Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Dagaalka ayaa waxaa ku dhintay tiro badan oo ah miliiishiyaadkii iska soo horjeeday

Tebin toos ah

9 Saacadood ka horXoghayaha Difaaca Mareykanka: Waxaan ku taaganahay dhabihii aan heshiis kula saxiixan lahayn Iran
Wasiirka gaashaandhiga Mareykanka Pete Hegseth ayaa sheegay in Maraykanku uu “ku socdo waddadii” lagu saxiixi lahaa heshiis lala galo Iiraan, isla markaana ay tahay arrin waqti uun ku xiran.
“Waxaan ognahay in Xisbulah ay gantaallo ku ridday waqooyiga Israa’iil, waana inay joojiyaan,” ayuu xoghayaha difaaca Maraykanka u sheegay CBS, oo bah-wadaag la ah BBC.
“Iiraan waa inay si adag oo go’aan leh ugu qancisaa Xisbullah inay joojiyaan arrintan,” ayuu intaa ku daray.
Maanta, kaddib markii Israa’iil ay weerartay xaafad ku taalla koonfurta Beirut, Iiraan waxay ku hanjabtay inay joojin doonto wada-hadallada ay la leedahay Maraykanka. Sidoo kale, ku-xigeenka madaxa Xarunta Dhexe ee Khatam al-Anbiya ayaa sheegay in weerarkan aan laga aargoosan la’aan laga gudbi doonin.
Intaas kaddib, Donald Trump ayaa baraha bulshada ku qoray in weerarkaas ay ahayd inuusan.
Madaxweynaha Maraykanka ayaa ku baaqay “is-xakamayn” .
wuxuuna yiri: “Waa inaysan jirin weerarro kale oo ay Israa’iil ka fuliso meel kasta oo Lubnaan ka mid ah, isla markaana waa inaysan jirin weerarro lagu qaado Israa’iil oo ka yimaada dhinac kasta oo kale, oo ay ku jirto Hezbollah.”
Warar dheeraad ah:
Dal u jaangooynaya dadkiisu in uusan dhaafin 10 Milyan iyo dood weyn oo ka taagan
Sababta magaca madaxweyne Trump looga fujiyay xarun dhaqan oo caana ah oo Maraykanka ku taalla?
Xidigga xulka Ghana oo loo diiday fiisaha Canada xagee hadda ku sugan mase ciyaari doonaa Koobka Adduunka?
9 Saacadood ka horTrump oo wali rajeynaya in uu heshiis la galo Iiraan 'labo ilaa saddexda saacadood ee socoto gudahood
Xigashada Sawirka, Getty Images
Madaxweynaha Mareykanka Donald Trump ayaa aaminsan in heshiis wali lala saxiixan doono Iiraan "labada ilaa saddexda saacadood ee soo socota", sdia uu u sheegay Fox News.
Wuxuu faallooyinkan ku sheegay wareysi kooban oo uu la yeeshay Trey Yingst oo ka tirsan shabakadda.
Trump ayaa Yingst u sheegay inuu taleefanka kula hadlay Ra'iisul Wasaaraha Israa'iil Benjamin Netanyahu ka dib weerarradii maanta ka dhacay Beirut. Trump ayaa u muuqday inuu muujiyay niyad jabkiisa, isagoo adeegsanaya erayo uu ku weerarayo Netanyahu waxa uu sameynayo.
"Wuxuu u sheegay ra'iisul wasaaraha inuusan sameynin weerarro dheeraad ah oo ka dhan ah Hezbollah, sidaa darteed ma saameynayso heshiiskan inuu horay u socdo," ayuu yiri Yingst.
Warar dheeraad ah:
Dal u jaangooynaya dadkiisu in uusan dhaafin 10 Milyan iyo dood weyn oo ka taagan
Sababta magaca madaxweyne Trump looga fujiyay xarun dhaqan oo caana ah oo Maraykanka ku taalla?
Xidigga xulka Ghana oo loo diiday fiisaha Canada xagee hadda ku sugan mase ciyaari doonaa Koobka Adduunka?
14 Juunyo 2026Iiraan oo sheegtay in weerarrada Israa'iil ee Beirut ay muujinayaan in Washington aysan fulin ballanqaadkeeda
