ایبٹ آباد میں موسلا دھار بارش کے بعد سیلابی صورتحال، گھروں اور ہسپتال میں پانی داخل

لائیو کوریج

1. 23 جولائی 2023الیکشن ایکٹ میں ترمیم کے ذریعے نگران وزیر اعظم اہم فیصلے کر سکے گا: اسحاق ڈار

   

   ،تصویر کا ذریعہReuters

   وزیر خزانہ اسحاق ڈار نے کہا ہے کہ الیکشن ایکٹ میں ترمیم زیر غور ہے تاکہ نگران وزیر اعظم اپنی مدت کے دوران معیشت سے جڑے اہم فیصلے کر سکے۔

   اینکر عادل شاہزیب کو دیے انٹرویو میں اسحاق ڈار نے کہا کہ ’الیکشن ایکٹ میں ترمیم ہونی چاہیے۔ تین ماہ تو کیا قوم کے تین گھنٹے ضائع نہیں کرسکتے۔ تین ماہ صرف روزمرہ کے کام کیوں کریں؟ ہمارا ماضی کا تجربہ اچھا نہیں ہے۔‘

   اس سوال پر کہ آیا ان کا نام نگران وزیر اعظم کے لیے زیرِ غور ہے، انھوں نے تصدیق یا تردید کیے بغیر کہا کہ ’میں جہاں بھی بیٹھا ہوں گا، ملک کے لیے کام کروں گا۔‘

   فی الحال پاکستان کے الیکشن ایکٹ 2017 کے سیکشن 230 کے تحت نگران حکومت صرف روزمرہ کے معاملات تک محدود رہتی ہے اور عام انتخابات کے انعقاد کے لیے الیکشن کمیشن کی معاونت کرتی ہے۔

   ادھر وفاقی وزیر برائے منصوبہ بندی احسن اقبال نے کہا ہے کہ اگر اسحاق ڈار پر تمام جماعتیں اور اپوزیشن اتفاق کر لیتے ہیں تو وہ نگران وزیر اعظم ہوسکتے ہیں، یا ان کی جگہ کوئی اور بھی ہوسکتا ہے۔

   جیو نیوز کو دیے انٹرویو میں وہ کہتے ہیں کہ ’میں نہ کسی کو شریک کر رہا ہوں نہ کسی کو حذف کر رہا ہوں۔ ہماری جماعت میں اس حوالے سے حتمی مشاورت نہیں ہوئی۔‘

   انھوں نے کہا کہ اسحاق ڈار کو نگران وزیر اعظم بنائے جانے کی اطلاعات فی الحال قیاس آرائیاں ہیں۔ ’کسی شخص کا انتخاب اتحادی جماعتوں کی مشاورت اور آئینی تقاضوں کے مطابق کیا جائے گا۔‘

   احسن اقبال نے کہا کہ ’ہم ایک غیر معمولی صورت میں ہیں جہاں نو ماہ کا آئی ایم ایف پروگرام ہے۔ نگران حکومت چاہے دو یا تین ماہ کی ہو، آئی ایم ایف پروگرام کی کامیابی کے لیے اس کے اہداف طے ہونے ہیں۔ اس حد تک قانون سازی حالات و واقعات کی مجبوری ہوگی۔‘

   وہ کہتے ہیں کہ ’غالب امکان ہے کہ نئی حکومت کو (آئی ایم ایف کے ساتھ) قرضوں کی ری سٹرکچرنگ کے لیے تین سال کا معاہدہ کرنا ہوگا تاکہ مستقل بنیادوں پر معیشت بحال ہوسکے۔‘

   ’حکومت کی مدت ختم ہونے میں صرف ڈھائی ہفتے رہ گئے ہیں۔ جمہوری عمل میں جماعتیں، سیاسی جماعتوں کے درمیان مشاورت کا عمل فطری کام ہے۔ وزیر اعظم ملک میں اتحادی جماعتوں، قائد حزب اختلاف سے مشاورت کریں گے۔‘

   انھوں نے کہا کہ ’آخری ہفتے تک حتمی شکل آ جائے گی کہ نگران وزیر اعظم کے لیے کون سے نام زیرِ غور ہیں۔‘ نواز شریف اور آصف زرداری کے درمیان دبئی میں ملاقاتوں پر تبصرہ کرتے ہوئے انھوں نے کہا کہ اس میں کوئی غیر معمولی بات نہیں۔

