پاکستان: پہلی بار ایک دن میں 1300 سے زیادہ نئے مریض، کُل اموات 486

پاکستان میں کورونا وائرس کے مصدقہ مریضوں کی تعداد 21 ہزار سے تجاوز کر گئی ہے جبکہ ہلاکتوں کی مجموعی تعداد 486 ہے۔ گذشتہ 24 گھنٹوں میں پاکستان میں پہلی مرتبہ 1300 سے زیادہ کورونا متاثرین ایک دن میں سامنے آئے ہیں۔

لائیو کوریج

2 مئ 2020’پاکستان نے کورونا کا مقابلہ کئی ملکوں سے بہتر کیا‘
وفاقی حکومت کے ترجمان اور وزیر اطلاعات شبلی فراز نے حزب اختلاف سے مطالبہ کیا ہے کہ کووڈ 19 کے مسئلے پر کوئی سیاست نہ کی جائے اور سب اکٹھے ہوں تاکہ جلد از جلد اس سے نمٹا جاسکے۔
انھوں نے جمعے کو پریس کانفرنس کے دوران کہا کہ حکومت نے دیہاڑی دار مزدوروں کی فلاح کے لیے سمارٹ لاک ڈاؤن نافذ کیا تاکہ انھیں معاشی مسائل سے بچایا جاسکے۔
’موجودہ معاشی حالات کے پیش نظر ملک مکمل لاک ڈاؤن کا متحمل نہیں ہوسکتا۔‘
شبلی فراز نے یہ بھی کہا ہے کہ پاکستان نے اپنے معاشی مسائل کے باجود کئی ملکوں سے بہتر انداز میں کووڈ 19 کی وبا کا مقابلہ کیا ہے۔
ان کا کہنا تھا کہ صحت کے نظام کی بہتری آئین میں 18ویں ترمیم کا حصہ ہے۔
2 مئ 2020پاکستان میں کورونا کے خلاف جنگ میں ٹیکنالوجی کا کیا کردار؟
وزیراعظم پاکستان کی معاونِ خصوصی اور ڈیجیٹل پاکستان کی سربراہ تانیہ آئدروس پاکستان کی ان چند خواتین میں شامل ہیں جو ملک میں کورونا وائرس کے خلاف جنگ میں پیش پیش ہیں۔
ہمارے ساتھی شجاع ملک نے ان سے ملاقات کی اور یہ جاننے کی کوشش کی ڈیجیٹل پاکستان کا کورونا وائرس کے خلاف جنگ میں کیا کردار ہے؟
2 مئ 2020پاکستان میں اس برس رمضان میں کھجور مہنگی کیوں ہے؟
2 مئ 2020بیرون ملک پھنسے پاکستانیوں کے لیے نئی خصوصی پروازیں
وزارتِ اوورسیز پاکستانیز نے سری لنکا، تنزانیہ، کوریا، جرمنی، امریکہ اور ایمسٹرڈیم کے لیے خصوصی پروازوں کا اعلان کیا ہے۔
ان پروازوں کی مدد سے بیرون ملک پھنسے پاکستانیوں کی وطن واپسی ممکن ہوگی۔
2 مئ 2020عمران خان روسی وزیر اعظم کی جلد صحتیابی کے لیے دعاگو
پاکستان کے وزیر اعظم عمران خان نے اپنے ایک ٹویٹ میں کہا ہے کہ وہ روس کے وزیر اعظم کی جلد صحتیابی کے لیے دعاگو ہیں۔
روس کے وزیر اعظم میخائل میشوتن میں حال ہی میں کورونا وائرس کی تشخیص ہوئی ہے۔
عمران خان نے مزید کہا ہے کہ کورونا وائرس سب کے لیے ایک چیلنج ہے اور اس کے مقابلے کے لیے ’ہم اپنے روسی دوستوں کے ساتھ کھڑے ہیں۔
2 مئ 2020صدر مملکت کی قومی اتحاد کی اپیل
ریڈیو پاکستان کے مطابق صدر مملکت عارف علوی نے کورونا وائرس کی وبا کے دوران تمام اہم شعبوں میں کام کرنے والے سٹیک ہولڈرز سے ایک قومی اتحاد قائم کرنے کا مطالبہ کر دیا ہے۔
انھوں نے کراچی میں پاکستان میڈیکل ایسوسی ایشن اور اسلامی میڈیکل ایسوسی ایشن سے ملاقات کی ہے۔
صدر مملکت کے مطابق ڈاکٹر اور پیرامیڈک عملہ تعریف کا حقدار ہے کہ جس طرح انھوں نے اس وبا کے دوران صف اول میں اہم کردار ادا کیا ہے۔
ان کا کہنا ہے کہ پیرامیڈک عملے کی حفاظت حکومت کی اولین ترجیح ہے۔
