Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 21 Maajo 2026War deg deg ah, Axios: Trump iyo Netanyahu oo yeeshay wadahadal ka xanaajiyay ra’iisul wasaaraha Israa’iil

   Warbaahinta Maraykanka ee Axios ayaa sheegtay in wadahadal taleefan shalay oo Talaado — dhex maray Donald Trump iyo Benjamin Netanyahu oo ku saabsanaa Iran uu ahaa mid “adag” isla markaana uu ka tagay Ra’iisul Wasaaraha Israa’iil isagoo “aad u xanaaqsan.”

   Wariyaha Axios, Barak Ravid, ayaa warbixintiisa Arbacadii ku sheegay inuu xogtan ka helay saddex ilo oo xog-ogaal ah, balse uusan magacyadooda shaacin.

   Sida uu sheegay Barak Ravid: “Benjamin Netanyahu aad buu uga niyad-jabsan yahay wadaxaajoodyada, wuxuuna doonayaa in dagaalka dib loo bilaabo si loo sii wiiqo awoodda milatari ee Iran loona beegsado nidaamka iyadoo la burburinayo kaabayaashiisa muhiimka ah.”

   Sida Axios ay sheegtay, Donald Trump ayaa mowqifkaas uga jawaabay isagoo rumaysan in heshiis la gaari karo, balse haddii heshiis la waayo uu diyaar u yahay in dagaalka dib loo bilaabo.

   WARBIXINO KALE

   Nin ku dhawaad 20 sano dambi uusan gelin xabsi ugu jiray

   Sidee ayey calalintu u kordhisaa shaqada maskaxda?

   Xiriirka ka dhaxeeya madaxda Soomaaliya iyo muddo-kordhinta

2. 21 Maajo 2026War deg deg ah, Erdogan oo soo dhoweeyay kordhinta xabbad-joojinta Maraykanka iyo Iiraan

   Madaxweyneha Turkiga Recep Tayyip Erdoğan ayaa soo dhoweeyay kordhinta xabbad-joojinta u dhexeysa dowladda Maraykanka iyo Iran intii lagu jiray wada-hadal telefoon oo uu la yeeshay dhiggiisa Donald Trump maalintii Arbacada, isaga oo sheegay inuu rumeysan yahay in “arrimaha muranka ka taagan labada dhinac la xallin karo.”

   Madaxtooyada Turkiga ayaa bayaan ku sheegtay in intii lagu jiray wada-hadalkaas, Madaxweyne Erdoğan uu sheegay inuu u arko go’aanka lagu kordhiyay xabbad-joojinta ka jirta gobolka inuu yahay horumar wanaagsan, isla markaana uu “aaminsan yahay in xal macquul ah laga gaari karo arrimaha lagu muransan yahay.”

   Saacado ka hor, Wasiirka Arrimaha Dibadda ee Saudi Arabia ayaa sheegay in dalkiisu uu qadarinayo go’aanka Donald Trump ee ah in waqti dheeraad ah la siiyo wada-xaajoodyada lala leeyahay Iran si heshiis loo gaaro.

   Trump ayaa horaantii toddobaadkan sheegay in Saudi Arabia, Imaaraatka iyo Qatar ay ka codsadeen inuu dib u dhigo weerar uu Mareykanku qorsheynayay inuu ku qaado Iran si waqti dheeraad ah loogu helo wada-xaajoodka.

   Si kastaba ha ahaatee, madaxweynaha Mareykanka ayaa Arbacadii sheegay in wada-xaajoodyada lala leeyahay Iran ay marayaan heerarkoodii ugu dambeeyay, balse wuxuu ka digay in weerarro kale la qaadi doono haddii Tehran aysan oggolaan heshiiska.

   Lix toddobaad kadib markii uu joojiyay howlgalka “Operation Epic Fury” si loo hirgeliyo xabbad-joojin, wada-hadallada lagu doonayo in lagu soo afjaro dagaalka waxay sameeyeen horumar aad u yar.

   WARBIXINO KALE

   Nin ku dhawaad 20 sano dambi uusan gelin xabsi ugu jiray

   Sidee ayey calalintu u kordhisaa shaqada maskaxda?

