Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad
Dagaalka ayaa waxaa ku dhintay tiro badan oo ah miliiishiyaadkii iska soo horjeeday
Tebin toos ah
Mowqifka Mareykanka ee aqoonsiga Somaliland - warbixin hore
Xigashada Sawirka, Getty Images
Qoraalka sawirka, . Tan iyo markii uu soo baxay warka la xidhiidha ictiraafka Somaliland ee Israa'iil, waxaa si weyn la isu weydiinayay sida uu Maraykanku u arko arrintan.
BBC-du waxay xidhiidh gaar ah la samaysay Wasaaradda Arrimaha Dibadda ee Maraykanka, annaga oo wax ka weydiinnay mowqifka Maraykanka ee ku aaddan Somaliland iyo arrimaha si guud ku gedaaman.
Maraykanka ayaa si gaar ah u sheegay in aanay hadda BBC- u sheegayn 'war cusub oo ku saabsan aqoonsiga Somaliland".
Iyaga oo dhanka kale, Afhayeen u hadlay Wasaaradda Arrimaha Dibadda Mareykanka uu mar kale ku celiyey in siyaasadda Washington aysan is beddelin, islamarkaana ay weli ka go'an tahay taageeridda madaxbannaanida Soomaaliya.
Halka sidaas oo kale uu Mareykanka xaqiijiyay in xidhiidh wanaagsan oo shaqo uu kala dhexeeyo 'Somaliland iyo maamul hoosaadyada kale ee uu kaashado, gaar ahaan kuwa ay ka mideysan yihiin la dagaallanka argagixisada, amniga, iyo danaha dhaqaalaha'.
Iiraan: Mas'uuliyadda tooska ah waxay saaran tahay hogaamiyeyaasha Kuwait iyo Bahrain
Qoraalka sawirka, Cabaas Araqchi War qoraal ah oo ay soo saartay Wasaaradda Arrimaha Dibadda ee Iiraan ayaa si xooggan loogu cambaareeyay weerarkii lagu qaaday markab shidaal oo Iiraan leedahay oo ku sugnaa marin biyoodka Hormuz, iyo weerarkii lagu qaaday xarun isgaarsiineed oo ku taal Jasiiradda Qeshm.
Sida ku cad bayaanka, weerarradu "waxay dhaceen saacadihii hore ee Arbacada maanta ah, iyagoo laga soo qaaday laba waddan oo gobolka ku yaal".
Bayaanka ayaa weerarradan ku tilmaamay burbur ku yimid xabbad-joojinta "Abriil 10", "waxaana la xusay mas'uuliyadda tooska ah ee cad ee ay leeyihiin taliyayaasha Kuwait iyo Baxrayn.
Wasaaradda Arrimaha Dibadda ayaa sheegtay in "dal kasta oo u oggolaada in la isticmaalo dhulkiisa,baddiisa, ama hawadiisa ama saldhigyadiisa ku yaal dhulkiisa si ay u weeraraan Iiraan" loo arki doono "fal gardarro ah oo ka dhan ah Iiraan".
Wasaaradda Arrimaha Dibadda ee Iiraan ayaa xoogga saartay xuquuqda ah in la "bartilmaameedsado isha iyo asalka" weerarradan.
Sidoo kale akhri
Lix dawo oo lagu iibiyo farmashiyeyaasha Soomaalida oo hoos u dhiga awoodda raganimada
Xigashada Sawirka, Getty Images
Qoraalka sawirka, . Daraasado kala duwan ayaa lagu ogaaday dawooyin saamayn wayn ku yeesha awoodda ragannimada, si joogto ahna loo isticmaalo.
Liiska hoos ku xusan waa dawooyinka ay habboon tahay in ay iska ilaaliyaan ragga, si aysan hoos ugu dhicin awooddooda ragannimo.
Nolosha gogosha waa mid ka mid ah baahiyaha ugu waawayn ee bani'aadanka, hase yeeshee mararka qaar waxaa ku yimaada caqabado.