2 مئ 2020کورونا وائرس کو سمجھنے کے لیے ’R` نمبر کی اتنی اہمیت کیوں ہے؟
2 مئ 2020پاکستان میں کل متاثرین 18 ہزار سے زیادہ, مصدقہ متاثرین 18117، اموات 417
- سرکاری اعداد و شمار کے مطابق پاکستان میں اس وقت کورونا وائرس کے متاثرین کی کل تعداد 18,114 ہے۔
- سب سے زیادہ متاثرین پنجاب میں 6733 ہیں۔
- اب تک 417 ہلاکتیں ہوئی ہیں اور خیبر پختونخوا اس حوالے سے سب سے زیادہ متاثرہ ہے جہاں 161 افراد کووڈ 19 سے ہلاک ہوئے ہیں۔
- گذشتہ 24 گھنٹوں میں 1297 افراد میں کورونا وائرس کی تصدیق ہوچکی ہیں۔ یہ پاکستان میں ایک دن میں کووڈ 19 کے نئے مریضوں کی سب سے بڑی تعداد ہے۔
- گذشتہ ایک روز کے دوران کووڈ 19 سے 32 اموات پیش آئی ہیں۔
- اس وقت تک ملک میں کورونا سے 4715 افراد صحتیاب ہوچکے ہیں۔
2 مئ 2020عالمی وبا کے دنوں میں بھی بی بی سی ہر قدم پر آپ کے ساتھ
’ایک دن آئے گا جب ہم آپ کو خبر دیں گے کہ آج کورونا وائرس کے نئے مریض سامنے نہیں آئے۔۔۔ لیکن تب تک ہم یہیں ہیں۔ آپ کے ساتھ ، ہر قدم پر آپ کو ہر خبر سے باخبر رکھنے کے لیے۔‘
2 مئ 2020گذشتہ دو روز سے پنجاب میں سندھ سے زیادہ کورونا وائرس ٹیسٹ ہوئے
گذشتہ چند روز سے پاکستان کے صوبہ پنجاب پر یہ تنقید کی جا رہی تھی کہ یہاں کورونا وائرس کے ٹیسٹوں میں کمی واقع ہو رہی ہے جبکہ ادھر صوبہ سندھ ہر روز ٹیسٹوں کی تعداد میں اضافہ دیکھنے میں آ رہا تھا۔
تاہم گذشتہ دو روز سے پنجاب میں سندھ سے زیادہ کورونا وائرس ٹیسٹ ہوئے ہیں۔
آج صوبہ پنجاب میں کل 3684 ٹیسٹ کیے گئے جبکہ صوبہ سندھ میں 3384 ٹیسٹ کیے گئے۔
تاہم ماہرین کا کہنا ہے کہ صوبہ پنجاب کو اپنی آبادی کے حساب سے ٹیسٹوں میں مزید اضافہ کرنا ہو گا۔
2 مئ 2020پاکستان میں گذشتہ 24 گھنٹوں میں 1297 نئے مریض، 32 اموات
پاکستان میں گذشتہ 24 گھنٹوں کے دوران کورونا وائرس سے 1297 افراد متاثر ہوئے ہیں جبکہ 32 اموات بھی ریکارڈ ہوئی ہیں۔
ملک میں کورونا وائرس سے متاثرہ افراد کی تعداد 18114 ہو گئی ہے جبکہ اب تک 417 اموات ہو چکی ہیں۔
اب تک صحتیاب ہونے والے افراد کی تعداد 4715 ہو چکی ہے۔ گذشتہ روز پاکستان کے صوبہ سندھ میں سب سے زیادہ 622 نئے مریض سامنے آئے۔ صوبے میں اموات کی تعداد 118 ہو گئی ہے۔
ادھر صوبہ پنجاب میں 397 متاثرین میں کورونا وائرس کی تصدیق ہوئی اور ہلاکتیں 115 ہو گئی ہیں۔
2 مئ 2020بریکنگ, کورونا وائرس: دارالحکومت اسلام آباد میں 22 نئے مریض، کل 365 متاثرین
پاکستان کے دارالحکومت اسلام آباد میں 22 نئے مریضوں کے بعد شہر میں متاثرہ افراد کی کل تعداد 365 ہو گئی ہے جبکہ اب تک شہر میں کل چار اموات ہوئی ہیں۔
دارالحکومت اسلام آباد کا سب سے متاثرہ علاقہ سیکٹر آئی 10 جبکہ اس کے علاوہ بھی پورے شہر میں متاثرہ مریض موجود ہیں جن کے ٹیسٹ کیے جا رہے ہیں۔
2 مئ 2020پشاور: حیات آباد میڈیکل کمپلیکس نے پلازمہ سے کورونا متاثرہ مریضوں کے علاج کا آغاز
پشاور کے حیات آباد میڈیکل کمپلیکس نے کورونا وائرس کے متاثرہ مریضوں کے لیے رو بہ صحت پلازمہ کے ذریعےعلاج کرنے کا آغاز کر دیا ہے۔
