کورونا: 187 متاثرہ ممالک کی فہرست میں پاکستان 19ویں نمبر پر آ گیا

لائیو کوریج

1. 9 مئ 2020لاک ڈاؤن سوموار سے ختم نہیں ہو رہا: وزیر اعلی سندھ

   وزیر اعلی سندھ نے ان میڈیا رپورٹس کی تردید کی ہے جن میں دعوی کیا جا رہا ہے کہ سندھ میں سوموار کے روز سے لاک ڈاؤن کا خاتمہ کیا جا رہا ہے۔

   وزیر اعلی ہاؤس سے جاری کردہ ایک پریس ریلیز میں کہا گیا ہے کہ ’اب ہم لاک ڈاؤن کے دوسرے مرحلے میں داخل ہو رہے ہیں جس میں مزید پابندیاں عائد کی جائیں گی خاص کر ایسے مقامات پر جہاں وبا کا پھیلاؤ زیادہ ہے۔‘

   اعلامیے میں کہا گیا ہے کہ چند شعبوں جیسا کہ کنسٹریکشن انڈسٹری کو کچھ چھوٹ دی گئی ہے جبکہ رہائشی علاقوں میں واقع چھوٹی دکانوں کو بھی ایس او پیز پر عملدرآمد کرتے ہوئے کاروبار کھولنے کی ہدایت کی گئی ہے۔

2. 9 مئ 2020گھر میں خود ماسک کیسے بنائیں؟

   کیا آپ جانتے ہیں کہ گھر میں موجود اشیا کی مدد سے ماسک بنائے جا سکتے ہیں۔ اس ویڈیو میں ’ماسک بناؤ‘ مہم کے ڈائریکٹر عدن علی آپ کو باآسانی ماسک بنانا سکھائیں گے۔

3. 9 مئ 2020پاکستان میں بورڈ کے امتحانات منسوخ کیے جانے کے فیصلے کے بعد سوشل میڈیا پر بحث

   وفاقی وزیر تعلیم شفقت محمود نے جمعرات کو اعلان کیا کہ تعلیمی ادارے 15 جولائی تک بند رہیں گے اور بورڈ کے امتحانات کو منسوخ کر دیا گیا ہے۔ اس فیصلے کے بعد ٹوئٹر پر دلچسپ ٹرینڈز کے علاوہ صارفین پالیسی کے اطلاق کے حوالے سے سوالات پوچھتے نظر آرہے ہیں۔

   پڑھیے کے لوگ کیا کہہ رہے ہیں۔

4. 9 مئ 2020گھر میں قرنطینہ ہوتے ہوئے کن ہدایات پر عمل پیرا ہونا ضروری ہے؟

   پاکستان میں بیشتر افراد کورونا کی علامات ظاہر ہونے یا کورونا ٹیسٹ مثبت آنے کے بعد اپنے آپ کو گھروں میں ہی قرنطینہ کر رہے ہیں۔

   مگر ایسا کرتے ہوئے آپ کو کیا کرنا ہے اور کیا نہیں کرنا اس حوالے سے محکمہ صحت حکومت سندھ نے ایک تفصیلی ہدایت نامہ جاری کیا ہے۔

   قرنطینہ میں کیا کرنا ہے؟

   • قرنطینہ کے لیے گھر کے ایسے کمرے کا انتخاب کیجیے جہاں تازہ ہوا کا گزر ہو
   • اس بات کا دھیان رکھیے کہ آپ کے گھر کے دیگر افراد آپ سے اس وقت تک مکمل طور پر الگ تھلگ رہیں جب تک آپ شفایاب نہیں ہو جاتے
   • اپنے گھر سے ایک فرد یا ایک مددگار کا انتخاب کیجیے جو آپ کی ضروریات کا خیال رکھے اور ایسا کرتے ہوئے وہ تمام تر حفاظتی اقدمات یعنی ماسک، حفاظتی سوٹ، دستانے اور دیگر اشیا کا استعمال کرے
   • اپنے ہاتھوں کو بار بار دھوئیے کھانستے یا چھینکتے وقت اپنے منھ کو ٹشو سے ڈھانپیے اور ایسا کرنے کے بعد ٹشو کو فوراً ڈسپوز آف کر دیں
   • کمرے میں ایسا کوڑے دان استعمال کیجیے جس پر ڈھکن لگا ہو
   • کمرے میں رہتے ہوئے سرجیکل ماسک کا استعمال کیجیے اور اگر یہ گیلا ہو جائے تو اسے تبدیل کیجیے
   • اپنے کپڑوں کو گرم پانی میں دھوئیے

   قرنطینہ میں کیا نہیں کرنا؟

   • جس کمرے میں آپ نے اپنے آپ کو قرنطینہ کر رکھا ہے اس سے ہرگز باہر نہ نکلیں
   • قرنطینہ کے دورانیے میں اپنے گھر کسی مہمان کو نہ آنے دیں
   • ایسے افراد کو ہرگز اپنی تیمارداری پر متعین نہ کریں جو بوڑھے ہیں، مدافعتی نظام کمزور ہے یا کسی پہلے ہی کسی اور بیماری کا شکار ہیں
   • اپنے چہرہ کو اپنے ہاتھوں سے ہرگز نہ چھوئیں
   • اتارنے کے بعد اپنے کپڑوں کو جھاڑیے مت
   • وہ فرد جو آپ کے اتارے ہوئے کپڑے جمع کرے اسے ان کو چھونے کی اجازت ہرگز نہ دیں

   ڈاکٹر سے رابطہ کب کرنا ہے؟

   اگر آپ اپنے آپ کو گھر میں قرنطینہ کرنے کا فیصلہ کرتے ہیں تو مندرجہ ذیل علامات ظاہر ہونے کی صورت میں فوراً ڈاکٹر سے رابطہ کریں:

   • بخار یا کھانسی ہونے کی صورت میں
   • سانس لینے میں دشواری کی صورت میں
   • ہونٹوں یا چہرے کی رنگت نیلی پڑنے پر
   • قرنطینہ میں جانے کے بعد ایک ڈاکٹر روزانہ کی بنیاد پر آپ سے رابطہ کرے گا، تاہم ہنگامی صورتحال میں سندھ کے باسی ان نمبروں پر رابطہ کریں 021-99204452، 99206565، 0111712-0316

5. 9 مئ 2020بی بی سی اردو کی لائیو کوریج جاری ہے

   پاکستان میں کورونا وائرس کے متاثرین اور اموات بڑھ رہی ہیں۔

   جمعے کو پاکستان میں کیا کچھ ہوا، جاننے کے لیے یہاں کلک کریں