پیپلز پارٹی کا الیکشن کمیشن سے نئے انتخابات کی تاریخ اور شیڈول کے اعلان کا مطالبہ

پاکستان پیپلز پارٹی کے رہنماوں نے چیف الیکشن کمشنر سے ملاقات میں مطالبہ کیا ہے کہ انتخابات آئین کے اندر دی گئی مدت کے اندر ہونا چاہیئں دوسری جانب اسلام آباد ہائیکورٹ نے توشہ خانہ کیس میں سابق وزیر اعظم عمران خان کی سزا معطل کر دی ہے۔

لائیو کوریج

16 اگست 2023بلوچستان کے نگراں وزیراعلیٰ کا معاملہ اتفاق رائے نہ ہونے کے باعث پارلیمانی کمیٹی کے پاس چلا گیا, محمد کاظم، بی بی سی اردو ڈاٹ کام، کوئٹہ
بلوچستان کے نگراں وزیراعلیٰ کا معاملہ وزیراعلیٰ بلوچستان اور قائد حزب اختلاف کے درمیان اتفاق رائے نہ ہونے کے باعث پارلیمانی کمیٹی کے پاس چلا گیا ہے۔
قائد حزب اختلاف ملک سکندر ایڈووکیٹ نے بی بی سے بات کرتے ہوئے دعویٰ کیا انھوں نے متفقہ نگراں وزیراعلیٰ لانے کی کوشش کی لیکن وزیراعلیٰ میرعبدالقدوس بزنجو اس کے لیے آمادہ نہیں ہوئے جس پر معاملہ اب پارلیمانی کمیٹی نے طے کرنا ہے۔
یاد رہے کہ بلوچستان کے نگراں وزیراعلیٰ کے لیے وزیر اعلیٰ اور قائد حزب اختلاف کے درمیان ملاقات کوئٹہ کی بجائے اسلام آباد میں ہوئی کیونکہ وزیراعلیٰ تقریباً دو ہفتوں سے اسلام آباد میں قیام پذیر ہیں۔
واضح رہے کہ اسلام آباد میں نگراں وزیراعظم انوارالحق کاکڑ کی اسلام آباد میں جے یو آئی کے سربراہ مولانا فضل الرحمان سے ملاقات کے بعد پاکستان کی نشریاتی اداروں نے یہ خبر دی کی بلوچستان کے نگراں وزیراعلیٰ کے نام پراتفاق ہوگیا ہے۔
جب بی بی سی نے جے یو آئی کے ایک سینیئررہنما کے علاوہ بلوچستان عوامی پارٹی میں سابق وزیر اعلیٰ جام کمال کے ایک حامی رہنما سے رابطہ کیا توانھوں نے کہا کہ علی مردان ڈومکی کے نام پراتفاق ہونے والا ہے۔
جے یوآئی کے رہنما نے یہ بات وثوق کے ساتھ کہی کہ وزیراعلیٰ عبدالقدوس بزنجو بھی علی مردان کے نام پر اتفاق کریں گے لیکن گزشتہ شب 12 بجے تک وزیراعلیٰ قائد حزب اختلاف سے نہیں ملے۔
چونکہ 15 اگست قائد حزب اختلاف اور وزیر اعلیٰ کے درمیان اتفاق رائے کا آخری دن تھا لیکن اتفاق رائے نہ ہونے کے بعد آئینی لحاظ سے اب پارلیمانی کمیٹی نے وزیراعلی اور قائد حزب اختلاف کی جانب سے بھیجے جانے والے ایک نام پراتفاق کرنا ہے۔
قائد حزب اختلاف ملک سکندر ایڈووکیٹ نے کہا کہ اتفاق رائے نہ ہونے کے بعد انھوں نے اپنی جانب سے پارلیمانی کمیٹی کے لیے دو نام بھیج دیے ہیں جن میں انجینیئرعثمان بادینی اورعلی مردان ڈومکی کے نام شامل ہیں۔
معروف قانون دان سینیٹر کامران مرتضیٰ ایڈووکیٹ نے بی بی سی کو بتایا کہ پارلیمانی کمیٹی نے تین یوم میں فیصلہ کرنا ہے اوراگر پارلیمانی کمیٹی میں بھی اتفاق نہیِں ہوا توپھر پارلیمانی کمیٹی کی جانب سے بھیجے جانے والے کسی نام کے بارے میں فیصلہ الیکشن کمیشن کرے گا۔
16 اگست 2023جڑانوالہ: قرآن کی مبینہ بے حرمتی کے خلاف پرتشدد احتجاج، متعدد گرجا گھر نذر آتش