Sababo kala duwan ayaa keeni kara caqabadahaas, balse qaarkood waxaa mas'uul ka ah lix nooc oo daawooyin ah, sida lagu shaaciyay Wakaaladda Wararka ee ANI, oo xog gaar ah kasoo diyaarisay mowduucan.
Xanuun-baabi'iye
Dad badan ayaan ka labolabayn inay isticmaalaan dawooyinka xanuun-baabi'iyaha, haddii xitaa xanuunka ay dareemayaan uu yahay mid yar.
Laakiin, maka war qabtaa in isla dawooyinkaas aad xanuunka ku baabi'inayso ay saamaynayaan awooddaada ragannimada, hoosna ay u dhigayaan?
Xanuun-babi'iyeyaashu waxay ka hor tagaan inay samaysmaan unugyada taranka, waxayna dhaawacaan hormoonno badan oo muhiim u ah gogosha dhex marta ragga iyo dumarka.
Daawada walwalka
Dad badan oo ka cawda xanuunka walwalka ayaa qaata dawooyin ay kula tacaalayaan walwalka.
Hase ahaatee, isla dawooyinkaas ayaa hoos u dhiga hammiga galmada.
Madaxweyne Afrikaan ah oo lagu eedeeyay inuu doonayo muddo korosri iyo mucaaradka oo cambaareeyay
Xigashada Sawirka, Reuters
Qoraalka sawirka, Emmerson Mnangagwa Xukuumadda dalka Zimbabwe ayaa maalintii talaadada horgeysay baarlamaanka hindise-sharciyeed madaxweyne Emmerson Mnangagwa xilka loogu kordhinayo labo sano oo dheeri ah ilaa sannadka 2030-ka, iyadoo ay jirto cambaarayn uga imanaysa mucaaradka kala qaybsan iyo qaar ka mid ah halgamayaashii hore ee kamidka ahaa dagaalkii xorraynta dalkaas.
Mnangagwa oo 83 jir ah, ayaa qorshuhu ahaa inuu xilka ka dego sannadka 2028-ka ka dib markii uu dhammaysto labo jeer oo min shan sano ah, laakiin taageerayaashiisa ayaa doonaya in wax laga baddalo dastuurka si muddada xil-haynta madaxweynaha looga dhigo toddoba sano halkay markii hore ka ahayd shan sano.
Sidoo kale, waxay rabaan in madaxweynaha uu doorto baarlamaanka halkii uu qof kasta si toos ah u dhiiban lahaa codkiisa.
Hindise sharciyeedkan adag oo kordhin kara muddada xilka madaxweynaha Zimbabwe ayaa ka gudbay marxaladdii ugu horreysay ee akhrinta baarlamaanka.
Sharciga la soo jeediyay wuxuu doonayaa in wax laga beddelo dastuurka si loo kordhiyo muddada xilka madaxweynaha iyo xubnaha baarlamaanka laga bilaabo shan ilaa toddoba sano.
Dhanka kale, Hoggaamiyeyaasha mucaaradka ee Jamhuuriyadda Dimuqraadiga ah ee Congo (DRC) ayaa shacabka ugu baaqay inay Arbacada maanta ah, 3-da Juun, sameeyaan mudaharaad nooca “magaalada albaabada loo laabayo”, si ay uga dhiidhiyaan waxa ay ku tilmaameen hanjabaado lagu wiiqayo dastuurka dalka.
Tallaabadan ayaa imanaysa xilli baarlamaankaas uu ka doodayo hindise sharciyeed ku saabsan afti dadweyne, kaas oo dad badan badani aaminsan yihiin in loogu gogol xaarayo muddo korosi uu Madaxweynaha talada haya, Félix Tshisekedi ku kororsanayo xilkiisa.
