لاہور: کیا ایکسپو سینٹر ہسپتال میں گندگی کی وجہ سے مریضوں کے ٹیسٹ مثبت آ رہے ہیں؟
لاہور کے ایکسپو سینٹر فیلڈ ہسپتال کے غسل خانے میں پانی کھڑا ہے اور یہاں داخل تمام افراد کورونا کے مصدقہ مریض ہیں، اس پانی میں کورونا وائرس کی موجودگی کا امکان مسترد نہیں کیا جا سکتا نہ ہی وہ جتنی بار غسل خانے میں جاتے ہیں اس سے بچ پاتے ہوں گے۔
تو سوال یہ ہے کہ ایسے میں پھر کیا ان کا ٹیسٹ کبھی منفی آ پائے گا؟ اور کیا ان کا یہ خوف درست ہے کہ وہ کبھی لاہور کے ایکسپو سنٹر فیلڈ ہسپتال سے باہر نہیں نکل پائیں گے؟
ایکسپو سنٹر میں رکھے گئے 400 سے زائد کورونا کے مریضوں کی ایک بڑی تعداد نے گذشتہ چند روز سے مسلسل احتجاج کر رہی ہے۔ سوشل میڈیا پر یہ مناظر بڑی تعداد میں دیکھنے کو ملے۔
جمعے کے روز احتجاج کے دوران مشتعل مظاہرین نے ایکسپو سنٹر سے باہر نکلنے کی کوشش میں داخلی گیٹ بھی توڑ دیا۔