16 اگست 2023بریکنگ, پاکستان ریلویز کا کرایوں میں 10 فیصد اضافے کا اعلان
،تصویر کا ذریعہReuters
پاکستان ریلویز نے اپنےکرایوں میں 10 فیصد اضافے کا اعلان کر دیا ہے ۔
پاکستان ریلویز کی جانب سے جاری نوٹیفکیشن میں کرایوں میں اضافے کا اطلاق جمعرات 17 اگست سے ہو گا۔
یہ اضافہ ایک ایسے وقت میں سامنے آیا ہے جب آج ہی ملک میں پیٹرولیم مصنوعات کی قیمتوں میں بڑا اضافہ کیا گیا ہے۔
ہائی سپیڈ ڈیزل کی قیمت میں 20 روپے فی لیٹر جبکہ پیٹرول کی قیمت میں ساڑھے 17 روپے فی لیٹر اضافہ کیا گیا ہے۔
پاکستان ریلویز کی جانب سے جاری نوٹیفیکیشن کے مطابق کرایوں میں اضافہ تمام ایکسپریس، شٹل، پیسنجر، انٹر سٹی ٹرینوں اور ریلوے سیلون پر ہو گا۔
16 اگست 2023باجوڑ دھماکہ: ’بیٹے کی میت دیکھی تو چیخی نہیں لیکن ٹانگوں نے کام چھوڑ دیا‘
16 اگست 2023پی ٹی آئی کا نگران وزیراعظم کو خط: ’انتخابات کے بروقت انعقاد کو یقینی بنائیں‘
پاکستان تحریک انصاف کے وائس چیئرمین مخدوم شاہ محمود قریشی نے نگران وزیر اعظم انوارالحق کاکڑ کو خط لکھا ہے کہ ملک میں عام انتخابات 90 روز میں کرائیں جائیں۔
شاہ محمود قریشی نے اپنے خط میں لکھا کہ مشترکہ مفادات کونسل کی جانب سے مردم شماری کے نتائج کی تاخیر سے منظوری کے بعد نئی حلقہ بندیوں کے معاملے کو انتخابات میں التوا کا بہانہ ہرگز نہیں بنایا جا سکتا۔
خط میں یہ بھی کہا گیا کہ ’ہم مشترکہ مفادات کونسل کے فیصلے کو عدالت میں چیلنج کرنے کا ارادہ رکھتے ہیں۔‘
شاہ محمود کے خط میں نگران وزیر اعظم انوارالحق کاکڑ کو یہ بھی کہا گیا ہے کہ ’موجود حالات میں آپ کا منصفانہ طرزِ عمل جمہوری اقدار پر عوام کے اعتماد میں پختگی و تقویت کا موجب بنے گا۔‘
16 اگست 2023الیکشن کمیشن کو 90 روز میں انتخابات کرانے کی ہدایت جاری کی جائے، بار ایسوسی ایشن کی سپریم کورٹ میں درخواست
سپریم کورٹ بار ایسوسی ایشن نے مشترکہ مفادات کونسل کے فیصلوں کے خلاف سپریم کورٹ میں درخواست دائر کی ہے، جس میں استدعا کی گئی ہے کہ عدالت الیکشن کمیشن کو 90 روز میں عام انتخابات کرانے کی ہدایت جاری کرے۔
درخواست میں یہ بھی کہا گیا ہے کہ عدالت خیبرپختونخوا اور پنجاب کے نگران وزرائے اعلیٰ کی مشترکہ مفادات کونسل میٹنگ میں شرکت کو غیر قانونی قرار دے۔
درخواست میں یہ موقف بھی اختیار کیا گیا ہے کہ قومی اسمبلی کی تحلیل سے ایک ہفتہ قبل مشترکہ مفادات کونسل کا اجلاس بلا کر نئی مردم شماری کے اجرا کی منظوری لینے کا مقصد انتخابات میں تاخیر کرنا ہے۔
16 اگست 2023جڑانوالہ میں قرآن کی مبینہ بے حرمتی پر پرتشدد احتجاج، گرجا گھر نذرِ آتش
،تصویر کا ذریعہsocial media
فیصل آباد کی تحصیل جڑانوالہ میں قرآن کی مبینہ بے حرمتی کے واقعے کے بعد مشتعل مظاہرین نے مسیحی آبادی پر دھاوا بول کر تین گرجا گھروں کو نذرِ آتش کر دیا ہے جبکہ کرسچین کالونی کے علاوہ سرکاری عمارتوں میں توڑ پھوڑ بھی کی گئی ہے۔