   ’جب بھی کوئی پالیسی فیصلہ ہوتا ہے اس میں ساری اتحادی جماعتوں کو اعتماد میں لے کر وزیر اعظم فیصلہ کرتے ہیں۔‘

2. 23 جولائی 2023کیا آموں کی تجارت پاکستان چین دوستی کی مٹھاس بڑھانے کے ساتھ ساتھ تجارتی مسائل کی کڑواہٹ کم کر سکے گی؟

3. 23 جولائی 2023خیبرپختونخوا میں 48 گھنٹوں میں بارش اور لینڈ سلائیڈنگ سے نو افراد ہلاک، سات زخمی

   پاکستان کے صوبہ خیبر پختونخوا کے قدرتی آفات سے نمٹنے کے ادارے کے مطابق صوبہ میں گذشتہ 48 گھنٹوں میں تیز بارش اور پہاڑی علاقوں میں لینڈ سلائیڈنگ کے باعث نو افراد ہلاک جبکہ سات زخمی ہوئے ہیں۔

   پی ڈی ایم اے کی جاری کردہ رپورٹ کے مطابق بارشوں سے صوبے میں 67 مکانات کو جزوی نقصان پہنچا ہے جبکہ سات گھر گر گئے ہیں۔

   صوبے کے ضلع چترال کے علاقے لوئر چترال میں بارشوں کے باعث سیلابی ریلے سے 39 جبکہ اپر چترال میں 19 گھروں کو جزوی نقصان پہنچا۔

   پی ڈی ایم اے کے مطابق سیکرٹری محکمہ ریلیف عبدالباسط نے تمام ڈپٹی کمشنر کو صوبے میں بارشوں سے زخمیوں اور ہلاک ہونے والوں افراد کے ورثاء کو فوری طور پر امدادی چیکس کی ادائیگی کی ہدایات جاری کر دی ہے۔

   سیکرٹری محکمہ ریلیف عبدالباسط کے مطابق صوبائی حکومت کی ہدایت پر بارشوں اور سیلاب سے متاثرہ اضلاع کے لیے 60 ملین روپے جاری کیے گئے ہیں۔

4. 23 جولائی 2023پنجاب کے دریاؤں میں پانی کے بہاؤ کی صورتحال

   

   ،تصویر کا ذریعہGetty Images

   پاکستان کے صوبہ پنجاب میں حالیہ بارشوں اور انڈیا کی جانب سے دریاؤں میں پانی چھوڑے جانے کے بعد صوبہ کے دریاؤں میں طغیانی اور سیلابی صورتحال پیدا ہو گئی ہے۔

   پاکستان کے صوبہ پنجاب کے قدرتی آفات سے نمٹنے کے ادارے کے مطابق دریائے جہلم میں مرالہ اور خانکی کے مقامات پر نچلے درجے کا سیلاب ہے۔

   ترجمان پی ڈی ایم اے کے مطابق دریائے راوی میں ہیڈ بلوکی کے مقام پر نچلے درجے کا سیلاب ہے۔ جبکہ دریائے ستلج میں سلیمانکی اور ہیڈ اسلام میں پانی کا بہاﺅ معمول کے مطابق ہے۔

   ترجمان پی ڈی ایم اے کے مطابق دریائے چناب میں قادر آباد کے مقام پر نچلے درجے کا سیلاب ہے۔ جبکہ دریائے سندھ میں تربیلہ، کالاباغ، چشمہ اور تونسہ کے مقام پر نچلے درجے کا سیلاب ہے۔

   ترجمان پی ڈی ایم اے کے مطابق مرالہ کے مقام پر پانی کی آمد 118,984 کیوسک اور اخراج 107,344کیوسک ریکارڈ کیا گیا ہے۔

   ہیڈ خانکی کے مقام پر پانی کی آمد 131,383کیوسک اور اخراج 124,665کیوسک ریکارڈ کیا گیا ہے۔

5. 23 جولائی 2023وسعت اللہ خان کا کالم: جنت مرزا بامقابلہ عمران خان

6. 23 جولائی 2023سیما حیدر کی انڈین صدر سے شہریت کی درخواست: ’یہ جاسوس ہو سکتی ہیں۔۔۔ پاکستان کی سرحد تک چھوڑ کر آئیں گے‘

7. 23 جولائی 2023ایف آئی اے کا سربراہ ابھی سے کہہ رہا ہے کہ مجھے جیل میں جانا ہے: عمران خان

   