Xigashada Sawirka, EPA
Madaxa wadahadallada nabadda Iiran ee wadahadallad Mareykanka ayaa sheegaya in weerarrada cusub ee Israa'iil ay ka geysatay Beirut ay muujinayaan in Washington aysan fulin ballanqaadyadeekeed oo aysan lahayn doonista ama awood ay sidaas ku sameyso.
Mohammad-Bagher Ghalibaf ayaa sheegay inaysan jirin "wax faa'iido ah" oo laga leeyahay ka hadalka sii socoshada "wadadan." Iiraan waxay muddo dheer ku adkeysaneysay in Lubnaan ay ku jirto heshiis kasta oo ay la gasho Washington.
Weerarrada Israa'iil waxay yimaadeen maalintii Donald Trump uu ku adkeystay in heshiis la saxiixi doono, inkastoo Tehran aysan wali xaqiijin tan.
Waxay bartilmaameedsadeen waxa Israa'iil ay sheegtay inay ahayd xarun talis oo Hezbollah ah, iyagoo dilay ugu yaraan saddex qof.
Horraantii, Hezbollah waxaa lagu eedeeyay inay weerarro ku qaadday waqooyiga Israa'iil. Lama soo sheegin wax khasaare ah ama waxyeello ah.
Warar dheeraad ah:
Dal u jaangooynaya dadkiisu in uusan dhaafin 10 Milyan iyo dood weyn oo ka taagan
Sababta magaca madaxweyne Trump looga fujiyay xarun dhaqan oo caana ah oo Maraykanka ku taalla?
Xidigga xulka Ghana oo loo diiday fiisaha Canada xagee hadda ku sugan mase ciyaari doonaa Koobka Adduunka?
14 Juunyo 2026Sidee ayaad ilmahaaga uga caawin kartaa inuu ka gudbo xaaladaha walwalka?
14 Juunyo 2026Maxaan ka ognahay ilaa iyo hadda safarka uu madaxweyne Cirro ku tagay Israa'iil?
14 Juunyo 2026FIFA oo bixin doonta mushaar buuxa oo koobka adduunka ee garsoore Cumar Cartan
Xigashada Sawirka, Getty Images
Qoraalka sawirka, Cumar Cartan wuxuu ahaa garsoore FIFA ah tan iyo 2018.
Garsoore Cumar Cartan oo loo diiday inuu galo Mareykanka si uu u dhex dhexaadiyo Koobka Adduunka, ayaa weli heli doona lacagtiisa oo dhan ee tartanka.
Ilo wareedyo ayaa u sheegay BBC Sport in inkastoo Cumar Cartan uusan ka qayb qaadan doonin Koobka Adduunka, haddana Fifa waxay ballanqaaday inay bixin doonto mushaharkiisa.
Garsoorayaashu ma oga lacagta dhabta ah ee ay heli doonaan marka ay garsoore ka noqdaan Koobka Adduunka, taasoo la bixiyo marka tartanku dhammaado.
Warar dheeraad ah:
Dal u jaangooynaya dadkiisu in uusan dhaafin 10 Milyan iyo dood weyn oo ka taagan
Sababta magaca madaxweyne Trump looga fujiyay xarun dhaqan oo caana ah oo Maraykanka ku taalla?
Xidigga xulka Ghana oo loo diiday fiisaha Canada xagee hadda ku sugan mase ciyaari doonaa Koobka Adduunka?
14 Juunyo 2026Madaxweynaha Somaliland oo boqasho rasmi ah ku tugay Israa'iil
Xigashada Sawirka, X
Qoraal uu soo dhigay bartiisa X, ayuu madaxweynaha Israa'iil, Isaac Herzog ku sheegay in booqashada madaxweynaha Somaliland Cabadiraxmaan Cirro ay tahay 'mid taariikhi ah'.
"Ku soo dhawow Israel, Madaxaynaha Somaliland", ayuu ku bilaabay qoraalkiisa.
Cabdiraxmaan Cirro ayaa ugu mahadceliyay madaxweynaha ISraa'iil iyo shacabkaba soo dhawaynta.
"Maanta waxay ka dhigan tahay tallaabo cusub oo furaysa bog cusub oo ku dhisan saaxiibtinimo, is kaashi iyo is ixtiraam ka dhaxeeya Somaliland iyo Israa'iil", ayuu ku daabacay madaxweyne Cirro boggiisa Facebook.