حکام کے مطابق احتجاج کا یہ سلسلہ بدھ کی صبح شروع ہوا جب عیسیٰ نگری نامی علاقے میں چند نوجوانوں کی جانب سے قرآن کے اوراق کی مبینہ بےحرمتی کی اطلاعات سوشل میڈیا پر گردش کرنے لگیں۔
اے سی جڑانوالہ شوکت مسیح نے بی بی سی کو فون پر بتایا کہ 'صبح آٹھ سے نو بجے کے درمیان ہمیں مشتعل مظاہرین کی جانب سے عیسیٰ نگری میں احتجاج اور آگ لگائے جانے کی اطلاعات ملیں‘۔
ان کا کہنا تھا کہ 'مشتعل مظاہرین نے ہاتھوں میں ڈنڈے اٹھا رکھے ہیں اور ایسے ہی ایک گروہ کی جانب سے اے سی جڑانوالہ کے دفتر پر بھی حملہ کیا گیا۔'
اے سی آفس میں موجود ایک اہلکار نے بی بی سی کو بتایا کہ 'باہر کیا ہو رہا ہے ہمیں نہیں معلوم لیکن ہم اپنے دفتر میں بند ہیں۔ مظاہرین نے ہمارے دفتر کی کھڑکیاں اور شیشے توڑے ہیں۔'
حکام کے مطابق اس وقت صورتحال کو کنٹرول کرنے کی کوشش کی جا رہی ہے۔ جڑانوالہ پولیس کی جانب سے بدھ کو دو مسیحی نوجوانوں کے خلاف قرآن کی بےحرمتی اور توہینِ رسالت کے الزامات کے تحت مقدمہ بھی درج کیا گیا ہے۔
مقدمے کی ایف آئی آر میں کہا گیا ہے کہ شکایت کنندہ جب موقع پر پہنچے تو انھیں وہاں سے قرآن کے اوراق ملے جن پر سرخ پنسل سے گستاخانہ الفاظ لکھے ہوئے تھے اور ایک کلینڈر بنایا ہوا تھا تاہم ملزمان موقع سے فرار ہو چکے تھے۔
فیصل آباد پولیس کی جانب سے بھی ٹوئٹر پر جاری پیغام میں جڑانوالہ کے شہریوں کو مخاطب کر کے کہا گیا ہے کہ ’قرآن پاک کی بےحرمتی کرنے والوں کے خلاف سٹی تھانہ جڑانوالہ میں مقدمہ درج ہو چکا ہے اس لیے مظاہرین اشتعال انگیزی اور توڑ پھوڑ سے گریز کریں‘۔
پولیس کے مطابق ملزمان کی گرفتاری کے لیے چھاپے بھی مارے گئے ہیں تاہم وہ فرار ہو چکے ہیں۔
16 اگست 2023پاکستان میں 15 روز میں پیٹرول 37، ڈیزل 40 روپے مہنگا: وجہ عالمی منڈی میں قیمتوں میں اضافہ ہے یا کچھ اور؟
16 اگست 2023اسلام آباد ہائیکورٹ: شہریار آفریدی کے ایم پی او آرڈر کالعدم، ڈپٹی کمشنر اسلام آباد پر فردِ جرم عائد کرنے کا فیصلہ, شہزاد ملک، بی بی سی اُردو ڈاٹ کام
،تصویر کا ذریعہSocial Media
اسلام آباد ہائیکورٹ نے تحریک انصاف کے رہنما شہریار آفریدی کے ایم پی او آرڈر (نقضِ امن کے خطرے کے پیش نظر کسی کو حراست میں لینے کے احکامات) کیس میں جاری کردہ شوکاز نوٹسز کے جواب کو غیرتسلی بخش قرار دیتے ہوئے ڈپٹی کمشنر اور ایس ایس پی آپریشنز اسلام آباد پر فردِ جرم عائد کرنے کا فیصلہ کیا ہے۔
اسلام آباد ہائیکورٹ نے اس کیس کی آئندہ سماعت پر ڈی سی اسلام آباد اور ایس ایس پی آپریشنز پر فرد جرم عائد کرنے کے احکامات جاری کیے ہیں۔ بدھ کے روز تحریک انصاف کے رہنماؤں شہریار آفریدی اور شاندانہ گلزار کی ایم پی او کے تحت گرفتاری کے خلاف کیس کی سماعت جسٹس بابر ستار کی عدالت میں ہوئی۔