Sidoo kale akhri
"Helitaanka Badda Cas": Cutub cusub oo ku saabsan khilaafka Masar iyo Itoobiya
Iiraan oo duqeyn ka geysatay dal Carbeed iyo khasaare ka dhashay
Xigashada Sawirka, Getty Images
Qoraalka sawirka, gantaalka Iiraan Sida aan horey u tebinnay, Iiraan ayaa sheegtay inay gantaallo iyo diyaarado aan duuliye lahayn ku weerartay saldhigyo iyo diyaarado qumaatiga u kaca oo Mareykanku leeyahay kuna yaalla "dal ka tirsan gobolka," taasoo ay ku tilmaantay aargoosi. CENTCOM ayaa sheegtay in Tehran ay labo gantaal ku ridday Kuwait iyo saddex kale oo ku wajahan Baxrayn, kuwaas oo dhammaantood hawada ku kala jabay ama la qabtay ka hor intaysan gaarin bartilmaameedkooda.
Wakaaladda wararka ee dawladda Kuwait ayaa ArbacadA maanta ah werisay in weerar diyaaradeed oo Iiraan ah iyo gantaal lagu soo tuuray garoonka diyaaradaha ee Kuwait International Airport ay sababeen dhaawacyo iyo sidoo kale joojinta ama hakinta duulimaadyada.
Warbixintu waxay soo xigatay Hay'adda Duulista Rayidka ee Kuwait oo sheegtay, in weerarku uu bartilmaameedsaday dhismaha T-1 ee garoonka diyaaradaha caalamiga ah, duulimaadyadana loo weeciyay garoomo kale.
Wakaaladda wararka ee rasmiga ah ee Kuwait ayaa Arbacadii werisay, in seeriga digniinaha la maqlayay, waxayna ku boorrisay muwaadiniinta inay ka digtoonaadaan inay ku soo dhacaan burburka gantaallada ka dhasha.
Ciidamada Mareykanka ayaa dhankooda sheegay inay fuliyeen duqeymo ay ku tilmaameen "is-difaacid" oo ka dhan ah Iiraan, isla markaana ay soo rideen gantaallo ballistic ah iyo diyaarado aan duuliye lahayn oo lagu weeraray maraakiib iyo dalalka Khaliijka.
Sidoo kale akhri
Faa’iidooyinka aan la wada ogeyn ee uu leeyahay koob shaah ah oo aad cabto maalin kasta
Xigashada Sawirka, Getty Images
Qoraalka sawirka, . Daraasad cusub oo la sameeyay ayaa daaha ka qaadday in cabbitaanka koob shaaha ah ama kafee ah maalin kasta ay kaa ilaalin karto da’da, sidoo kalena ay ka hortagi karto daciifnimada jirka iyo gabowga.
Sida uu daabacay wargeyska The Telegraph ee ka soo baxa Ingiriiska, daraasaddan waxaa sameeyay koox ka socotay Jaamacadda Qaranka ee Singapore, waxaana ka qayb qaatay 12,000 oo qof, oo da’doodu u dhaxayso 45 ilaa 74 jir, kuwaas oo shaah cabayey muddo 20 sano ah.
Ka qaybgalayaasha Daraasadda ee da'doodu ay tahay celcelis ahaan 53, jir ayaa la waydiiyay sida cabitaanka shaaha iyo qaxwaha u caawiyay iyo awoodda ay ka helaan marka ay cabaan .
Sid0o kale dadka da’doodu gaadhay 73 jir ayaa waxa la waydiiyay su’aalo la xariira shaaha iyo kaalinta uu ka qaatay xoojinta jirka iyo awoodda .
Cilmi-barayaashu waxay sheegeen in ay jiraan dhawr arrimood oo muujinaya qofka la ildaran tabar-darrida jireed oo ah mid da’ ay keentay, miisaanka oo yaraada, daal, gaabiska socodka , iyo daciifnimada murqaha kuwaas oo dhaaman shaahu xoojin karo.
