انڈیا میں 10 ہزار سے زیادہ اموات، برازیل میں ایک دن میں تقریباً 35 ہزار نئے کیس

دنیا بھر میں کورونا کے مصدقہ متاثرین کی تعداد 81 لاکھ سے بڑھ گئی ہے جبکہ پاکستان میں میں لگاتار دوسرے روز بھی اموات کی ریکارڈ تعداد سامنے آئی ہیں۔ منگل کو دنیا کے دوسری سب سے متاثرہ ملک برازیل میں وائرس کے تقریباً 35 ہزار نئے کیس سامنے آئے ہیں جبکہ انڈیا چوتھے نمبر پر ہے اور وہاں مزید دو ہزار اموات ہوئی ہیں۔

لائیو کوریج

12 جون 2020سندھ: گذشتہ 24 گھنٹوں میں 2428 نئے متاثرین، 17 ہلاکتیں
صوبہ سندھ میں گذشتہ 24 گھنٹوں کے دوران مزید 2428 افراد میں کورونا وائرس کی تشخیص ہوئی ہے جس کے بعد اب یہاں مصدقہ متاثرین کی مجموعی تعداد 49256 ہو گئی ہے۔
اسی دورانیے میں مزید 17 افراد کورونا کے باعث ہلاک بھی ہوئے اور صوبہ سندھ میں اموات کی کُل تعداد 793 ہو گئی ہے۔
ترجمان سندھ حکومت سینیٹر مرتضی وہاب نے سماجی رابطے کی ویب سائٹ ٹوئٹر پر آگاہ کیا کہ سندھ میں صحت یاب ہونے والے افراد کی مجموعی تعداد 23113 ہو چکی ہے۔
صوبہ سندھ میں نئے متاثرین اور اموات سامنے آنے کے بعد اب پاکستان میں مصدقہ متاثرین کی کُل تعداد 128361 جبکہ ہلاکتوں کی مجموعی تعداد 2480 ہو گئی ہے۔ پاکستان میں اب تک 41313 افراد کورونا سے صحت یاب بھی ہو چکے ہیں۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
12 جون 2020وبا کے دنوں میں گرودوارے سے مفت کھانے کی تقسیم
کووڈ 19 کے دنوں میں برطانیہ کے ایک بڑے سکھ گرودوارے کو ہزاروں بے گھر افراد کے لیے ایمرجنسی فوڈ آپریشن مرکز میں تبدیل کر دیا گیا۔
اس گرودوارے کے کچن سے گرم کھانا ہسپتالوں کے وارڈز اور ایسے لوگوں تک بھی پہنچایا جاتا ہے جو آئسولیٹ ہو کر گھروں تک محدود ہو گئے ہیں۔ دیکھیے ہماری ڈیجیٹل ویڈیو۔۔۔
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
12 جون 2020پاکستان میں کووڈ 19 کا ٹیسٹ کیسے ہوتا ہے اور کیا اس کا نتیجہ غلط بھی ہو سکتا ہے؟
،تصویر کا ذریعہGetty Images
کیا یہ ممکن ہے کہ ایک شخص کا موت کے بعد کیا جانے والا کورونا وائرس کا ٹیسٹ مثبت ہو لیکن ان کی میت کو غسل دینے والے کسی بھی شخص میں وائرس کی تشخیص نہ ہو؟ خیبر پختونخوا کے شہر ڈیرہ اسماعیل خان کے طبی ماہرین اور مقامی انتظامیہ کے لیے ایسا ہی ایک کیس اس وقت معمہ بن گیا ہے۔
یہاں کے ایک رہائشی کا 24 مارچ کو انتقال ہو گیا۔ محمد عامر 8 فروری کو عمان سے پاکستان آئے تھے اور 23 مارچ کو ان کی شادی ہوئی تھی۔
مقامی ڈاکٹروں نے بتایا کہ محمد عامر کی طبیعت شادی سے چند روز پہلے خراب ہوئی اور انھیں مقامی سول ہسپتال لایا گیا جہاں ابتدائی طبی امداد کے بعد انھیں گھر بھیج دیا گیا۔ جب ان کی حالت مزید بگڑی تو گھر والے انھیں علاج کے لیے ملتان لے گئے، جہاں ان کا انتقال ہوگیا۔
