا۔

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

12. 27 فروری 2022یوکرین کی شہریوں کو بم بنانے، روڈ سائنز ہٹانے اور رات کو کام کرنے کی ہدایت

    

    ،تصویر کا ذریعہDaniel Leal/AFP

    یوکرینی فوج نے عام لوگوں کو شہری مزاحمتی تحریک میں شامل ہونے کی دعوت دی ہے اور ان کے لیے ایک ہدایت نامہ جاری کیا ہے۔

    اس میں لکھا ہے کہ ’اس بات سے کوئی فرق نہیں پڑتا کہ آپ کے پاس اسلحہ ہے یا گولہ بارود، یا دونوں میں سے کوئی چیز بھی نہیں ہے۔۔۔ لڑائی کے تمام ممکنہ طریقے اور ذرائع استعمال کریں۔‘

    شہریوں کو ہدایت کی گئی ہے کہ:

    • سڑکوں پر لگے روڈ سائنز ہٹا دیں یا انھیں مٹا دیں
    • نقل و حرکت کو ناممکن بنانے کے لیے درخت گرا دیں
    • آگ لگانے کے لیے گھریلو ساختہ آلات کا بھرپور استعمال کریں
    • نقل و حمل کے مراکز کو تباہ کر دیں
    • رات یا شام کے وقت زیادہ کام کریں

13. 27 فروری 2022روس کے زیرِ قبضہ سومی شہر جہاں پاکستانی طلبا کا ایک گروہ محصور ہے

    

    ،تصویر کا ذریعہSANAULLAH KHAN

    ’ہم جو راشن 15 دن پہلے لائے تھے وہ بھی ختم ہو چکا ہے اور اب ہم صرف سیب کھا کر گزارا کر رہے ہیں کیونکہ صرف ایک یہی چیز دستیاب ہے۔‘

    یوکرین پر روسی حملے کے تیسرے دن پاکستان کے صوبہ خیبر پختونخوا کے شہر صوابی سے تعلق رکھنے والے ثنا اللہ اور ان کے 14 پاکستانی ساتھی روسی سرحد سے 40-50 کلومیٹر پر واقع سومی شہر میں پھنسے ہوئے ہیں۔ یہ سب افراد سومی سٹیٹ میڈیکل یونیورسٹی کے طالبعلم ہیں۔

    ان طلبا نے مدد کے لیے یوکرین میں واقع پاکستانی سفارتخانے فون کیا تو انھیں کہا گیا کہ وہ لییو یا ترنوپل شہر پہنچیں (یہ دونوں شہر سومی سے بالترتیب 900 اور 800 کلومیٹر کی دوری پر واقع ہیں)۔

    دوسری جانب یوکرین میں موجود پاکستانی سفیر میجر جنرل (ریٹائرڈ) نوئیل اسرائیل کھوکھر کا کہنا ہے کہ انھوں نے سومی میں پھنسے ان طلبا سے بات کی ہے مگر سومی روسی فوجوں کے قبضے میں ہے اور ہم اپنے ذرائع سے انھیں وہاں سے نہیں نکال سکتے۔ تاہم طلبا ایسی کسی بھی گفتگو کی تردید کرتے ہیں۔ یہ طلبا کن حالات میں رہ رہے ہیں، مزید پڑھیے >>

14. 27 فروری 2022بریکنگ, یوکرین نے بیلاروس میں مذاکرات کی پیشکش مسترد کر دی

    

    ،تصویر کا ذریعہGetty Images

    روس کا کہنا ہے کہ یوکرین کے ساتھ مذاکرات کے لیے ان کا ایک وفد بیلاروس پہنچا ہے۔

    مگر یوکرین کے صدر ولادیمیر زیلینسکی نے مذاکرات کی اس تازہ ترین پیشکش کو یہ کہتے ہوئے ٹھکرا دیا ہے کہ اگر روس بیلاروس کی سرزمین سے یوکرین پر حملہ نہ کرتا تو منسک میں بات چیت ہو سکتی تھی۔

    تاہم انھوں نے دوسری کسی بھی جگہ پر مذاکرات سے انکار نہیں کیا۔

    زیلینسکی کا کہنا ہے کہ ’اگر آپ کی سرزمین سے کوئی جارحانہ کارروائی نہ ہوتی تو ہم منسک میں بات چیت کر سکتے تھے۔۔۔۔ اب کسی اور مقام پر مذاکرات ممکن ہیں۔‘

    ان کا کہنا ہے ’یقیناً ہم امن چاہتے ہیں، ہم ملنا چاہتے ہیں، ہم جنگ کا خاتمہ چاہتے ہیں۔ وارسو، بریتیسلاوا، بوداپیست، استنبول، باکو۔۔۔ ہم نے مذاکرات کے لیے روسیوں کے سامنے یہ تمام نام رکھے ہیں۔‘

    ہم کسی دوسرے شہر میں بھی مذاکرات کرنے کو راضی ہیں۔ کسی ایسے ملک میں جس کی سرزمین سے ہم پر میزائل نہیں داغے گئے۔‘

15. 27 فروری 2022یوکرین کا بیلاروس سے کیئو پر داغا جانے والا میزائل مار گرانے کا دعویٰ

    یوکرین کے وزیرِ خارجہ اولگ نکولینکو نے دعویٰ کیا ہے کہ ان کی فضائیہ نے دارالحکومت کیئو پر داغا جانے والا ایک میزائل مار گرایا ہے۔