Cilmi baaristu waxay muujiyeen in 84 boqolkiiba ka qaybgalayaashu ay sheegeen in ay si joogto ah u cabbaan kafeega, halka 12 boqolkiiba ay sheegeen in ay cabbeen shaaha.
Afrika oo bilaabeysa isticmaalka diyaarado dagaal oo Ruushku leeyahay
Xigashada Sawirka, Getty Images
Qoraalka sawirka, . Afrika waxay gashay marxalad cusub oo tartanka milatariga ah kadib markii ay soo baxeen warar sheegaya in diyaaradaha dagaalka ee Ruushka ee nooca Su-34M ay ku biireen ciidamada cirka ee Aljeeriya.
Tallaabadan ayaa dhalisay dood ballaaran oo ku saabsan in qaaraddu ay galayso weji cusub oo tartanka hubka ah, iyadoo dalal badan ay sii wadaan maalgelinta tignoolajiyadda casriga ah ee dagaalka.
Khubarrada arrimaha difaaca ayaa sheegaya in imaanshaha diyaaradahaas aan lagu eegi karin aragtida hal dal oo keliya, balse loo arko qayb ka mid ah isbeddellada istaraatiijiyadeed ee ka socda Waqooyiga Afrika iyo guud ahaan qaaradda. Tani waxay la xiriirtaa xaqiiqda ah in dalal kale ay sidoo kale xoojinayaan ciidamada cirka iyo nidaamyada gantaallada, arrintaas oo kordhinaysa tartanka milatari ee gobolka.
Haatan, Su-34M waxaa loo arkaa mid ka mid ah astaamaha cusub ee saamaynta milatari ee Ruushka ku leeyahay Afrika, gaar ahaan waddamada si weyn ugu tiirsan hubkiisa cirka.
Su'aasha ugu weyn ee la isweydiinayo ayaa ah: Ma imaanshaha diyaaradahan ayaa si weyn u beddeli doona isu-dheellitirka awoodaha milatari ee gobolka, mise waa qayb kale oo ka mid ah wareegga caadiga ah ee ganacsiga casriga ah ee hubka adduunka?
Mareykanka oo cunaqabateyn ku soo rogay taliyeyaasha kooxo hubeysan oo ka dhisan Afrika
Xigashada Sawirka, Getty Images
Qoraalka sawirka, . Dowladda Mareykanka ayaa cunaqabatayn ku soo rogtay laba taliye oo ka tirsan kooxaha hubeysan oo lagu eedeeyay inay kicinayaan rabshado iyo xasillooni darro ka jirta bariga Jamhuuriyadda Dimuqraadiga ah ee Congo.
War-saxaafadeed ay soo saartay Talaadadii, Xafiiska Xakamaynta Hantida Dibadda ee Waaxda Maaliyadda Mareykanka (OFAC) ayaa cunaqabateyn ku soo rogtay Gustave Kubwayo, iyadoo lagu tilmaamay inuu yahay taliyaha qaybta sirdoonka iyo hawlgallada gaarka ah ee Ciidamada Xoreynta Rwanda (FDLR).
Dhanka kale, John Imani Nzenze, oo la sheegay inuu ahaa taliyaha iyo madaxa sirdoonka ee kooxda fallaagada M23, ayaa sidoo kale lagu soo rogay cunaqabatayn.
"Ururka FDLR iyo M23 waxay xoog ku qabsadeen dhul, waxayna ku dileen dad rayid ah bariga DRC," ayaa lagu yiri war-saxaafadeed ka soo baxay Waaxdaas.
Rwanda waxay ku eedeysay dowladda DRC inay taageerto jabhadda FDLR, oo ah koox hubaysan oo ka kooban askartii hore ee Rwanda iyo xagjiriin u cararay bariga Congo intii lagu jiray xasuuqii 1994. Kigali waxay u aragtaa fallaagada inay yihiin khatar.
