انڈیا میں 10 ہزار سے زیادہ اموات، برازیل میں ایک دن میں تقریباً 35 ہزار نئے کیس

لائیو کوریج

1. 11 جون 2020وائٹ ہاؤس: بڑے احتجاجوں میں کووڈ۔19 پھیلنے کا خدشہ ہے

   

   ،تصویر کا ذریعہGetty Images

   وائٹ ہاؤس کی کورونا وائرس ٹاسک فورس نے گورنروں کو خبردار کیا ہے کہ جیورج فلائیڈ کی ہلاکت کے بعد شروع ہونے والے بڑے احتجاجی مظاہروں سے کووڈ۔19 کے کیسز میں اضافہ ہو سکتا ہے۔

   سی بی ایس نیوز نے ایک آڈیو ریکارڈنگ کے حوالے سے بتایا ہے کہ نائب صدر مائیک پینس نے ایک کانفرنس کال میں گورنروں کو کہا کہ ’ہم اس بات کا احترام کرتے ہیں کہ ہر امریکی اپنے حقوق کا اظہار کرے جو اسے فرسٹ امینڈمنٹ نے دیے ہیں، لیکن ہم چاہتے ہیں کہ وہ اسے محفوظ طریقے سے کریں۔‘

   ٹاسک فورس کی ماہر ڈاکٹر ڈیبورہ برکس نے کہا کہ حالیہ ہفتوں میں اکثر بڑے شہروں میں کووڈ۔19 کے کیسز میں کمی دیکھی جا رہی تھی، لیکن یہ واضح نہیں ہے کہ مظاہرین نے جو ماسک پہنے ہوئے تھے وہ اس کو مزید پھیلنے سے روکنے کے لیے موثر بھی تھے، خصوصاً جب ہائی رسک گروہ بھی پر امن مظاہروں میں شریک ہوں۔

   انھوں نے مزید بتایا کہ پر تشدد مظاہروں میں تقریباً 70 ٹیسٹنگ سائٹس کو نقصان پہنچا ہے۔

2. 11 جون 2020کوروناوائرس: یہ آخری وبا نہیں ہے

   

   ،تصویر کا ذریعہVICTORIA GILL

   سائنسدان خبردار کرتے رہے ہیں کہ ہم نے امراض کے جنگلی حیات سے انسانوں میں منتقلی اور پھر ان کے دنیا بھر میں پھیلنے کے لیے ماحول کو سازگار بنا کر رکھا ہے۔

   قدرتی ماحول میں انسانی دخل اندازی اس عمل کو مزید تیز کر دیتی ہیں۔

   یہ نقطۂ نظر ان ماہرین صحت کا ہے جو وبائی امراض کے پھوٹ پڑنے کے مختلف پہلوؤں کا جائزہ لیتے ہیں۔

   اپنی ان کوشش کے نتیجے میں انھوں نے نشاندہی کا ایک ایسا نظام وضع کیا ہے جو جنگلی حیات سے انسانوں کے اندر امراض کی منتقلی کی پیشین گوئی کر سکتا ہے۔

   اگرچہ مستقبل میں وباؤں سے نمٹنے کے لیے کی جانے والی یہ کوششیں عالمی سطح پر ہو رہی ہیں لیکن ان کی سربراہی برطانیہ میں یونیورسٹی آف لیورپول کے سائنسدانوں کی ایک جماعت کر رہی ہے۔

   اس حوالے سے مزید جانیے بی بی سی نیوز کی نامہ نگار سائنس وکٹوریا گل کی اس تحریر میں۔

3. 11 جون 2020بریکنگ, کورونا وائرس: خیبرپختونخوا میں 581 نئے مریض، مزید 13 ہلاکتیں

   X پوسٹ نظرانداز کریں

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام

   پاکستان کے صوبہ خیبرپختونخوا میں 581 نئے مریض سامنے آئے ہیں جبکہ مزید 13 اموات بھی ہوئی ہیں۔

   اب تک صوبہ میں کل 15787 افراد اس وائرس سے متاثر ہوئے ہیں جبکہ اب تک 632 اموات ہو چکی ہیں۔

   یہاں صحتیاب ہونے والے افراد کی تعداد 3907 ہو گئی ہے۔

   خیال رہے کہ صوبے میں اموات کی شرح چار فیصد ہے جو تمام صوبوں میں سب سے زیادہ ہے۔ یہاں انفیکشن ریٹ 17 اعشاریہ دو فیصد ہے۔

4. 11 جون 2020کورونا وائرس: لیڈی ریڈنگ ہسپتال میں مریضوں اور لواحقین کے درمیان کالنگ کی سہولت

   YouTube پوسٹ نظرانداز کریں

   Google YouTube کا مواد دکھانے کی اجازت دی جائے؟?

   اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔

   YouTube پوسٹ کا اختتام

   کورونا وائرس کی وبا کے بارے میں پائی جانے والی غلط فہمیوں اور جعلی خبروں کی وجہ سے مریضوں کے لواحقین اور ہسپتال انتظامیہ کے درمیان گزشتہ چند روز سے ناخوشگوار واقعات تواتر کے ساتھ سامنے آرہے ہیں۔

   اس صورتحال کے تدارک اور کورونا مریضوں کے علاج کے عمل کو شفاف بنانے کے لیے پشاور کے لیڈی ریڈنگ ہسپتال نے کورونا کے مریضوں اور ان کے اہلِ خانہ کے درمیان ویڈیو کالنگ کی سہولت دی ہے۔

   دیکھئے بلال احمد کی ڈیجیٹل رپورٹ جس کے لیے مواد ہسپتال کی انتظامیہ نے فراہم کیا تھا۔

5. 11 جون 2020بریکنگ, پاکستان کے زیرِ انتظام کشمیر میں 46 نئے مریض، مزید ایک ہلاکت

   

   ،تصویر کا ذریعہM.A. Jarral

   پاکستان کے زیر انتظام کشمیر میں میرپور ڈویژن کے کمشنر محمد رقیب خان کے مطابق بھمبر میں قائم ہسپتال کے آئیسولیشن وارڈ میں زیر علاج ایک مریض چل بسا جس کے بعد اس خطے میں کورونا وائرس سے ہلاک ہونے والے افراد کی تعداد 10 ہو گئی ہے۔

   حکام کے مطابق مزید 46 افراد میں کورونا وائرس کی تشخیص ہوئی ہے جس کے بعد اس خطے میں کورونا وائرس سے متاثر ہونے والے افراد کی تعداد 534 ہو گئی ہے۔

   ضلع مظفرآباد کے ہیلتھ آفیسر ڈاکٹر سعید کے مطابق گذشتہ 24 گھنٹوں کے دوران وائرس سے متاثر ہونے والے 30 افراد کا تعلق مظفرآباد سے ہے۔

   

   ،تصویر کا ذریعہDirectorate of Health, AJK

   میرپور ڈویژن کے کمشنر محمد رقیب خان کے مطابق کورونا وائرس سے متاثر ہونے والے 10 افراد میں سے چھ کا تعلق میرپور جبکہ ایک تعلق ضلع میرپور سے ہے۔

   راولاکوٹ کے ڈپٹی کمشنر مرزا ارشد جرال مطابق کورونا وائرس سے متاثر ہونے والے 5 افراد کا تعلق راولاکوٹ سے ہے۔

   حکام کے مطابق کورونا کے 18 مزید مریض صحتیاب ہوئے جس کے بعد اس خطے میں صحتیاب افراد کی تعداد 237 ہوگئی ہے۔

   حکام کے مطابق اب تک 9942 مشتبہ افراد کے ٹیسٹ لیے گئے ہیں جن میں 53 کے نتیجے آنا باقی ہیں۔

6. 11 جون 2020بریکنگ, ہماری عوام بہت لاپرواہی کر رہی ہے، دیکھ کر دکھ ہوتا ہے: عمران خان

   

   ،تصویر کا ذریعہTwitter/PMO

   عمران خان کا مزید کہنا تھا کہ جتنے اندازے لگائے گئے تھے فی الحال اس کم برے حالات ہیں۔

   انھوں نے کہا جہاں ہم آج کھڑے ہیں وہاں ایس و پیز پر اگر عمل کیا گیا تو ہم زیادہ کیسز سے بچ سکتے ہیں۔

   انھوں نے کہا کہ ہماری عوام بہت لاپرواہی کر رہی ہے جو دیکھ کر بہت دکھ ہوتا ہے۔ انھوں نے کہا کہ میں آپ کو تاکید کرتا ہوں آپ ایس او پیز پر عمل کر کے لوگوں کی جانیں بچا سکتے ہیں۔

