Soomaaliya oo ku dhow in ay ka mid noqoto Dallada Bulshada Bariga Afrika

Tebin toos ah

1. 21 Luulyo 2023Masaajid loo burburiya si waddo loo balaariyo oo caro ka dhalisay Ciraaq

   Masjidka Al-Siraaji ayaa qabsaday baraha bulshada ee dalka Ciraaq kadib markii dowladda hoose ee gobolka Basra ay burburisay masjidka qadiimiga ah si loo dhameystiro ballaarinta wadada xeebta ee Abu Al-Kasib, ama waxa loo yaqaan wadada gudaha ee aada degmada.

   Barasaabka Basra Asaad Al-Cidaani ayaa warsaxaafadeed uu soo saaray ku yiri “Dadka howsha wada waxa ay bilaabeen shaqada burburinta iyo qaadista Minaaradda Masjidka Al-Siraaji, kadib markii ay talaabadan isku afgarteen xukuumadda Basra iyo agaasimaha hay’adda Awqaafta Suniga, ka dib markii uu dhawaan socdaal ku tagay gobolka.

   Wuxuuna intaa kudaray in dawlada hoose ay qaadatay masuuliyada dib udhiska masaajka iyo balaarita si ku haboon magaciisa iyo taariikhdiisaba iyo sidookale in uu laqabasado magaaleynta kasocota gobolka.

   Dhanka kale, Wasaaradda Dhaqanka Ciraaq, ayaa wacad ku martay inay jawaab sharci ah ka bixin doonto talaabada, ka dib markii la burburiyay Masaajidka Al-Siraaji.

2. 21 Luulyo 2023Booliska Jarmalka oo war hor leh ka soo saaray 'Libaaxa' Berlin

   Maamulka Jarmalka ayaa joojiyay baadigoobka xayawaan looga shakisan yahay libaax ka dib markii ay waayeen wax cadeyn ah oo muujinaya in jiraan Libaax baxsaday.

   Booliiska ayaa baadi goobayay in ka badan hal maalin ka dib markii xubno ka tirsan dadweynaha ay ku wargaliyeen in xayawaanka duurjoogta ah uu jooga magaalada - laakiin ma helin wax raad ah.

   Ka dib markii ay la hadleen khubarada, waxay hadda rumaysan yihiin in xayawaanku uu yahay xayawaan kale oo uusan ahey Libaax.

   Booliska ayaa BBC u sheegay Jimcihii in ay rumaysan yihiin in muuqaal lagu wadaagay baraha bulshada oo laga soo duubay degaanka Kleinmachnow uu yahay mid sax ah.

3. 21 Luulyo 2023Xildhibaan katirsan gollaha shacbaka Soomaliya oo geeriyooday

   Waxaa magaalada Nairobi kugeeriyoday xildhibaan katirsan baarlamaanka Soomaaliya oo lagu magacaabi jiray Cabdiraxman Maxamed Cumar (Juba).

   Geeridiisa ayaa waxaa ka tacsiyadeeyay guddomiyaha gollaha shacabka Soomaaliya mudane Sheekh Aadan Maxamed Nuur(Madoobe).

4. 21 Luulyo 2023Muuqaalka baraha bulshada miyuu muujinayaa libaax ku soo baxsaday Berlin?

   Bilayska Jarmalka ayaa sheegay inay "hadda u malaynayaan" in muuqaalka lagu faafinayo internetka ee mujinaya Libaaxa magaalada dhex wareegaya uu yahay mid sax ah "sax ah".

   Afhayeen u hadashay booliiska ayaa sheegtay in ay dadweynaha soo waceen kun wargaliyeen dhacdan abaarihii saqdii dhexe ee Arbacadii, ayna isla markiiba bilaabeen baaritaankooda.

   Fiidiyowgu wuxuu u muuqdaa inuu muujinayo xayawaanka oo jooga meel kayn badan leh oo Kleinmachnow ah.

   Lama oga halka uu kayimid xayawaanka.

5. 21 Luulyo 2023Barasaabka gobolka Darfur oo shacabka ugu baaqay in hubka qaataan

   Barasaabka gobolka Darfur ahna hogaamiyihii hore ee fallaagada Minni Arko Minnawi ayaa dib u cusbooneysiiyay baaqiisii ​​ahaa in dadka rayidka ah ee gobolka ku nool ay hubka qaataan si ay isu difaacaan, isaga oo sheegay in "xaaladda hadda jirta ay u baahan tahay in talaabadaas la qaado", sida ay werisay Al Carabiya.

