Taariikhyahan jarjaray gabadhii uu jeclaa

Taariikhyahan u dhashay Ruushka oo qirtay inuu toogtay isla markaana jarjaray saaxiibtiis oo ay ku wada sugnaayeen St Petersburg ayaa jeelka loo taxaabay oo lagu xukumay 12 sano iyo badh.

Oleg Sokolov, oo 63 jir ah, khabiir ku ah dagaalada Napoleonic, ayaa qirtay dambiga dilkii Anastasia Yeshchenko, oo 24 jir ah.

Waxaa laga helay isagoo sakhraansan oo webi ku dhex jira bishii Nofeembar 2019 halka oo gacmaha ka jaray Ms Yeshchenko ay ku jirtay shandaddiisa.

Dadka u ololeeya xuquuqda haweenka ayaa sheegaya in kiiskan uu muujinayo dareen la'aan ku saabsan dhibaataynta iyo rabshadaha guryaha Ruushka ka dhaca.

Codsi khadka tooska ah oo ay ka qayb qaateen in ka badan 7,500 oo saxiix ah ayaa lagu eedeeyay St Petersburg State University inay iska indhatirtay cabashooyinkii hore ee ardayda ee ka dhanka ahaa Sokolov.

Hadda waxaa laga eryay jaamacadda iyo jago kale oo waxbarasho oo ku taal Faransiiska.

Maxkamadda dhexdeeda Sokolov ayaa qirtay in Ms Yeshchenko uu afar jeer ku dhuftay qoriga xabbad keliyaalaha ah ee ugaadha lagu toogto, ka hor inta uusn jidkeeda ku jarin miinshaar iyo mindi. Bastoolad ayaa sidoo kale laga helay boorsada dhabarka.

Booliska ayaa markii dambe ka soo helay qaybo kale oo jirkeeda ka mid ah guriga Sokolov.

Ms Yeshchenko waxay u guurtay St Petersburg si ay wax uga barato gobolka Krasnodar ee koonfurta Russia, waxayna ahayd ardayad shahaadada sare qaadatay markii ay dhimatay.

"Waxay ahayd mid aamusan, macaan oo had iyo jeer ah ardaynimada ugu habboon," qof ay is yaqaaneen ayaa u sheegay wakaaladda wararka Ruushka ee RIA bishii Nofeember 2019

Warbaahinta Ruushka ayaa soo warisay in hooyadeed ay tahay gaashaanle dhexe oo dhanka booliiska ah aabbeheedna uu yahay macallin PE iskuul. Walaalkeedna mar buu u ciyaaray sidii goolhaye kooxda kubbadda cagta ee da'yarta ee gobolkooda.

Garyaqaan u doodaya qoyska Yeshchenko, Alexandra Baksheeva, ayaa tidhi "xabsi lagu xukumaa noo soo celin maayo iyadii" laakiin waxay aqbaleen go'aanka maxkamadda.