   انھوں نے کہا کہ پاکستان میں کورونا وائرس کے متاثرین کی تعداد میں عروج جولائی کے آخر میں آئے گا۔

7. 11 جون 2020بریکنگ, طبی عملہ اس وقت کام کرنے کو جہاد سمجھے: عمران خان

   

   ،تصویر کا ذریعہPTV

   عمران خان نے پاکستان میں طبی عملے کے لیے خصوصی پیکج کا اعلان کرتے ہوئے کہا کہ میں جانتا ہوں کہ آپ کا اس وائرس سے متاثر ہونے کا سب سے زیادہ خطرہ ہے لیکن میں آپ سے کہوں گا آپ نے اسے جہاد سمجھنا ہے۔

   انھوں نے کہا کہ پاکستان کے تمام ہسپتالوں میں اعداد و شمار کا جائزہ لینے والے اہلکار بھیجیں گے تاکہ ہمیں صورتحال کا صحیح اندازہ ہو سکے۔

8. 11 جون 2020بریکنگ, وزیرِ اعظم آفس سے ایس او پیز میں عمل درآمد کے حوالے سے جائزہ لیا جائے گا: عمران خان

   عمران خان کا کہنا تھا کہ اب وہ ہر روز ملک بھر میں ایس و پیز کی خلاف ورزیوں اور ان پر عمل درآمد کے حوالے سے جائزہ لیا جائے گا اور پھر اس طرح سے ہم ان علاقوں کو بند کریں گے جہاں وائرس کا پھیلاؤ زیادہ ہے۔

   انھوں نے کہا کہ اب ہم سختی کرنے جا رہے ہیں اور ایسے علاقے، دکانیں، محلے جہاں اسی و پیز کی پابندی نہیں کی جائے گی یا کیسز میں اضافہ ہو گا انھیں ٹائگر فورس کی مدد سے بند کیا جائے گا۔

9. 11 جون 2020بریکنگ, ساری دنیا میں متاثرین کی تعداد پہلے اوپر جاتی ہے، پھر نیچے آنے لگتی ہے: عمران خان

   

   ،تصویر کا ذریعہPTV

   پاکستان کے وزیرِ اعظم عمران خان کا کہنا تھا کہ مجھے افسوس سے کہنا پڑتا ہے کہ پاکستان میں کورونا وائرس کے باعث اموات میں اضافہ ہو گا۔

   انھوں نے کہا کہ ساری دنیا میں یہ ٹرینڈ دیکھا جاتا ہے کہ پہلے متاثرین کی تعداد اوپر جاتی اور پھر کچھ عرصے بعد نیچے آنے لگتی ہے۔ انھوں نے کہا کہ ہمارے ہاں فی الحال متاثرین کی تعداد اوپر جا رہی ہے۔

   انھوں نے کہا کہ انڈیا میں کورونا کے باعث متاثرین اور اموات میں اضافہ دیکھنے میں آ رہا ہے اور ساتھ ہی انھیں معاشی بدحالی کا بھی سامنا ہے۔

   انھوں نے کہا کہ اگر لوگ مروجہ قواعد و ضوابط پر عمل نہیں کریں گے تو ہمارے ہسپتالوں میں جگہ ختم ہونے لگے گی۔

10. 11 جون 2020کورونا وائرس کے پھیلاؤ کا خدشہ: دلی کی جامعہ مسجد 30 جون تک نمازیوں کے لیے بند

    انڈیا کی خبر رساں ایجنی پریس ٹرسٹ آف انڈیا (پی ٹی آئی) کی ایک خبر کے مطابق دہلی کی جامعہ مسجد کے شاہی امام سید احمد بخاری نے کہا ہے کہ شہر میں کووڈ۔19 کے تیزی سے بڑھتے ہوئے کیسز کے پیشِ نظر جامعہ مسجد کو 30 جون تک نمازیوں کے لیے فوری طور پر بند کیا جا رہا ہے۔

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

11. 11 جون 2020بریکنگ, پوری طرح لاک ڈاؤن نہ کرنے کی وجہ سے پاکستان کے حالات انڈیا سے بہتر ہیں: عمران خان

