نیوزی لینڈ کی شاندار کارکردگی، انڈیا کو باآسانی آٹھ وکٹوں سے ہرا دیا

لائیو کوریج

1. 31 اکتوبر 2021بریکنگ, نیوزی لینڈ کی شاندار بولنگ، انڈیا کی ڈگمگاتی، لڑکھڑاتی اننگز کا 110 کے سکور پر اختتام

   نیوزی لینڈ کے بولرز نے ایک مکمل کارکردگی دکھاتے ہوئے انڈیا کی مشہور زمانہ بیٹنگ لائن اپ کو 20 اوورز میں صرف 110 رنز تک محدود رکھا۔

   روندرا جڈیجا کی جانب سے آخری اوور میں چھکا لگانے کے بعد انڈیا نے بآلاخر اپنی اننگز کی سنچری مکمل کر لی۔ آخری گیند پر وہ خوش قسمت رہے کہ اش سودھی نے ان کا اُتنا ہی آسان کیچ چھوڑ دیا جیسا ایڈم ملنے نے روہت شرما کا چھوڑا تھا۔

   تاہم اس کیچ کے چھوڑنے کا نیوزی لینڈ کو نقصان نہ ہوا اور انڈیا کی اننگز میں ان کے بلے باز صرف آٹھ چوکے اور دو چھکے لگا سکے۔

   ایک وقت میں انڈیا نے 71 گیندوں پر کوئی بھی باؤنڈری حاصل نہیں کی تھی۔

   ان کی اننگز میں سب سے زیادہ سکور جڈیجا کا رہا جنھوں نے 26 رنز بنائے اور دوسرے ہارک پانڈیا تھے جنھوں نے 23 رنز بنائے۔

   نیوزی لینڈ کی جانب سے تقریباً سب ہی بولرز نے بہت نپی تلی گیند کرائیں۔ بولٹ نے البتہ 20 رنز دے کر تین وکٹیں حاصل کیں اور سب سے کامیاب بولر رہے۔ اش سودھی نے 17 رنز دے کر دو کھلاڑیوں کو آؤٹ کیا۔

2. 31 اکتوبر 2021بریکنگ, پانڈیا بھی چلتے بنے، بولٹ کی ایک اوور میں دو وکٹیں!, انڈیا کا سکور: 99/7، 19 اوور مکمل

   کیوی بولر ٹرینٹ بولٹ نے اپنے آخری اوور میں دو بڑی قیمتی وکٹیں حاصل کیں جب پانڈیا اور شردل ٹھاکر دونوں ہی اونچا شاٹ مارنے کی کوشش میں آؤٹ ہو گئے۔

   اوور میں جڈیجا نے ایک چوکا ضرور لگایا لیکن انڈیا نے 19 اوور کے اختتام تک بھی اپنی 100 مکمل نہیں کی تھی۔

3. 31 اکتوبر 2021جڈیجا کا بھی ملنے کے اوور میں چوکا!, انڈیا کا سکور: 94/5، 18 اوور مکمل

   انڈیا نے مسلسل دوسری بار اوور کی آخری گیند پر چوکا حاصل کیا جب ایڈم ملنے کے سپیل کی آخری بال پر جڈیجا نے پیچھے کی جانب کھیلتے ہوئے چار رنز حاصل کیے۔

4. 31 اکتوبر 2021ہاردک پانڈیا کا پہلا چوکا!, انڈیا کا سکور: 86/5، 17 اوور مکمل

   ہاردک پانڈیا نے 17ویں اوور کی آخری گیند پر بالآخر اپنا پہلا چوکا مار ہی لیا اور ان کا سکور 20 گیندوں پر 21 رنز ہو گیا ہے۔

   یہ اننگز میں 71 گیندوں بعد پہلی باؤنڈری تھی۔

5. 31 اکتوبر 2021دس اوورز سے انڈیا باؤنڈری حاصل کرنے سے قاصر, انڈیا کا سکور: 78/5، 16 اوور مکمل