ہسپتال کی جانب سے جاری کردہ اعلامیے کے مطابق ایچ ایم سی نے اس پروگرام کے تحت نیشنل انسٹیٹیوٹ آف بلڈ ڈیذیز کراچی کے ساتھ ایم او یو بھی سائن کر دیا ہے۔
ڈاکٹر طاہر شمسی کے زیرقیادت اس قومی پروگرام کو توسیع دیتے ہوئے رو بہ صحت پلازمہ کو کورونا متاثرین کے علاج کے لیے استعمال کیا جائے گا۔
صوبائی حکومت نے اس پروگرام کے حوالے سے ایچ ایم سی کے ہیماٹالوجی ڈیپارٹمنٹ کی انچارچ پروفیسر شہتاج خان کی سَربراہی میں ایک کمیٹی تشکیل دی ہے جو کہ لیبارٹری میں پلازمہ پراسیس کرنے والی مشین اور اس سے متصل تمام تر انتظامات کی سرپرستی کر کے تمام سہولیات بروقت مہیا کریں گی۔
لیب ٹیسٹنگ جیسے روٹین وائرولوجی اور امیونوگلوبلین کی صورتحال کی گائیڈ لائنز کو واضح طور پر بیان کیا گیا ہے اور ساتھ ہی ڈونر اور وصول کنندہ کی منظوری دے دی گئی ہے اور معالجین اور انتظامی احکامات کی ایک ٹیم ہے جو اس وقت اس علاج کے آپشن کے مختلف پہلوؤں کو کڑی نگرانی میں حل کرنے میں اہم کردار ادا کر رہی ہے۔
اتفاق سے رو بہ صحت پلازمہ کا عطیہ دینے کےلئے جو پہلا رضا کار اپنا کردار ادا کر رہا ہے وہ ایچ ایم سی کے کارڈیا لوجی ڈیپارٹمنٹ کے ڈاکٹر سلمان ہیں جو دوران ڈیوٹی کورونا وائرس سے متاثر ہوے تھے اور اب صحتیاب ہو چکے ہیں۔
2 مئ 2020داراحکومت اسلام آباد مختلف سیکٹرز کو ’ڈس انفیکٹ‘ کرنے کا سلسلہ جاری
ڈپٹی کمشنر اسلام آباد حمزہ شفقات نے بی بی سی کی آسیہ انصر کو بتایا ہے کہ اسلام آباد کے سیکٹر آئی 10 میں کروونا وائرس کے تین مزید مثبت کیسز سامنےآئے ہیں۔
حمزہ شفقات کے مطابق سیکٹر آئی 10 کے متاثرہ حصوں کو ڈس انفیکٹ کرنے کا سلسلہ جاری ہے جو اگلے دو روز میں مکمل ہو جائے گا جبکہ سیکٹر ایف 10 اور جی 10 کے بھی ان دس گھروں کو ڈس انفیکٹ کر دیا گیا ہے جن میں مثبت کیسز پائے گئے تھے.
حمزہ شفقات نے بتایا کہ اسلام آباد میں جن لوگوں کو کورونا وائرس نے متاثر کیا ان میں 30 سے 39 سال کی عمر کے 89 لوگ ہیں۔
انھوں نے بتایا کہ جوان افراد میں اس بڑی تعداد کی وجہ یہ ہے کہ وہ لاپرواہی کا مظاہرہ کرتے ہویے بلا ضرورت گھروں سے باہر نکل رہے ہیں اور سماجی دوری کی پالیسی پر غیر زمہ داری کا رویہ اختیار کر رہے ہیں۔
ڈپٹی کمشنر اسلام آباد نے یہ بھی بتایا کہ اسلام آباد میں متاثر ہونے والوں میں 71 فیصد مرد اور 29 فیصد خواتین ہیں.
شہر میں کورونا وائرس سے نو سال تک کے 16 بچے بھی متاثر ہوئے۔
ڈپٹی کمشنر اسلام آباد کے مطابق اسلام آباد میں 343 کروونا کے کیسز مثبت آئے جن میں سے 44 صحت مند بھی ہوئے ہیں۔
ان کا کہنا تھا کہ این ڈی ایم اے کی مدد سے تمام پازیٹو کیسز والے مریضوں کی رہائش گاہوں کو ڈس انفیکٹڈ کیا جا رہا ہے۔
2 مئ 2020اسلام آباد میں ہر اس گھر میں جراثیم کش سپرے کیا جائے گا جہاں کورونا کے مریض ہیں: ضلعی انتظامیہ
پاکستان کے دارالحکومت اسلام آباد کی انتظامیہ کا کہنا ہے کہ شہر میں ہر اس گھر میں جراثیم کش سپرے کیا جا رہا ہے جہاں سے کورونا وائرس کے مریض سامنے آئے ہیں۔
