آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
کرکٹ ورلڈ کپ 2019 میں پیر کو ناٹنگھم میں پاکستان نے میزبان انگلینڈ کو سنسنی خیز مقابلے کے بعد 14 رنز سے شکست دے کر ٹورنامنٹ میں اپنا پہلا میچ جیت لیا ہے۔
ذیشان حیدر، وقاص علی
ورلڈ کپ سے قبل انگلینڈ سے سیریز اور پھر ٹورنامنٹ کے افتتاحی میچ میں پاکستان کے سٹرائیک بولر حسن علی کی کارکردگی اچھی نہیں رہی۔ پاکستانی ٹیم اور شائقین دونوں حسن علی سے دنیائے کرکٹ کے اس سب سے بڑے مقابلے میں بہتر کارکردگی کی امید رکھے ہوئے ہیں۔
انگلینڈ کی اننگز میں 16 اوورز کا کھیل مکمل ہو چکا ہے اور تیسری وکٹ گرنے کے بعد انگلش بلے باز نسبتاً محتاط ہو گئے ہیں۔ حسن علی کے اس اوور میں صرف چار رنز ہی بنے۔
محمد حفیظ نے انگلش کپتان اوئن مورگن کو بولڈ کر کے پاکستان کو تیسری اور ایک اہم وکٹ دلوا دی ہے۔ مورگن 9 رن بنا سکے۔
انگلش بلے بازوں نے اب تک کرائے جانے والے 14 اوورز میں سے 10 میں کم از کم ایک باؤنڈری ضرور لگائی ہے۔
سب سے زیادہ چار باؤنڈریز شاداب خان کی بولنگ پر لگیں جن میں تین چوکے اور ایک چھکا شامل ہے جبکہ محمد عامر اب تک سب سے کفایتی بولر ثابت ہوئے ہیں جن کے پانچ اوورز میں 27 رنز بنے ہیں۔
13 اوورز کا کھیل مکمل ہو چکا ہے اور انگلش بلے باز اوئن مورگن اور جو روٹ ابتدائی نقصان کے بعد اب ایک بڑی پارٹنر شپ کی بنیاد رکھنے میں مصروف ہیں۔
پاکستان کی جانب سے محمد حفیظ کی شکل میں پانچواں بولر آزمایا گیا ہے۔ حفیظ نے اپنے پہلے اوور میں سات رنز دیے جن میں ایک چوکا بھی شامل تھا۔
12 اوور کا کھیل مکمل ہو چکا ہے اور انگلش بلے باز دو وکٹیں گرنے کے باوجود کسی خاص دباؤ میں دکھائی نہیں دے رہے۔ مورگن اور روٹ کی جانب سے اچھے سٹروکس کھیلنے کا سلسلہ جاری ہے
10 اوورز کے اختتام پر انگلینڈ نے 62 رنز بنائے ہیں اور اس کے دو کھلاڑی آؤٹ ہو چکے ہیں۔ ایک وکٹ شاداب اور دوسری وہاب نے لی ہے۔
وہاب ریاض نے جانی بیئرسٹو کو آؤٹ کر کے پاکستان کو دوسری کامیابی دلوا دی ہے۔ ان کی گیند پر سرفراز نے بیئرسٹو کا کیچ پکڑا۔ یہ اپریل 2017 کے بعد ون ڈے میں وہاب کی پہلی وکٹ ہے۔
8ویں اوور میں انگلینڈ کے 50 رنز مکمل ہوگئے ہیں۔
پاکستان میں افطار کا وقت ہو گیا ہے اور یہاں چھ اوور مکمل ہوگئے ہیں۔ عامر کے اس اوور میں دوسری وکٹ لے کر انگلینڈ پر دباؤ بڑھانے کا موقع ملا تھا جو پاکستان نے ضائع کر دیا۔
عامر کو چوکا پڑا لیکن اگلی ہی بال پر سلپ میں کھڑے فیلڈر نے روٹ کا کیچ ڈراپ کر دیا۔
انگلش اننگز میں پانچ اوور کا کھیل مکمل ہو چکا ہے اور انگلینڈ نے وکٹ گرنے کے باوجود رن بنانے کی رفتار سست ہونے نہیں دی ہے۔ ان پانچ اوورز میں انگلش بلے بازوں نے تقریباً چھ رن فی اوور کی اوسط سے رن بنائے ہیں۔
جانی بیئرسٹو نے گزشتہ اوور میں وکٹ لینے والے شاداب خان کو چھکا لگا کر دباْؤ کم کرنے کی کوشش کی ہے
محمد عامر نے اپنے دوسرے اوور میں پانچ رن دیے ہیں اور اس اوور میں وہ انگلش بلے بازوں کو پریشان کرنے میں کامیاب رہے
تین اوور کے اختتام پر انگلینڈ کی ٹیم نے چھ رنز فی اوور کی اوسط سے رن بنائے ہیں۔ 18 رنز کے مجموعے میں تین چوکے شامل ہیں۔
سرفراز احمد کا شاداب خان سے بولنگ کروانے کا فیصلہ درست ثابت ہوا ہے اور انھوں نے تیسرے ہی اوور میں پاکستان کو پہلی کامیابی جیسن رائے کی وکٹ کی صورت میں دلوا دی ہے۔ جیسن آٹھ سکور بنا سکے۔
شاداب خان کی گیند پر جیسن رائے کو ایل بی ڈبلیو قرار دیے جانے پر انگلش ٹیم کا ریویو ضائع گیا ہے
پہلے اوور میں دو چوکوں کے بعد دوسرے اینڈ سے محمد عامر نے اچھا آغاز کیا ہے اور انگلش بلے باز دوسرے اوور میں صرف چار رن بنا سکے ہیں۔
انگلینڈ کے اوپنر جیسن رائے نے پہلے ہی اوور میں شاداب خان کو دو چوکے لگائے ہیں۔