Diyaaradaha Isra’iil oo garaacay bartilmaameedyo ku yaala Suuriya.

Tebin toos ah

1. 8 Nofembar 2023Maxay tahay arrinta ay Israa'iil ka dooneyso dadka Gaza ee ay halka saac ugu kordhiyeen?

   Milateriga Israa’iil ayaa maanta hal saac ku kordhiyay dariiqa daad-gureynta dadka rayidka ah ee waqooyiga Qaza ilaa koonfurta, taasoo ay ugu wacan tahay waxa ay ugu yeereen “jawaab la taaban karo”.

   Waddada ayaa markii hore waxa ay fureen muddo afar saac ah oo ay fureen militariga Israa’iil si ay ugu oggolaadaan dadka rayidka ah in ay ka qaxaan koonfurta.

   Laakiin qoraal ay X soo dhigeen Cogat, oo ah qeyb ka tirsan Wasaaradda Difaaca Israel, ayaa sheegtay in IDF "ku kordhisay marinka daadgureynta saacad dheeri ah, ilaa 15:00 maanta, taas oo u oggolaanaysa in badan oo kale oo dadka Gaza ay ugu guuraan koonfurta si ay ammaankooda u ilaaliyaan"

   Lama oga inta qof ee maanta isticmaashay wadadaas. Shalay, Qaramada Midoobay waxay sheegtay in guud ahaan aheyd shalay dadkii isticmaaalay 15,000.

2. 8 Nofembar 2023War deg deg ah, Tirada dadka ku dhintay Gaza oo korodhay

   Wasaaradda caafimaadka ee Gaza oo ay maamusho Xamaas ayaa sheegtay in tirada dadka lagu dilay halkaas ay gaartay 10,569, oo ay ku jiraan 4,324 carruur ah, tan iyo markii Israa’iil ay billowday weerarradeeda aargoosiga ah wixii ka dambeeyay 7-dii Oktoobar.

   Taasi waa kororka 241 dhimashada Gaza tan iyo tirada la daabacay shalay.

   Madaxweynaha Mareykanka Joe Biden ayaa horey su'aal uga keenay tirooyinka wasaaradda caafimaadka - laakiin Ururka Caafimaadka Adduunka ayaa rumeysan in tirooyinka la aamini karo.

3. 8 Nofembar 2023WHO:Waa inay joogsadaan waxyaabahan laga argagaxo

   Ururka Caafimaadka Adduunka ayaa mar kale ka digay burbur ku yimaada nidaamka caafimaadka iyadoo Gaza ay weli ku socdaan weerarrada ka imaanaya Ciidamada Difaaca Israel (ka dib weerarradii Xamaas ay ku qaadeen Israel bil ka hor).

   Isagoo ka hadlayay shir jaraa'id oo uu ku qabtay Wasaaradda Caafimaadka Falastiiniyiinta ee Ramallah (ee Daanta Galbeed), wakiilka W-H-O ee Daanta Galbeed iyo Gaza, Richard Peeperkorn, wuxuu carrabka ku adkeeyay baahida loo qabo xabbad-joojin degdeg ah.

   “Dhimashada iyo dhaawaca way kuwa sii socda, markii ugu horraysana waa in la joojiyo waxyaabahan argagaxa leh, waxaanu u baahanahay xabbad joojin" ayuu yiri Richard

4. 8 Nofembar 2023Sida feeryahan Ramla Cali dib ugu soo dhacsatay suunka feerka ee horey looga qaaday

5. 8 Nofembar 2023'Qaniiyo ayaa qaniinyo kaa fujisa' nin iska dhiciyay yaxaas cuni lahaa

   Nin beeraley ah oo u dhashay dalka Australia ayaa sheegay inuu leeyahay nasiib uu ku sii noolaado kadib markii uu iska dhiciyay yaxaas weerar ku soo qaaday.

