لاک ڈاؤن میں نرمی سے متاثرین کی تعداد میں دوسرا عروج آسکتا ہے، عالمی ادارہ صحت
،تصویر کا ذریعہReuters
عالمی ادارہ صحت نے خبردار کیا ہے کہ دنیا بھر میں متعدد ممالک کی جانب سے لاک ڈاؤن میں نرمی کے بعد کورونا وائرس کی عالمی وبا کا پھیلاؤ بڑھ سکتا ہے اور متاثرین کی تعداد میں ’دوسرا عروج‘ آ سکتا ہے۔
عالمی ادارہ صحتت کے ایمرجنسیز کے سربراہ ڈاکٹر مائیکل رائن نے پیر کے روز ایک بریفنگ میں کہا کہ دنیا ’کورونا وائرس کیسز کے پہلے عروج کے بیچ میں ہے۔‘
انھوں نے کہا کہ کیونکہ بیماری کے پھیلاؤ میں بدستور اضافہ ہو رہا ہے تمام ممالک کو یہ سمجھنا ہو گا کہ بیماری کے پھیلاؤ میں اضافہ کسی بھی وقت ہو سکتا ہے۔
ڈاکٹر رائن نے کہا کہ ’ہم اس بارے میں اندازہ نہیں لگا سکتے کہ کیونکہ اس وقت بیماری کے پھیلاؤ میں کمی دیکھنے میں آ رہی ہے اس لیے اس میں بدستور کمی ہی آئے گی۔
ان کا مزید کہنا تھا ہمارے پاس کورونا وائرس کیسز میں ہوشربا اضافے کے خلاف تیاری کے لیے متعدد مہینے ہوں گے۔
یہ تنبیہ ایک ایسے وقت میں سامنے آئی ہے جب متعدد ممالک لاک ڈاؤن نرمی لا رہے ہیں اور دکانیں کھولنے کی اور بڑے اجتماعات کی اجازت دے رہے ہیں۔