   Xiriirka ka dhaxeeya madaxda Soomaaliya iyo muddo-kordhinta

3. 20 Maajo 2026War deg deg ah, Raúl Castro oo hadda ku biiray liiska hoggaamiyeyaasha Maraykanka bartilmaameedka u noqday

   Iyada oo dacwadda lagu soo oogay Castro, Maraykanku wuxuu hadda tallaabo ka qaaday saddex masuul oo hore ama kuwo hadda talada haya muddo gaaban gudaheed — arrin aan caadi ahayn oo muujinaysa faragelin xooggan oo arrimaha dibadda ah, taas oo laga yaabo inay ku adkaato Madaxweyne Donald Trump inuu uga dhaadhiciyo codbixiyeyaasha ka hor doorashooyinka dhexe ee bisha Nofeembar.

   Hoggaamiyihii hore ee Cuba wuxuu ku biiray liis ay ku jiraan madaxweynihii hore ee Venezuela, Nicolás Maduro, oo xilka looga tuuray howlgal ay Maraykanku sameeyeen bishii Janaayo, iyo hoggaamiyihii hore ee Iran, Ali Khamenei, oo lagu dilay duqeymo cirka ah maalmaihii hore ee dagaalkii Maraykanka iyo Israa’iil ay la galeen Iran.

   Dabcan, kiisaska Venezuela, Iran iyo hadda Cuba way kala duwan yihiin.

   Laakiin waxay wadaagaan hal arrin: diyaar u ahaanshaha Trump muddadiisa labaad inuu farageliyo arrimaha gudaha ee dalal kale, inkasta oo uu ololihii 2024 ku ballanqaaday inuu soo afjari doono ku lug lahaanshaha Maraykanka ee dibadda.

   Marka laga hadlayo Venezuela iyo Iran, Trump wuxuu ku dooday in dalalkaasi ay khatar toos ah ku yihiin amniga qaranka Maraykanka. Laakiin weli ma cadda sida uu u sharxi doono khatarta uu keenayo Castro oo 94 jir ah, islamarkaana ay u badan tahay inuusan waligiis maxkamad Maraykan ah kasoo muuqan doonin.

   WARBIXINO KALE

   Nin ku dhawaad 20 sano dambi uusan gelin xabsi ugu jiray

   Sidee ayey calalintu u kordhisaa shaqada maskaxda?

   Xiriirka ka dhaxeeya madaxda Soomaaliya iyo muddo-kordhinta

4. 20 Maajo 2026War deg deg ah, Castro ma waxaa loo soo qabanayaa sidii Maduro oo kale?

   Sii hayaha xeeer ilaaliyaha Blanche ayaa la weydiiyay haddii Raúl Castro loo soo qaban karo si la mid ah sidii Maraykanku uga soo qabtay Nicolás Maduro gudaha Venezuela.

   Ku-simaha xeer ilaaliyaha guud ayaa sheegay inuusan isbarbardhigayn kiisaska, isagoo raaciyay in habka Maraykanku kusoo qabto dadka dacwadaha lagu soo oogo uu kala duwan yahay.

   Sidoo kale waxaa la weydiiyay haddii uu jiro xiriir u dhexeeya waqtiga maanta lagu dhawaaqay dacwadda iyo booqashadii dhowaan ee agaasimaha CIA-da uu ku tagay Cuba.

   Blanche wuxuu sheegay inuusan faahfaahin ka bixin doonin sababta dacwadda loo shaaciyey hadda, isagoo intaas ku daray in dacwadda la furay dabayaaqadii Abriil, haddana lagu jiro bartamaha May.

   WARBIXINO KALE

   Nin ku dhawaad 20 sano dambi uusan gelin xabsi ugu jiray

   Sidee ayey calalintu u kordhisaa shaqada maskaxda?