ڈاکٹروں کے مطابق وفات کے بعد ان کی لاش سے لیے گئے نمونے میں کورونا وائرس کی تشخیص ہوئی تھی۔ اس پر انتظامیہ حرکت میں آئی اور محمد عامر کے جنازے میں شامل ان کے خاندان کے قریبی لوگوں کے بھی ٹیسٹ کیے گئے۔
تاہم ڈیرہ اسماعیل خان کے ڈپٹی کمشنر کے مطابق ان سب میں کورونا وائرس کی تشخیص نہیں ہوئی۔
یہاں سوال یہ پیدا ہوتا ہے کہ کیا ایسا ممکن ہے کہ ان افراد کے ٹیسٹ کے نتائج ’فالس نیگیٹیو‘ یا ’فالس پازیٹیو‘ کے زمرے میں آتے ہیں؟
اس حوالے سے مزید پڑھیے ہماری اس تفصیلی رپورٹ میں پڑھیے۔
12 جون 2020نیب شہباز شریف کے کورونا ٹیسٹ کی تصدیق کروائے: ترجمان پنجاب حکومت
،تصویر کا ذریعہGOVT OF PUNJAB
وزیر اطلاعات پنجاب فیاض الحسن چوہان کا کہنا ہے کہ نیب سابق وزیر اعلی شہباز شریف کے کورونا ٹیسٹ کی رپورٹ کی کم از کم دو جگہ سے تصدیق کروائے اور پتا چلائے کہ آیا انھیں کورونا ہے بھی یا نہیں۔
انھوں نے کہا کہ مسلم لیگ نواز کا جھوٹ اور فریب کی سیاست کا ایک طویل سلسلہ ہے اور یہ لوگ ماضی میں پارلیمان کے فلور اور عدالتوں میں بھی جھوٹ بولتے رہے ہیں۔
لاہور میں پریس کانفرنس سے خطاب کرتے ہوئے ’شہباز شریف نو جون کو نیب کے سامنے پیش ہوئے، 10 تاریخ کو انھوں نے اپنا کورونا ٹیسٹ کروایا اور 11 تاریخ کو انھوں نے اپنے آپ کو کورونا سے متاثر ڈکلیئر کر دیا۔‘
انھوں نے کہا کہ حکومت پنجاب کی جانب سے اس معاملے پر دکھ کا اظہار اور ان کی صحت یابی کی تمناؤں کا اظہار بھی کیا گیا۔
’تاہم ابھی آدھا گھنٹہ گزرا تھا کہ مسلم لیگ کے ممبران صوبائی اسمبلی کی جانب سے پنجاب اسمبلی میں نیب کے خلاف ایک قرار داد جمع کروا دی گئی جس کا متن الزامات سے بھر پور تھا۔‘
انھوں نے بتایا کہ انتظامیہ نے کورونا کے حوالے سے جاری کردہ اعداد و شمار کی خلاف ورزی کرنے پر صوبے بھر میں 6545 کارروائیاں کی ہیں جبکہ مجموعی طور پر خلاف ورزی کے مرتکب افراد اور اداروں پر 44 لاکھ کے جرمانے کیے گئے ہیں۔
لاہور میں پریس کانفرنس سے خطاب کرتے ہوئے ان کا کہنا تھا کہ 1478 دکانوں اور بازاروں کے خلاف قواعد کی خلاف ورزی پر ایکشن لیا گیا ہے اور 21 صنعتی یونٹس کو بند کیا گیا۔
ان کا کہنا تھا کہ وزیر اعظم کی حالیہ سخت ہدایات کی روشنی میں نہ صرف کارروائیوں کا دائرہ کار بڑھایا جائے گا بلکہ سخت ایکشن لیا جائے گا۔
12 جون 2020بلوچستان: پاکستان، افغانستان سرحد بندش کے خلاف احتجاج جاری
،تصویر کا ذریعہAbdul Basit Achakzai
صوبہ بلوچستان کے سرحدی شہر چمن میں روزانہ اجرت کی بنیاد پر محنت مزدوری کرنے والوں اور چھوٹے کاروباری افراد کے احتجاج کا سلسلہ جاری ہے۔