Dhanka kale, mas'uuliyiinta Congo iyo kormeerayaasha kale ee caalamiga ah ayaa ku eedeeyay Rwanda inay taageerto kooxda M23, oo ah koox hubaysan oo ka qabsatay dowladda DRC dhulal badan sannadkii la soo dhaafay.
"Rabshadaha socda ee kooxaha hubaysan waxay sii xumeynayaan dhibaato bani'aadamnimo oo ba'na oo khatar ku ah danaha Mareykanka ee gobolka," ayuu yiri Xoghayaha Maaliyadda Mareykanka Scott Bessent.
"Cunaqabataynta maanta waxay taageeraysaa ballanqaadka nabadda iyo joojinta dhiigga daadanaya," ayuu raaciyay, isagoo ugu baaqay DRC iyo Rwanda inay joojiyaan taageeradooda kooxaha hubaysan ee la xayiray sida ku cad heshiisyadii nabadda ee uu Mareykanku hoggaaminayay ee la saxiixay bishii Diseembar ee la soo dhaafay.
Maaha markii ugu horreysay ee xubnaha kooxaha hubeysan ee DRC lagu soo rogo cunaqabatayn. Laakiin tallaabooyinkan ayaa ku guuldareystay inay joojiyaan dagaalka ka socda gobolka bari ee dalka ee kacsan.
Sidoo kale akhri
Sheeka-xariirada ay ciidanka Botswana ka sheegaan Janaraal Caydiid
Madaxweyne Duma Boko ayaa ciidamada Botswana u sheegay in askarta dalkiisa ay mar ka hortageen xoogaggii Maxamed Faarax Caydiid ee ku sugnaa magaalada Baydhabo, isaga oo dib u xusay sheeko xariiro uu sheegay inay muujinayso sumcadda Ciidanka Difaaca Botswana (BDF).
Hawlgalka uu ka hadlay in Ciidanka Botswana loogu diray Soomaaliya, waa xaqiiq. Dagaalka uu sheegayse kama muuqdo diiwaannada taariikhiga ah ee la heli karo xogaha howlgalkaas ku saabsan, waxaana madaxweynuhu laftiisu sheekada u dhigay qaab sheeko xariiro ahaan loo weriyo.
Isagoo ka hadlayay doorkiisa ah Taliyaha Guud ee Ciidamada, lana hadlayay saraakiisha sare ee BDF, ayuu Boko wuxuu soo hadal qaaday hawlgalkii ugu horreeyay ee ciidankaasi dibadda uga qayb qaato, in ka badan soddon sano ka hor. Wuxuu sheekadan kusoo hadalqaaday khudbadda oo lagu baahiyay boggiisa rasmiga ah ee Facebook, toddobaadkan gudihiisa, 26-dii May.
Wuxuu sheegay in ciidamada Botswana loo diray Soomaaliya, "meel la yiraahdo Baydhabo", halkaas oo Caydiid "dadka ku cabsi gelinayay", islamarkaana ciidammo nabad ilaalin ah oo hore uga hawlgallay ay ku guul darreysteen inay wax badan ka qabtaan.
"Kadibna waxaa halkaas gaaray cutub ka tirsan Ciidanka Difaaca Botswana," ayuu yiri.
Maxaan ka ognahay weerarrada cusub ee ay isku qaadeen Mareykanka iyo Iiraan?
Baaxadda saameynta duqeynta Ruushka ka geystay magaalooyinka Ukraine.
War deg deg ah, Iiraan oo sheegatay weerar lagu qaaday saldhigyada Mareykanku ku leeyahay Baxrayn
Daqiiqado yar kadib markii warbaahinta taabacsan Ilaalada Kacaanka Iraan ay baahiyeen warar ku saabsan “weerarro gantaallo” oo lagu riday saldhigyada Mareykanka ee Kuwait, wakaaladda wararka ee Tasnim oo iyaduna sheegtay in weerar lagu qaaday saldhigyada Mareykanka ee Baxrayn, isla markaana ay sheegtay in ugu yaraan saddex qarax laga maqlay gudaha Kuwait.
