آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
کرکٹ کے 12ویں عالمی کپ کے میچ میں اتوار کو انگلینڈ نے انڈیا کو 31 رنز سے شکست دے کر سیمی فائنل تک رسائی کی امید برقرار رکھی ہے۔
محمد صہیب and اعظم خان
انگلینڈ نے آخری پانچ اوورز میں صرف 17 رنز بنائے ہیں اور ساتھ ہی ایک وکٹ بھی گوائی ہے۔ جبکہ اس کی مجموعی اوسط جو آٹھ سے بھی زیادہ تھی اب کم ہو کر چھ سے بھی نیچے چلی گئی ہے۔
انگلینڈ کی جانب سے اس وقت کریز پر جو روٹ اور بین سٹوکس موجود ہیں۔
انڈین بولرز کا جادو ایک دفعہ پھر چلنا شروع ہو گیا ہے۔ محمد شامی نے دو بلے بازوں کو پویلین کی راہ کیا دکھائی کے آنے والوں نے رنز بنانے کی رفتار ہی کم کردی۔ آخری پانچ اوورز میں انڈین بولرز نے صرف 11 رنز دیے ہیں۔
شامی کی دوسری وکٹ!
مورگن نے شامی کو جارحانہ سٹروک کھیلنے کوشش کی لیکن فائن لیگ باؤنڈری پر کیدر یادو نے ان کا اچھا کیچ پکڑا۔
انگلینڈ کے دونوں اوپنرز آؤٹ ہو کر پویلین واپس لوٹ گئے لیکن دیکھنا ہو گا کہ کیا انڈیا اس میچ میں واپس لوٹ سکتا ہے؟
انڈیا کے بولرز نے اچھا کم بیک کیا ہے۔ اب دیکھنا ہوگا کہ وہ آخری 18 اوورز میں انگلش بلے بازوں کو بڑے ہدف سے باز رکھ سکیں گے؟
محمد شامی کی بال کو پوائنٹ پر اونچا کھیل گئے تھے جہاں پر موجودرشبھ پنت نے ایک آسان کیچ پکڑ لیا۔ بیئرسٹو نے 109 گیندوں پر 111 رنز بنائے۔ ان کی اننگز میں 13 چوکے اور 10 چھکے شامل تھے۔
انگلینڈ نے 30ویں اوور میں 200 رنز مکمل کیے ہیں۔ اس وقت کریز پر جونی بیئر سٹو 113 جبکہ جو روٹ 13 رنز پر موجود ہیں۔