یہ احتجاج کورونا وائرس کے باعث سرحد پر آمدورفت پر پابندی کے خلاف کیا جا رہا ہے۔
یاد رہے کہ بلوچستان کے سرحدی علاقوں سے سینکڑوں افراد روزانہ کی بنیاد پر افغانستان تجارت اور محنت مزدوری کے لیے جاتے ہیں۔
،تصویر کا ذریعہAbdul Basit Achakzai
چمن کے تاجر رہنما صادق اچکزئی نے بی بی سی کو بتایا کہ چمن میں نہ کوئی صنعت ہے اور نہ معاش اور روزگار کا کوئی اور بڑا زریعہ۔ انھوں نے بتایا کہ یہاں کے ہزاروں افراد کے معاش کا انحصار سرحدی تجارت سے وابستہ ہے جس کی خاطر یہ لوگ روزانہ کی بنیاد پر افغانستان آتے اور جاتے ہیں۔
ان کا کہنا ہے کہ کورونا کے باعث سرحد کی بندش کے بعد سے ان لوگوں کے روزگار کا ذریعہ ختم ہو کر رہ گیا ہے جس کے باعث یہ لوگ احتجاج پر مجبور ہیں۔
،تصویر کا ذریعہAbdul Basit Achakzai
ان کا کہنا تھا کہ جس طرح کورونا کے حوالے سے لگنے والی پابندیوں میں بہت ساری نرمیاں کی گئی ہیں اسی طرح احتیاطی تدابیر کے ساتھ ان لوگوں کی آمد و رفت پر بھی پابندی کا خاتمہ کیا جائے ورنہ وہ ہزاروں لوگ ایک مشکل صورتحال سے دوچار ہوں گے جن کی آمدن کا زریعہ یہاں کی مقامی سرحدی تجارت سے وابستہ ہے۔
،تصویر کا ذریعہAbdul Basit Achakzai
12 جون 2020خیبرپختونخوا: سول ڈیفنس رضاکاروں کی عوام سے احتیاط برتنے کی اپیل
،تصویر کا ذریعہCIVIL DEFENSE MARDAN
سول ڈیفنس خیبر پختونخوا کے رضاکار صوبہ بھر میں علامتی طور پر گھٹنے ٹیکتے ہوئے عوام سے کورونا وبا سے بچنے کے لیے احتیاطی تدابیر اختیار کرنے کی اپیل کی ہے۔
،تصویر کا ذریعہCIVIL DEFENSE MARDAN
اس سلسلے میں آج خیبرپختوانخوا کے شہر مردان میں ایک ریلی کا انعقاد بھی کیا گیا۔
12 جون 2020کیا حجام کے پاس جا کر بال کٹوانا یا داڑھی بنوانا محفوظ ہے؟ یا کیا انھیں گھر بُلا کر حجامت بنوائی جا سکتی ہے؟
اس حوالے سے پاکستان میں مختلف علاقوں میں مختلف ایس او پیز رائج ہیں اور اگر آپ کو لگتا ہے کہ آپ کے حجام کی دکان پر حکومتی ضوابط پر مکمل طور پر عمل ہو رہا ہے، تو ہی آپ کو یہ فیصلہ کرنا چاہیے۔ اگر نہیں تو آپ اپنے گھر پر بھی بال کاٹنے کا تجربہ کر سکتے ہیں۔ اس حوالے سے مزید اس ویڈیو میں دیکھیے۔
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
12 جون 2020پاکستان میں مئی میں کووڈ 19 کیوں بےقابو ہوا؟
،تصویر کا ذریعہGetty Images
چار مئی کو پاکستان کے وفاقی وزیر برائے منصوبہ بندی اسد عمر، جو کووڈ-19 نمٹنے کے لیے بنائے جانے والے خصوصی ادارے نیشنل کمانڈ اینڈ آپریشن سنٹر (این سے او سی) کی سربراہی بھی کر رہے ہیں، نے اسلام آباد میں ایک پریس بریفنگ دی۔