   Waxa uu sheegay in maamulkan uu hormuud u yahay dadaallada lagu joojinayo dagaalka u dhaxeeya ciidamada Rapid Support Forces (RSF) iyo ciidamada, gaar ahaan gobolka Darfur. Colaadda ayaa hadda mareysa bishii afraad.

   Mr Minnawi ayaa sidan oo kale horay u jeediyay hadallo kuwan la mid ah, taasoo sare u sii qaadaysa cabsida laga qabo in Darfur oo u qaybsan shan gobol ay gasho dagaal sokeeye oo dhan walba ah, iyadoo ay sii kordhayaan xiisadaha qowmiyadeed ee halkaa kajira.

6. 21 Luulyo 2023Hogaamiyaha Mucaaradka oo la waysanaa oo soo hadlay

   Hoggaamiyaha mucaaradka Kenya Raila Odinga ayaa sheegay in “hargab xun” oo haleelay ka hor istaagtay inuu ka qeyb qaato mudaaharaadyadii socday saddexda maalmood ee uu ku baaqayay oo looga soo horjeedo qiimaha maciishada iyo canshuur kordhinta.

   "Ma ahan qasab in madaxda mucaaradka lagu arko waddooyinka," ayuu Mr Odinga u sheegay mid ka mid ah TV-yada Kenya oo ka hadlayay dibadbaxyada maanta lasoo gabagabeynayo.

   Siyaasiga ruug-caddaa ah, ee lagaga guulaystay doorashooyinkii madaxtinimo ee lagu murmay ee sannadkii hore, ayaa sheegay in mudaharaadyada ay yihiin kuwo ay dadku iska leeyihiin oo uusan kaligii lahayn.

7. 21 Luulyo 2023Manchester United oo xaqiijisay nambarka uu xiran doono goolhaye Andre Onana

   Kooxda Manchester United ayaa ugu dambeyn dhameestirtay saxiixa goolhaye Andre Onana,kaas oo ay kala soo wareegtay kooxda Inter Milan.

   Onana oo ka soo jeeda dalka Cameroon ayaa United u saxiixay heshiis soconaya muddo shan sano ah wuxuuna mushaar ahaan u qaadan doonaa £47.2m oo u dhiganta (55m euro)

   Goolhayahan ayaa bedel u noqon doona David de Gea oo ahaa goolhayahii koowaad ee Manchester United, kaas oo ka tegay kooxda kaddib muddo 12 sano ah oo uu joogay Old Trafford.

   Andre ayaa lagu wadaa inuu United ula safro waddanka Mareykanka, si ay ugu diyaar garoobaan xili ciyaareedka soo aaddan.

8. 21 Luulyo 2023Ma ogtahay faa'iidooyinka caafimaad ee uu leeyahay Shaaha aad maalin kasta cabto?

9. 21 Luulyo 2023Putin wuu ka aargoosan doonaa hogaamiyaha Wagner – Madaxa CIA-da.

   Madaxwenaha Ruushka, Vladimir Putin waxaa uu isku deyayaa inuu lumiyo waqtiga, isagoo dhanka kalena ku howlan qaabkii uu ula tacaali lahaa Yevgeny Prighozin, sidaas waxaa yiri madaxa laanta sirdoonka Mareykanka ee CIA-da.

   Mr Prigozhin, waa hogaamiyaha kooxda calooshood u shaqeystayaasha Wagner, kuwaas oo hogaaminayay kacdoonkii Ruushka ee dhacay bil ka hor.

   Prigozhin ayaa dalal dhowr ah tegay, muddooyinkii u dambeeyayna waxaa la sheegay inuu ku sugnaa dalka Belarus gaar ahaanna magaalada Minsk balse waxaa markii dambe la sheegay inuu ku suganyahay gudaha dalka Ruushka.

   Hogaamiyahan ayaa dadku intooda badan u yaqaanna inuu cunto kariye u ahaa madaxweyne Putin.

