پاکستان نے انگلینڈ کو سنسنی خیز مقابلے کے بعد ہرا دیا

لائیو کوریج

ذیشان حیدر، وقاص علی

1. 3 جون 2019حفیظ اور سرفراز کی پارٹنرشپ جاری

   چوتھی وکٹ کے لیے یہ شراکت پاکستان کو ایک بڑا مجموعہ ترتیب دینے کے لیے کلیدی ہے۔

2. 3 جون 2019سٹوکس کا مہنگا اوور, پاکستان 265/3

   بین سٹوکس کے ساتویں اور اننگز کے 41ویں اوور میں پاکستان نے دو چوکوں کی مدد سے 13 رنز بنائے ہیں۔ محمد حفیظ اور سرفراز احمد کے مابین چوتھی وکٹ کے لیے 66 رنز کی اہم شراکت قائم ہو چکی ہے

3. 3 جون 2019معین علی: 40 اوورز میں انگلینڈ کے واحد کامیاب بولر

4. 3 جون 2019پاکستانی اننگز کے 250 رنز مکمل، آخری دس اوور باقی, پاکستان 252/3

   پاکستانی اننگز کے 40 اوورز مکمل ہو چکے ہیں اور صرف تین وکٹوں کے نقصان کی وجہ سے ٹیم اس پوزیشن میں ہے کہ ایک بڑا مجموعہ تشکیل دے سکے۔

   پاکستانی ٹیم نے آخری پانچ اوورز میں سات رنز کی اوسط سے سکور کیا ہے تاہم دیکھنا یہ ہے کہ سرفراز احمد محمد حفیظ کے ساتھ مل کر آخری اوورز میں اس اوسط سے رن بنا پاتے ہیں یا نہیں جو اس میدان پر ایک قابلِ دفاع سکور کہلائے جانے کے لیے درکار مجموعے کے حصول کے لیے لازمی ہے۔

5. 3 جون 2019پاکستان 243/3, سرفراز احمد 20، محمد حفیظ 62

   پاکستانی کپتان سرفراز احمد اس وقت 100 کے سٹرائیک ریٹ سے کھیل رہے ہیں لیکن کیا یہ پاکستان کو ایک بڑے مجموعے تک پہنچانے کے لیے کافی ہو گا؟

6. 3 جون 2019پاکستان کے خلاف دوسرا کیچ پکڑنے پر ووکس کا جشن

7. 3 جون 2019پاکستان 235/3, محمد حفیظ 55، سرفراز احمد 19

   پاکستانی شائقین سرفراز احمد کی جانب سے ایک ایسے موقع پر خود کھیلنے کے لیے آنے کے فیصلے کو تنقید کا نشانہ بنا رہے ہیں جب ٹیم کو تیزی سے رنز بنانے کی ضرورت ہے اور آصف علی جیسا بلے باز ڈریسنگ روم میں موجود ہے

8. 3 جون 2019معین علی کا کامیاب سپیل اختتام پذیر, پاکستان 226/3

   پاکستانی اننگز کے 37ویں اوور کے اختتام کے ساتھ ہی انگلش سپنر معین علی کا کامیاب سپیل بھی اختتام کو پہنچا۔ معین علی نے دس اوور میں 50 رن دے کر تین وکٹیں لیں۔

9. 3 جون 2019انگلینڈ کو حفیظ کا کیچ ڈراپ کرنا مہنگا پڑ گیا

10. 3 جون 2019حفیظ کے 50 پر پاکستانی ٹیم کی خوشی

11. 3 جون 2019سرفراز احمد کا چوکا

    پاکستان کے کپتان سرفراز احمد نے معین علی کو ان کے نویں اوور کی آخری گیند پر چوکا لگایا ہے۔ معین علی انگلینڈ کی جانب سے اس میچ میں سب سے کامیاب بولر رہے ہیں

12. 3 جون 2019بریکنگ, محمد حفیظ کی نصف سنچری, پاکستان 210/3

    محمد حفیظ نے 39 گیندوں پر پانچ چوکوں اور ایک چھکے کی مدد سے نصف سنچری مکمل کر لی ہے۔ بابر اعظم کے اؤٹ ہونے کے بعد اب حفیظ ہی ایک بڑی اننگز کے لیے پاکستانی امیدوں کا محور ہیں۔

13. 3 جون 2019بریکنگ, پاکستان کے 200 رنز مکمل

    پاکستان کی اننگز کے 200 رنز 34ویں اوور میں مکمل ہو گئے ہیں اور کریز پر محمد حفیظ اور کپتان سرفراز احمد موجود ہیں۔

    پاکستان کے 200 رنز میں 16 چوکے اور 3 چھکے شامل ہیں۔

14. 3 جون 2019بریکنگ, پاکستان کو تیسرا نقصان، بابر اعظم آؤٹ ہو کر پویلین میں واپس

    بابر اعظم جن سے پاکستان کو ایک بڑے سکور کی امید تھی معین علی کی گیند پر کرس ووکس کو کیچ دے کر پویلین واپس چلے گئے ہیں۔ یہ معین علی کی تیسری وکٹ ہے۔

    تیسری وکٹ کے لیے بابر اعظم اور محمد حفیظ نے 88 رنز کی شراکت قائم کی۔

15. 3 جون 2019وسیم اکرم کو اپنی سالگرہ پر پاکستان کی جیت کا انتظار

16. 3 جون 2019محمد حفیظ کا چھکا اور پھر چوکا, پاکستان 189/2

    دوسرے اینڈ سے محمد حفیظ نے بھی جارحانہ انداز اپنایا ہے اور عادل رشید کو اننگز کے 31ویں اوور میں پہلے چھکا اور پھر چوکا لگایا ہے۔

17. 3 جون 201950 پر پاکستان کرکٹ بورڈ کی بابر اعظم کو شاباش

18. 3 جون 2019بابر اعظم بال بال بچ گئے, پاکستان 176/2

    30ویں اوور میں بابر اعظم اس وقت آؤٹ ہونے سے بال بال بچے جب ان ایک تیز رن لینے کی کوشش کے دوران انگلش فیلڈر کی تھرو ڈائریکٹ وکٹوں پر لگی تاہم بابر بروقت کریز میں پہنچ چکے تھے

19. 3 جون 2019پاکستان 170/2, بابر اعظم 56، محمد حفیظ 20

    29 اوور کا کھیل مکمل ہو چکا ہے اور پاکستانی اننگز مستحکم انداز میں آگے بڑھ رہی ہے۔ ایک بڑے مجموعے تک پہنچنے کے لیے پاکستان کو اگلے دس اوورز میں مزید کسی وکٹ کے نقصان سے بچنا ہو گا

20. 3 جون 2019بریکنگ, بابر اعظم کے 50 رنز مکمل

    بابر اعظم نے اس میچ میں عمدہ بلے بازی کی ہے اور چار چوکوں اور ایک چھکے کی مدد سے 50 گیندوں پر نصف سنچری مکمل کر لی ہے۔ یہ کرکٹ ورلڈ کپ 2019 میں کسی پاکستانی بلے باز کی پہلی نصف سنچری ہے