   ،تصویر کا ذریعہPTI

   چیئرمین تحریک انصاف عمران خان نے کہا ہے کہ ’ ایف آئی اے کا سربراہ ابھی سے کہہ رہا ہے کہ عمران خان کو جیل میں جانا ہے تو اس کے بعد ایف آئی اے کی حیثیت کیا رہ گئی ہے۔‘

   سوشل میڈیا پر اپنے خطاب کے دوران عمران خان نے کہا کہ ’سپریم کورٹ میں بھی جب کیس گیا تو اٹارنی جنرل نے سائفر پر بات ہی نہیں کی گئی۔ اب ایف آئی اے جو تحقیق کرنا چاہ رہی ہے مجھے یہی نہیں بتایا گیا کہ مجھ سے کس چیز کا پوچھا جائے گا تاکہ میں تیاری کر سکوں۔‘

   انھوں نے دعویٰ کیا کہ ’کسی وکیل تک کو نہیں پتہ کہ اعظم خان کا کون سا بیان آرٹیکل 164 پر پورا اتر رہا ہے اور یہ ابھی تک صرف خبروں میں ہی آ رہا ہے۔‘

   سابق وزیر اعظم نے خطاب میں مزید کہا ’میں چاہتا ہوں کہ سائفر پر درست طریقے سے انکوائری ہو مگر یہ ایف آئی آر نہیں کر سکتی کیونکہ آیف آئی اے انھی کے ماتحت ہے جنھوں نے اس سے فائدہ اٹھایا۔‘

   عمران خان نے کہا کہ ’سائفر سامنے آتے ہی ہماری گورنمنٹ چلی گئی۔ میں نے بڑی کوشش کی کہ اس پر تحقیقات ہوں لیکن یہاں ایک آدمی کے پاس اتنی طاقت ہے کہ سائفر کو دبانے کی پوری کوشش کی گئی۔ سپر کنگ نے ہر حربہ استعمال کیا۔‘

   X پوسٹ نظرانداز کریں, 1

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام, 1

   عمران خان کے مطابق ’میں چاہتا ہوں کہ فیئر ٹرائل ہو اور مجھے سب بتانے کا موقع دیا جائے۔‘

   انھوں نے کہا کہ ’توشہ خانے پر ایک کیس الیکشن کمیشن نے کیا ہے اور ایک نیب نے۔ میں مقدمات کا سامنا کروں گا اور کہیں ملک سے باہر نہیں جاوں گا۔ شہباز شریف اور ان کے بیٹوں کی سات ارب روپے کی انکوائری بند کر دی گئی۔‘

   X پوسٹ نظرانداز کریں, 2

   X کا مواد دکھانے کی اجازت دی جائے؟?

   اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔

   Accept and continue

   تنبیہ: بی بی سی دیگر ویب سائٹس کے مواد کی ذمہ دار نہیں ہے۔

   X پوسٹ کا اختتام, 2

   انھوں نے خطاب کے آخر میں ایک بار پھر اپنی گرفتاری کے خدشے کے پیش نظر اپنے فالوورز سے پر امن احتجاج جاری رکھنے کی ہدایت کی۔

   ’میری اپنی قوم سے درخواست ہے کہ میں اگر جیل میں چلا جاوں تو بھی آپ سب پر امن جدوجہد جاری رکھیں اور اسی میں آپ کا مستقبل اور حقیقی آذادی ہے۔‘

   عمران خان کے مطابق ’میں چاہتا ہوں کہ جن چیزوں پر یہ مجھے جیل میں ڈالنے کی کوشش کر رہے ہیں وہ میں آپ کے سامنے لے آوں کیونکہ اس کے بعد مجھے کسی نے کچھ کہنے کا موقع نہیں دینا۔‘

   انھوں نے الزام عائد کیا کہ تمام پرائیویٹ چینل اس وقت سرکاری میڈیا بنے ہوئے ہیں۔

8. 23 جولائی 2023بریکنگ, الیکشن کمیشن کا خیبر پختونخوا کے نگران وزیر شاہد خٹک کو عہدے سے ہٹانے کا حکم

   الیکشن کمیشن آف پاکستان نے خیبرپختونخوا کے نگران صوبائی وزیر ٹرانسپورٹ اور انفارمیشن ٹیکنالوجی شاہد خٹک کو ’جلسے میں حصہ لینے‘ اور ’خطاب کرنے‘ پر عہدے سے ہٹانے کا حکم دیا ہے۔