Wakaaladdu sidoo kale waxay sheegtay in qarax laga maqlay xeebta Jasiiradda Qeshm, waxayna qortay in “walax la soo tuuray ay u badan tahay inay ku dhacday xeebta u dhexeysa magaalada Souza iyo tuulada Masan",
Dhanka kale, wakaaladdaa Fars ayaa dhankeeda ku dartay in waddamada digniinaha sameenaya ay ku jirto Sacuudiga, iyada oo gantaallo ay ku dhacayn garoonka diyaaradaha Dubai.
Ilaa hadda, CENTCOM wax jawaab ah kama bixin warbixintaas.
Sii Akhri
War deg deg ah, Iiraan oo weerartay saldhigga Maraykanka ee Kuwait
Xigashada Sawirka, Reuters/X
Hal saac kadib markii CENTCOM ay soo saartay bayaan ku saabsan jin ay joojiyeen markab shidaal oo ku sii jeeday dekedaha Iraan, wakaaladaha wararka ee gudaha Iraan iyo kuwa ku dhow Ilaalada Kacaanka ayaa sheegay in dhawaaqa digniinta laga maqlay Kuwait kadib weerar gantaallo oo lagu qaaday saldhig ciidan oo Mareykanku ku leeyahay dalkaas.
Inkasta oo wakaaladda wararka ee Tasnim aysan si rasmi ah u xaqiijin in weerarku ka yimid Iraan, haddana waxay soo xigatay ilo Carabeed oo sheegay in “ugu yaraan saddex qarax” laga maqlay Kuwait, isla markaana la weeraray laba saldhig oo kala ah Ali al-Salem iyo Arifjan.
Wakaaladda wararka rasmiga ah ee Kuwait ayaa sidoo kale sheegtay in aroornimadii Arbacada laga dhawaajiyey kambaleelka digniinta, waxayna muwaadiniinta uga digtay inay ka taxaddaraan burburka ama jajabka ka dhasha rasaasta difaaca hawada ee lagu celinayo weerarrada gantaallada.
Sii Akhri
CENTCOM: “Waxaan banjarinay markab shidaal oo ku sii jeeday mid kamid ah dekadaha Iiraan”
Xigashada Sawirka, Reuters
Taliska Dhexe ee Ciidamada Mareykanka (CENTCOM) ayaa sheegay in Talaadadii ay hawl-gab ka dhigayn markab shidaal kaas oo ku sii jeeday deked ku taal Iraan, gudaha Gacanka Faaris.
CENTCOM ayaa tilmaamtay in markabkaan ay xannibaadda ku sameeyeen uu ahaa nooca shidaalka qaada kaas oo summadiisu ahayd MT Lexie oo watay calanka Botswana, xilli uu ku socday biyaha caalamiga ah kuna wajahnaa Jasiiradda Kharg.
Sida lagu sheegay bayaanka, shaqaalaha markabka ayaa iska indho-tiray digniino si isdaba jog loogu dirayey, waxayna dhowr jeer diideen inay u hoggaansamaan amarrada ciidamada Mareykanka muddo 24 saacadood ah.
CENTCOM waxay intaas ku dartay in ugu dambayn diyaarad Mareykan ah ay ku dhufatay gantaal nooca Hellfire ah qolka matoorka markabka, taas oo sababtay inuu hawl-gab noqdo lagana hor istaago inuu gaaro Iraan.
Talisku waxa uu wacad ku maray inuu sii wadi doono dhaqan-gelinta cunaqabataynta dhammaan maraakiibta u socda ama ka imanaya dekedaha Iran, taas oo bilaabatay 13-kii Abriil.