    ان کا دعویٰ ہے کہ یہ میزائل جس جہاز سے پھینکا گیا اس نے روس کے اتحادی بیلاروس سے اڑان بھری تھی۔

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

16. 27 فروری 2022خارخیو کہاں واقع ہے؟

    یوکرین کے شمال اور مشرق میں روسی پیش قدمی کا یہ نقشہ ظاہر کرتا ہے کہ خارخیو روس کے بہت قریب واقع ہے۔

    یہ شہر جس کی آبادی تقریباً 1.5 ملین ہے، سرحد سے تقریباً 30 کلومیٹر اور روسی شہر بیلگوروڈ سے 80 کلومیٹر کے فاصلے پر ہے۔

    مقامی حکام کا کہنا ہے کہ یوکرین کی افواج خارخیو کی سڑکوں پر روسیوں سے لڑ رہی ہیں۔

    

    ،تصویر کا ذریعہBBC Research, Ministry of Defence

17. 27 فروری 2022کیئو کے مضافاتی علاقے بوچا میں لڑائی میں شدت آ گئی

    سوشل میڈیا پر پوسٹ کی گئی ویڈیوز اور میڈیا رپورٹس کے مطابق بوچا میں لڑائی شدت اختیار کرتی جا رہی ہے۔

    یہ کیئو کے شمال مغرب میں ایک مضافاتی علاقہ ہے۔

    فوٹیج میں مبینہ طور پر ایک روسی بکتر بند گاڑی سے مشین گن کو فائرنگ کرتے دیکھا اور سنا جا سکتا ہے۔ اس کے علاوہ کئی روسی فوجیوں کو بوچا کی گلیوں سے گزرتے ہوئے بھی دیکھا جا سکتا ہے۔

    بی بی سی اس وقت اس تمام فوٹیج کی تصدیق نہیں کر سکتا تاہم ہم نے اس ٹیلی گرام ویڈیو کی تصدیق کی ہے جس میں ایک رہائشی عمارت کو گولہ باری سے نقصان پہنچا ہے۔

    ایک آدمی کو یہ کہتے ہوئے سنا جا سکتا ہے: ’ہمارے علاقے بوچا میں اس وقت ایسے حالات ہیں کہ کھڑکیاں ٹوٹ گئیں ہیں۔۔۔ یہاں پر ایک گولہ گرا ہے۔ مجھے نہیں پتا کتنے لوگ زخمی ہوئے یا مر گئے۔‘

    

    ،تصویر کا ذریعہTelegram

18. 27 فروری 2022خارخیو سے پوسٹ کی گئی ویڈیو کی تصدیق: ’یہ روسی فوجی ہیں اور وہ گھروں کے درمیان رک گئے ہیں۔۔۔ اوہ خدا‘

    

    ،تصویر کا ذریعہTelegram

    بی بی سی نے ٹیلی گرام پر پوسٹ کی گئی اس ویڈیو کی تصدیق کر لی ہے جس میں دکھایا گیا ہے کہ روسی ٹرک خارخیو میں گھس آئے ہیں۔

    ویڈیو بنانے والی خاتون کو یہ کہتے ہوئے سنا جا سکتا ہے: ’یہ روسی فوجی ہیں۔ ان کی وردی پر زیڈ لکھا ہوا ہے ۔ اور یہ سپرنایا سٹریٹ سے گزر رہے ہیں۔ وہ گھروں کے درمیان رک گئے ہیں۔ اوہ خدا۔‘

19. 27 فروری 2022’دنیا کو یقین نہیں تھا کہ ہم اس طرح مزاحمت کر سکتے ہیں‘

    یوکرین پر روسی حملے کا آج چوتھا دن ہے اور یوکرین کے وزیِر دفاع دنیا بھر کے ممالک سے یوکرین کے لیے حمایت بڑھانے کا کہہ رہے ہیں۔

    اولیکسی ریزنیکوف کا کہنا ہے کہ ان کے ملک نے ’72 گھنٹے تک مزاحمت‘ کرکے دنیا پر ثابت کر دیا ہے کہ روسی جارحیت کو پسپا کرنا ممکن ہے۔

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

20. 27 فروری 2022بریکنگ, خارخیو کی گلیوں میں لڑائی کی اطلاعات

    خارخیو کی گلیوں میں لڑائی کی اطلاعات آ رہی ہیں۔ مقامی حکام کا کہنا ہے کہ پچھلے ایک گھنٹے کے دوران روسی فوجی شہر میں داخل ہوئے ہیں۔

    سوشل میڈیا فوٹیج میں شہر میں کچھ روسی گاڑیاں دکھائی دے رہے ہیں۔ ایسی تصاویر بھی سامنے آ رہی ہیں جن میں شہر میں کم از کم دو روسی ’ٹائیگر‘ گاڑیوں کو آگ لگی دیکھی جا سکتی ہے۔

    بی بی سی اب تک ان تصاویر کی تصدیق نہیں کر سکا۔ خارخیوکے حکام نے آج صبح مقامی افراد کو پناہ گاہوں اور سڑکوں سے دور رہنے کی تنبیہ کی ہے۔

    X پوسٹ نظرانداز کریں, 1

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام, 1

    X پوسٹ نظرانداز کریں, 2

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام, 2