وبا سے مقابلے میں حکومتی حکمت عملی کے روح رواں سمجھے جانے والے اسد عمر نے اس پریس بریفنگ میں بتایا کہ گذشتہ چند دنوں میں پاکستان میں کورونا وائرس سے اوسطاً 24 یومیہ اموات سامنے آئی ہیں اور یہ تعداد اسی تناسب سے بڑھتی گئی تو ایک ماہ میں 720 اموات ہو سکتی ہیں۔
اس کے ساتھ انھوں نے کووڈ 19 سے ہونے والی اموات کا موازنہ پاکستان میں ٹریفک حادثوں میں ہلاک ہونے والے افراد کی اوسط تعداد سے کیا اور منطق یہ دی کہ اوسطاً ساڑھے چار ہزار افراد کی ان حادثوں میں ہلاکت کے باوجود گاڑیوں کو سڑک پر چلنے کی اجازت ہے کیونکہ اگر ایسا نہ ہو تو معاشرہ اور انسان زندگی پر اس کے بھاری اثرات پڑ سکتے ہیں جس کے باعث لوگ ایسا خطرہ لینے پر مجبور ہیں۔
اُس روز تک پاکستان میں مجموعی 21 ہزار متاثرین کی شناخت ہوئی تھی اور 486 افراد کووڈ 19 کے مرض سے ہلاک ہو چکے تھے۔ تاہم اگلے 27 دنوں بعد یہ تعداد بڑھ کر 72 ہزار سے زیادہ متاثرین اور 1543 اموات تک جا پہنچی تھی۔
وفاقی وزیر کے بیان کو اگر مئی کے 31 دنوں میں سامنے آنے والے مجموعی اعداد و شمار کی روشنی میں دیکھا جائے تو پاکستان میں آنے والے دنوں میں آثار اچھے نظر نہیں آتے۔
حکومت نے گذشتہ دو ماہ میں مختلف مواقع پر ملک میں کورونا وائرس کے پھیلاؤ کے عروج کے بارے میں الگ الگ تاریخیں دی۔
آخری بار پھر این سی او سی کے 30 مئی کو ہونے والے اجلاس میں بتایا گیا کہ پاکستان میں کووڈ 19 کی وبا کا عروج 15 جولائی کو ہوگا تاہم ٹوئٹر پر کی گئی یہ پوری تھریڈ بعد میں بغیر کسی وضاحت کے حذف کر دی گئی۔
اس حوالے سےہماری تفصیلی رپورٹ یہاں پڑھیے۔
12 جون 2020ڈاکٹر اور طبی عملے کو ٹیکسوں میں چھوٹ دی جائے گی: ہیلتھ ورکرز کے لیے حکومتی پیکج کا اعلان
،تصویر کا ذریعہReuters
وزیر اعظم کے معاونِ خصوصی برائے صحت ڈاکٹر ظفر مرزا نے کہا ہے کہ حکومت نے تمام سٹیک ہولڈرز سے مشورے کے بعد کورونا کے خلاف صف اول میں لڑنے والے ڈاکٹروں اور طبی عملے کے لیے ایک جامع اور قومی سطح کا پیکج ترتیب دیا ہے۔
اسلام آباد میں ایک پریس کانفرنس سے خطاب کرتے ہوئے ان کا کہنا تھا کہ ’حکومت کی جانب اعلان کردہ یہ پیکیج ان قربانیوں سے مطابقت نہیں کرسکتا جو ڈاکٹرز اور ان کے اہلخانہ دے رہے ہیں۔‘ تاہم ان کا کہنا تھا کہ یہ ایک اشارہ ہے کہ حکومت اپنے طبی عملے کے ساتھ ہے۔
پیکج کے چیدہ نکات:
- معاشی فوائد
- ڈاکٹروں اور فرنٹ لائن ورکرز کی سکیورٹی اور تحفظ
- طبی عملے کی ٹریننگ
- ہیلتھ ورکرز کی سپورٹ کا میکینزم
- طبی عملے اور ان کے اہلخانہ کی صحت کی دیکھ بھال
- نجی شعبہ صحت کو سہولت فراہم کرنا
- قومی سطح پر ہیروز کو خراج تحسین
انھوں نے آگاہ کیا کہ ڈاکٹرز اور طبی عملے کو آمدن اور دیگر ٹیکسز کی مد میں چھوٹ دے کر معاشی فائدہ پہنچایا جائے۔ انھوں نے کہا کہ اس کی تفصیلات بعد میں بتائی جائیں گی۔