   ایک بیان میں کمیشن کا کہنا ہے کہ شاہد خٹک کے نوشہرہ میں جلسہ عام میں حصہ لینے اور خطاب کرنے کی اطلاعات موصول ہوئی تھیں جس پر صوبائی الیکشن کمشنر خیبر پختونخوا سے واقعے کی رپورٹ طلب کی گئی تھی۔

   کمیشن کے مطابق اس رپورٹ کے جائزہ کے بعد نگران وزیر اعلیٰ کو ’حکم جاری کر دیا ہے کہ شاہد خٹک کو کابینہ سے ہٹایا جائے۔‘

   الیکشن کمیشن نے یہ بھی فیصلہ کیا کہ ’نگران حکومت پنجاب کو احکامات جاری کیے جائیں کہ اس کے کسی بھی عہدیدار بشمول وزیر کو کسی سیاسی و انتخابی مہم میں شرکت کی اجازت نہیں۔‘

9. 23 جولائی 2023اپیل کا حق دینے یا نہ دینے کا اختیار صرف پارلیمنٹ کو حاصل ہے: جسٹس عائشہ ملک

   

   ،تصویر کا ذریعہSupreme Court

   پاکستان کی سپریم کورٹ نے اپنے ایک فیصلے میں کہا ہے کہ آئینی عدالتیں فیملی کیسز کے حقائق کا جائزہ نہیں لے سکتیں۔

   جسٹس عائشہ ملک کے چھ صفحات پر مشتمل فیصلے میں کہا گیا ہے کہ اپیل کا حق دینے یا نہ دینے کا اختیار صرف پارلیمنٹ کو حاصل ہے جبکہ دوسری اپیل کا حق دستیاب نہ ہو تو متعلقہ فورم کا فیصلہ حتمی تصور ہوگا۔

   اس میں مزید کہا گیا ہے کہ ’ہائیکورٹ کو یہ حق حاصل نہیں کہ وہ سائلین کو دوسری اپیل کا حق دے۔‘

   ’فیملی کیسز میں حقائق کا جائزہ لینے کے لیے ہائیکورٹ کو دوسری اپیل کا حق نہ دینے کا مقصد قانونی تنازعات کو جلد حل کرنا ہے۔ اگر ہائیکورٹس فیملی کیسز میں حقائق کا جائزہ لینا شروع کر دیں تو اس سے مقدمات کا سیلاب آئے گا۔‘

   اس فیصلے میں کہا گیا ہے کہ عدالتوں کو یہ اختیار نہیں دیا جا سکتا کہ وہ غیر ضروری طور پر قانونی عمل کا غلط استعمال کریں۔ ’جب ٹرائل کورٹس اور اپیلٹ کورٹ حقائق کا تعین کر دیں تو آئینی عدالتوں کو مداخلت سے گریز کرنا چاہیے۔

   ’ٹرائل کورٹس اور اپیلٹ کورٹس کو حقائق کا جائزہ لینے کا اختیار دینے کا مقصد غیر ضروری مقدمہ بازی کی روک تھام ہے۔‘

   اس فیصلے یہ پس منظر یہ ہے کہ کوہاٹ کی فیملی کورٹ نے میاں بیوی کے ایک تنازع پر بیوی کے حق میں فیصلہ سنایا تھا اور ڈسٹرکٹ کورٹ کوہاٹ نے فیملی کورٹ کا فیصلہ برقرار رکھا تھا۔ تاہم پشاور ہائیکورٹ نے حقائق کا درست جائزہ نہ لینے پر ماتحت عدالتوں کے فیصلے کالعدم قرار دیے تھے۔

10. 22 جولائی 2023اسلامیہ یونیورسٹی بہاولپور کے مبینہ ’فحش ویڈیوز‘ سکینڈل کی حقیقت کیا ہے؟

11. 22 جولائی 2023باربی کی نمائش پر پنجاب میں تنازع: فلم میں ایسا کیا ہے جس پر اس کا ’جائزہ‘ لیا جا رہا ہے؟

12. 22 جولائی 2023ڈس انفارمیشن کا فیصلہ پہلے چیئرمین پیمرا کرتے تھے،اب ان کے ساتھ 3 رکنی کمیٹی کرے گی‘

    

    ،تصویر کا ذریعہTwitter

    وزیر اطلاعات مریم اورنگزیب نے پیمرا ترمیمی بل سے متعلق پریس کانفرنس میں کہا ہے کہ پیمرا ترمیمی بل پر تمام سٹیک ہولڈرز سے مشاورت کی گئی ہے اور اب چیئرمین پیمرا سے پاور لے کر کاونسل آف کمپلین کو دے دی گئی ہے۔