   Xiriirka ka dhaxeeya madaxda Soomaaliya iyo muddo-kordhinta

5. 20 Maajo 2026War deg deg ah, Madaxweynihii hore ee Cuba, Raúl Castro oo lagu soo oogay dacwad gudaha Maraykanka

   Waxaa dowladda Maraykanka ay dacwad kusoo oogtay madaxweynihii hore ee Cuba, Raúl Castro, iyada oo ku eedeysay inuu maleegay dilka muwaadiniin Maraykan ah kadib weerar dhimasho sababay oo lagu qaaday laba diyaaradood sanadkii 1996.

   Diyaaradaha milatariga Cuba ayaa soo riday laba diyaaradood oo rayid ah oo ay maamulayeen qaxooti Cuban ah, taas oo sababtay dhimashada afar qof.

   Castro, oo xilligaas ahaa wasiirka ciidamada qalabka sida, ayaa sidoo kale lagu soo oogay burburinta diyaarado iyo afar dacwadood oo dil ah.

   Haddii lagu helo dambiga, wuxuu wajihi karaa xabsi daa’in.

   WARBIXINO KALE

   Nin ku dhawaad 20 sano dambi uusan gelin xabsi ugu jiray

   Sidee ayey calalintu u kordhisaa shaqada maskaxda?

   Xiriirka ka dhaxeeya madaxda Soomaaliya iyo muddo-kordhinta

6. 20 Maajo 2026Sidee bay safaaradda Iiraan ugu isticmaashay barta X hub ahaan intuu socday dagaalka?

   Markii uu madaxweynaha Maraykanka Donald Trump uu qorsheeyay kama dambaysta Iiraan ee ah inay ku aqbasho heshiis kahor qaadista weeraro uu la beegsado ''buundooyinka iyo shirkadaha tamarta'' ee dalkaasi ayaa safaaradda Iiraan ee Zimbabwe akoonkeeda barta X ayaa qaab jeesjees leh ay u qortay: ''8pm ma dhowa. Ma awooddaa in aad u rarto 'wakhtiga' marka ay tahay 7pm ama 8pm ee galabnimada ama haddii ay macquul tahay, 7pm ama 8pm habeenimo?''

   Intii lagu gudajiray dagaalkiii Maraykanka-Israa'iil oo isku dhinac ah ee ka dhanka ahaa Iiraan, xataa muddadii xabbad-joojinta, akoonada diblomaasiyada Iiraan ee shabkadda X ayaa qayb ka ahaa istaraatiijiyada Tehran ee xiriiradda internet-ka iyo saamaynada siyaasada.

   Halkii laga adeegsan lahaa heer luuqad diblomaasiyadeed ah, akoonada ayaa iskudayo aan caadi ahayn u adeegsaday shactirooyin, sawiro qosol leh iyo jawaabo xulusho leh oo abuurayo hadalo, dhaleecayno iyo jawaabo la siinayo saraakiisha Maraykanka.

   Sii Akhri

   WARBIXINO KALE

   Nin ku dhawaad 20 sano dambi uusan gelin xabsi ugu jiray

   Sidee ayey calalintu u kordhisaa shaqada maskaxda?

   Xiriirka ka dhaxeeya madaxda Soomaaliya iyo muddo-kordhinta

7. 20 Maajo 2026Dowladda UK oowajahaysa dhaleeceyn ku saabsan go'aankeeda in la khafiifiyo cunaqabataynta gaaska Ruushka

   Dowladda Ingiriiska ayaa wajahaysa dhaleeceyn ku saabsan go'aankeeda ah in la khafiifiyo cunaqabataynta saaran gaaska iyo wax soo saarka saliidda Ruushka ee lagu sifeeyay dalalka saddexaad.

   Hoggaamiyaha mucaaradka Conservative-ka Kemi Badenoch ayaa sheegtay in lacagta lagu bixiyay waxa ay ugu yeertay saliidda Ruushka "ee aan al sifeyn" loo isticmaali doono in lagu dilo askarta Ukraine (-- waxayna sheegtay in ay taasi ceeb ku tahay ra'iisul wasaare Keir Starmer).

   Dowladdu waxay sheegtay in tallaabadani ay tahay jawaab lagama maarmaan ah oo ku aaddan saameynta dagaalka Iiraan uu ku leeyahay sahayda tamarta adduunka, iyo cunaqabataynta kale ee saaran Ruushka.

