Shir deg deg oo la'isugu yeeray dalalka Islaamka si ay uga fal celiyaan Kitaabka Qur'aanka ee lagu gubay Sweden
Ku soo dhowaada tebinta tooska ah ee maanta.
Tebin toos ah
DAAWO:Badbaadin cajiib ah iyadoo helikobtar ay koox dab-demis ah ka soo jiideyso webiga
Qoraalka Muuqaalka, Badbaadin cajiib ah iyadoo helikobtar ay kooxda dab-demiska ka soo jiideyso webiga Diyaarad Helicopter ah oo booliiska leeyihiin ayaa loo diray si ay u soo badbaadiso kooxo dab-demis ah oo ay dooontoodi ka istaagtay kadib markii ay cilad kutimd matoorka gudaha Webi ku yaalla Mareykanka.
Kooxda dab-demiska ayaa loo yeeray si ay usoo badbaadiyaaan kooxo wax dhisayayay oo ay iyagana doontooda cilad ku timid.
Dhacdan ayaa ka dhacday Wabiga Passaic ee gobolka New Jersey ee dalka Mareykanka.
Maamulka ayaa sheegay in wax dhaawac ah la soo sheegin, balse sida laga soo xigtay warbaahinta maxalliga ah, kooxda dab-damiska ayaa ka "argagaxay" dhacdada.
DAAWO: Booliska iyo Dibadbaxayaasha Faransiiska oo foodda isdaray
Qoraalka Muuqaalka, Qaraxyo ayaa la maqlay iyadoo booliisku ay sunta dadka kaga ilmaysiisa ku tuurayaan dibadbaxayaasha Marseille Faransiiska oo 45,000 oo boolis ah caawa geyn doona goobaha ugu daran rabshadaha
Wasiirka arrimaha gudaha Faransiiska Gérald Darmanin ayaa sheegay in ilaa 45,000 oo askari oo booliis ah la diri doono caawa taasoo la mid ah tiradii xalay.
Wuxuu xaqiijiyay in xoojin loo dirayo magaalooyinka Marseille iyo Lyon ka dib markii saraakiisha halkaas ku sugan ay codsadeen gargaar dheeri ah.
Ma cadda in xoojintaas ay ku kordhinayaan 45,000, ama haddii mas'uuliyiinta ay si fudud booliiska ugu rarayaan Marseille iyo Lyon meelo kale.
Faa'iidooyinka huruudda iyo dad looga digayo isticmaalkeeda
Midowga Yurub oo si adag uga hadlay kitaabkii Qur'aanka ee lagu gubay Sweden
Xigashada Sawirka, Getty Images
Midowga Yurub ayaa si adag u cambaareeyay gubidda Qur’aanka iyo muujinta cunsuriyadda, waxayna caddeeyeen inaysan meelna uga jirin Yurub.
Midowga Yurub ayaa wasaaradda arrimaha dibadda ee Sweden kula biiray sida xooggan ee ay u diiddan yihiin qur’aanka lagu gubay Sweden.
Afhayeen u hadlay Midowga Yurub ayaa sheegay in falkani uusan sinaba uga tarjumayn aragtida Midowga Yurub.
Sidoo kale qoraalka ka soo baxay xiriirka oo lagu faafiyay mareegaha Internet-ka ayaa lagu yiri “In la gubo kitaabka qur’aanka ama kutubta kale ee xurmada leh waa aflagaado, aan munaasib ahayn, waana fal daandaansi cad ah.”
Muujinta midab-takoorka, nacaybka iyo dulqaad la'aanta meelna kuma laha Yurub.
Waxa falkan sii xumaynaya ayaa ah in qofka falka geystay uu u doortay maalinta ay Muslimiintu u dabaal degayaan Ciidul Adxaa.
"Midowga Yurub wuxuu sii wadi doonaa inuu difaaco xorriyadda diinta ama caqiidada iyo xorriyadda hadalka, dibadda iyo gudaha. Hadda waa waqtigii loo wada istaagi lahaa is-faham iyo is-ixtiraam, lagana hortagi lahaa dhibaato kale oo soo kororta.”
Ururka shaqaalaha ayaa cambaareeyay falkii lagu weeraray safaaradda Sweden ee Baqdaad, Wuxuu ku baaqay in la is dejiyo oo la is xakameeyo.
Kowda Luulyo: Dal Yurub ku yaalla oo raalligelin ka bixiyay doorkii uu ku lahaa addoonsiga
Xigashada Sawirka, Getty Images
Boqorka Nederland ayaa si rasmi ah raaligelin uga bixiyay doorka dalkiisa ee ka ganacsiga addoonta, isagoo sheegay inuu dareemayo "qof ahaan iyo dal ahaanba " inay saamaysay.