Dhammaadkii bishii December e 2025 ayay ahayd markii ra'iisul wasaaraha Israa'iil uu ku dhawaaqay in uu Somaliland u aqoonsaday dal madaxbanaan, tallaabadaasi oo ka caraysiisay dowladda federaalka Soomaaliya.
Warar dheeraad ah:
Dal u jaangooynaya dadkiisu in uusan dhaafin 10 Milyan iyo dood weyn oo ka taagan
Sababta magaca madaxweyne Trump looga fujiyay xarun dhaqan oo caana ah oo Maraykanka ku taalla?
Xidigga xulka Ghana oo loo diiday fiisaha Canada xagee hadda ku sugan mase ciyaari doonaa Koobka Adduunka?
14 Juunyo 2026Fars: Go'aanka kama dambaysta ah ee is-afgaradka weli lama gaarin
Wakaaladda wararka ee Fars News ayaa ka soo xigatay "ilo xog ogaal ah oo ku dhow kooxda wada xaajoodka" iyada oo leh "Iran wali ma aysan shaacin go'aankeeda kama dambaysta ah ee heshiiska is afgaradka ee la soo jeediyey."
Sida laga soo xigtay warbixinta, "dib u eegista dhinacyada siyaasadda, sharciga, iyo farsamada ee soo jeedinta ayaa weli socda."
Sida laga soo xigtay wakaaladda wararka ee ku dhow hay'adaha militariga iyo kuwa amniga, "dib u eegista qaybaha kala duwan ee soo jeedinta la soo bandhigay ayaa weli socda oo ku saabsan heerarka khabiirada iyo go'aan qaadashada, hay'adaha u xilsaaran waxay si taxadar leh u qiimeynayaan dhinacyada siyaasadda, sharciga iyo farsamada."
Dhanka kale waxaa saacad ka hor magaalada Tehran gaaray wafdi ka socda dowladda Qatar si ay u sii wadaan fariimaha ay is dhaafsanayaan Iran iyo Mareykanka.
Warar dheeraad ah:
Dal u jaangooynaya dadkiisu in uusan dhaafin 10 Milyan iyo dood weyn oo ka taagan
Sababta magaca madaxweyne Trump looga fujiyay xarun dhaqan oo caana ah oo Maraykanka ku taalla?
Xidigga xulka Ghana oo loo diiday fiisaha Canada xagee hadda ku sugan mase ciyaari doonaa Koobka Adduunka?
14 Juunyo 2026Israa'iil oo duqaymo ka geysatay dhowr meelood oo ku yaalla koonfurta Lubnaan
Xigashada Sawirka, Reuters
Lubnaan ayaa sheegtay in Israa'iil ay maanta duqeymo cirka ah ka geysatay dhowr goobood oo ku yaalla koonfurta dalkaas, kaddib markii milateriga Israa'iil ay soo saareen digniin ku aaddan ka bixitaanka magaalada Nabatieh iyo in ka badan 20 deegaan oo kale oo ku yaalla koonfurta Lubnaan.
Wakaalada wararka ee Lubnaan ayaa ku warantay in duqeymo dhanka cirka ah oo Israel ay la beegsatay deegaano dhowr ah, gaar ahaan agagaarka magaalada Nabatieh.
Sawir qaade ka tirsan wakaaladda wararka AFP oo ku sugan deegaanka Nabatieh ayaa soo sheegay in uu maqlay qaraxyo dhowr ah oo ka dhacay agagaarka Kafr Raman iyo qaac ka talluumaya deegaanka Kafr Benit.
Ciidamada Lubnaan ayaa sidoo kale shaaca ka qaaday in mid ka mid ah askartooda uu si xun ugu dhaawacmay weerar ay diyaaradaha aan duuliyaha lahayn ee Israa’iil ku qaadeen wadada isku xirta Kafr Raman iyo Nabatiyah.
Wakaalada wararka ee Lubnaan ayaa sidoo kale sheegtay in weerar kale lagu dilay sarkaal maxali ah oo ku sugnaa gobolka Rayhan ee koonfurta Lubnaan.
