کرکٹ کے 12ویں عالمی کپ میں ہیڈنگلے کے میدان پر سنیچر کو کھیلے جانے والے اہم میچ میں پاکستان نے سنسنی خیز مقابلے کے بعد افغانستان کو تین وکٹوں سے شکست دے دی ہے۔
اعظم خان and محمد صہیب
اگر آپ یہ جاننا چاہتے ہیں کہ آپ کی پسندیدہ ٹیم کے سیمی فائنل میں پہنچنے کے کیا امکانات ہیں تو بی بی سی کے پریڈیکٹر سے فائدہ اٹھائیں یہ پریڈیکٹر ہماری ویب سائٹ بی بی سی اردو ڈاٹ کام پر موجود ہے جہاں آپ اپنی پسندیدہ ٹیم کا نام ڈال کر یہ جان سکتے ہیں کہ سیمی فائنل تک رسائی کے لیے اسے کیا کرنا ہو گا۔
،تصویر کا ذریعہبی بی سی
’گھر والے کیا، جس نے بھی یہ ویڈیو دیکھی اس نے کہا کہ یہ غلط ہے۔ جہاں تک سوال میری اہلیہ کا ہے، جب میں کمرے میں گیا تو وہ رو رہی تھی۔ میں نے اس سے کہا کہ یہ تو صرف ایک ویڈیو ہے۔ لوگ تو ہمارے چہرے پر بھی نہ جانے کیا کیا کہتے ہیں۔ یہ تمام چیزیں تو زندگی کا حصہ ہیں۔‘ کپتان سرفراز احمد پر گزرے واقعے کی تفصیل پڑھیے بی بی سی کی اردو ویب سائٹ پر
،تصویر کا ذریعہGetty Images
لیکن آخر کیا وجہ ہے کہ جب پاکستانی کرکٹ ٹیم بنگلہ دیش اور افغانستان کے مدِمقابل آتی ہے تو جذبات کی شدت اور ماحول کی گرمی پاک بھارت کرکٹ کی طرح نہ سہی لیکن کچھ کم بھی نہیں ہوا کرتی۔
عبدالرشید شکور کی اس تحریر میں جانیے کے پاکستان کا روایتی حریف کون ہے؟
جنوبی افریقہ کے بعد جب بدھ کو پاکستان نے نیوزی لینڈ کو چھ وکٹوں سے شکست دے کر فتح حاصل کی تو دنیا بھر میں پاکستانی شائقین کے دلوں میں سیمی فائنل کھیلنے کی امید دوبارہ جاگ اٹھی۔
لیکن یہ راہ ابھی اتنی آسان نہیں۔
سعد سہیل کی اس ویڈیو میں جانیے کہ پاکستان اور بقیہ ٹیموں کو سیمی فائنل تک رسائی حاصل کرنے کے لیے کیا کرنا ہو گا۔
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
YouTube پوسٹ کا اختتام
ورلڈ کپ کے 36ویں میچ میں ہیڈنگلی کے میدان پر پاکستان اور افغانستان کی ٹیمیں آمنے سامنے ہیں۔
افغانستان اس وقت پوائنٹس ٹیبل پر آخری پوزیشن پر ہے جبکہ پاکستان کا چھٹا نمبر ہے۔ یہ ایک روزہ میچوں میں دونوں ٹیموں کے درمیان چوتھا میچ ہے۔ اس سے پہلے کھیلے گئے تینوں میچوں میں پاکستان ناقابلِ شکست رہا ہے۔
پاکستان کی ٹیم میں کسی تبدیلی کا امکان نہیں ہے البتہ افغانستان بینچ پر بیٹھے کھلاڑیوں کو موقع دے سکتا ہے۔
،تصویر کا ذریعہGetty Images
