آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
کرکٹ ورلڈ کپ 2019 میں پیر کو ناٹنگھم میں پاکستان نے میزبان انگلینڈ کو سنسنی خیز مقابلے کے بعد 14 رنز سے شکست دے کر ٹورنامنٹ میں اپنا پہلا میچ جیت لیا ہے۔
ذیشان حیدر، وقاص علی
انگلینڈ کے جو روٹ ورلڈ کپ 2019 کی پہلی سنچری بنانے والے کھلاڑی بن گئے ہیں۔ انھوں نے پاکستان کے خلاف کھیلتے ہوئے نو چوکوں اور ایک چھکے کی مدد سے یہ سنچری مکمل کی ہے۔ یہ ایک روزہ کرکٹ میں ان کی 15ویں سنچری ہے
یہ جو روٹ کا پاکستان کے خلاف سب دے بڑا سکور ہے۔ اس سے پہلے ان کا پاکستان کے خلاف سب سے بڑا سکور 89 تھا۔
جاس بٹلر اور جو روٹ کے درمیان پانچویں وکٹ کے لیے 100 رنز کی شراکت مکمل ہو گئی ہے۔ ان دونوں یہ سکور 14 اوورز میں بنایا ہے۔
جاس بٹلر کے کریئر کو دیکھیں تو پاکستان کے خلاف بیٹنگ کرتے ہوئے انھیں یقیناً مزا آتا ہے۔ نامہ نگار عبدالرشید شکور کے مطابق پاکستان کے خلاف بٹلر نے اب تک 14 ون ڈے کھیلے ہیں جن میں دو سنچریاں اور دو نصف سنچریاں بنائی ہیں۔
جو روٹ کا کیچ گرانا پاکستان کے لئے مہنگا ثابت ہو رہا ہے۔ وہ صرف نو رنز پر کھیل رہے تھے جب محمد عامر کی گیند پر بابر اعظم نے ان کا کیچ سلپ میں گرا دیا تھا
جاس بٹلر نے ایک شاندار چھکے کی مدد سے اپنی نصف سنچری مکمل کر لی ہے۔ انھوں نے یہ سنگِ میل 35 گیندوں پر پانچ چوکوں اور دو چھکوں کی مدد سے عبور کیا۔
جاس بٹلر اور جو روٹ کے درمیان پانچویں وکٹ کے لیے نو اوورز میں 65 رنز کی شراکت ہو چکی ہے اور پاکستان اس شراکت داری کو توڑنے کے لیے ہر ممکن کوشش کر رہا ہے۔
اگلے ہی اوور میں وہاب ریاض کی گیند پر بٹلر کی شاٹ فرسٹ سلپ سے ہوتی ہوئی باؤنڈری کے پار چلی گئی۔ وکٹ کیپر سرفراز احمد گیند کی جانب لپکے مگر وہ ان سے کہیں دور تھی۔
جاس بٹلر کے خلاف پاکستان کا ریویو ضائع گیا ہے۔ شاداب خان کی گیند بال ٹریکنگ میں وکٹوں کے اوپر سے جاتی دکھائی دی اور یوں پاکستان اپنے ریویو سے محروم ہو گیا ہے۔
بٹلر اور روٹ نے 38 گیندوں پر 50 رنز کی شراکت قائم کر کے گرنے والی چار وکٹوں کا دباؤ ختم کرنے کی کامیاب کوشش کی ہے۔
جاس بٹلر کے کریز پر آتے ہی میچ کا رخ تبدیل ہونے لگا ہے اور انھوں نے 150 رنز کے سٹرائیک ریٹ سے سکور کرتے ہوئے دباؤ کم کیا ہے۔ بٹلر نے اب تک تین چوکے اور ایک چھکا لگا کر اپنے عزائم ظاہر
انگلش ٹیم نے 26ویں اوور میں 150 رنز کا سنگِ میل عبور کر لیا ہے۔ کریز پر جاس بٹلر اور جو روٹ موجود ہیں اور ٹیم پر موجود دباؤ ختم کرنے کے لیے کوشاں ہیں۔
انگلش اننگز کا 25واں اوور پاکستان کے لیے خاصا مہنگا ثابت ہوا ہے اور بٹلر اور روٹ کے ایک ایک چھکے کی بدولت میزبان ٹیم اس اوور میں 15 رنز بنانے میں کامیاب رہی
جاس بٹلر نے پاکستان کی جانب سے انگلش بلے بازوں پر بنایا جانے والا دباؤ ختم کرنے کی کوشش شروع کر دی ہے۔ گزشتہ اوور میں چوکے کے بعد انھوں نے 25ویں اوور میں محمد حفیظ کو ایک چھکا بھی لگایا ہے
جارحانہ بلے بازی کے لیے مشہور انگلش کیپر جاس بٹلر نے شعیب ملک کو چوکا لگا کر اپنے عزائم ظاہر کر دیے ہیں۔ پاکستان کے لیے یہ میچ جیتنے کے لیے بٹلر کی وکٹ جلد لینا کلیدی ثابت ہو سکتا ہے۔
جنوبی افریقہ کے خلاف فتح گر اننگز کھیلنے والے بین سٹوکس پاکستان کے خلاف 13 رنز ہی بنا پائے اور شعیب ملک کی گیند پر سرفراز کے ہاتھوں کیچ ہو گئے۔
جو روٹ نے اپنی نصف سنچری 47 گیندوں پر چھ چوکوں کی مدد سے مکمل کی ہے۔ اس دوران انھیں ایک موقع اس وقت ملا تھا جب محمد عامر کی گیند پر بابر اعظم ان کا کیچ تھامنے میں ناکام رہے تھے۔
انگلینڈ کی ٹیم کے 100 رنز 18ویں اوور میں مکمل ہو گئے ہیں لیکن اس سنگِ میل تک پہنچنے کے لیے اسے جیسن رائے، جانی بیئرسٹو اور اوئن مورگن کی وکٹوں کا نقصان اٹھانا پڑا ہے۔