   Sidoo kale akhri :

   Sidee ayey calalintu u kordhisaa shaqada maskaxda?

   Nin ku dhawaad 20 sano dambi uusan gelin xabsi ugu jiray

   Xiriirka ka dhaxeeya madaxda Soomaaliya iyo muddo-kordhinta

8. 20 Maajo 2026Wasiirka Arrimaha Gudaha Pakistan oo mar kale Booqday Tehran iyo halka ay marayaan wadaxaajoodkii Maraykanka iyo Iran

   Wasiirka Arrimaha Gudaha ee Pakistan Mohsin Naqvi ayaa manta oo Arbaca ah safar ku tagay Iiraan markii labaad muddo toddobaad ah, sida laga soo xigtay wakaaladda wararka Iiraan ee IRNA, iyadoo la filayo in wadahadallada u dhexeeya Tehran iyo Washington ay ka dhacaan meel u dhow Islamabad, halkaas oo ay Pakistan dhexdhexaadiye ka tahay dadaal lagu soo afjarayo dagaalka.

   IRNA waxay soo xigatay ilo diblomaasiyadeed oo ku sugan Islamabad oo sheegaya in Naqvi uu tagay Tehran si uu kulamo ula yeesho mas'uuliyiinta Jamhuuriyadda Islaamiga ah.

   Naqvi wuxuu booqday Tehran Sabtidii la soo dhaafay, taasoo qayb ka ah dadaallada loogu talagalay "fududeynta" wadahadallada u dhexeeya dhinacyada Iiraan iyo Mareykanka, sida ay sheegtay warbaahinta Iiraan.

   Madaxweynaha Mareykanka Donald Trump ayaa Talaadadii ka digay suurtagalnimada weerar cusub oo lagu qaado Iiraan, maalin ka dib markii uu shaaca ka qaaday inuu joojiyay weerar ballaaran oo la qorsheeyay oo ka dhan ah Iiraan, isagoo ka jawaabaya hoggaamiyeyaasha Khaliijka iyo inuu ogolaado heshiis dhexmara labada dhinac.

   Taas beddelkeeda, militariga Iiraan waxay ku hanjabeen suurtagalnimada inay furi doonaan "jihooyin cusub" haddii uu dhaco kacdoon militari oo ka dhan ah Iiraan.

   Trump ayaa wariyeyaasha Aqalka Cad u sheegay inuu "saacad uun" u jiro soo saarista amarka lagu bilaabayo weerarrada Mareykanka ee Iiraan, ka hor inta uusan go'aansan inuu dib u dhigo daqiiqadda ugu dambeysa.

   Wuxuu intaas ku daray inuu "rajeynayo in Mareykanka uusan mar kale dagaal gelin, laakiin waxaa dhici karta inay jirto suurtagalnimada weerar cusub oo weyn, inkastoo uusan weli hubin."

   Sidoo kale akhri :

   Nin ku dhawaad 20 sano dambi uusan gelin xabsi ugu jiray

   Xiriirka ka dhaxeeya madaxda Soomaaliya iyo muddo-kordhinta

   Sidee ayey calalintu u kordhisaa shaqada maskaxda?

9. 20 Maajo 2026Nin ku dhawaad 20 sano dambi uusan gelin xabsi ugu jiray

10. 20 Maajo 2026Seddex hablood oo walaala ah oo ku dhintay badda Brighton

    Aabe ayaa ku tilmaamay inuu dareemay "murugo aan la qaadan karin" ka dib markii saddexdiisii ​​gabdhood ee uu jeclaa ay ku dhinteen badda xeebta Brighton ee UK.

    Booliiska Sussex ayaa sheegay in haweenka dhintay ay ahaayeen Jane Adetoro, oo 36 jir ah, Christina Walter, oo 32 jir ah, iyo Rebecca Walter, oo 31 jir ah, oo kasoo jeeda aagga Uxbridge ee London.