خیال رہے کہ اسلام آباد سیکٹر آئی 10 میں سب سے زیادہ مریض سامنے آنے کے بعد اس کے کچھ علاقوں کو سیل کر دیا گیا تھا۔
ضلعی انتظامیہ کا کہنا ہے کہ سیکٹر جی 10 اور ایف 10 میں متعدد گھروں میں جراثیم کش سپرے کیا جا رہا ہے۔
2 مئ 2020انڈیا میں مسلمان مریضوں کے ساتھ مبینہ تفریق کیسے روکی جائے؟
2 مئ 2020بریکنگ, پاکستان میں ایک روز میں پہلی مرتبہ 1200 سے زائد نئے مریض
پاکستان میں گذشتہ چار روز سے ایک دن میں متاثرین کی تعداد میں ریکارڈ اضافہ دیکھنے میں آ رہا ہے تاہم آج یہ پہلا موقع تھا جب ملک میں کورونا وائرس متاثرین کی تعداد 1000 سے تجاوز کی ہو۔
آج سامنے آنے والے 1275 متاثرین میں سے سب سے بڑی تعداد صوبہ سندھ سے تھی جہاں 622 افراد میں کورونا وائرس کی تصدیق ہوئی۔
خیال رہے کہ گذشتہ چار روز میں ملک میں چار ہزار سے زائد متاثرین سامنے آئے ہیں۔ اس کے علاوہ حکم مئی کو 32 ہلاکتیں بھی ریکارڈ کی گئی ہیں۔
2 مئ 2020بریکنگ, کورونا: پنجاب میں 393 نئے مریض، پاکستان میں متاثرین 18 ہزار سے زیادہ, پاکستان میں کل متاثرین: 18092 | اموات: 417 | صحتیاب: 4431
پاکستان کے صوبہ پنجاب میں کورونا وائرس کے باعث 393 نئے مریض سامنے آنے کے بعد ملک میں ایک دن میں پہلی مرتبہ 1200 سے زائد متاثرین سامنے آئے ہیں جبکہ ہلاکتوں کی کل تعداد 417 ہو گئی ہے۔
اس طرح ملک میں میں اب متاثرین کی کل تعداد 18 ہزار سے زیادہ ہو گئی ہے۔
صوبے میں مزید نو ہلاکتوں کے بعد وہاں یہ تعداد 115 ہو گئی ہے۔
آج سب سے بڑا اضافہ صوبہ سندھ میں دیکھنے میں آئے جہاں ریکارڈ 622 متاثرین سامنے آئے۔
صوبہ بلوچستان میں 87 جبکہ گلگت بلتستان میں آج ایک مریض سامنے آیا ہے۔
ادھر اموات کے اعتبار سے سب سے زیادہ متاثرہ صوبہ خیبر پختونخوا میں 172 نئے مریض اور مزید 15 افراد ہلاک ہوئے جس سے صوبے میں ہلاکتوں کی تعداد 161 ہو گئی ہے۔
اب تک ملک میں 4431 افراد صحتیاب بھی ہوئے ہیں۔
2 مئ 2020پاکستان: مصدقہ متاثرین 17699، کُل اموات 408
پاکستان میں کورونا وائرس کے مصدقہ متاثرین کی مجموعی تعداد 17699 ہو چکی ہے جبکہ ہلاکتوں کی تعداد 408 ہے۔
اب تک مجموعی طور 4431 افراد کورونا سے صحت یاب بھی ہو چکے ہیں۔
سندھ 6675 متاثرین کے ساتھ سرِفہرست ہے جبکہ پنجاب میں 6340، خیبرپختونخوا میں 2799، بلوچستان میں 1136، گلگت بلتستان میں 340، اسلام آباد میں 343 جبکہ پاکستان کے زیر انتظام کشمیر میں متاثرین کی تعداد 66 ہے۔
اگر ہلاکتوں کی بات کی جائے تو 161 اموات کے ساتھ خیبرپختونخوا سرِفہرست ہے جبکہ پنجاب میں 106، سندھ میں 118، بلوچستان میں 16، اسلام آباد میں چار جبکہ گلگت بلتستان میں ہلاکتوں کی کُل تعداد تین ہے۔
1 مئ 2020عالمی یوم مزدور: تصویری جھلکیاں
پاکستان کے مختلف شہروں بشمول کراچی، لاہور اور کوئٹہ میں عالمی یوم مزدور کی مناسبت سے ریلیوں اور جلسوں کا انعقاد کیا گیا۔
کورونا وائرس کی وبا کے باعث پوری دنیا کی طرح پاکستان میں بھی ان ریلیوں کا انعقاد انتہائی محدود پیمانے پر کیا گیا اور مناسب سماجی فاصلہ رکھنے کے اصول کی پابندی کی گئی۔
دیکھیں تصویری جھلکیاں۔