Wadanku waxa uu noqday meel gumaysi wixii ka dambeeyay Qarnigii 17-aad, isaga oo haysta dhulal badan oo caalamka ah, ganacsatada addoonta ah ee Nederland waxa ay ka ganacsanayeen in ka badan 600,000 oo qof.
Boqor Willem-Alexander ayaa Sabtidii ku tilmaamay falkan mid “argagax leh”.
Qoyska boqortooyada ma aysan samayn wax ay ku joojiyaan, ayuu yiri.
Waxa uu hadalkan ka sheegay munaasibad lagu xusayay sannad-guuradii 160-aad ee ka soo wareegtay markii la cirib-tiray adoonsiga dalkaasi ma cadda ka hor munaasabadda in boqorku uu raalli-gelin ka bixin doono doorka qoyska boqortooyada ee dhaqankan.
Intii lagu guda jiray khudbadiisa Amsterdam, King Willem-Alexander wuxuu qiray in "boqorrada iyo taliyayaasha Aqalka Orange aysan qaadin tillaabooyin ka dhan ah addoonsiga".
Ictiraaf iyo raaligelin kadib, waxaan ka wada shaqayn karnaa bogsiinta, dib u heshiisiinta iyo soo celinta," ayuu Boqorku hadalkiisa ku daray.
Khudbadiisa ayaa farxad gelisay dadweynihii isugu soo baxay xafladda Keti Koti ee xuska sannadlaha ah ee dalkaas ee ciribtirka addoonsiga.
Qarnigii 17-aad Nederlaan waxa ay qabsatay dhul baaxad leh oo ku yaalla gobollo ay hadda ka kamid yihiin Indonesia, Koonfur Afrika, Curaçao iyo West Papua, waxana au noqotay koox fure u ah ka ganacsiga addoonsiga ee transatlantic.
Sannadkii hore, Ra'iisul Wasaare Mark Rutte ayaa sidoo kale raaligelin ka bixiyay doorka taariikhiga ah ee waddanku ku leeyahay ganacsiga addoonta, isagoo khudbad ka jeediyay Hague ayaa waxa uu sheegay in ay tahay in loo aqoonsado "ereyada ugu cadcad" ee "dambi ka dhan ah aadanaha".
Magaalooyin badan oo Nederland ah, oo ay ku jiraan Amsterdam iyo Rotterdam, ayaa soo saaray raali-gelin doorkii ay ku lahaayeen ganacsiga.
Khadiija: "Waxaan umuliyay in ka badan 10,000 oo carruur ah, midkoodna gacanteyda kuma dhiman"
Nin hadda loosoo qabtay dil uu geystay 40 sano kahor
Xigashada Sawirka, HILLSBOROUGH COUNTY SHERIFF'S OFFICE
Maamulka dalka Mareykanka ayaa gacanta ku dhigay nin looga shakisan yahay inuu geystay fal dil ah, kadib 40 sano oo uu ka dhuumaaleysanayay ciidamada ammaanka.
Booliiska ayaa sheegay in Donald Santini oo 65 jir ah lagu eedeeyay inuu isticmaalay 13 magac oo been abuur ah si uu uga baxsado sharciga kadib markii uu haweeney 33 jir ah ku dilay Florida sanadkii 1984-tii.
Waxaa la xiray isagoo ahaa madaxa guddiga biyaha ee degmo ku taal gobolka California.
Waxaa gacanta ku haya booliska Florida si uu u wajaho eedeymaha ka dhanka ah.
Waxaa lagu eedeeyay inuu dilay haweeney 33 jir ah xilligaasi.
Maamulka ayaa sheegay in Mr Santini uu ahaa qofkii ugu dambeeyay ee lala arko haweeneyda ka hor inta aan meydkeeda la helin iyadoo ku xiran meel biyo mareen ah.
Maamulka ayaa sheegay in uu ka baxsaday goobta kadib markii lagu eedeeyay dilka haweeneydaasi.
Sawiradiisa ayaa laga daawado telefiishanka qaranka isaga oo la baadi goobayay sanadihii 1990-kii, 2005-tii iyo 2013-kii.
Macron oo dib u dhigay booqashadiisii Jarmalka
Xigashada Sawirka, AFP
Madaxweynaha Faransiiska Emmanuel Macron ayaa dib u dhigaya booqashadii lagu waday inuu ku tago dalka Jarmalka, taasoo ka dhalatay qalalaasaha ka taagan Faransiiska.