    Laamaha gurmadka degdegga ah ayaa la soo wacay abbaare 05:45 BST 13-kii May si loogu sheego qof ku jira biyaha u dhow Black Rock baarkinka baabuurta ee Madeira Drive. Markii ay yimaadeen, laba meyd oo kale ayaa laga soo saaray badda u dhow.

    Isagoo geerida la murugoonaya aabahood, Joseph, ayaa hadal uu soo saaray ku yiri: "Eray run ah laguma qeexi karo xanuunka ka dhashay in ay kaa dhintaan saddex gabdhood iyagoo ku jira heerka ugu sarreeya noloshooda."

    Wuxuu sii raaciyay: "Jane, Christina, iyo Becky waxay ii ahaayeen wax ka badan gabdho; waxay ahaayeen farxaddayda, xooggayga, iyo iftiinka quruxda badan ee qoyskayaga ka buuxiyay farxad iyo jacayl."

    Isagoo la hadlaya gabdhihiisa, ayuu yiri: "Mid kasta oo idinka mid ah wuxuu ahaa shaqsiyad gaar ah oo qiimo leh si gaar ah.

    "Dhoola cadeyntiinu waxay iftiimisay maalmaha mugdiga ah, qosolkiinu wuxuu keenay raaxo, joogitaankiinuna wuxuu nolosha ka dhigay mid macno badan leh.

    "In kasta oo waqtigiina adduunku uu gaabnaa, saameynta aad samayseen waxay ku sii jiri doontaa quluubteenna weligeed...

    "Waxa jira maalmo ay murugadu u muuqato mid aan la qaadan karin, haddana si adag ayaan u hayaa xusuusta aan wadaagnay."

    Booliisku waxay sheegeen in baaritaan lagu sameynayo sida saddexdan qof ay biyaha u soo galeen uu socdo.

    "Ma jirto wax caddayn ah oo muujinaya in dhinac saddexaad uu ku lug lahaa ama uu dambiga galay," ayay raaciyeen.

    Ciidanku waxay sheegeen inay si adag uga shaqeynayaan sidii ay u soo ururin lahaayeen "xaqiiqooyinka iyo duruufaha" dhimashada.

    Waxay intaasi ku dareen in qaraabada haweenka ay taageerayaan saraakiil takhasus leh "xilligan aadka u adag".

    Hogaamiyaha Golaha Deegaanka Brighton & Hove Bella Sankey ayaa hore u sheegtay inay tahay "warkii ugu naxdinta badnaa" ee magaaladu heshay "muddo aad u dheer".

    "Ma qiyaasi karo wax ka murugo badan ama ka naxdin badan," ayay u sheegtay BBC Radio Sussex.

    Sidoo kale akhri :

    Baasaboorrada ugu awoodda badan 2026 iyo Somaaliya oo ka horreysa dalal badan

    Qudus: Saddex arrimood ka ogow magaalada ay Somaliland ka furaneyso safaaradda

    Xiriirka ka dhaxeeya madaxda Soomaaliya iyo muddo-kordhinta

11. 20 Maajo 2026Sidee ayey calalintu u kordhisaa shaqada maskaxda?

12. 20 Maajo 2026Hogaamiyeyaasha Lithuania oo lagu qsabay in ay gabaad raadsadaan waa maxay sababtu?

    LinkMadaxweynaha iyo ra'iisul wasaaraha Lithuania ayaa lagu qasbay inay gabbaad raadsadaan Talaadadii, markii digniin diyaaradeed ay sababtay in dhaq-dhaqaaqa caasimadda Vilnius uu istaagto.

    Madaxweyne Gitanas Nauseda iyo Ra'iisul Wasaare Inga Ruginiene ayaa loo qaaday goobaha gurmadka degdegga ah ka dib digniinta hawada, taasoo amartay in dadka magaalada ay gabbaad raadsadaan.

    Duulimaadyadii ayaa la hakiyey, safarkii waddooyinka iyo tareennaduna si kooban ayuu u istaagay. Digniintii ayaa la qaaday tan iyo markaas. Weli ma cadda cidda ka dambeysay duullaanka.