معاون خصوصی نے بتایا کہ پیشہ وارانہ فرائض کی ادائیگی کے دوران طبی عملے کا کوئی اہلکار ہلاک ہو جاتا ہے تو اس کے لیے شہدا پیکج کا پہلے ہی اعلان کیا جا چکا ہے۔
ظفر مرزا کا کہنا تھا کہ تمام طبی عملے کے لیے پی پی ایز کی فراہمی کو یقینی بنایا جائے گا۔
انھوں نے کہا کہ ڈاکٹروں اور طبی عملے کو بعض اوقات میڈیا پر برا بھلا کہا جاتا ہے، پیمرا کے ساتھ مل کر میڈیا کے لیے ایک کوڈ آف کنڈکٹ بنایا جائے گا تاکہ ایسا کرنا ممکن نہ رہے۔
ان کا کہنا تھا کہ وہ ڈاکٹر اور ہیلتھ ورکر جو کورونا کے دوران جان گنوائیں گے ان کی خدمات کو ہر قومی دن کے موقع پر خراج تحسین پیش کیا جائے گا۔
12 جون 2020سندھ: کورونا سے ہلاک ہونے والے شخص کی آخری رسومات میں خلل ڈالنے والے تین ملزمان گرفتار
صوبہ سندھ کے شہر دادو میں ایک ہندو بیوپاری سیٹھ کیول رام راٹھوڑ کی آخری رسومات میں خلل ڈالنے والوں کے خلاف مقامی تھانے میں مقدمہ درج کر لیا گیا ہے۔
دادو پولیس کا کہنا ہے کہ مقدمے کے اندراج کے بعد تین ملزمان کو گرفتار کیا گیا ہے۔
یاد رہے کہ گذشتہ روز کورونا وائرس کے باعث ہلاک ہونے والے سیٹھ کیول رام راٹھوڑ کی آخری رسومات ان کے مذہبی طریقہ کار اور ایس او پیز کے تحت ادا کی جا رہی تھیں جب چند علاقہ مکینوں کی جانب سے اس میں خلل ڈالنے کی کوشش کی گئی۔
پولیس کے مطابق آخری رسومات میں خلل ڈال کر اگنی سنسار روکنے کے لیے مداخلت اور بحرمتی کی کوشش کی گئی تاہم پولیس کی جانب سے مشتعل افراد کو بروقت منتشر کر دیا گیا۔
بعد ازاں دادو پولیس کی جانب سے ایسے عناصر کے خلاف قانونی کارروائی کرتے ہوئے سرکاری مدعیت میں چھ نامزد اور 20/25 نامعلوم ملزمان کے خلاف مقدمہ درج کر لیا گیا۔
پولیس نے مزید کارروائی کرتے تین نامزد ملزمان کو گرفتار کر لیا ہے جبکہ دیگر ملزمان کی گرفتاری کے لیے چھاپوں کا سلسلہ جاری ہے۔
12 جون 2020پاکستان نے انڈین ردعمل کو ’منفی‘ قرار دے دیا
،تصویر کا ذریعہAFP
وزیر اعظم عمران خان کی ایک تجویز کے جواب میں انڈیا کا کہنا ہے کہ انڈین حکومت کی جانب سے کورونا کی وبا سے نمٹنے کے لیے اعلان کردہ معاشی پیکج کا حجم پاکستان کی مجموعی قومی پیداوار (جی ڈی پی) کے حجم کے برابر ہے۔
پاکستان نے اس بیان کو ’منفی‘ ردعمل قرار دیتے ہوئے اس پر افسوس کا اظہار کیا ہے۔
وزیر اعظم عمران خان نے گذشتہ روز ایک رپورٹ کا حوالہ دیتے ہوئے کہا تھا کہ اس رپورٹ کے مطابق انڈیا میں 34 فیصد گھرانوں کا اضافی امداد کے بغیر آئندہ ہفتے گزارا کرنا مشکل ہو جائے گا۔
وزیر اعظم نے کہا تھا کہ ’میں بھارت کی مدد کرنےاورنقد رقوم کی تقسیم کے کامیاب ترین پروگرام جس کی شفافیت اورعوام تک رسائی کی عالمی سطح پرتحسین کی گئی، کی تفاصیل (انڈیا کو) فراہم کرنےکو تیار ہوں۔‘