عدالت نے شہریار آفریدی کے خلاف ایم پی او کا حکم معطل کرتے ہوئے انھیں ناصرف وفاقی دارالحکومت سے باہر جانے سے روک دیا ہے بلکہ ان پر یہ پابندی بھی عائد کی گئی ہے کہ اس کیس کے فیصلے تک وہ میڈیا اور سوشل میڈیا پر کوئی بیان نہ دیں۔ عدالت نے یہ بھی کہا ہے کہ اگر اس دورانیے میں شہریار آفریدی کو کچھ ہوا تو آئی جی اسلام آباد اور چیف کمشنر ذمہ دار ہوں گے۔
سماعت کے موقع پر اسلام آباد پولیس اور انتظامیہ کے اعلیٰ افسران کمرہ عدالت میں موجود تھے۔ سماعت کے آغاز پر ڈپٹی کمشنر نے عدالت کو آگاہ کیا کہ نو مئی کو لاہور، کراچی سمیت دیگر شہروں میں غیر معمولی واقعات ہوئے۔ جس پر عدالت نے انھیں ٹوکتے ہوئے استفسار کیا کہ ’لاہور، کراچی نہیں آپ اپنے دائرہ اختیار کی بات کریں۔‘ اس پر ڈپٹی کمشنر نے دعویٰ کیا کہ انٹیلیجنس بیورو کی رپورٹ میں کہا گیا تھا کہ شہریار آفریدی ڈسٹرکٹ کورٹ پر حملہ کر سکتے ہیں۔
اس پر عدالت نے سوال کیا کہ ’کیا شہریار آفریدی کو دوران حراست موبائل کے سہولت میسر تھی؟‘ جس پر ڈی سی نے آگاہ کیا کہ اُن کی فیملی اُن سے ملاقات کرتی تھی اور ہو سکتا ہے کہ وہ اس دوران اپنے پیغامات باہر بھیج رہے ہوں۔ اس پر عدالت نے استفسار ’آپ نے پوچھا نہیں کہ جیل میں یہ پلاننگ کیسے کر رہے ہیں؟‘
اس پر ڈپٹی کمشنر کا کہنا تھا کہ ’میرے کان اور ناک تو اینٹلیجنس کے ادارے ہی ہیں، انھی کی رپورٹ دیکھ کر فیصلہ کرنا ہوتا ہے۔‘ ڈپٹی کمشنر نے الزام عائد کیا کہ جوڈیشری کے خلاف مہم میں بھی شہریار آفریدی کا نام آیا تھا۔ اِن تفصیلات کے بعد جسٹس بابر ستار نے دوبارہ استفسار کیا کہ جیل میں ہونے کے باوجود انھوں نے لوگوں کو کیسے اشتعال دلایا؟
عدالت نے ریمارکس دیے کہ ’آپ یہ کہہ رہے ہیں ہائی سکیورٹی زون میں بیٹھ کر وہ وہ عوام کو اکسا رہے تھے، آپ کی بات کیا مذاق ہے کہ ہائی سکیورٹی زون میں بیٹھا قیدی عوام کو اکسا رہا تھا، جس روز وہ رہا ہوئے اسی روز آپ کو پتہ چل گیا کہ وہ عوام کو ابھار رہے ہیں؟
عدالت نے اظہار برہمی کرتے ہوئے کہا کہ قانون کو تماشا بنا چکے ہیں، ہر عدالت ایم پی او کالعدم قرار دیتی ہے، یہ پھر ایم پی او جاری کر دیتے ہیں۔ اس موقع پر شہریار آفریدی کے وکیل کا کہنا تھا کہ ’نظربندی احکامات بعد میں جاری ہوئے، مگر (ان کے مؤکل کو) گرفتار پہلے کیا گیا۔
16 اگست 2023پرویز الٰہی کی درخواستِ ضمانت: سپریم کورٹ کی لاہور ہائیکورٹ کو 21 اگست تک فیصلہ کرنے کی ہدایت
،تصویر کا ذریعہsocial media
سپریم کورٹ میں پرویز الہٰی کی درخواست ضمانت پر سماعت جسٹس اعجاز الاحسن کی سربراہی میں تین رکنی بینچ نے کی ہے اور ضمانت سے متعلق لاہور ہائیکورٹ میں زیر التوا کیس کا فیصلہ 21 اگست کو کرنے کی ہدایت کی ہے۔
عدالت نے ریمارکس دی ہیں کہ ’اگر ہائیکورٹ کسی وجوہات کی بنا پر فیصلہ نہ کر سکی تو ہائیکورٹ کا دیا گیا حکم امتناعی واپس ہو جائے گا۔
16 اگست 2023بریکنگ, پیٹرولیم مصنوعات کی قیمتوں میں اضافہ: پیٹرول کی قیمت میں فی لیٹر ساڑھے 17 کا اضافہ، ڈیزل 20 روپے مہنگا ہو گیا