Weerarkii hore ee ciidamada Mareykanka ku qaadeen markab Iraan leedahay oo lagu magacaabo "Lion Star" ayaa la kulmay jawaab celin ka timid Iraan. Ilaalada Kacaanka Iraan ayaa markaas ku dhawaaqday inay gantaal nooca cruise missile ah ku weerartay markab xamuul oo koonfur kaga sugnaa dekedda Ciraaq ee Umm al-Qasr, waxayna baahiyeen muuqaallo muujinaya gantaalka iyo goobta uu ku dhacay markabka ganacsiga ee "MSC Sariska."
Sii Akhri
AROORYO SUUBAN
Waxaa halkaan innooga bilaabaneysa tebinta tooska ah ee wararka caalamka Soo dhawaada
Sacuudiga iyo Iiraan oo yeeshay kulan qadka telefoonka ah
Xigashada Sawirka, EPA/Shutterstock
Warbaahinta Iraan ay sheegtay in uu qabsoomay kulan qadka taleefanka ah oo u dhexeeyay Wasiirka Arrimaha Dibadda Iran, Cabbaas Araghchi, iyo dhiggiisa Sacuudiga, Faysal bin Farxaan, iyadoo la sheegay in diiradda wada-hadalku ahayd arrimaha hadda ka taagan gobolka.
Markii uu billowday dagaalka u dhexeeya Mareykanka iyo Israa’iil ee ka dhanka ahaa Iraan bishii Febraayo ee horraantii sanadkaan, Sacuudiga, Qatar, Imaaraadka Carabta, Baxrayn, iyo Kuweyd waxa ay la kulmayn weerarro diyaarado aan duuliye lahayn iyo gantaallo ay Iraan fulineesay. Inkastoo Tehran ay sheegtay in weerarradaasi ay bartilmaameedsanayeen saldhigyada Mareykanka ee ku yaalla waddamadaan, waxa uuna saameeyey xiriirka diblomaasiyadeed ee labada dal.
Dhowr maalmood ka hor, markii Iraan ay ku dhawaaqday inay beegsatay saldhig Mareykan ah oo ku yaalla Kuweyd, taas oo ay ku sheegtay jawaab ay uga bixisay duqeyn Mareykan ah oo ka dhacday agagaarka garoonka diyaaradaha ee Bandar Abbas, Sacuudiga wuxuu soo saaray bayaan uu si adag ugu cambaareynayo weerarradaas.
Si kastaba ha ahaatee, labada dal oo dhawaan dib u soo celiyay xiriirkooda diblomaasiyadeed iyadoo Shiinuhu dhex-dhexaadin ka sameeyay, kadib sanado badan oo aysan xiriir lahayn.
Sii Akhri
War deg deg ah, CENTCOM: “Waxaan banjarinay markab shidaal oo ku sii jeeday mid kamid ah dekadaha Iiraan”.
Taliska Dhexe ee Ciidamada Mareykanka (CENTCOM) ayaa sheegay in Talaadadii ay hawl-gab ka dhigayn markab shidaal kaas oo ku sii jeeday deked ku taal Iraan, gudaha Gacanka Faaris.
CENTCOM ayaa tilmaamtay in markabkaan ay xannibaadda ku sameeyeen uu ahaa nooca shidaalka qaada kaas oo summadiisu ahayd MT Lexie oo watay calanka Botswana, xilli uu ku socday biyaha caalamiga ah kuna wajahnaa Jasiiradda Kharg.
Sida lagu sheegay bayaanka, shaqaalaha markabka ayaa iska indho-tiray digniino si isdaba jog loogu dirayey, waxayna dhowr jeer diideen inay u hoggaansamaan amarrada ciidamada Mareykanka muddo 24 saacadood ah.
CENTCOM waxay intaas ku dartay in ugu dambayn diyaarad Mareykan ah ay ku dhufatay gantaal nooca Hellfire ah qolka matoorka markabka, taas oo sababtay inuu hawl-gab noqdo lagana hor istaago inuu gaaro Iraan.
Talisku waxa uu wacad ku maray inuu sii wadi doono dhaqan-gelinta cunaqabataynta dhammaan maraakiibta u socda ama ka imanaya dekedaha Iran, taas oo bilaabatay 13-kii Abriil.
