لاہور کے قدافی سٹیڈیم میں پی ایس ایل تھری کے پہلے الیمینیٹر مقابلے میں ایک سنسنی خیز مقابلے کے بعد پشاور زلمی نے کوئٹہ گلیڈی ایٹرز کو ایک رن سے ہرا دیا ہے۔
شجاع ملک
پشاور زلمی کے کپتان سیمی کا کہنا ہے ’موسم کو دیکھتے ہوئے ہم پہلے بولنگ کراتے۔ آج ہمارے پاس موقع ہے کہ اس کراؤڈ کے سامنے کھیلیں۔ پچ ٹھیک لگ رہی ہے اور پچ کوّرڈ ہونے کے باعث پہلے اوپنرز آ کر جائزہ لیں گے۔ اس کے بعد پچ کے بارے میں حتمی رائے دیں گے۔ ٹیم میں تمیم کو شامل کیا گیا ہے اور ویسلز کی جگہ فلیچر کو شامل کیا گیا ہے۔‘
کوئٹہ گلیڈی ایٹرز کے کپتان سرفراز احمد نے کہا ’پچ کافی دیر کے کوّرڈ تھی۔ امید ہے کہ زلمی کی جانب سے دیے جانے والے ہدف کا تعاقب کر لیں گے۔ ہم نے کوشش کی ہے کہ ان کھلاڑیوں کی کمی پوری کر سکیں جو آج کا میچ نہیں کھیل رہے۔ ٹیم میں کافی تبدیلیاں ہوئی ہیں۔ تھسارا، محمود اللہ اور ٹام کوہلر کیڈمور کو ٹیم میں شامل کیا گیا ہے۔ ان کے علاوہ اسد شفیق بھی ٹیم کا حصہ ہیں۔‘
پی ایس ایل تھری میں اب تک کوئٹہ اور پشاور دو میچوں میں آمنے سامنے تھے۔ ایک میچ کوئٹہ نے جبکہ ایک پشاور نے جیتا تھا۔
لاہور میں بارش ہو رہی تھی لیکن اب بارش تھم چکی ہے۔
پاکستان سپر لیگ کے تیسرے ایڈیشن کے پہلے ایلیمینیٹر میں کوئٹھ گلیڈی ایٹرز نے ٹاس جیت کر پہلے فیلڈنگ کا فیصلہ کیا ہے۔