پاکستان: پہلی بار ایک دن میں 1300 سے زیادہ نئے مریض، کُل اموات 486

لائیو کوریج

2 مئ 2020’پاکستان نے کورونا کا مقابلہ کئی ملکوں سے بہتر کیا‘

2 مئ 2020پاکستان میں کورونا کے خلاف جنگ میں ٹیکنالوجی کا کیا کردار؟

2 مئ 2020پاکستان میں اس برس رمضان میں کھجور مہنگی کیوں ہے؟

2 مئ 2020بیرون ملک پھنسے پاکستانیوں کے لیے نئی خصوصی پروازیں

2 مئ 2020عمران خان روسی وزیر اعظم کی جلد صحتیابی کے لیے دعاگو

2 مئ 2020صدر مملکت کی قومی اتحاد کی اپیل

2 مئ 2020کورونا وائرس کو سمجھنے کے لیے ’R` نمبر کی اتنی اہمیت کیوں ہے؟

2 مئ 2020پاکستان میں کل متاثرین 18 ہزار سے زیادہ, مصدقہ متاثرین 18117، اموات 417

2 مئ 2020عالمی وبا کے دنوں میں بھی بی بی سی ہر قدم پر آپ کے ساتھ

2 مئ 2020گذشتہ دو روز سے پنجاب میں سندھ سے زیادہ کورونا وائرس ٹیسٹ ہوئے

2 مئ 2020پاکستان میں گذشتہ 24 گھنٹوں میں 1297 نئے مریض، 32 اموات

2 مئ 2020بریکنگ, کورونا وائرس: دارالحکومت اسلام آباد میں 22 نئے مریض، کل 365 متاثرین

2 مئ 2020پشاور: حیات آباد میڈیکل کمپلیکس نے پلازمہ سے کورونا متاثرہ مریضوں کے علاج کا آغاز

2 مئ 2020داراحکومت اسلام آباد مختلف سیکٹرز کو ’ڈس انفیکٹ‘ کرنے کا سلسلہ جاری

2 مئ 2020اسلام آباد میں ہر اس گھر میں جراثیم کش سپرے کیا جائے گا جہاں کورونا کے مریض ہیں: ضلعی انتظامیہ

2 مئ 2020انڈیا میں مسلمان مریضوں کے ساتھ مبینہ تفریق کیسے روکی جائے؟

2 مئ 2020بریکنگ, پاکستان میں ایک روز میں پہلی مرتبہ 1200 سے زائد نئے مریض

2 مئ 2020بریکنگ, کورونا: پنجاب میں 393 نئے مریض، پاکستان میں متاثرین 18 ہزار سے زیادہ, پاکستان میں کل متاثرین: 18092 | اموات: 417 | صحتیاب: 4431

2 مئ 2020پاکستان: مصدقہ متاثرین 17699، کُل اموات 408

1 مئ 2020عالمی یوم مزدور: تصویری جھلکیاں