Weerarkii hore ee ciidamada Mareykanka ku qaadeen markab Iraan leedahay oo lagu magacaabo "Lion Star" ayaa la kulmay jawaab celin ka timid Iraan. Ilaalada Kacaanka Iraan ayaa markaas ku dhawaaqday inay gantaal nooca cruise missile ah ku weerartay markab xamuul oo koonfur kaga sugnaa dekedda Ciraaq ee Umm al-Qasr, waxayna baahiyeen muuqaallo muujinaya gantaalka iyo goobta uu ku dhacay markabka ganacsiga ee "MSC Sariska."
Sii Akhri
xallinta xisaab qaadatay toddobo sano ayuu ChatGPT ku xalliyey kaliya 80 daqiiqo gudahood...
Kani waa Jared oo bartay cilmiga xisaabta, xallinta xisaab ku qaadatay toddobo sano ayuu ChatGPT ku xalliyey kaliya 80 daqiiqo gudahood...
Muddo sannado ah, Jared Duker-Lichtman oo ah xisaabyahan ka tirsan Jaamacadda Stanford, wuxuu la noolaa halxiraale xisaabeed uu xallin waayey.
Markii ugu horreysay ee uu la kulmay Erdős Problem 1196 isaga waxa uu ahaa arday jaamacadeed. Xisaabta waxay ka mid tahay su’aalo xisaabeed oo uu ka tagay xisaabyahankii caanka ahaa ee reer Hungary, Paul Erdős. Inkastoo marka hore ay u muuqdaan kuwo fudud, su’aalahan waxay qaadan karaan tobannaan sano si loo xalliyo.
Jared wuxuu hore afar sano ugu qaatay xallinta arrintan ugu dambayna wuxuu ku qoray daraasaddiisa doctorate-ka. Laakiin Problem 1196-way ka adkaatay.
Kadib, subax ka mid ah bishii Abriil 2026, wuxuu ku toosay iimayl u muuqday mid aan la rumaysan karin.
Xisaabyahan hiwaayad ah oo ku nool Ingiriiska ayaa sheegay inuu helay xal, kaas oo uu soo saaray ChatGPT.
Liam Price, oo isna bartay xisaabta, ahna 23 jir ayaa tijaabinayay awoodaha AI. Isaga oo xiisaynaya waxa noocyadii ugu dambeeyay ee AI-ga samayn karaan, wuxuu go’aansaday inuu ku tijaabiyo mid ka mid ah dhibaatooyinka xisaabeed ee muddada dheer aan la xallin.
Wuxuu adeegsaday waxa uu ugu yeeray “prompt caqli badan” wuxuuna geliyay Erdős Problem 1196 nidaamka. Kadibna wuu sugay.
Qiyaastii 80 daqiiqo kadib, AI-gu wuxuu soo saaray bogag badan oo ay ku qoran yihiin shaqo xisaabeed oo adag. Si kastaba ha ahaatee, Price ma hubin inay sax ahayd. Wuxuu u baahday xisaabyahan bini aadam ah oo dib u eega.
Ugu dambayntii, shaqadaasi waxa ay soo gaartay Emailka Jared.
Falcelintii ugu horreysay ee Jared waxay ahayd shaki. Nidaamyada AI-ga waxaa lagu yaqaan inay bixiyaan jawaabo kalsooni leh balse khaldan. Dariiqooyinka AI-gu waxay u muuqdayn kuwo aan si fiican loo habayn, laakiin markii uu si taxaddar leh ugu kuur galay sadarba sadar, wax baa is beddelay. “Waxay bilowday inay macno samayso”, ayuu Jared yiri.
Dadka dhaliila AI-ga waxay ka cabsi qabaan inuu beddelayo khibradda aadanaha ee meelo badan, sida sharciga, injineernimada iyo farshaxanka.
Sii Akhri