   Waxaa kale oo aad aqrisan kartaa:

   Hogaamiyaha calooshood u shaqeystayaasha Ruushka ee magaalada Bakhmut oo sheegay in la go’doomiyay ciidammadii Ukraine

   Maxay tahay kooxda Wagner ee dooneysa inay afgembiso dowladda Ruushka?

   Khasaare intee dhan ayey kooxda Wagner gaarsiisay Ruushka?

10. 21 Luulyo 2023Shacabka Mandheera oo ka cabanaya qiimaha lagu raaco diyaaradaha Nairobi oo sare u kacay.

    Dadweynaha ku nool Mandheera ayaa cabasho ka muujiyay qiimaha lagu raaco diyaaraha u kala goosha magaaladaas iyo caasimadda Nairobi. Qiimaha oo maalmo ka hor ahaa 16 kun oo shilling ayaa hadda gaaray 21 kun oo shilling, arrintaas oo ay shacabku sheegeen mid aanay awoodin xilligan adag.

    Mandheera oo masaafo ahaan aad uga fog caasimadda ayaa waxa ay dadka awooda doorbidaan in ay ku safraan hawada. Waa kuwan qaar kamid ah shacabka Mandheera oo cabashadooda la wadaagay BBC-da.

11. 21 Luulyo 2023Atariishada caanka ah Priyanka Chopra oo si adag ugu hadashay muuqaal caro ka dhaliyay Hindiya.

    Atariishada caanka ah, Priyanka Chopra, ayaa si kulul ugu hadashay muuqaal caro ka dhaliyay gudaha Hindiya, kaas oo laga duubay haween kaddib markii la kufsaday, dhacdadaas oo ka dhacday gobolka Manipur ee dalkaasi.

    Qoraal ay soo dhigtay barteeda Instagram ayaa waxay ku baaaqday in si degdeg ah wax looga qabto arrintaasi.

    Waxay sidookale shegtay inay aad uga xuntahay in laga gaabiyay tallaabo ay ahayd in laga qaado dadkii ka dambeeyay falkaas.

    Marnaba aqbali meyno in haweenka ku nool dalkeena lagula kaco fal caynkaas ah ayay tiri Priyanka.

    Priyanka Chopra oo shaaca ka qaadday xaalad ay la kulantay markii ay ku biirtay Bollywood-ka

    Yaasmiin oo mar dhaawac ka badbaadisay Priyanka Chopra

12. 21 Luulyo 2023Sweden oo cadaadiskii ugu cuslaa kala kulmaysa Kitaabka Quraanka ah ee dalkeeda lagu gubay.

    Iran iyo Turkiga ayaa ku biiray waddamada cambaareeyay Sweden oo oggolaatay in dalkeeda lagu gubo Kitaabka Quraanka ah. Xukuumadda Ankara ayaa wax aad u fool-xun ku tilmaantay fal uu soogalooti Ciraaqi ah Kutub Quraan ku istaagay afaafka hore ee safaaradda ay Ciraaq ku leedahay caasimadda Stockholm.

    Haddaba dareenka xukuumadda Sweden ee falcelinta ka dhalatay gubidda Kutubka Quraanka ayaa waxaan ka waraysannay Maxamed-Amiin oo ka tirsan idaacadda Sweden. Waxa uu u warramay Saxnuun Axmed.

    Waa kuma Ninka Carabka ah ee kitaabka Qur'aanka gubay?

    Putin oo si adag uga hadlay kitaabka quraanka ee la gubay

13. 21 Luulyo 2023Dhageyso: Halkee ayuu ku suganyahay hogaamiyaha Kenya Raila Odinga?

    Waxaa su'aalo la iska weydiinayaa halka uu ku dambeeyay hogaamiyaha mucaaradka Kenya Raila Odinga, kaas oo aan fagaarayaasha lagu arag tan iyo Arbacadii markii ay bilowdeen dibedbaxyada Kenya. Halkan ka dhagayso wararkii ugu dambeeyay.

14. 20 Luulyo 2023Iraq oo waddankeeda ka cayrisay safiirka Sweden kadib bahdilkii labaad ee quraanka

    Sida ay sheegayaan wararka na soo gaaraya wadanka Ciraaq ra'iisulwasaaraha wadankaas ayaa ceyriyay safiirka dawladda Sweden u fadhiyay wadankiisa kadib markii mar labaad uu nin kale gudaha Sweden kula xadgudbay Quraanka.