    مریم اورنگزیب نے کہا کہ ’ دوسری ترمیم میں مِس انفارمیشن اور ڈِس انفارمیشن کی وضاحت کی گئی ہے۔ ڈس انفارمیشن اور مس انفارمیشن کا فیصلہ پہلے چیئرمین پیمرا کرتے تھے۔ اب یہ تعین چیئرمین پیمرا کے ساتھ 3 رکنی کمیٹی کرے گی۔‘

    وزیر اطلاعات کا کہنا تھا کہ جو لوگ بل پر تنقید کر رہے ہیں ان سے کہتی ہوں کہ کرتی ہوں کہ پہلے بل پڑھیں۔

    وزیر اطلاعات نے کہا کہ ’ہم نے پہلی بار اس بل میں صحافیوں کی تنخواہوں کی بروقت ادائیگی کی شق شامل کی ہے، اس بل میں پہلی ترمیم کے تحت لائسنس یافتہ صحافتی ادارے کا ہر ملازم، چاہے وہ ڈیسک پر بیٹھتا ہو، کیمرا سنبھالتا ہو یا ایڈیٹر ہو، وہ میڈیا ورکر ہی شمار کیا جائے گا۔‘

13. 22 جولائی 2023بریکنگ, خیبرپختونخوا میں تیز بارشوں کے باعث مختلف حادثات میں کم از کم چار افراد ہلاک

    خیبرپختونخوا میں گزشتہ 24 گھنٹوں کے دوران تیز بارشوں سے حادثات کےنتجے میں 4 افراد ہلاک جبکہ کم از کم ایک شخص کے زخمی ہونے کی اطلاعات ہیں۔

    پی ڈی ایم اے کی رپورٹ کے مطابق صوبہ بھرمیں سیلاب اور بارشوں سے 12 گھروں کو جزوی نقصان پہنچا ہے۔ رپورٹ کے مطابق چترال لوئر میں سیلاب سے نو گھروں کو جزوی نقصان پہنچا۔

    محکمہ ریلیف کی ہدایات پر ضلعی انتطامیہ، پی ڈی ایم اے، ریسکیو1122، سول ڈیفنس، ضلعی انتطامیہ اور متعلقہ ادارے الرٹ ہیں۔

    ترجمان محکمہ ریلیف کا کہنا ہے کہ لوئر چترال میں سیلاب کا پانی کم ہوتے ہی نقصانات کا تفصیلی جائزہ شروع کیا جائے گا۔

    ترجمان کے بیان کے مطابق لوئر چترال کی حساس کمیونٹیز کو پہلے ہی محفوظ مقامات پرمنتقل کر دیا گیا ہے اور متاثرہ خاندانوں کو کھانے پینے کی اشیاء (خشک راشن) فراہم کر دیا گیا۔

    ترجمان کے مطابق کوغوزی کے مقام پر سڑک کو ٹریفک کے لیے کلیئر کر دیا گیا ہے جبکہ دیر اپر کی ضلعی انتظامیہ کی جانب سے یک طرفہ سڑک کھول دی گئی ہے اور اب سڑک کی دو طرفہ بحالی کا کام جاری ہے۔

14. 22 جولائی 2023بریکنگ, بجلی کے بنیادی ٹیرف میں ساڑھے سات روپے فی یونٹ تک اضافے کی درخواست نیپرا میں دائر, سحر بلوچ، بی بی سی اردو ڈاٹ کام،اسلام آباد

    

    ،تصویر کا ذریعہGetty Images

    بجلی کے بنیادی ٹیرف میں سات روپے 50 پیسے فی یونٹ تک اضافے کی درخواست پاور ڈویژن نے نیپرا میں جمع کروائی ہے۔

    منظوری کی صورت میں بجلی کا زیادہ سے زیادہ فی یونٹ 50 روپے سے بڑھ جائے گا۔ حیال رہے کہ بجلی کی قیمتوں میں اضافے کا اطلاق یکم جولائی سے کرنے کی تجویز زیر غور ہے۔

    اس سے قبل نیپرا نے بجلی کا بنیادی ٹیرف چار روپے چھیانوے پیسے فی یونٹ تک بڑھانے کی منظوری دی تھی۔

    واضح رہے کہ کابینہ نے بجلی کا بنیادی ٹیرف 3 روپے سے ساڑھے سات روپے فی یونٹ تک بڑھانے کی منظوری دی ہے۔