نگراں حکومت کے آتے ہی پیٹرولیم مصنوعات کی قیمتوں میں مزید اضافہ کر دیا گیا ہے۔ ہائی سپیڈ ڈیزل کی قیمت میں 20 روپے فی لیٹر جبکہ پیٹرول کی قیمت میں ساڑھے 17 روپے فی لیٹر اضافہ کیا گیا ہے۔
پٹرول اب فی لیٹر 290 اعشاریہ 45 روپے جبکہ ہائی سپیڈ ڈیزل 293 اعشاریہ 40 روپے ہو گئی ہے۔
،تصویر کا ذریعہMinistry of Finance
15 اگست 2023الیکشن کمیشن نے ٹرانسفر اور پوسٹنگ پر پابندی عائد کر دی, شہزاد ملک بی بی سی اردو
پاکستان کے الیکشن کمیشن نے نگراں حکومت کے دوران افسران کی ٹرانسفر اور پوسٹنگ پر پابندی عائد کر دی ہے۔ ایک نوٹیفکیشن کے ذریعے یہ واضح کیا گیا ہے کہ الیکشن کمیشن کی پیشگی منظوری کے بغیر کوئی بھی ٹرانسفر اور پوسٹنگ عمل میں نہیں لائی جائے گی۔
15 اگست 2023نگراں وزیراعظم انوارالحق کاکڑ کی مولانا فضل الرحمان کے گھر آمد، باجوڑ دھماکے پر تعزیت کی
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
15 اگست 2023صدر مملکت ڈاکٹر عارف علوی نے پیمرا ترمیمی بل 2023 کی منظوری دے دی
صدر مملکت ڈاکٹر عارف علوی نے پیمرا ترمیمی بل 2023 کی منظوری دے دی ہے۔ صدر مملکت نے بل کی منظوری آئین کے آرٹیکل 75 کے تحت دی ہے۔
واضح رہے کہ اس سے قبل صدر مملکت نے 13 بل بغیر دستخط کے واپس بھی بھجوائے ہیں اور پارلیمنٹ سے کہا ہے کہ وہ از سر نو اس قانون سازی پر غور کرے۔
سابق وزیراطلاعات مریم اورنگزیب نے اپنے ایک ٹویٹ میں کہا ہے کہ ’میڈیا خاص طور پر میڈیا ورکرز کو باضابطہ مبارک ہو، پرویز مشرف کی آمریت سے جنم لینے والے پیمرا کے سیاہ کالے قانون کو پیمرا (ترمیمی) بل 2023 کی صورت دستور پاکستان کی جمہوری و بنیادی انسانی حقوق کی حدود میں لے آئے ہیں۔
انھوں نے مزید دعویٰ کیا کہ ان کی گذشتہ اتحادی حکومت نے ’آرٹیکل 19 کو قانون کا حصہ بناکر اظہار رائے کی آزادی کو یقینی بنادیا ہے۔
X پوسٹ نظرانداز کریں
X کا مواد دکھانے کی اجازت دی جائے؟?
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
تنبیہ: بی بی سی دیگر ویب سائٹس کے مواد کی ذمہ دار نہیں ہے۔
X پوسٹ کا اختتام
15 اگست 2023’عمران خان کو قانونی حقوق کے تحت سہولیات نہیں دی جا رہی ہیں‘: کور کمیٹی تحریک انصاف
پاکستان تحریک انصاف کی کور کمیٹی نے چیئرمین پاکستان تحریک انصاف عمران خان کو جیل میں تمام سہولیات میسر نہ ہونے پر تحفظات کا اظہار کیا ہے۔
کور کمیٹی نے مؤقف اختیار کیا کہ ایک متنازع عدالتی فیصلے کے نتیجے میں جیل میں ڈالنے کے بعد بدترین قیدِ تنہائی میں رکھا جا رہا ہے جو قابل مذمت ہے۔
کور کمیٹی کے مطابق چیئرمین عمران خان کے معالج کو اب تک رسائی نہیں دی جا رہی ہے اور وکلا اور اہلِ خانہ کی ملاقاتوں میں بے جا رکاوٹیں بھی کھڑی کی جا رہی ہیں۔
کور کمیٹی کے مطابق عمران خان کو بدترین سیاسی انتقام کا نشانہ بنانے کے لیے قانون و حقوق کی دھجّیاں اڑائی جارہی ہیں۔
15 اگست 2023احتساب عدالت نے پرویز الٰٰہی کو جسمانی ریمانڈ پر نیب کے حوالے کر دیا