    War ka soo baxay dawladda ayaa lagu sheegay in Baghdad ay sidoo kale u yeeratay safiirkeedi fadhiyay Sweden.

    Wakaalada wararka Ciraaq ayaa sheegtay in dawladdu ay ka mamnuucday in Sweden ay cagaha soo dhigto dalka Ciraaq.

15. 20 Luulyo 2023Kilkil ursashada iyo qaar kamid ah shaqooyinka ugu yaabka badan adduunka

    Xilli ay sii kordheyso dhibaatada shaqo la'aanta ee ka jirta caalmka, haddana dadka qaar waxay ka fikireen sidii loo abuuri lahaa fursado shaqo. Qaar ka mid ah shaqooyiinka ugu yaabka badan adduunka waxaa ka mid ah kuwa ay dadka qaar ka helaan nolol maalmeedkooda waxa ay ku dabbaraan.

    Waxaa jira dad badan oo shaqooyinka qaar quursada ama ka faana oo u arka wax qeyrul-caadi ah. Balse maahmaahyo aan lasoo koobi karin ayay luuqadaha kala duwan ku sheegeen in shaqo ay mar walba tahay shaqo haddiiba gacanta iyo afka ay is aadayaan.

    Ma sameyn lahayd shaqooyinkan? Halkan kasii akhri

16. 20 Luulyo 2023Cilmi baaris la sameeyay oo sheegeysa in lamaanaha aan ilmaha heysan ay ka farxad badanyihiin kuwa ilmaha haysta

    Cilmi baaris la sameeyay ayaa lagu sheegay in dhalashada cunuggu ay saameyn ku yeelato xiriirka ka dhexeeya ninka iyo naagtiisa.

    Daraasad ay samaysay Jaamacadda Bourne 2021-kii ayaa sheegtay in mid ka mid ah afartii hooyooyinka iyo mid ka mid ah 10 aabayaasha ay la kulmaan xanuun dhimir kadib dhalashada ilmaha.

    Waxaa intaa dheer, cilmi-baaristan waxay sidoo kale muujineysaa in lammaanaha aan carruurta lahayn ay aad uga farxad iyo qanaaco badanyihiin kuwa carruurta haysta.

    Cilmi baaris ayaa sidoo kale muujisay in jaceylka u dhexeeya lamaanayaasha carruurta leh uu sii yaraanayo 10 sano kadib dhalashada ilmaha.

    Sidoo kale, boqolkiiba 62 haweenka aan carruurta lahayn ayaa aad u faraxsan.

    Laakiin kaliya 38 boqolkiiba hooyooyinka dhallaanka heysta ayaa la ogaaday inay ku qanacsan yihiin.

    Dhalmada ilmaha waxa ay saameyn ku yeelataa xiriirka ninka iyo xaaskiisa, waana inay u tagaan takhtar si ay talo u helaan sida warbixinta lagu sheegay.

17. 20 Luulyo 2023Golaha SSC oo dowladda Soomaaliya ka raalli geliyay hadal dhowaan kasoo yeeray

    Golaha sare ee dhaqanka SSC oo shir ku yeeshay magaalada Laascaanood ayaa soo saaray qodobbo dhowr ah oo ay sheegeen in ay kasoo bexeen shirkooda.

    qodobada shirka waxaa kamida in goluhu uu raalli gelin ka bixiyay hadal dhowaan kasoo yeeray oo ahaa in dowladda Soomaaliya ay raalli ka tahay dagaalka Laascaanood.

    Shirkan ayaa kusoo beegmada iyada oo weli ay socdaan dagaalada u dhexeeya dadka deegaanka iyo Somaliland.

    halkan hoose ka akhriso qodobada kasoo baxay shirka.

18. 20 Luulyo 2023Daawo sida dibad baxayaal ka careysan kitaabkii Qur'aanka ee lagu gubay Sweden ay dab u qabadsiiyeen safaaradda dalkaasi ee ciraaq

    Dowladda Ciraaq ayaa ku amartay safiirka Sweden u jooga magaalada Baqdaad inuu isaga baxo, iyadoo uu sii xoogeysanayo khilaafka diblumaasiyadeed ee ka dhashay nuqul kamida kitaabka quraanka kariimka ah ee dhawaan lagu gubay magaalada Stockholm.