   اش سودھی نے اپنا بہترین سپیل مکمل کر لیا جس میں انھوں نے انڈیا کی دو اہم ترین وکٹیں حاصل کیں اور کپتان کوہلی اور روہت شرما کو آؤٹ کیا اور صرف کُل 17 رنز دیے۔

   انڈیا کے فینز اس کارکردگی سے کافی مایوس نظر آ رہے ہیں اور انتظار کر رہے ہیں کہ ان کے بلے باز کب چھکے اور چوکے لگائیں گے۔

6. 31 اکتوبر 2021بریکنگ, ایڈم ملنے کی تیز رفتار گیند نے پنت کو بولڈ کر دیا!, انڈیا کا سکور: 73/5، 15 اوور مکمل

   روہت شرما کا کیچ چھوڑنے والے فاسٹ بولر ایڈم ملنے نے اننگز کے 15ویں اوور میں حساب چکتا کر دیا اور ایک برق رفتار گیند کی مدد سے رشبھ پنت کو بولڈ کر دیا جنھوں نے 19 گیندوں پر 12 رنز بنائے۔

   اگلی ہی گیند پر جڈیجا کے خلاف ملنے نے ایل بی ڈبلیو کی بھی اپیل کی لیکن وہ ریویو پر آؤٹ نہ ہوئے۔

   کیوی بولنگ کی بھرپور کارکردگی کا مظاہرہ اس بات سے کیا جا سکتا ہے کہ انڈیا نے آخری باؤنڈری چھٹے اوور کی پہلی گیند پر حاصل کی تھی اور اس کے بعد سے ایک بار بھی باؤنڈری نہیں لگی ہے۔

   اس کے بعد کپتان کوہلی اور روہت شرما دونوں دبئی کی لمبی باؤنڈری پر اونچا شاٹ مارتے ہوئے کیچ ہو گئے۔

7. 31 اکتوبر 2021بریکنگ, جمی نیشم کی ناقابل یقین فیلڈنگ، یقینی چھکا روک لیا!, انڈیا کا سکور: 67/4، 14 اوور مکمل

   اش سودھی اپنے تیسرے اوور میں کوئی وکٹ تو حاصل نہیں کر سکے لیکن ان کے اوور کی دوسری گیند پر ہاردک پانڈیا کا سکوائر لیگ پر لگایا گیا اونچا شاٹ یقینی طور پر چھ رنز کے لیے جا رہا تھا لیکن جمی نیشم نے انتہائی زبردست طور پر چھلانگ لگا کر ایک ہاتھ سے گیند کو روک لیا۔

8. 31 اکتوبر 2021ٹم ساؤتھی کا ایک اور اچھا اوور, انڈیا کا سکور: 61/4، 13 اوور مکمل

   فاسٹ بولر ٹم ساؤتھی نے اننگز کے 13ویں اوور میں بھی نپی تلی بولنگ جاری رکھی اور ہاردک پانڈیا اور رشبھ پنت کو صرف چار رنز بنانے کا موقع دیا۔

9. 31 اکتوبر 2021مچل سانٹنر کا سپیل مکمل, انڈیا کا سکور: 58/4، 12 اوور مکمل

   نیوزی لینڈ کی جانب سے بائیں ہاتھ کے سپنر مچل سانٹنر نے بڑی خوبصورت بولنگ کا مظاہرہ کیا اور گو کہ وہ وکٹ حاصل نہ کر سکے لیکن چار اوور میں صرف 15 رنز دیے۔

10. 31 اکتوبر 2021بریکنگ, انڈیا کی پریشانیوں میں مزید اضافہ، کپتان وراٹ کوہلی بھی آؤٹ, انڈیا کا سکور: 51/4، 11 اوور مکمل