احتساب عدالت نے اربوں روپے کے بدعنوانی سے متعلق ایک مقدمے میں نیب کی درخواست پر پرویز الٰہی کا 21 اگست تک جسمانی ریمانڈ منظور کر لیا ہے۔ اس حکم کے بعد سابق وزیراعلیٰ پنجاب کو نیب کے حوالے کر دیا گیا ہے۔
نیب پراسیکیوٹر نے عدالت کو بتایا کہ پرویز الٰہی کو گھر کا کھانا نیب آفس میں فراہم کیا جارہا ہے۔ ان کے مطابق پرویز الٰہی کو گھر کے کھانے کی متعلقہ اتھارٹی نے منظوری دے دی تھی۔
سابق وزیراعلیٰ پنجاب کے وکیل نے عدالت سے استدعا کی کہ پرویز الٰہی سے جسمانی ریمانڈ کے دوران ان کی اہلیہ سے ملاقات کی اجازت دی جائے۔ پراسیکیوٹر نے کہا کہ ’اس درخواست پر ہم جواب دیں گے، اس پر عدالت ہمیں مہلت فراہم کرے۔‘
دوران سماعت نیب کے ایک وکیل وارث علی جنجوعہ نے احتساب عدالت کو بتایا کہ اس مقدمے میں چار لوگ پہلے ہی گرفتار ہیں جبکہ پرویز الٰہی کو کل گرفتار کر کے آج احتساب عدالت میں پیش کیا گیا ہے۔
ان کے مطابق پرویز الٰہی نے بطور وزیر اعلیٰ صرف گجرات کے لیے 72 ارب روپے کے ترقیاتی سکیمیں دیں۔ ان کے مطابق ’متعلقہ ایکسین سے 200 منصوبوں کی لسٹ تیار کروائی گئی ہے۔
نیب کے مطابق قانون کی خلاف ورزی کرتے ہوئے ’فاسٹ ٹریک‘ پر منصوبوں کی منظوری دی گئی۔
نیب کے وکیل کے مطابق مونس الٰہی نے اجلاس کر کے ’کک بیکس‘ کے شئیر طے کیے۔
ان کے مطابق ’ہمارے پاس ان سب باتوں کے ثبوت موجود ہیں۔ نیب کے وکیل نے مزید بتایا کہ ’کام شروع ہونے سے پہلے رقم جاری ہونا شروع ہو گئی، جو قانون کی خلاف ورزی ہے۔‘
وکیل امجد پرویز نے کہا کہ پرویز الٰہی کی گرفتاری کے خلاف سپریم کورٹ اور لاہور ہائی کورٹ میں کیسز زیر سماعت ہیں۔
15 اگست 2023الیکشن کمیشن عام انتخابات کب کرا رہا ہے: پاکستان کے چیف جسٹس عمر عطا بندیال کا سوال
الیکشن کمیشن عام انتخابات کب کرا رہا ہے؟ چیف جسٹس پاکستان عمر عطا بندیال نے یہ سوال حلقہ بندیوں سے متعلق ایک مقدمے کے دوران پوچھا؟
اس کے بعد چیف جسٹس عمر عطا بندیال خود ہی مسکراتے ہوئے ریمارکس دیے کہ ان کے سوال پر ’الیکشن کمیشن کے ڈی جی لا نے کندھے اُچکا دیے ہیں یعنی ابھی تو انتخابات کی کوئی تاریخ ہی طے نہیں ہوئی۔‘
چیف جسٹس نے کہا کہ الیکشن کمیشن انتخابات سے قبل تمام معاملات حل کرے۔
الیکشن کمیشن کی سندھ میں صوبائی حلقہ بندیوں کے خلاف درخواستوں پر سماعت کے بعد سپریم کورٹ نے حلقہ بندیوں سے متعلق معاملہ واپس الیکشن کمیشن کو بھجوا دیا ہے۔
چیف جسٹس پاکستان چیف جسٹس عمر عطابندیال کی سربراہی میں دو رکنی بنچ نے اس مقدمے کی سماعت کی۔ سندھ میں صوبائی حلقے پی ایس سات، آٹھ اور نو شکارپور کی حلقہ بندیاں سپریم کورٹ میں چیلنج کی گئی تھیں۔
چیف جسٹس عمر عطا بندیال نے کہا ہے کہ ’حلقہ بندیاں عوامی مفاد کا معاملہ ہے، سپریم کورٹ میں متعدد بار حلقہ بندیوں کا معاملہ آ چکا ہے، حلقہ بندیوں میں ٹپے دار سرکل کو ذرا بھی متاثر کرنے سے حلقے سے امیدوار کو پڑنے والے ووٹ متاثر ہوتے ہیں۔