    بی بی سی کے پاس موجود دستاویز کے مطابق ’100 یونٹ والے گھریلو صارفین کے لیے بجلی 3 روپے فی یو نٹ مہنگی کرنےکی تجویز ہے۔‘

    دستاویز کے مطابق ’101 سے 200 یونٹ والے صارفین کے لیے بجلی 5 روپے مہنگی کرنے کی تجویز ہے اور 201 سے 300 یونٹ والے صارفین کے لیے بجلی 5 روپے مہنگی کرنے کی تجویز ہے۔‘

    دستاویز کے مطابق ’301 سے 400 یونٹ والے صارفین کے لیے فی یونٹ بجلی چھ روپے 50 پیسے مہنگی کرنے کی تجویز ہے جبکہ 400 سے 700 یونٹ والے صارفین کے لیے بجلی ساڑھے سات روپے مہنگی کرنی کی تجویز ہے۔‘

    درخواست پر نیپرا کے فیصلے کے بعد ٹیرف میں اضافے کا باقاعدہ نوٹیفیکیشن جاری کیا جائے گا۔

    حکام کے مطابق لائف لائن صارفین بجلی کی قیمتوں میں اضافے سے مستثنیٰ ہوں گے جبکہ ماہانہ 200 یونٹ تک پروٹیکٹڈ صارفین کے لیے بھی قیمت میں اضافہ نہیں ہوگا۔

15. 22 جولائی 2023لاہور میں موسلا دھار بارش: اربن فلڈنگ کیا ہے اور زیادہ بارش ہونے پر پانی شہریوں کے گھروں تک کیسے پہنچ جاتا ہے؟

16. 22 جولائی 2023زراعت اور ریئل سٹیٹ پر کوئی ٹیکس نہیں لگایا جائے گا: اسحاق ڈار

    

    ،تصویر کا ذریعہPRESS INFORMATION DEPARTMENT

    وزیر خزانہ اسحاق ڈار نے قومی اسمبلی کے اجلاس میں زراعت اور ریئل سٹیٹ پر کوئی ٹیکس نہ لگائے جانے کی یقین دہانی کروائی ہے۔

    وزیر خزانہ نے جمعے کے روز ہونے والے قومی اسمبلی کے اجلاس میں خطاب کے دوران آئی ایم ایف معاہدے کی دستاویز پیش کیں۔

    انھوں نے ایوان کو بتایا کہ آئی ایم ایف سے جو معاہدہ کیا ہے اس کی تفصیلات ایوان میں پیش کررہا ہوں اور اس کا مقصد یہ ہے کہ اراکین پارلیمنٹ کو اس کی تفصیلات کا علم ہوسکے۔‘

    انھوں نے دعویٰ کیا کہ یہ کام شفافیت کو برقرار رکھنے کے لیے کیا جارہا ہے۔

    ’تمام دستاویزات وزارت خزانہ کی ویب سائٹ پر بھی موجود ہیں جب کہ ان دستاویزات کی نقول قومی اسمبلی سیکرٹریٹ کی لائبریری میں بھی بھجوائی جارہی ہیں۔‘

    اسحاق ڈار نے سابقہ حکومت پر الزام عائد کرتے ہوئے کہا کہ ’گزشتہ حکومت کی ناقص پالیسیوں کے سبب ملک کی معیشت کو مشکلات کا سامنا کرنا پڑا۔‘

    ان کے مطابق ’آئی ایم ایف کا نواں جائزہ نومبر 2022 ، دسواں فروری 2023 اور گیارہواں بھی 2023 میں منعقد ہونا تھا لیکن کریڈیبیلیٹی گیپ کی وجہ سے نواں جائزہ تاخیر کا شکار ہوا۔‘

17. 21 جولائی 2023جسٹس فائز عیسیٰ کے خلاف کیوریٹو ریویو خارج: ’پاکستان کے قانون میں کیوریٹو ریویو کی کوئی گنجائش نہیں‘

    

    ،تصویر کا ذریعہSC

    پاکستان کی سپریم کورٹ کے چیف جسٹس نے حکومت کی جانب سے جسٹس قاضی فائز عیسیٰ کے خلاف دائر درخواستیں خارج کردیں۔

    چیف جسٹس پاکستان عمر عطا بندیال نے تحریری حکمنامہ جاری کردیا ہے جس کے مطابق درخواستیں واپس لینے کی بنیاد پر خارج کی گئیں۔

    فیصلہ میں کہا گیا ہے کہ ’پاکستان کے قانون میں کیوریٹو ریویو کی کوئی گنجائش نہیں۔ ‘