    اش سودھی نے اپنے دوسرے اوور میں انڈیا کو بڑا نقصان پہنچایا اور روہت شرما کے بعد کپتان وارٹ کوہلی کو بھی لمبی باؤنڈری پر اونچا شاٹ کھلاتے ہوئے کیچ آؤٹ کرا دیا۔

    کوہلی جو کہ اننگز کو سہارا دینے کی کوشش میں آہستگی سے کھیل رہے تھے، انھوں نے کوشش کی کہ اونچا شاٹ ماریں لیکن دبئی کی لمبی باؤنڈری کے سامنے وہ بے بس رہے اور ٹرینٹ بولٹ نے ان کا کیچ پکڑ لیا۔

    کوہلی نے 17 گیندوں پر صرف نو رنز بنائے۔

11. 31 اکتوبر 2021پہلے دس اوورز کے بعد انڈیا کی اوسط پانچ سے بھی کم, انڈیا کا سکور: 48/3، دس اوور مکمل

    مچل سانٹر نے اپنی عمدہ بولنگ جاری رکھی اور اپنے تیسرے اوور میں صرف پانچ رنز اور مجموعی طور پر تین اوورز میں صرف آٹھ رنز دیے ہیں۔

    انڈیا کی نصف اننگز مکمل ہو چکی ہے اور ان کی فی اوور رن بنانے کی اوسط پانچ سے بھی کم ہے۔

12. 31 اکتوبر 2021ایڈم ملنے کا بہتر اوور، نیوزی لینڈ کا بڑھتا ہوا دباؤ, انڈیا کا سکور: 43/3، نو اوور مکمل

    ایڈم ملنے کو بولنگ کے لیے دوسرے اینڈ سے لایا گیا اور انھوں نے اس بار بہت عمدہ اوور کیا اور صرف دو رنز دیے۔

    انڈیا کی جانب سے ٹاپ آرڈر کی ناکامی کے بعد ایک بار پھر بڑی ذمہ داری ان کے کپتان وراٹ کوہلی پر آن پہنچی ہے۔

13. 31 اکتوبر 2021بریکنگ, روہت شرما کا ڈراپ بھاری نہیں پڑا، اش سودھی کی گیند پر آؤٹ!, انڈیا کا سکور: 41/3، آٹھ اوور مکمل

    ایک ایسے وقت پر جب لگ رہا تھا کہ روہت شرما اپنے ڈراپ کا فائدہ اٹھاتے ہوئے نیوزی لینڈ پر برس جائیں گیں، اش سودھی نے انھیں اپنے پہلے ہی اوور میں چکمہ دے کر آؤٹ کر دیا۔

    ایک شارٹ گیند پر روہت نے لانگ آن کی لمبی باؤنڈری کو نشانہ بنایا لیکن شاٹ اٹھ گیا اور مارٹن گپٹل نے آگے گرتے ہوئے ایک اچھا کیچ مکمل کیا۔

    روہت شرما نے ایک چھکے اور چوکے کی مدد سے 14 رنز حاصل کیے۔

14. 31 اکتوبر 2021مچل سانٹنر کا ایک اور اچھا اوور, انڈیا کا سکور: 37/2، سات اوور مکمل

    سپنر مچل سانٹنر نے اپنی نپی تلی لائن برقرار رکھی اور اوور میں صرف دو رنز دیے۔

15. 31 اکتوبر 2021بریکنگ, نیوزی لینڈ کی دوسری کامیابی، لوکیش راہل بھی کیچ آؤٹ, انڈیا کا سکور: 35/2، چھ اوور مکمل

    پاور پلے کے آخری اوور کی پہلی گیند پر لوکیش راہل خوش قسمت رہے اور ان کے بلے کا کنارہ لیتی ہوئی اوور کی پہلی گیند نے باؤنڈری کراس کر لی۔