14 Juunyo 2026Maxay yihiin qodobada 'qadka cas' ee Iran ay ku cadaysay heshiiska ay la galayso Maraykanka?
14 Juunyo 2026Dhalashada Trump oo ku soo aaday saxiixa heshiiska la wada sugayo ee Iran iyo Maraykanka
Xigashada Sawirka, Getty Images
Madaxweynaha Mareykanka Donald Trump ayaa maanta oo Axad ah 80-sano jirsanaya, waana maalin sida uu sheegay in sidoo kale la saxiixo heshiiska la wada sugayo ee u dhaxeeya Mareykanka iyo Iran.
Waxa uu sheegay in saxiixida heshiiskaasi uu horseedi karo in si deg deg ah loo furo marin biyoodka Hormuz, isla markaana ay bilowdaan wadahadalada Nukliyeerka ee Iran, inkastoo madaxda Iran ay aad uga taxadareen xilliga la saxiixayo.
Trump, oo toddobaadyo ka hadlayay ku dhowaanshaha heshiis, ayaa dhalashadiisa ugu dabbaaldegaya munaasabad weyn oo feerah (UFC) oo ka dhacday aqalka cad.
Warar dheeraad ah:
Dal u jaangooynaya dadkiisu in uusan dhaafin 10 Milyan iyo dood weyn oo ka taagan
Sababta magaca madaxweyne Trump looga fujiyay xarun dhaqan oo caana ah oo Maraykanka ku taalla?
Xidigga xulka Ghana oo loo diiday fiisaha Canada xagee hadda ku sugan mase ciyaari doonaa Koobka Adduunka?
14 Juunyo 2026Waxa aan ka ognahay heshiiska is-afgaradka ah ee ay wada saxeexanayaan Maraykanka iyo Iran
Xigashada Sawirka, .
Maraykanka iyo Iran oo ay dhexdhexaadinayaan Pakistan, Qatar, iyo dalal kale oo dhowr ah, ayaa lagu wadaa inay maanta wada saxeexaan heshiis is-afgarad ah, kaas oo xabbad joojinta lagu kordhin doono muddo 60 maalmood ah, marinka Hormuz dib loo furi doono, wada xaajoodyada barnaamijka Nukliyeerka ee Iran ayaa bilaaban doonaan.
Ra’iisul wasaaraha Pakistan Shehbaz Sharif ayaa sheegay in labada dhinac ay uga dhow yihiin heshiis aan horay loo arag, isla markaana loo diyaar garoobay saxiixiisa qaab electronic ah.
Madaxweynaha Mareykanka Donald Trump ayaa sidoo kale sheegay in heshiiska maanta la saxiixi doono, isla markaana marinka Hormuz si degdeg ah loo furi doono dhammaan maraakiibta.
Waxa uu sidoo kale ka digay in haddii aan si degdeg ah oo dhameystiran loo dhaqan gelin heshiiskaasi ay suuragal tahay in mar kale la adeegsado awood ciidan.
Warar dheeraad ah:
Dal u jaangooynaya dadkiisu in uusan dhaafin 10 Milyan iyo dood weyn oo ka taagan
Sababta magaca madaxweyne Trump looga fujiyay xarun dhaqan oo caana ah oo Maraykanka ku taalla?
Xidigga xulka Ghana oo loo diiday fiisaha Canada xagee hadda ku sugan mase ciyaari doonaa Koobka Adduunka?
14 Juunyo 2026Britain oo taageertay dadaalka Trump uu ku doonayo in lagu soo afjaro colaadda Iran.
Xigashada Sawirka, Reuters
Xafiiska Ra'iisul Wasaaraha Britain ayaa ku dhawaaqay in Ra'iisul Wasaare Keir Starmer uu kala hadlay dadaallada lagu soo afjarayo colaadda Iran, xilli uu khadka taleefanka kula hadlay madaxweynaha Mareykanka Donald Trump.
Sida ay wararku sheegayaan, Starmer ayaa soo dhaweeyay horumarka la sameeyay, wuxuuna ku celceliyay in UK ay diyaar u tahay inay taageerto hirgelinta heshiis kasta oo nabadeed, ayna kala shaqeyso saaxiibada caalamka si loo xaqiijiyo guusha.