انڈین ذرائع ابلاغ کے مطابق اس بیان کے جواب میں انڈین وزارت خارجہ کے ترجمان انوراگ سریواستوا کا کہنا تھا کہ پوری دنیا کو پاکستان کے قرض کے مسائل کی بابت معلوم ہے۔
’پاکستان کے لیے بہتر ہو گا وہ یاد رکھے کہ ہمارا کووڈ معاشی پیکج پاکستان کے سالانہ جی ڈی پی کے برابر ہے۔‘
اس کے جواب میں پاکستانی وزارت خارجہ کا کہنا ہے کہ انڈیا کا یہ جواب ایک ایسے مسئلے پر پوائنٹ سکورننگ کی’غیرپیشہ وارانہ کوشش کا عکاس‘ ہے جس نے برصغیر کے لاکھوں لوگوں کی زندگیاں داؤ پر لگائی ہوئی ہیں۔
پاکستان کا کہنا ہے کہ کورونا سے نمٹنا تمام اقوام کا ایک مشترکہ مسئلہ ہے اور اس حوالے سے سنجیدہ بات چیت اور اقدامات ہونے چاہیں۔
12 جون 2020ایکٹیمرا انجکشن سے سنا مکی تک: کوورنا کے علاج میں یہ سب کس حد تک مددگار؟
،تصویر کا ذریعہSOCIAL MEDIA
دنیا بھر میں جہاں کورونا وائرس سے متاثرہ افراد کی تعداد دن بدن بڑھتی جا رہی ہے وہیں اس کی ویکسین کی تیاری کی کوششوں میں بھی تیزی آئی ہے۔
تاحال اس بیماری کا علاج دریافت نہیں کیا جا سکا ہے لیکن پاکستان میں اس وبا کے آغاز کے ساتھ ہی سوشل میڈیا پر ایسے پیغامات کی بھرمار دیکھی گئی جس میں مختلف ادویات، جڑی بوٹیوں یا پھر کھانے پینے میں روزمرہ استعمال ہونے والی اشیا کو اس بیماری سے صحت یابی میں مددگار یا پھر اس کا علاج ہی قرار دے دیا گیا۔
یہ بات جہاں ادرک اور کلونجی یا ملیریا کے علاج میں استعمال ہونی والی دوائی کلوروکوئین سے شروع ہوئی وہیں آج کل اکٹیمرا نامی انجیکشن اور سنامکی نامی جڑی بوٹی کا شہرہ ہے اور ایسی ادویات و جڑی بوٹیوں کے بارے میں یہ تاثر عام ہے کہ ان کا استعمال کورونا کے مریض کے جسم میں وائرس کے پھیلاؤ کو روکنے میں مددگار ثابت ہو رہا ہے۔
مکمل تفصیلات پڑھنے کے لیے اس تحریر پر کلک کیجیے۔
12 جون 2020لاک ڈاؤن انڈیا کے زیر انتظام کشمیر میں پھلوں اور پھولوں کے شعبے کو کیسے متاثر کر رہا ہے؟
انڈیا کے زیر انتظام کشمیر میں کشیدگی اور قدغنوں کی غیریقینی صورتحال کے درمیان بیشتر تعلیم یافتہ نوجوانوں کئی سال سے زرعی شعبے میں نئے تجربات کر کے روزگار کے نئے وسائل پیدا کرنےکی جدوجہد میں مصروف تھے۔
سٹرابیری اور پھولوں کی کاشت کشمیر میں نو ہزار کروڑ روپے کے حجم وانی باغبانی صنعت کا اہم حصہ ہے۔ ابھی یہ صنعت پروان چڑھ ہی رہی تھی کہ حالات نے نوجوانوں کے حوصلے پست کردیے اور اب دو ماہ سے جاری لاک ڈاوٴن نے روزگار کی خاطر نئے تجربے کرنے کے رجحان کی حوصلہ شکنی کر دی ہے۔
انڈیا کے زیر انتظام کشمیر کے شہر سرینگر سے دیکھیے یہ ڈیجیٹل رپورٹ۔
YouTube پوسٹ نظرانداز کریں
Google YouTube کا مواد دکھانے کی اجازت دی جائے؟?