    Waxay timid maalin ka dib markii Estonia ay sheegtay in Nato ay soo rideen diyaarad aan duuliye lahayn oo dul mareysay dhulkeeda, taasoo ay uga shakisay inay ahayd gantaal Yukreeniyaan ah oo lagu riday faragelin elektaroonik ah oo Ruushku sameeyay.

    Waxay ahayd tii ugu dambeysay ee duullaanno taxane ah oo dhawaanahan diyaaradaha aan duuliyaha lahayn ay ku qaadeen xubnaha Nato ee Estonia, Latvia iyo Lithuania.

    Digniin ka timid wasaaradda difaaca ee Lithuania Arbacadii ayaa lagu yiri: "Isla markiiba gabbaad ka dhigo meel ammaan ah, daryeel kuwa aad isku dhow tihiin, sug talooyin cusub."

    Xarunta maaraynta masiibooyinka qaranka ee Lithuania ayaa hore u sheegtay inay soo saartay digniin jawaab celin ah diyaarad aan duuliye lahayn oo ku sugan Belarus oo deriska la ah oo la arkay iyadoo u duulaysa Lithuania.

    Xaruntu waxay intaas ku dartay in asalka diyaaradda aan duuliyaha lahayn aan la xaqiijin.

    Milatariga Lithuania ayaa markii dambe sheegay in diyaaradaha Nato la geeyay si ay u soo ridaan diyaaradda aan duuliyaha lahayn laakiin aysan helin.

    Sidoo kale akhri :

    Xiriirka ka dhaxeeya madaxda Soomaaliya iyo muddo-kordhinta

    Muxuu seynisku ka sheegay sida qiyaamuha u dhacayo? - BBC News Somali

13. 20 Maajo 2026Xiriirka ka dhaxeeya madaxda Soomaaliya iyo muddo-kordhinta

14. 20 Maajo 2026Nigeria oo xirtay wasiir hore oo dhuumaaleysi ku jiray ka dib markii xukun musuqmaasuq lagu riday

    Hay'adda la dagaallanka musuqmaasuqa ee Nigeria ayaa sheegtay inay xirtay Wasiirkii hore ee Korontada Saleh Mamman toddobaad ka dib markii lagu xukumay 75 sano oo xabsi ah oo lagu soo oogay dacwado musuqmaasuq.

    Guddiga Dembiyada Dhaqaalaha iyo Maaliyadda (EFCC) ayaa sheegay in Mamman lagu xiray saacadihii hore ee Talaadada gobolka waqooyiga gobolka Kaduna ka dib "toddobaadyo dabagal iyo xog ururin ah".

    War-saxaafadeed ay soo saartay hay'addu ayaa lagu sheegay in wasiirkii hore uu dhuumasho galay ka dib markii maxkamad ku taal caasimadda Abuja ay ku heshay dambi horraantii bishan.

    Mamman waxaa lagu helay 12 dacwadood oo la xiriira leexinta lacagaha loogu talagalay laba mashruuc oo koronto dhaliya.

    Maxkamadu waxay xukuntay in dacwad oogayaashu ay si aan shaki lahayn u caddeeyeen kiiskooda. Waxa lagu xukumay isagoo maqan ka dib markii uu ku guuldareystay inuu maxkamadda soo xaadiro.

    Xarigiisa Talaadadii wuxuu muujinayaa daba-gal naadir ah oo ku aaddan la dagaallanka musuqmaasuqa heerka sare ah, iyadoo xukunnada lagu riday mas'uuliyiinta ugu sarreeya ay dhif ku yihiin dalka Galbeedka Afrika.

    Guddoomiyaha EFCC Ola Olukoyede ayaa sheegay in mas'uuliyiintu ay ka go'an tahay inay hubiyaan in wasiirkii hore uu dhammaysto xukunkiisii.

15. 20 Maajo 202621 qof oo ay ku jiraan carruur oo lagu dilay duqeymo cirka ah oo ay Israa'iil ka fulisay Lubnaan

    Weerarrada cirka ee Israa'iil ayaa ugu yaraan 21 qof ku dilay koonfurta Lubnaan Talaadadii, sida ay sheegtay wasaaradda caafimaadka iyo warbaahinta dalkaas.