Labada hogaamiye ayaa sidoo kale isla gartay baahida loo qabo in dib loo soo celiyo xoriyada socdaalka si loo yareeyo cawaaqib xumada dhaqaale ee caalamka.
Warbixin kale, wasiirka arrimaha dibadda Pakistan Muxamed Isxaaq Daar iyo wasiirka arrimaha dibadda ee Sacuudiga Faysal bin Farxaan ayaa khadka taleefoonka kaga hadlay isfaham dhexmara Mareykanka iyo Iran.
Pakistan ayaa dhexdhexaadinaysa xabad joojinta Iran iyo Maraykanka, waxayna dhexdhexaadinaysaa wadahadalo lagu gaaray isfaham nabadeed oo dhexmara labada dal.
Warar dheeraad ah:
Dal u jaangooynaya dadkiisu in uusan dhaafin 10 Milyan iyo dood weyn oo ka taagan
Sababta magaca madaxweyne Trump looga fujiyay xarun dhaqan oo caana ah oo Maraykanka ku taalla?
Xidigga xulka Ghana oo loo diiday fiisaha Canada xagee hadda ku sugan mase ciyaari doonaa Koobka Adduunka?
14 Juunyo 2026Trump: Heshiiska Mareykanka iyo Iran maanta ayaa la saxiixi doono; Tehran weli shaki ayaa ku jira
Xigashada Sawirka, .
Madaxweynaha Mareykanka Donald Trump ayaa sheegay in maanta lagu wado in heshiis uu la saxiixo Iran, ka dibna marin biyoodka Hormuz si degdeg ah loogu furi doono maraakiibta.
Trump waxa uu carabka ku adkeeyay baraha bulshada in heshiiskan uu Iran ka hor istaagayo in ay hesho hubka Nukliyeerka ah, isla markaana aan wax lacag ah la siin doonin Iran.
Hadalkan ayaa yimid saacado ka dib markii afhayeenka wasaaradda arrimaha dibadda ee Iran, Esmail Baghaei uu sheegay in "isfaham kasta oo suurtagal ah oo lala yeesho Maraykanka uu noqon doono oo kaliya qaab lagu sii wado wadahadalka.
Ma noqon doono heshiis kama dambays ah oo u dhexeeya labada dal." Hadalo kale oo laga sii daayay telefiishanka Iran, afhayeen u hadlay wasaaradda arrimaha dibadda ee Iran ayaa sheegay in heshiiska is-faham ee la filayo in ay la yeeshaan Mareykanka aan la saxiixi doonin Axadda.
Dhinaca kale, Xoghayaha Arrimaha Dibedda ee Maraykanka, Marco Rubio ayaa uga digay dhiggiisa India in aan loo dulqaadan doonin xadgudub kasta oo lagu sameeyo cunaqabateynta lagu soo rogay Iran.
Waxa uu sidoo kale ka digay waxa uu ugu yeeray in si sharci darro ah shidaalka Iran loogu wareejiyo marin biyoodka Hormuz.
Baaqan ayaa yimid ka dib markii Hindiya ay ka mudaaharaadday dilka saddex badmaax oo Hindi ah oo lagu dilay weerar Maraykanku ku qaaday markab ganacsi horaantii todobaadkan.
Warar dheeraad ah:
Dal u jaangooynaya dadkiisu in uusan dhaafin 10 Milyan iyo dood weyn oo ka taagan
Sababta magaca madaxweyne Trump looga fujiyay xarun dhaqan oo caana ah oo Maraykanka ku taalla?
Xidigga xulka Ghana oo loo diiday fiisaha Canada xagee hadda ku sugan mase ciyaari doonaa Koobka Adduunka?
14 Juunyo 2026
14 Juunyo 2026Dal u jaangooynaya dadkiisu in uusan dhaafin 10 Milyan iyo dood weyn oo ka taagan
13 Juunyo 2026Shiinaha iyo Ruushka oo looga warbixiyay heshiiska ay wadagali rabaan Iran iyo Maraykanka
Xigashada Sawirka, Iran
Wasiir ku xigeenka arrimaha dibadda ee Iran ayaa sheegay in uu la kulmay safiirada Shiinaha iyo Ruushka u jooga Tehran oo uu kala hadlay wadahadalka Iran iyo Mareykanka.