Waxay ahayd booqashadii ugu horreysay ee madaxweyne Faransiis ah ku tago Jarmalka muddo 23 sano ah, waxaana lagu waday inay qaadato berri ilaa Talaadada.
Madaxtooyada Jarmalka ayaa ku dhawaaqday in “madaxweynaha Faransiiska Macron uu maanta khadka taleefoonka kula hadlay madaxweynaha Jarmalka Frank-Walter Steinmeier oo uu uga warbixiyay xaaladda dalkiisa.
Madaxweyne Macron waxa uu codsaday in dib loo dhigo booqashadiisa qaran ee la qorsheeyay in uu ku tago Jarmalka."
Steinmeier "waa uu ka xunyahay baajinta wuxuuna si buuxda u fahmay xaaladda dalka aan jaarka nahay," ayaa lagu yiri bayaanka.
Wali lama helin taariikh la qorsheeyay safarka Macron u uku tegi doono Jarmalka.
Ciidamada ATMIS ee ka baxaya Soomaaliya iyo wajigii 1-aad ee ka bixitaanka dalka
Xigashada Sawirka, Facebook
Midowga Afrika ayaa sheegay inay Soomaaliya ay kala baxayaan laba kun oo askari oo nabad ilaalin ah, iyagoo soo gebagebeeyey wejigii koowaad ee qorshaha dhimista.
Howlgalka Midowga Afrika ayaa saldhigyo ciidan oo ku yaalla caasimadda Muqdisho iyo gobollada koonfureed ku wareejiyay maamulka ciidamada Soomaaliya.
Ku wareejinta gacan ku haynta deegaanka waxay waafaqsan tahay go'aannada Golaha Ammaanka ee Qaramada Midoobay, kuwaas oo saadaaliyay in ciidamada Soomaaliya ay si tartiib tartiib ah u qaadanayaan mas'uuliyado ammaan oo dheeraad ah.
Ciidamada Midowga Afrika ayaa lagu wadaa in laga dhigo kuwo laga bixiyay guud hagaan Soomaaliya dhamaadka sanadka soo socda.
Maaddo ku jirta cabitaan Soomaalidu isticmaasho oo la sheegay inay kansar sababto
Ku dhawaad 50 qof oo ku geeriyooday shil gaari oo ka dhacay Kenya
Xigashada Sawirka, GOOGLE MAPS
Ugu yaraan 48 qof ayaa ku dhimatay shil gaari oo ka dhacay isgooys mashquulka badan oo ku yalla dalka Kenya, sida ay sheegeen booliska iyo goob joogayaal.
Waxay dhacday kadib markii gaari xamuul ah oo siday konteenar shixnad uu lumiyay koontaroolka Isgoyska Londiani, oo u dhow magaalada galbeedka ku taal ee Kericho, sida ay ku warrantay warbaahinta gudaha.
Taliyaha bilayska Geoffrey Mayek ayaa sheegay in 30 kale ay si xun u dhaawacmeen balse waxa uu intaa ku daray in tiradu “ay ka badan karto”.
Waxa uu sidoo kale walaac ka muujiyay in "hal ama laba" qof in ay weli ku hoos xayiran yihiin gaariga rogmaday.
Tom Mboya Odero, oo ah taliye kale oo ka tirsan booliska gobolka, ayaa wakaaladda wararka ee AFP ka soo xigatay in gaariga xamuulka ah oo ku sii jeeday Kericho uu lumiyay koontaroolka oo uu ku jiiray siddeed baabuur, dhowr mooto, dad waddada hareeraheeda taagnaa, waratada, iyo dad kale oo la socday. ganacsiyada".
Goob joogayaal ayaa warbaahinta Kenya u sheegay in dareewalka uu isku dayay in uu ka fogaado bas ku dhacay wadada.
Madaxweynaha Kenya William Ruto ayaa sheegay in uu aad uga xumaaday markii uu maqlay in qaar ka mid ah dadka la dilay ay ahaayeen “dhalinyaro mustaqbal leh iyo dad ganacsato ah oo ku jiray howl maalmeedkooda”.
Sawir lagu faafiyay internetka ayaa muujinaya wax u eg weel guduudan oo shixnadaha xamuulka ah oo dhinaciisa yaalla dhanka hoose ee bangi yar oo caws ah, oo ku yaal waddo dhinaceeda ah.
Hay’adda caafimaadka adduunka ee WHO ayaa sannadkii hore boggeeda internetka ku sheegtay in guud ahaan qaaradda Afrika ay ka jirto dhimashada ugu badan ee dhimashada waddooyinka adduunka.