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔ YouTube کے مواد میں اشتہارات ہو سکتے ہیں۔
YouTube پوسٹ کا اختتام
12 جون 2020بریکنگ, سابق سپیکر قومی اسمبلی ایاز صادق میں بھی کورونا کی تشخیص
پاکستان مسلم لیگ کے ایک اور سینیئر رہنما سردار ایاز صادق میں کورونا وائرس کی تشخیص ہوئی ہے۔
سابق وزیر اعلی پنجاب اور مسلم لیگ نواز کے صدر شہباز شریف نے ایاز صادق کے اس مرض میں مبتلا ہونے کی تصدیق کی ہے۔
شہباز شریف کا کہنا تھا کہ ایاز صادق انتہائی شریف النفس انسان اور سینیئر سیاستدان ہیں جنھوں نے بطور سپیکر قومی اسمبلی کے معاملات بااحسن خوبی سرانجام دیے۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
یاد رہے کہ حال ہی میں مسلم لیگ ن کے صدر میاں شہباز شریف، سابق وزیر اعظم شاہد خاقان عباسی، سابق وزیر داخلہ و پلاننگ احسن اقبال، جماعت کی ترجمان مریم اورنگزیب، ان کی والدہ طاہرہ اورنگزیب، سابق وزیر اور اہم رہنما طارق فضل چوہدری کے ساتھ ساتھ چند دیگر سیاسی رہنماؤں کا بھی کورونا ٹیسٹ مثبت آیا ہے۔
کوویڈ-19 کا ٹیسٹ مثبت آنے کے بعد مسلم لیگ ن کے تمام رہنماؤں نے خود کو قرنطینہ کر لیا ہے۔
مگر سوال یہ ہے کہ مسلم لیگ ن کی سیاسی قیادت کورونا کا شکار کیسے ہوئی؟ کیا یہ احتیاطی تدابیر پر عمل نھیں کر رہے تھے؟ اس بارے میں پڑھیے بی بی سی کی یہ رپورٹ۔
12 جون 2020’بین الاقوامی ادارے پاکستان کو مالی معاونت اور ٹیکنالوجی فراہم کریں‘
،تصویر کا ذریعہAFP
گورنر بلوچستان امان اللہ خان یٰسین زئی نے خبردار کیا ہے کہ اگر بین الاقوامی اداروں نے مالی معاونت اور زندگی بچانے والی ٹیکنالوجی کی فوری فراہمی نہ کی تو بلوچستان سمیت پاکستان کی صورتحال سنگین ہو سکتی ہے۔
اپنے ایک بیان میں ان کا کہنا تھا کہ پاکستان جیسے ممالک جہاں پہلے سے کل آبادی کا بڑا حصہ غربت کی لکیر سے نیچے کسمپرسی کی زندگی گزارنے پر مجبور ہے وہاں کرونا وائرس کے باعث مجموعی قومی معیشت پر مزید منفی اثرات مرتب ہوتے جا رہے ہیں۔
گورنر نے کہا کہ اگر کورونا کے متاثرین اور اموات کی تعداد میں اسی شرح سے اضافہ ہوتا رہا تو ہم من حیث القوم سنگین مشکلات سے دوچار ہو سکتے ہیں۔
ان کا کہنا تھا کہ اس وقت وائرس سے نمٹنے کے لیے وفاقی اور صوبائی حکومت تمام دستیاب وسائل کو بروئے کار لا رہی ہے مگر تمام تر حکومتی کاوشوں کی اصل کامیابی عوام کے بھرپور مدد و تعاون سے ہی مشروط ہے۔
12 جون 2020مختار باجوہ المعروف ’مختارا‘ میں کورونا وائرس کی تشخیص
وزیر اعظم عمران خان کے ترجمان ندیم افضل چن نے آگاہ کیا ہے کہ ان کے پرسنل اسسٹنٹ مختار احمد باجوہ المعروف ’مختارا‘ کا کورونا ٹیسٹ مثبت آ گیا ہے۔
سماجی رابطے کی ویب سائٹ ٹوئٹر پر جاری کردہ ایک ویڈیو پیغام میں ندیم چن نے آگاہ کیا کہ ’میرے مختارے کا ٹیسٹ مثبت آ گیا ہے، اگرچہ میں نے اسے بہت سمجھایا تھا۔۔۔‘