Kazem Gharibabadi ayaa qoraal uu soo dhigay barta uu ku leeyahay X waxa uu ku yiri, “Kulankan intii uu socday, waxa lagaga wada hadlay oo la is waydaarsaday horumarradii ugu dambeeyay ee la xiriira qabyo qoraalka Islamabad”.
Pakistan oo dhexdhexaadin ka ah xabad joojinta Iran iyo Mareykanka iyo saxiixa suurtagalnimada isfaham dhexmara labada dal ayaa ku dhawaaqday in heshiiskan ay u badan tahay in la dhameystiro maalmaha iyo habeenada soo socda.
Wasiir ku xigeenka arrimaha dibadda Iran ayaa yiri: "Iskaashiga istiraatijiyadeed ee u dhexeeya Iran, Shiinaha iyo Ruushka iyo isku xirka iyo isdhexgalka saddexda dal wuxuu ku sii socon doonaa si xoog leh."
Wasiirka arrimaha dibadda Iran Cabbaas Araghchi ayaa xalay u sheegay telefiishanka Iran in Tehran ay si joogto ah ugala tashanayso Shiinaha xaaladda marin biyoodka Hormuz iyo habka cusub ee loo maareynayo.
13 Juunyo 2026Sababta magaca madaxweyne Trump looga fujiyay xarun dhaqan oo caana ah oo Maraykanka ku taalla?
13 Juunyo 2026Wararka ku saabsan in gantaal uu ku dhacay markab shidaal oo soo baxaya
Hay’adda ganacsiga badaha ee Britain ayaa sheegtay in markab shidaal oo marayay xeebaha dalka Cumaan ay waxyeelo ka soo gaartay madfac aan la aqoonsan uu ku dhacay qeybta hore ee markabka.
Sida laga soo xigtay kooxda dabagalka ee ciidamada badda ee Britain, shilkan ayaa dhacay shalay, meel qiyaastii 11 KM dhanka bari ka xigta xeebta Cumaan.
Wararka ayaa sheegaya in dhamaan shaqaalihii saarnaa markabka ay bad qabaan, lamana soo sheegin wax waxyeelo deegaanka ah.
Markabka ayaa la sheegay in uu kusii jeeday Dekadda uu u socday.
Ma jirto faah faahin intaas dhaafsiisan oo laga bixiyay halka uu ka yimi gantaalkan.
13 Juunyo 2026Pakistan: Maraykanka iyo Iran waxay gaari doonaan is-afgarad 24-ka saac ee soocota
Xigashada Sawirka, Reuters
Ra'iisul wasaaraha Pakistan ayaa sheegay in Iran iyo Mareykanka ay si ka duwan sidii hore ugu dhow yihiin heshiis nabadeed.
Shahbaz Sharif ayaa qoraal uu daqiiqado ka hor ku soo qoray Shabakadda X waxa uu ku sheegay in 24-ka saac ee soo socda la filayo in la soo gabagabeeyo heshiiska is-afgaradka ee Iran iyo Mareykanka.
Waxa uu sheegay in Pakistan ay samaynayso qabanqaabada lagama maarmaanka ah ee "saxiixa elektaroonigga ah" ee dukumeentiga, ka dib "wadahadallada farsamada" ayaa bilaaban doona.
Horay ayaa saraakiil sarsare oo Mareykan ah iyo Iran u sheegeen in labada dhinac ay ku dhow yihiin inay saxiixaan heshiis horseedi doona, iyo arrimo kale, dib u furista marin biyoodka Hormuz.
Waxaa la filayaa in saxiixa heshiiskan ka dib la qabto wareeg cusub oo wadahadal ah oo looga hadlayo arrimaha ugu waaweyn ee lagu muransan yahay oo ay ka mid yihiin barnaamijka Nukliyeerka ee Iran iyo qaadista cunaqabateynta.
Warar dheeraad ah:
Sida uu Elon Musk u noqday qofkii ugu horreeyay ee hantidiisu gaarto hal tiriliyan oo doollar
Ma ogtahay in kubadda Koobka Adduunka dab la galiyo ka hor inta aysan ciyaartu bilaaban?
Maxay tahay goobta haddii aad booqato aadan dib u soo laabayn adiga oo nool?

Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

9 Saacadood ka horXoghayaha Difaaca Mareykanka: Waxaan ku taaganahay dhabihii aan heshiis kula saxiixan lahayn Iran

9 Saacadood ka horTrump oo wali rajeynaya in uu heshiis la galo Iiraan 'labo ilaa saddexda saacadood ee socoto gudahood

14 Juunyo 2026Iiraan oo sheegtay in weerarrada Israa'iil ee Beirut ay muujinayaan in Washington aysan fulin ballanqaadkeeda

14 Juunyo 2026Sidee ayaad ilmahaaga uga caawin kartaa inuu ka gudbo xaaladaha walwalka?

14 Juunyo 2026Maxaan ka ognahay ilaa iyo hadda safarka uu madaxweyne Cirro ku tagay Israa'iil?

14 Juunyo 2026FIFA oo bixin doonta mushaar buuxa oo koobka adduunka ee garsoore Cumar Cartan

14 Juunyo 2026Madaxweynaha Somaliland oo boqasho rasmi ah ku tugay Israa'iil

14 Juunyo 2026Fars: Go'aanka kama dambaysta ah ee is-afgaradka weli lama gaarin

14 Juunyo 2026Israa'iil oo duqaymo ka geysatay dhowr meelood oo ku yaalla koonfurta Lubnaan

14 Juunyo 2026Maxay yihiin qodobada 'qadka cas' ee Iran ay ku cadaysay heshiiska ay la galayso Maraykanka?

14 Juunyo 2026Dhalashada Trump oo ku soo aaday saxiixa heshiiska la wada sugayo ee Iran iyo Maraykanka

14 Juunyo 2026Waxa aan ka ognahay heshiiska is-afgaradka ah ee ay wada saxeexanayaan Maraykanka iyo Iran

14 Juunyo 2026Britain oo taageertay dadaalka Trump uu ku doonayo in lagu soo afjaro colaadda Iran.

14 Juunyo 2026Trump: Heshiiska Mareykanka iyo Iran maanta ayaa la saxiixi doono; Tehran weli shaki ayaa ku jira

14 Juunyo 2026

14 Juunyo 2026Dal u jaangooynaya dadkiisu in uusan dhaafin 10 Milyan iyo dood weyn oo ka taagan

13 Juunyo 2026Shiinaha iyo Ruushka oo looga warbixiyay heshiiska ay wadagali rabaan Iran iyo Maraykanka

13 Juunyo 2026Sababta magaca madaxweyne Trump looga fujiyay xarun dhaqan oo caana ah oo Maraykanka ku taalla?

13 Juunyo 2026Wararka ku saabsan in gantaal uu ku dhacay markab shidaal oo soo baxaya

13 Juunyo 2026Pakistan: Maraykanka iyo Iran waxay gaari doonaan is-afgarad 24-ka saac ee soocota