    جسٹس قاضی فائز عیسی کے غیر ملکی اثاثوں سے متعلقصدارتی ریفرنس پر سپریم کورٹ کے دس رکنی بینچ کے فیصلے کے خلاف اس وقت کی پاکستان تحریک انصاف کی حکومت نےنظرثانی کی اپیل دائر کی تھی تاہم پی ٹی آئی کی حکومت کے خاتمے کے بعد موجودہ حکومت نے نظرثانی کی اپیل واپس لے لی تھی۔

    فیصلے میں کیا کہا گیا

    وفاقی حکومت کی درخواست منظور کرتے ہوئے سپریم کورٹ کا کہنا تھا کہ ’عمومی حالات میں کیوریٹو ریویو کے قابل سماعت ہونے پر معاملہ عدالت کو بھیجا جاتا ہے، قانون درخواست گزاروں کو اپنی درخواستیں واپس لینے کی اجازت دیتا ہے، کیو ریٹو ری ویو کی درخواستیں بظاہر قابل سماعت بھی نہیں۔‘

    فیصلہ میں مزید کہا گیا ہے کہ ’کسی جج نے بنیادی حقوق یا عوامی مفاد پر فیصلے کا کالعدم قرار دینے کا نہیں کہا، ایسے کسی عدالتی نکتہ نظر کی عدم موجودگی میں دوبارہ نظرثانی کی درخواست کا جواز نہیں بنتا۔‘

    حکم نامے کے مطابق ’سپریم کورٹ میں کیویٹو ریویو واپس لینے کیلئے 18 درخواستیں دائر کی گئیں، ملکی قانون میں ایک فیصلے پر دوسری نظرثانی درخواست کی گنجائش نہیں، کیوریٹو نظرثانی کے حق میں دی گئی قانونی نظیریں بھی اس کے خلاف ہی جاتی ہیں، پاکستان میں مکمل انصاف کی فراہمی کے لیے ازخود نظرثانی کا اختیار موجود ہے۔‘

    جسٹس فائز عیسی کیس میں عدالت نے ازخود نظرثانی کا اختیار استعمال نہیں کیا۔

    حکم نامے میں کہا گیا ہے کہ ’کیوریٹو ریویو کا مقصد دوسری بار نظر ثانی کرنا تھا جس کی رولز میں گنجائش نہیں۔‘

    تیرہ صفحات پر مشتمل فیصلہ چیف جسٹس نے اپنے چیمبر سماعت کے بعد جاری کیا۔

    فیصلہ میں وضاحت کی گئی ہے کہ ’جج کے مس کنڈکٹ کا جائزہ صرف سپریم جوڈیشل کونسل لے سکتی ہے عدالت نہیں، سوموٹو کارروائی میں کسی فریق کا ہونا لازمی نہیں، عدالت کا کام صرف ٹھوس معلومات پر کارروائی کرنا ہوتا ہے۔‘

    چیف جسٹس نے 10 اپریل کو محفوظ کیا گیا فیصلہ تین ماہ 11 دن بعد جاری کیا۔

    

    ،تصویر کا ذریعہGetty Images

    نظر ثانی کی اپیلوں میں اب تک کیا ہوا

    یاد رہے کہ سپریم کورٹ کے دس رکنی بینچ نے اپنے ہی ایک جج جسٹس قاضی فائز عیسی کے خلاف صدارتی ریفرنس سے متعلق عدالتی فیصلے پر نظرثانی کی اپیلیں منظور کی تھیں۔

    جون 2020 میں جسٹس قاضی فائز عیسیٰ کے خلاف صدارتی ریفرنس کے فیصلے میں عدالت نے ایف بی آر کو ان کی اہلیہ سرینا عیسیٰ کی جائیداد اور ٹیکس کے معاملات دیکھنے کے بارے میں حکم دیا تھا اور اس کی رپورٹ سپریم کورٹ کے رجسٹرار کے پاس جمع کروانے کی ہدایت کی تھی۔

    صدارتی ریفرنس کے فیصلے میں دیے جانے والے حکم کے خلاف دائر کی گئیں نظرثانی کی اپیلیں چار کے مقابلے میں چھ کی اکثریت سے منظور کی گئیں۔