    

    ،تصویر کا ذریعہPTV

    عمران خان کے انڈیا میں لاک ڈاؤن کے باعث انڈیا پر پڑنے والے اثرات کا جائزہ لینے والے ایک سروے کا حوالہ دیا جو یونیورسٹی آف پینسلوینیا، یونیورسٹی آف شکاگو اور انڈیا میں معیشت کا جائزہ لینے والے ادارے سی ایم آئی نے کی ہے۔

    انھوں نے بتایا کہ سروے کے مطابق انڈیا میں 34 فیصد گھرانوں کی اگر امداد نہ کی گئی تو وہ گزارہ نہیں کر سکیں گے۔

    انھوں نے بتایا کہ سروے سے امیر طبقے کو کوئی فرق نہیں پڑے گا۔ اس کے علاوہ سروے کے مطابق تین کروڑ نوجوان بے روز گار ہوئے۔

    عمران خان نے کہا کہ میں تو پہلے دن سے ہی یہ سب باتیں کرتا تھا اور شکر ہے ہم نے لاک ڈاؤن نہیں کیا اور ہم بچ گئے ورنہ ہمارا حال بھی انڈیا جیسا ہوتا۔

    انھوں نے کہا ہم نے غریب گھرانوں کو ایک کروڑ 20 لاک روپے بانٹے۔

12. 11 جون 2020بریکنگ, پہلے چار ہفتے کی تنقید برداشت کرنا مشکل تھا: عمران خان

    عمران خان کا کہنا ہے کہ پہلے چار ہفتے کی تنقید ان کے لیے برداشت کرنا مشکل تھا کیونکہ ان کے مخالفین یہ کہہ رہے تھے کہ لاک ڈاؤن سہی نہیں کر رہا ہے اور اسے پتا نہیں ہے کہ کیا کرنا ہے۔

    انھوں نے کہا مجھے ایک طرف کورونا وائرس سے لوگوں کو بچانا تھا اور دوسری جانب بھوک اور افلاس سے۔

13. 11 جون 2020بریکنگ, کورونا وائرس صورتحال سے نمٹنے پر مجھے اپنی ٹیم پر فخر ہے: عمران خان

    پاکستان کے وزیر اعظم عمران خان کا کہنا تھا کہ جیسے جیسے اموات بڑھ رہی ہیں تو یہ کہا جا رہا ہے کہ حکومت کی پالسیاں ٹھیک نہیں ہیں، حکومت کو سمجھ نہیں آ رہا کے کیا کرنا ہے اور یہ کہ یہ اموات کی قصور وار حکومت ہے۔

    انھوں نے کہا کہ لیکن میں اپنے دل پر ہاتھ رکھ کر کہہ رہا ہوں کہ جتنی مجھے خوشی ہے کہ میری ٹیم نے مشاورت کر کے جیسے اس صورتحال کا جائزہ لیا اور اس حوالے سے صورتحال سے نمٹے، مجھے اپنی ٹیم پر فخر ہے۔

14. 11 جون 2020بریکنگ, کئی دفعہ لگتا ہے کہ حزبِ اختلاف چاہتی ہے کہ ملک میں زیادہ اموات ہوں، لوگوں کی مشکلات میں اضافہ ہو: عمران خان

    

    ،تصویر کا ذریعہPTV

    پاکستان کے وزیرِ اعظم عمران خان کا کہنا ہے کہ کئی دفعہ ایسے لگتا ہے کہ جیسے حزبِ اختلاف چاہتی ہے کہ اس ملک میں اموات زیادہ ہوں، لاک ڈاؤن کی وجہ سے معیشت بیٹھ جائے اور یہاں لوگوں کی مشکلات بڑھیں تاکہ یہ حکومت پر زیادہ تنقید کر سکیں۔

    انھوں نے کہا کہ حزبِ اختلاف کے ایک بڑے لیڈر بھاگے بھاگے بھاگے لندن سے آئے، انھوں نے ماسک پہنا ہوا تھا اور کمپیوٹر کے سامنے بیٹھ کر یہ بتانے لگے کے ہمیں کیا کرنا چاہیے۔

    عمران خان نے کہا کہ ہمارے حالات دنیا سے بہت بہتر رہے ہیں جیسے مغرب میں، امریکہ میں حالات تھے ویسے پاکستان میں نہیں تھے۔