    Laba iyo toban ka mid ah, oo ay ku jiraan saddex carruur ah iyo saddex dumar ah, ayaa lagu dilay hal weerar oo lagu qaaday guri ku yaal magaalada Deir Qanoun al-Nahr, sida ay ku warantay Wakaaladda Wararka Qaranka ee dawladdu maamusho.

    Milatariga Israa'iil ma uusan ka hadlin, laakiin waxay hore u sheegeen inay bartilmaameedsanayaan kooxda hubaysan ee Shiicada ee Xisbullah oo ay taageerto Iiraan. Hal askari oo Israa'iili ah ayaa la dilay Talaadadii markii Xisbullah ay weerartay ciidamada ku sugan qaybo ka mid ah koonfurta Lubnaan.

    Weerarku wax uu kusoo aaday wax ka yar toddobaad ka dib markii Mareykanku sheegay in Lubnaan iyo Israa'iil ay ku heshiiyeen in xabbad joojinta lagu kordhiyo 45 maalmood, iyadoo wadahadalladu dib u bilaaban doonaan bisha soo socota.

16. 20 Maajo 2026Dad badan oo looga shakisan yahay inay qabaan cudurka Ebola oo dhintay iyo WHO oo ka digtay in tirada ay sii kororto

    Hay'adda Caafimaadka Adduunka (WHO) ayaa sheegtay in hadda ay jiraan 600 oo kiis oo looga shakisan yahay Ebola iyo 139 dhimasho oo la tuhunsan yahay, iyadoo la filayo in tirada ay sii kordho marka la eego waqtiga lagu ogaanayo fayraska.

    Konton iyo kow kiis ayaa hadda laga xaqiijiyay Jamhuuriyadda Dimuqraadiga ah ee Congo - halkaas oo kiiskii ugu horreeyay laga soo sheegay - iyo laba ka mid ah Uganda oo deriska la ah, sida uu sheegay madaxa WHO Dr Tedros Adhanom Ghebreyesus Arbacadii.

    Isagoo la hadlayay saxafiyiinta Geneva, wuxuu sheegay in faafitaanka nooca Bundibugyo ee Ebola ay u badan tahay inuu bilaabmay "laba bilood ka hor".

    Axaddii, WHO waxay ku dhawaaqday xaalad degdeg ah oo caafimaad dadweyne oo walaac caalami ah, laakiin waxay sheegtay inaysan ahayn heer cudur safmar ah.

    Ghebreyesus wuxuu sheegay in ka dib markii uu kulan la yeeshay Talaadadii, guddiga gurmadka degdegga ah ee hay'adda caafimaadka ay isku raaceen in xaaladdu aysan ahayn "xaalad degdeg ah oo safmar ah ".

    "WHO waxay qiimeyneysaa khatarta cudurka faafa inay aad u sarreyso heerarka qaranka iyo kuwa gobolka iyo inay hooseyso heerka adduunka," ayuu sharraxay.

17. 20 Maajo 2026Muxuu seynisku ka sheegay sida qiyaamuha u dhacayo?

18. 20 Maajo 2026Shiinaha oo kordhiyey siyaasadda fiisa laaanta ah ee Ruushka

    Shiinaha ayaa kordhiyay siyaasaddiisa fiisaha la'aanta ah ee dadka Ruushka ah ilaa dhammaadka 2027, sida laga soo xigtay wasaaradda arrimaha dibadda Shiinaha.

    Muwaadiniinta Ruushka hadda waxay geli karaan Shiinaha iyagoon haysan fiiso ilaa 30 maalmood, sida uu u sheegay afhayeenka wasaaradda arrimaha dibadda wariyeyaasha.

    Siyaasadda, oo ku bilaabatay tijaabo hal sano ah bishii Sebtembar ee la soo dhaafay, ayaa lagu waday inay dhacdo bisha Sebtembar.