چیف جسٹس نے کہا کہ الیکشن کمیشن حلقہ بندیاں شفاف طریقہ کار سے کرے۔ سندھ میں حلقہ بندیوں پر حساسیت زیادہ ہے، سندھ سے اکثر یہ گلہ کیا جاتا ہے کہ حلقہ بندیاں درست نہیں ہوئیں۔
15 اگست 2023صدر مملکت نے بغیر دستخط کیے 13 بل واپس بھجوا دیے، پارلیمنٹ از سر نو غور کرے: عارف علوی, شہزاد ملک بی بی سی اردو
صدر مملکت ڈاکٹر عارف علوی نے دستخط کیے بغیر 13 بلز واپس وزیر اعظم کو بھجوا دیے ہیں۔ جو بل واپس بھجوائے گئے ہیں ان میں کوڈ آف کرمنل پروسیجر ترمیمی بل، جو پولیس کو بغیر وارنٹ گرفتاری کا اختیار دینے سے متعلق ہے اور صحافیوں اور میڈیا پروفیشنل کے تحفظ کا بل بھی شامل ہیں۔
اس کے علاوہ جو بل واپس بھجوائے گئے ہیں ان میں نیشل سکلز یونیورسٹی ترمیمی بل، امپورٹ ایکسپورٹ ترمیمی بلز، ہائیر ایجوکیشن کمیشن ترمیمی بل، پاکستان انسٹیوٹ اف مینجمنٹ سائنسز اینڈ ٹیکنالوجی بل، نیوز پیپز اینڈ نیوز ایجنسیز اینڈ بکس رجسٹریشن بل، ہورائزن یونیورسٹی بل، صحافیوں اور میڈیا پروفیشنل کے تحفظ کا بل، فیڈرل پبلک سروس کمیشن ترمیمی بل، وفاقی اردو یونیورسٹی ترمیمی بل، این ایف سی انسٹیٹوٹ ملتان ترمیمی بل، نیشنل کمیشن برائے انسانی ترقی ترمیمی بل اور قومی ادارہ برائے ٹیکنالوجی بل شامل ہیں۔
صدر مملکت نے کہا کہ پارلیمنٹ از سر نو اس قانون سازی پر غور کرے۔
خیال رہے کہ قومی اسمبلی کی تحلیل کے بعد اس وقت پارلیمنٹ کا صرف ایک ہاؤس یعنی سینیٹ فعال ہے۔
15 اگست 2023عمران خان کی مزید چھ مقدمات میں ضمانتوں میں توسیع کی درخواستیں مسترد, شہزاد ملک، بی بی سی اردو ڈاٹ کام
،تصویر کا ذریعہGetty Images
اسلام آباد کی مقامی عدالت نے سابق وزیراعظم اور پاکستان تحریک انصاف کے چیئرمین عمران خان کی چھ مختلف مقدمات میں ضمانتوں میں توسیع کی درخواستیں مسترد کر دی ہیں۔
جن مقدمات میں ملزم عمران خان کی ضمانتیں کینسل کی گئی ہیں وہ چھ مقدمات ہیں اور یہ تمام مقدمات نو مئی کے واقعات کے بعد اسلام آباد کے مختلف تھانوں میں درج کیے گئے تھے۔
عمران خان کے خلاف یہ مقدمات تھانہ کراچی کمپنی، رمنا، کوہسار، ترنول اور سیکریٹریٹ میں درج ہیں۔ عدالت نے دلائل مکمل ہونے کے بعد ان درخواستوں پر فیصلہ محفوظ کیا تھا۔ ایڈیشنل سیشن جج محمد سہیل نے اپنے فیصلے میں لکھا ہے کہ بڑی سہولت ہوتی اگر چیئرمین پی ٹی آئی عمران خان ان مقدمات میں شامل تفتیش ہوتے۔
انھوں نے اپنے فیصلے میں کہا ہے کہ ضمانتوں میں توسیع کے لیے جو دائل دیے گئے اور بالخصوص سپریم کورٹ کے فیصلوں کا حوالہ دیا گیا لیکن اس معاملے میں چیئرمین تحریک انصاف اور سابق وزیر اعظم عمران حان کی ضمانتوں میں توسیع نہیں بنتی۔
اس سے قبل انسدادِ دہشتگردی کی عدالت نے بھی تین مقدمات میں عمران خان کی ضمانت میں توسیع کی درخواست مسترد کی تھی۔
15 اگست 2023حنا پرویز بٹ کو ہراساں کرنے کا واقعہ: ’کیا سیاسی اختلاف کا جواب یہ حرکتیں ہیں؟ ہرگز نہیں‘