    اس کے بعد حکومت نے ایک بار پھر عدالت سے رجوع کیا اور اس بار فیصلہ 10 میں سے 7 ججز حق میں اور 3 جسٹس فائز عیسیٰ کے خلاف تھے۔ جون 2020 کے فیصلے میں سپریم کورٹ کے دس رکنی بینچ کی اکثریت نے جسٹس قاضی فائز عیسی کے خلاف صدارتی ریفرنس کالعدم قرار دے دیا تھا جبکہ اس میں سے سات ججوں نے جسٹس قاضی فائز عیسیٰ کی اہلیہ اور ان کے بچوں کا معاملہ ایف بی آر میں بھیجنے کا حکم دیا تھا۔

    اس کے بعد اس وقت کی پی ٹی آئی کی حکومت کے اٹارنی جنرل فروغ نسیم نے نطر ثانی کے فیصلے پر کیوریٹو ریویو کی درخواست دائر کی اور ایسا پاکستان کی عدالتی تاریخ میں پہلی بار ہوا تھا۔

    واضح رہے کہ دونوں مرتبہ جسٹس قاضی فائز عیسیٰ کے خلاف فیصلہ دینے والے ججز میں موجودہ چیف جسٹس عمر عطا بندیال شامل تھے۔

18. 21 جولائی 2023ڈالر کی قیمت میں مزید اضافہ، ایک ڈالر 286 روپے کی سطح عبور کر گیا, تنویر ملک، صحافی

    پاکستانی کرنسی کے مقابلے میں ڈالر کی قیمت میں اضافے کا رجحان جمعے کے روز بھی جاری رہا اور ایک ڈالر کی قیمت میں کاروبار کے اختتام تک 1.66 روپے کا اضافہ ریکارڈ کیا گیا۔

    انٹربنک میں ایک ڈالر کی قیمت 286.61 روپے کی سطح پر بند ہوئی۔

    واضح رہے کہ ڈالر کی قیمت میں گزشتہ چند روز سے اضافہ جاری ہے اور آئی ایم ایف کی قسط کے جاری ہونے کے بعد ڈالر کی قیمت میں جو کمی واقع ہوئی تھی وہ ڈالر کی قیمت میں اضافے کی وجہ سے زائل ہو چکی ہے۔

    کرنسی ڈیلروں کے مطابق اگرچہ پاکستان کے زرمبادلہ ذخائر میں ایک ہفتے کے دوران چار ارب ڈالر کا اضافہ ہوا تاہم درآمدات پر پابندیوں کے خاتمے کی وجہ سے ایل سیز کھولنے کے لیے ڈالر کی طلب میں اضافہ دیکھا جا رہا ہے جو پاکستانی روپے پر دباؤ بڑھا رہا ہے جس کی وجہ سے اس کی قیمت میں کمی واقع ہو رہی ہے۔

19. 21 جولائی 2023وڈھ میں مینگل قبیلے کے دو گروہوں کے درمیان جھڑپوں میں پھر تیزی، آخر یہ تنازع ہے کیا؟

20. 21 جولائی 2023190ملین پاؤنڈ سکینڈل کیس: عمران خان کے سابق پرنسپل سیکریٹری اعظم خان سے نیب کی پوچھ گچھ, شہزاد ملک، بی بی سی اردو ڈاٹ کام، اسلام آباد

    سابق وزیر اعظم اور چیئرمین عمران خان کے سابق پرنسپل سیکریٹری اعظم خان القادر ٹرسٹ اور 190 ملین پاؤنڈ کیس میں نیب راولپنڈی کے اسلام آباد دفتر میں پیش ہوئے ہیں۔

    واضح رہے کہ نیب نے اعظم خان کو اس کیس میں اپنا بیان ریکارڈ کرانے اور شامل تفتیش ہونے کے لیے طلب کر رکھا تھا۔

    نیب حکام نے اعظم خان نے اس کیس کے حوالے سے پوچھ گچھ کی جس میں مبینہ طور پر برطانیہ میں پاکستانی بزنس مین ملک ریاض اور برطانیہ کی ایجنسی این سی اے کے درمیان خفیہ معاہدے کے نتیجے میں 190 ملین پاؤنڈ کی رقم پاکستان کی ریاست کو واپس کی گئی۔

    تاہم عمران خان پر الزام ہے کہ بطور وزیر اعظم ان کے دور حکومت میں یہ پیسہ حکومت پاکستان کے اکاؤنٹ میں جمع کرانے کے بجائے سپریم کورٹ میں ملک ریاض کی جانب سے بحریہ ٹاؤن کراچی اراضی کیس میں عدالت کی جانب سے عائد جرمانے کی قسط کے طور پر جمع کروا دیا گیا۔۔