19. 20 Maajo 2026Ruushka iyo Shiinaha oo u muuqda inay dhaleeceynayaan tallaabooyinka militariga ee Mareykanka

    Qoddobo badan oo ka soo baxay bayaankii wadajirka ahaa ee Ruushka iyo Shiinaha - sida uu shaaciyay Kremlin - ee ku saabsan "xiriirka qoto dheer ee deris wanaagga, saaxiibtinimada, iyo iskaashiga".

    Bayaanku wuxuu cambaareynayaa noocyada kala duwan ee halista militari ee adduunka oo dhan, wuxuuna u muuqdaa inuu tixraacayo ficillada Mareykanka ee Iiraan iyo Venezuela lixdii bilood ee la soo dhaafay.

    Xi iyo Putin waxay ku baaqeen in ay kasoo horjeedaan "weerarro milatari oo dhan kali ah ah oo ka dhan ah dalalka kale, isticmaalka wadahadallada aan daacadda ahayn si loogu diyaariyo weerarrada noocaas ah, dilka hoggaamiyeyaasha dowladaha madaxbannaan, khalkhalgelinta xaaladda siyaasadeed ee gudaha ee dalalkan iyo isbeddelka nidaamka, iyo afduubka hoggaamiyeyaasha qaranka si maxkamad loo soo taago".

    Waxay yiraahdeen, ficillada noocaas ah "waxay si weyn u jebinayaan ujeeddooyinka iyo mabaadi'da Axdiga Qaramada Midoobay, xeerarka sharciga caalamiga ah iyo xiriirka caalamiga ah, waxayna sababaan dhaawac aan laga soo kaban karin oo soo gaara aasaaska nidaamka adduunka ee la sameeyay ka dib Dagaalkii Labaad ee Adduunka".

    Xi iyo Putin ayaa si isa soo taraysa isu dhigaya inay yihiin ilaalada nidaamka caalamiga ah ee cusub, iyadoo ay jirto walaac laga qabo nidaamka adduunka ee hadda jira intii lagu jiray madaxweynenimada labaad ee Trump.

20. 20 Maajo 2026“Mareykanka wuu amakaagi doonaa hadii uu dagaal nala galo” – Cabaas Araqchi

    Wasiirka Arrimaha Dibadda ee Iran, Abbas Araghchi, ayaa ka jawaabay hanjabaadaha Madaxweynaha Maraykanka, Donald Trump, ee ku saabsan suuragalnimada weerar kale oo lagu qaado Iran.

    Araqchi ayaa waxaa uu yiri:

    “Maraykanku wuu amakaagi doonaa haddii uu mar kale uu dagaal nala galo.”

    Araghchi ayaa digniintan ku sheegay fariin cusub oo uu ku daabacay bogga X, isagoo yiri:

    “Bilo kadib markii uu bilowday dagaalka Iran, Kongareeska Maraykanku wuxuu ansixiyay burburinta tobannaan diyaaradood oo qiimahoodu gaarayo balaayiin doolar. Hadda si rasmi ah ayaa loo xaqiijiyay in ciidamadeenna xooggan ay noqdeen kuwii ugu horreeyay dunida ee soo rida diyaaradda dagaalka caanka ah ee Maraykanka ee F-35.”

    Dhamaadka fariintiisa yaa waxaa uu sidoo kale ku yiri:

    “Casharradii aan barannay iyo aqoonta aan kasbannay awgeed, ogaada Mareykanka waxaa uu la kulmi doonaa layaab kale.”

    Shalay, madaxweynaha Maraykanka, Donald Trump, ayaa sheegay inuu hakiyay qorshe weerar ballaadhan oo ka dhan ah Iran, kadib codsi uga yimid hoggaamiyeyaasha Qatar, Sacuudiga iyo Imaaraadka Carabta.

    Sidoo kale akhri

    Trump oo sheegay inuu joojiyay weerar cusub oo lagu qaadi lahaa Iran kadib codsi uga yimid dalalka Khaliijka

    Dalalka Carabta ee xiriirka leh Israa'iil iyo kuwa aan la lahayn

    Maxay Imaaraadka u beeniyeen safarka Netanyahu, Israa'iilna ay u shaacisay?