    لیکن پھر ساؤتھی کے اوور کی پانچویں گیند پر انھوں نے مڈ وکٹ پر انچا شاٹ کھیلا اور ڈیرل مچل نے اپنا دوسرا کیچ پکڑ لیا۔

16. 31 اکتوبر 2021کیچ ڈراپ کرنے والے ایڈم ملنے کا پہلا اوور، روہت شرما کا زبردست چھکا!, انڈیا کا سکور: 29/1، پانچ اوور مکمل

    نیوزی لینڈ کی طرف سے اننگز کا پانچواں اوور کرانے ایڈم ملنے آئے ہیں جنھوں نے بولٹ کی گیند پر روہت شرما کا ان کی پہلی گیند پر نہایت آسان کیچ چھوڑ دیا تھا۔

    ان کے اوور کی پہلی گیند پر لوکیش راہل نے کٹ مار کر چار رنز حاصل کیے۔

    اوور کی پانچویں گیند پر تیز رفتار ملنے کی سپیڈ کا فائدہ اٹھاتے ہوئے روہت شرما نے بھی اپنا پہلا چوکا بہترین کٹ کے ذریعے مارا اور اوور کی آخری گیند پر اس سے بھی خوبصورت انداز میں ایک چھکا رسید کیا۔

17. 31 اکتوبر 2021روہت کے ڈراپ کیچ کے بعد سانٹنر کے اوور میں صرف دو رنز, انڈیا کا سکور: 14/1، چار اوور مکمل

    سپنر مچل سانٹنر نے اپنا پہلا اوور کرایا جس میں انھوں نے صرف دو رنز دیے۔

    گذشتہ اوور میں روہت شرما کے ڈراپ کیچ کے بعد انڈیا نے یہ اوور احتیاط سے کھیلا۔

18. 31 اکتوبر 2021بریکنگ, اشن کشن کا بھی بولٹ کو چوکا لیکن پھر آؤٹ!, انڈیا کا سکور: 12/1، تین اوور مکمل

    ٹرینٹ بولٹ کے اوور میں پپہلی گیند پر سنگل کے بعد اشن کشن نے بھی مڈ وکٹ پر چوکا لگایا اور اپنے کھاتہ کھول لیا۔

    لیکن پھر اوور کی پانچویں گیند پر اشن کشن نے ایک اور اونچا شاٹ کھیلا جسے سکوائر لیگ پر ڈیرل مچل نے باآسانی پکڑ لیا۔

    اوور کی آخری گیند پر انڈیا کی خوش قسمتی رہی جب ایڈم ملنے نے روہت شرما کا انتہائی آسان کیچ پکڑ کر چھوڑ دیا۔

19. 31 اکتوبر 2021لوکیش راہل کی جانب سے انڈیا کی اننگز کا پہلا چوکا, انڈیا کا سکور: 6/0، دو اوور مکمل

    ٹم ساؤتھی کی جانب سے اننگز کا دوسرا اوور کرایا گیا جس میں لوکیش راہل نے مڈ آن کے ذرا اوپر سے ایک شاٹ مارا اور چار رنز حاصل کیے اور پھر آخری گیند پر ایک سنگل بھی حاصل کر لیا۔

20. 31 اکتوبر 2021ٹرینٹ بولٹ کا اچھا اوور، روہت شرما اوپننگ جوڑی سے باہر, انڈیا کا سکور: 1/0، ایک اوور مکمل

    انڈین اننگز کے آغاز میں ہی ایک حیران کن تبدیلی ان کی اوپننگ جوڑی میں دیکھنے آئی جب روہت شرما کی جگہ اشن کشن نے لوکیش راہل کا ساتھ دیا۔

    ٹرینٹ بولٹ کی جانب سے پھینک گئے پہلے اوور میں انڈین بلے باز محتاط رہے۔ بولٹ نے اوور کی پانچویں گیند پر اشن کشن کے خلاف ایک زوردار اپیل بھی کی لیکن وہ بال بال بچ گئے۔