    Xafiiska ra'iisul wasaaraha Ciraaq Maxamed Shia Al-Sudani ayaa sheegay in tallaabadan ay jawaab u tahay wax ay ugu yeereen ogolaanshaha soo noqnoqda ee ay siiyeen mas'uuliyiinta Sweden ee ah in la gubo kitaabka qur'aanka kariimka ah, lagu aflagaadeeyo xurmada Islaamka iyo in la gubo calanka Ciraaq.

    Mar sii horreysay, wasiirka arrimaha dibadda ee Sweden Tobias Billstrom ayaa ku tilmaamay wax aan gabi ahaanba la aqbali karin weerarka ay ku kaceen dibadbaxayaasha Ciraaq ee safaaradda dalkiisa ee Baqdaad.

    Wuxuu sheegay in maamulka Ciraaq ay si dhab ah ugu fashilmeen mas'uuliyadooda.

19. 20 Luulyo 2023Koobka adduunka ee haweenka oo ka furmay New Zealand iyo weerar ka dhacay isla dalkaasi

    Koobka Adduunka ee haweenka ayaa ku bilowday waqtigii loo qorsheeyay in kasta oo ay toogasho ka dhacday Auckland saacado ka hor.

    Ra'iisul wasaaraha, Chris Hipkins, ayaa sheegay inaysan jirin khatar amni oo ka ballaaran.

    Dabley hubeysan ayaa labo qof ku toogtay goob dhismo ah oo ku dhow halka ay degan yihiin kooxaha qaar.

    Ninka weerarka geystay oo la rumeysan yahay inuu ahaa nin afar iyo labaatan jir ah oo ka shaqeynayey goobta ayaa isna uu haatan dhintay.

    Xulka qaranka New Zealand oo martigelinaya ciyaaraha kubbadda cagta dumarka ayaa guul ku daah furay tartankan, kaddib markii ay hal iyo eber kaga adkaadeen xulka Norway.

    Hanna Wilkinson ayaa bilowgii qeybtii danbe ee ciyaarta gool u dhalisay xulka New Zealand,waxana ay siisay guushoodii ugu horeysay abid ee koobka adduunka.

20. 20 Luulyo 2023Sidee askarigan Mareykanka uu ku galay Kuuriyada waqooyi?

    Travis King, oo ahaa askariga Maraykanka ah ee u baxsaday Kuuriyada Waqooyi, ayaa loo haystay in uu dagaal ku qaaday Kuuriyada Koonfureed ka hor inta aanu ka gudbin xadka.

    Dukumiintiyada maxkamada ayaa muujinayay inuu sidoo kale waxyeeleeyay baabuur boolis ah oo uu dhawaan ku qaatay xarun lagu hayo oo ku taal Seoul.

    Askariga oo 23 jir ah ayaa dhawaan la sii daayay, waxaana dib loogu celiyay Mareykanka markii uu baxsaday.

    Waxa uu ku biiray booqasho uu ku marayo Aagga Amniga Wadajirka ah, waxaana uu u baxsaday Waqooyiga Kuuriya, oo aan ilaa hadda ka hadlin.

    Ma cadda waxa uu damacsanaa in uu xadka ka gudbo. Mas'uuliyiinta Mareykanka ayaa sheegay in uu sidaas u sameeyay "si bareer ah, oo uu isagu rabo".

    Ma cadda sida ay King ugu suurtagashay in uu u baxo mid ka mid ah safarradan, maadaama ay caadi ahaan ku qaadato inta u dhaxaysa saddex maalmood iyo toddobaad in qofka loo oggolaado, iyadoo safarradana si dhow loola socdo.

    Goob-jooge ku sugnaa isla socdaalkan xuduudka ah ayaa ku tilmaamay maqalka askariga oo aad u qoslaya ka hor inta uusan orod ka gudbin xadka.

    Taliska Qaramada Midoobay, ee ka howlgala DMZ, ayaa sheegay inay rumeysan yihiin in askariga uu hadda ku jiro xabsiga Waqooyiga. Taliye sare oo Mareykan ah ayaa sheegay in aysan jirin wax xiriir ah oo ay la sameeyeen askariga, dhacdadana ay baarayaan ciidamada Mareykanka ee Kuuriya.