15. 11 جون 2020انڈیا: لاک ڈاؤن ختم، پارٹی شروع، 180 متاثر, پراوین مدھولکر، بی بی سی مراٹھی، ناگ پور

    

    ،تصویر کا ذریعہAFP

    مرکزی انڈیا کے شہر ناگ پور میں تقریباً 180 افراد کورونا وائرس سے اس وقت متاثر ہو گئے جب وہ وہاں لاک ڈاؤن اٹھنے کا جشن منا رہے تھے۔

    میونسیپل کمشنر توکورام نے بی بی سی مراٹھی کو بتایا کہ جس شخص نے پارٹی کا اہتمام کیا تھا اس نے 180 افراد کو انفیکٹ کر دیا، جن میں سے 16 کا تعلق ایک ہی خاندان سے ہے۔ ان کا کہنا تھا کہ 700 دیگر افراد جنھوں نے متاثرہ افراد سے رابطہ کیا وہ بھی اب قرنطینہ میں ہیں۔

    ایک نوجوان شخص نے اپنے پانچ دوستوں کے لیے پارٹی کا انتظام کیا اور اس کے لیے قریبی ضلع سے گوشت لے کر آیا جہاں انفیکشنز کی شرح بہت زیادہ تھی۔ اس کے بعد میزبان کی صحت خراب ہو گئی اور اسے ہسپتال میں داخل کرانا پڑا۔

    اس نے پہلے کہا کہ اسے وائرس پارک میں سیر کرتے ہوئے لگ گیا تھا لیکن بعد میں تسلیم کیا کہ وہ انفیکشن والے علاقے میں گوشت خریدنے گیا تھا۔

    حکام نے بی بی سی کو بتایا ہے کہ اکثر لوگ اپنی وہ سرگرمیاں چھپانے کی کوشش کرتے ہیں جن کی وجہ سے وائرس پھیل سکتا ہے اور اس سے کمیونٹی کو سب سے بڑا خطرہ ہے۔

16. 11 جون 2020مصر کچھ سیاحتی مقام کھولنے کا سوچ رہا ہے

    

    ،تصویر کا ذریعہGetty Images

    مصر یکم جولائی سے اپنے ان ساحلی علاقوں کے لیے بین الاقوامی پروازوں اور غیر ملکی سیاحوں کو سفر کی اجازت دے رہا ہے جو کورونا وائرس سے سب سے کم متاثر ہوئے ہیں۔

    جنوبی سینائی میں بحیرہ احمر کے ریزورٹس اورساحلی شہر الیگزانڈریا کے جنوب میں بحیرہ روم کی بیچزکے سب سے پہلے کھلنے کا امکان ہے۔

    مصر نے مارچ میں اپنے ہوائی اڈے بند کر دیے تھے تاکہ وبا کو پھیلنے سے روکا جا سکے۔

17. 11 جون 2020کم ہلاکتوں کا نمبر درست ہے، روس کا اصرار

    

    ،تصویر کا ذریعہEPA

    ماسکو کا کہنا ہے کہ کورونا وائرس سے ہونے والی ہلاکتوں سے متعلق روس کے سرکاری اعداد و شمار میں کچھ ’عجیب‘ نہیں ہے۔

    جب صحافیوں نے ان سے پوچھا تو صدر پیوتن کے ترجمان دمیتری پیسکوف نے صرف ’نا‘ میں جواب دیا۔

    اس سے پہلے پیسکوف نے کہا تھا کہ روس میں کم شرح اموات کی وجہ روس کا انتہائی موثر صحت کا نظام ہے ناکہ شماریاتی ہیرا پھیری جسیا کہ روس اور بیرون ملک کچھ ماہرین کہہ رہے ہیں۔

    روس نے ابھی تک کورونا وائرس کے پانچ لاکھ متاثرین رپورٹ کیے ہیں جو کہ دنیا کے تیسرے سب سے زیادہ مریض ہیں۔ وہاں اب تک 6 ہزار 532 اموات ریکارڈ کی گئی ہیں جو کہ زیادہ شدید وبا والے دوسرے ممالک سے کہیں کم ہیں۔

    عالمی ادارۂ صحت نے اس ہفتے کہا تھا کہ روس کی کم شرح اموات کو سمجھنا بہت مشکل ہے۔

18. 11 جون 2020شہباز شریف کے کورونا وائرس سے متاثر ہونے کے ذمہ دار عمران خان، چیئرمین نیب ہیں: احسن اقبال

    X پوسٹ نظرانداز کریں

    X کا مواد دکھانے کی اجازت دی جائے؟?

    اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

    Accept and continue

    تنبیہ: بی بی سی دیگر ویب سائٹس کے مواد کی ذمہ دار نہیں ہے۔

    X پوسٹ کا اختتام

    پاکستان مسلم لیگ ن کے رہنما اور گذشتہ روز کورونا وائرس سے متاثر ہونے والے احسن اقبال نے پاکستان مسلم لیگ ن کے صدر اور قائد حزب اختلاف شہباز شریف کے کورونا وائرس سے متاثر ہونے کی ذمہ داری عمران خان اور چیئرمین نیب پر ڈالی ہے۔

    انھوں نے یہ بات ایک ٹویٹ میں کہی جس میں ان کا مزید کہنا تھا کہ شہباز شریف نے نیب سے سکائپ پر تحقیقات کرنے کی درخواست کی تھی لیکن عمران خان کی انا لوگوں کی صحت سے زیادہ بڑی ہے۔

19. 11 جون 2020قرضوں کی ادائیگی میں رعایت سے پاکستان کو انتہائی مشکل معاشی صورتحال سے نمٹنے میں مدد ملی ہے: اسد مجید

    

    ،تصویر کا ذریعہRadio Pakistan

    امریکہ میں پاکستان کے سفیر اسد مجید خان نے کہا ہے کہ کورونا وائرس سے متاثرہ ترقی پذیر ملکوں کو قرضوں کی ادائیگی میں رعایت کے عالمی سطح پر کیے گئے اقدامات سے پاکستان کو انتہائی مشکل معاشی صورتحال سے نمٹنے میں مدد ملی ہے۔

    ریڈیو پاکستان کے مطابق اقوام متحدہ کے ٹیلی ویژن سے بات کرتے ہوئے انھوں نے کہا کہ کورونا وائرس کی وبا سے پیدا ہونے والی صورتحال پاکستان کےلیے انتہائی مشکلات کا باعث نہیں بن سکی کیونکہ حکومت کی جانب سے گذشتہ ایک سال سے زائد عرصہ میں کی گئی سخت معاشی اصلاحات کے ثمرات آنا شروع ہو گئے تھے۔

    پاکستانی سفیر نے کہا کہ ہم غریبوں کو ان کے ہاتھوں میں براہ راست نقد رقم اور سستا راشن فراہم کرتے ہوئے ان کی دیکھ بھال کی ہر ممکن کوشش کر رہے ہیں۔

20. 11 جون 2020چینی سوشل میڈیا میں ٹرمپ پر شدید تنقید, کیری ایلن، بی بی سی مانیٹرنگ

    

    ،تصویر کا ذریعہReuters

    امریکہ میں کورونا وائرس کے تصدیق شدہ متاثرین کی تعداد 20 لاکھ سے زیادہ ہو جانے کے بعد چینی سوشل میڈیا میں وائرس کے بحران سے نمٹنے کے حوالے سے صدر ٹرمپ کی قیادت پر شدید تنقید کی جا رہی ہے۔

    سائنو ویئبو ویب سائٹ کے یوزر صدر کا مذاق اڑ رہے ہیں اور ان پر جملے کس رہے ہیں اور پوچھ رہے ہیں کہ یہ کس طرح امریکہ کے لیے ’تاریخی پیش رفت‘ ہے یا پھر وہ صدر ٹرمپ کی انتخابی مہم کا نعرہ ’امریکہ کو دوبارہ گریٹ بنانا ہے‘ استعمال کر رہے ہیں۔

    کئی ’سپر پاور‘ کو ’مبارک باد‘ کہہ رہے ہیں۔

    لیکن اس طرح تمسخر اڑانے والوں کے علاوہ کئی ایسے بھی ہیں جو کہہ رہے ہیں کہ یہ بہت مایوس کن ہے کہ امریکی عوام تکلیف میں ہیں۔ ایک صارف نے لکھا کہ ’کیا امریکہ تباہ ہونا چاہتا ہے؟‘