Sannadkii hore 34 qof ayaa ku dhintay badhtamaha Kenya ka dib markii uu baskoodu ka soo baxay buundada oo uu ku dhacay wabiga Nithi ee ka hooseeya.
"Haddiyad ka timid Allah": Haweeney caan ah oo iyadoo 53 jir ah cunug dhashay
Xigashada Sawirka, Reuters
Haweeneyda xayeysiisa dharka ee Naomi Campbell ayaa hooyo noqotay markii labaad, iyadoo jirta 53 sano.
Naomi oo ah xiddigad caan ah oo labo sano kahor dhashay cunuggeedii ugu horreeyay, ayaa ilmaheeda labaad dhashay Khamiistii, waxaana ka dhashay hadal heyn baraha bulshada ah.
Qoraal ay soo dhigtay baraha bulshada ayay ku tiri "ma aadan daahin".
Hore uma aysan sheegin inay uur leedahay mana bixin faahfaahin la xiriirta ilmaha ay dhashay.
Campbell ayaa sanadkii 2021 qabsatay warbaahinta kaddib markii barteeda Instagram ay ku shaacisay dhalashada gabadheeda.
Haweeneydan u dhalatay Britain ayaa tiri "Haddiyad ka timid Allah".
"Haddiyad dhab ah oo ka timid Allah! Soo dhowow wiilkeyga, ayay qoraalkeeda ku qortay.
Waxay intaa raacisay: "Kama aadan daahin inaad hooyo noqoto."
Maxaa aasaas u ahaa heshiiskii midnimada Waqooyiga iyo Koonfurta Soomaaliya?
Boorso aadan indhahaaga caadiga ku arki karin oo lacag badan lagu iibiyay
Xigashada Sawirka, MSCHF
Boorsadii ugu yareyd abid oo "ka yar hadhuudh milix ah" ayaa lagu iibiyay $63,750 (£50,569).
Waxaa la sheegay inay tahay shandad aad u yar waxaad u baahan doontaa mikroskoob si aad u aragto,".
MSCHF oo ah kooxda farsameysay shandadda, ee fadhigeedu yahay Brooklyn ee dalka Mareykanka, ayaa caan ku ah naqshadahooda inta badan muraka dhaliyo.
Waxaa ka mid ah kabo ay ku jiraan dhiigga bini'aadamka, tababarayaal biyo barakeysan ku leh calaacalaha, iyo kabo aad u waaweyn caag ah oo gaduudan.
Sida haweeneydan u afduubtay nin ay jeclayd oo gabar kale guursan rabay
Wiil 19 sano jir oo maanta ku dhintay Fransiiska
Xigashada Sawirka, Getty Images
Warbaahinta Faransiiska ayaa ku warramaysa in wiil 19 jir ah uu ka soo dhacay saqafka sare ee dukaan weyn oo ku yaalla magaalada Rouen saacadihii hore ee Jimcihii ka dibna uu ku dhintay isbitaalka.
Wali lama xaqiijin inuu qayb ka ahaa mudaaharaadyada.
Booliska ayaa wakaalada wararka ee Reuters u sheegay in dhacdan ay ka dhacday xaafada Petit-Quevilly oo ku taal goob laga dukaameysto oo ay bililiqeysteen mudaaharaadyadaal rabshado wata.
Bililiqada iyo dhaca dukamada Faransiiska oo sii badanaya
Xigashada Sawirka, Getty Images
Markii rabshaduhu billowdeen horraantii toddobaadkan, qaar kamid ah mudaaharadayaasha ayaa inta badan weeraray dhismayaasha dadweynaha sida hoolalka magaalada, maktabadaha iyo xarumaha bulshada.
Waxay maalmihii u dambeeyay diiradda saareen bililiqada iyo dhaca dukaamada .
Waxaa jiray bililiqo badan habeenkii jimcaha waxaana laga yaabaa in dukaamo badan ay xirnaadaan usbuucan.
Kylian Mbappe oo war ka soo saaray rabashada Faransiiska ka socda
Xigashada Sawirka, Reuters
Xulka qaranka France ayaa ku biiray baaqyada ku saabsan in la joojiyo rabshadaha ka dib hadal uu baraha bulshada soo dhigay kabtankooda Kylian Mbappe.
"Qaar badan oo naga mid ah waxaan ka soo jeednaa xaafadaha shaqada, waxaanan wadaagnaa dareenka xanuunka iyo murugada. Laakiin murugada waxaa u sii dheer in aan daawanno habkan is-burburinta".Xulka ayaa sidookale dadweynaha kubooriyay in ay isdajiyaan.
Malintii afaaraad awaxaa Faransiiska ka socda rabshado ka dhashay will 17 jir ah oo ay booliska toogteen