پیپلز پارٹی کا الیکشن کمیشن سے نئے انتخابات کی تاریخ اور شیڈول کے اعلان کا مطالبہ

لائیو کوریج

16 اگست 2023بلوچستان کے نگراں وزیراعلیٰ کا معاملہ اتفاق رائے نہ ہونے کے باعث پارلیمانی کمیٹی کے پاس چلا گیا, محمد کاظم، بی بی سی اردو ڈاٹ کام، کوئٹہ

16 اگست 2023جڑانوالہ: قرآن کی مبینہ بے حرمتی کے خلاف پرتشدد احتجاج، متعدد گرجا گھر نذر آتش

16 اگست 2023بریکنگ, پاکستان ریلویز کا کرایوں میں 10 فیصد اضافے کا اعلان

16 اگست 2023باجوڑ دھماکہ: ’بیٹے کی میت دیکھی تو چیخی نہیں لیکن ٹانگوں نے کام چھوڑ دیا‘

16 اگست 2023پی ٹی آئی کا نگران وزیراعظم کو خط: ’انتخابات کے بروقت انعقاد کو یقینی بنائیں‘

16 اگست 2023الیکشن کمیشن کو 90 روز میں انتخابات کرانے کی ہدایت جاری کی جائے، بار ایسوسی ایشن کی سپریم کورٹ میں درخواست

16 اگست 2023جڑانوالہ میں قرآن کی مبینہ بے حرمتی پر پرتشدد احتجاج، گرجا گھر نذرِ آتش

16 اگست 2023پاکستان میں 15 روز میں پیٹرول 37، ڈیزل 40 روپے مہنگا: وجہ عالمی منڈی میں قیمتوں میں اضافہ ہے یا کچھ اور؟

16 اگست 2023اسلام آباد ہائیکورٹ: شہریار آفریدی کے ایم پی او آرڈر کالعدم، ڈپٹی کمشنر اسلام آباد پر فردِ جرم عائد کرنے کا فیصلہ, شہزاد ملک، بی بی سی اُردو ڈاٹ کام

16 اگست 2023پرویز الٰہی کی درخواستِ ضمانت: سپریم کورٹ کی لاہور ہائیکورٹ کو 21 اگست تک فیصلہ کرنے کی ہدایت

16 اگست 2023بریکنگ, پیٹرولیم مصنوعات کی قیمتوں میں اضافہ: پیٹرول کی قیمت میں فی لیٹر ساڑھے 17 کا اضافہ، ڈیزل 20 روپے مہنگا ہو گیا

15 اگست 2023الیکشن کمیشن نے ٹرانسفر اور پوسٹنگ پر پابندی عائد کر دی, شہزاد ملک بی بی سی اردو

15 اگست 2023نگراں وزیراعظم انوارالحق کاکڑ کی مولانا فضل الرحمان کے گھر آمد، باجوڑ دھماکے پر تعزیت کی

15 اگست 2023صدر مملکت ڈاکٹر عارف علوی نے پیمرا ترمیمی بل 2023 کی منظوری دے دی

15 اگست 2023’عمران خان کو قانونی حقوق کے تحت سہولیات نہیں دی جا رہی ہیں‘: کور کمیٹی تحریک انصاف

15 اگست 2023احتساب عدالت نے پرویز الٰٰہی کو جسمانی ریمانڈ پر نیب کے حوالے کر دیا

15 اگست 2023الیکشن کمیشن عام انتخابات کب کرا رہا ہے: پاکستان کے چیف جسٹس عمر عطا بندیال کا سوال

15 اگست 2023صدر مملکت نے بغیر دستخط کیے 13 بل واپس بھجوا دیے، پارلیمنٹ از سر نو غور کرے: عارف علوی, شہزاد ملک بی بی سی اردو

15 اگست 2023عمران خان کی مزید چھ مقدمات میں ضمانتوں میں توسیع کی درخواستیں مسترد, شہزاد ملک، بی بی سی اردو ڈاٹ کام

15 اگست 2023حنا پرویز بٹ کو ہراساں کرنے کا واقعہ: ’کیا سیاسی اختلاف کا جواب یہ حرکتیں ہیں؟ ہرگز نہیں‘