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
12 جون 2020کووڈ 19 کے علاوہ وہ چار وائرس جن کے لیے اب تک کوئی ویکسین دریافت نہیں ہوئی
،تصویر کا ذریعہEPA
دنیا بھر کے کروڑوں لوگ کورونا کے وبائی مرض سے نجات پانے کے لیے اس کی ویکسین کے منتظر ہیں۔ ماہرین نے متنبہ کیا ہے کہ ویکسین بنانے کے عمل پر کتنی تیز رفتاری سے کام کیوں نہ کیا جائے اس میں وقت لگ سکتا ہے اور اگر بہت خراب صورتحال پیدا ہوئی تو اس کی ویکسین دریافت نہیں بھی ہو سکتی۔
عالمی ادارہ صحت (ڈبلیو ایچ او) کے ہیلتھ ایمرجنسی کے ڈائریکٹر مائیکل ریان نے کہا: ’اس وائرس کے ساتھ ہمیں رہنا پڑ سکتا ہے۔‘
بہرحال اس وائرس کے ساتھ زندگی گزارنے کا امکان تباہ کن ہو سکتا ہے کیونکہ حقیقت یہ ہے کہ اب تک تقریبا 70 لاکھ افراد اس کی زد میں آ چکے ہیں اور انفیکشن سے چار لاکھ سے زیادہ افراد ہلاک ہو چکے ہیں۔
ویکسین کی تلاش برسوں یا عشروں تک جاری رہ سکتی ہے۔
یہ کوششیں ضائع بھی ہو سکتی ہیں اور اچھے نتائج بھی آ سکتے ہیں جیسا کہ ایبولا کی صورت میں دیکھا گیا۔
مزید تفصیلات جاننے کے لیے اس مفصل رپورٹ پر کلک کیجیے۔
12 جون 2020پاکستان میں کیے گئے کورونا ٹیسٹوں کی مجموعی تعداد آٹھ لاکھ نو ہزار سے زائد
،تصویر کا ذریعہReuters
نیشنل کمانڈ اینڈ کنٹرول سینٹر کی جانب سے جاری کردہ اعداد و شمار کے مطابق گذشتہ 24 گھنٹوں میں پاکستان میں ریکارڈ تعداد میں کورونا ٹیسٹ کیے گئے ہیں۔
پاکستان میں گذشتہ روز ہونے والے ٹیسٹوں کی مجموعی تعداد 28344 تھی۔
جمعرات کو سب سے زیادہ 10081 ٹیسٹ صوبہ سندھ میں کیے گئے، پنجاب میں ہونے والے ٹیسٹوں کی کُل تعداد 9179، اسلام آباد میں 3766، خیبر پختونخوا میں 3571، بلوچستان میں 1259، گلگت بلتستان میں 119 جبکہ پاکستان کے زیر انتظام کشمیر میں 369 ٹیسٹ ہوئے۔
ملک میں اب تک کورونا کے کُل 809169 کورونا ٹیسٹ ہو چکے ہیں۔
12 جون 2020کوئٹہ: ایس او پیز کی خلاف ورزی پر 17 ڈرائیوز گرفتار
،تصویر کا ذریعہSYED AMIN
صوبہ بلوچستان کے دارالحکومت کوئٹہ میں ٹرانسپورٹ کے حوالے سے ضابطہ کار پر عملدرآمد نہ کرنے پر 17 ڈرائیورز کو گرفتار کر لیا گیا ہے۔
ایک سرکاری اعلامیے کے مطابق سیکریٹری ریجنل ٹرانسپورٹ اتھارٹی کوئٹہ ڈویژن میران بلوچ نے طور ناصر کراس کے علاقے میں گاڑیوں کی چیکنگ کی۔
ایس او پیز کے برخلاف زیادہ تعداد میں سواریاں بیٹھانے، ماسک اور دستانوں کی عدم موجودگی اور گاڑیوں میں سپرے نہ کرنے پر ڈیڑھ درجن کے قریب ڈرائیوروں کی گرفتاری عمل میں لائی گئی۔
سیکریٹری ریجنل ٹرانسپورٹ اتھارٹی نے کہا ہے کہ حکومت نے ٹرانسپورٹ کے شعبے کو کھولنے کا فیصلہ اس شرط پر کیا تھا کہ ٹرانسپورٹرز حکومتی ایس او پیز پر مکمل عمل کریں گے۔ ان کا کہنا تھاکہ ایس او پیز پر عملدرآمد نہ کرنے والوں کے خلاف سخت کارروائی عمل میں لائی جائے گی۔
12 جون 202070 سال میں پہلی دفعہ قومی پیداوار منفی، عوام کیسے متاثر ہوں گے؟