   Ninkan oo dhaqda lo'ada oo lagu magacaabo Colin Deveraux, ayaa muddo hal bil ah ku jiray isbitaal kadib markii uu dhaawac ka soo gaaray xayawaankaas oo dhererkiisu ahaa 3.2m oo u dhigma10 fuut.

   Colin ayaa BBC-da u sheegay inuu isha ka qaniinay yaxaaska, isagoo isku deyayay inuu badbaado. Waxaa uu sidoo kale sheegay inuu isku dayay inuu feeraha ka haraantiyo yaxaaska ka hor intuusan ka qaniinin qeybta dambe.

6. 8 Nofembar 2023Abiy oo laga cabsi qabo inuu dagaal afaraad ka bilaabo Badda Soomaaliya marta

7. 8 Nofembar 2023Lammaane aroos ahaa oo meydkooda laga helay hoteel ay jiifeen oo ay u dalxiis tageen

   Lammaane u dhashay dalka Britain ayaa ku geeriyooday dalka Masar halkaas oo ay ku sugnaayeen kadib markii suntan dhiiqlaha lagu buufiyay hoteekaasi, sida lagu sheegay warbixin baaritaan ah oo la soo saaray.

   John Cooper oo 69 sano jir ah iyo xaaskiisa Susan oo 63 sano jir ah oo ka soo jeeda magaalada Burnley, degmada Lancashire ee dalka Ingiriiska, ayaa geeriyooday sanadkii 2018-ki iyagoo dalxiis u jooga magaala xeebeedka Hurghada ee dalka Masar, waxaana safarkaasi ku wehlinayay gabadhooda oo iyadu badbaadday.

   Baaritaankii la sameeyay ayaa lagu ogaaday in lamaanahaas ay u geeriyoodeen suntaas, xili ay ku sugnaayeen hoteelka Aqua Magic

8. 8 Nofembar 2023War deg deg ah, Waddamada G7 oo taageeray in dagaalka la hakiyo si gargaar loo geeyo Qasa

   Wadamada ku horumaray warshadaha ee loo so gaabiyo G7 oo ay ku jiraan Mareykanka iyo UK ayaa goor dhow soo saaray bayaan, kaas oo ay ku taageerayaan in la hakiyo dagaalka si gargaar loo gaarsiiyo Qasa.

   Bayaanka oo ay soo saareen wasiirrada arrimaha dibedda oo kulan kulahaa magaalada Tokyo, ayaa sidoo kale la sheegay inay tix gelinayaan xuquuqda Israel ee is difaacidda sida uu qabo 'shariga caalamiga ah'.

   Halkan ayaan idinkugu soo gudbin doonnaa hadba wixii ka soo kordha dagaalka.

9. 8 Nofembar 2023Maxaa ka jira in jilcisada timaha ee Soomaalidu isticmaasho ay kansar sababto?

   Kumannaan haween madow ah oo ku nool dalka Mareykanka ayaa dhowaanahan ka cabanayay jilcisooyinka timah aloo isticmaalo, noocyadooda kala duwan, iyagoo sheegay inay u sababeen xanuunno.

   Sheila Bush, oo ku takhasustay qurxinta, kuna nool magaalada St. Louis ee dalkaas Mareykanka, waxay ku sintiicsaneyd kursigeeda, markii ay telefishinka ka aragtay xayeyesiika shirkad arrimaha sharciga ka shaqeysa, oo daawadayaasha ku boorrineysa inay soo wacaan nambar bilaash ah haddii iyaga amaba qaraabadooda ay dhibaato kasoo gaartay jilcisada, gaar ahaanna kansarka makaanka ku dhaca.

   Kaddib markii ay sadedx jeer aragtay xayeyesiinta, ayay Bush, oo sheegtay in lixdii toddobaadba ay mar isticmaasho jilcisada lagana helay kansarka makaanka 10 sano kahor, go’aansatay inay wacdo nambarka.

   Halkan ka sii aqriso

10. 8 Nofembar 2023‘Sida aan kusoo noolaaday ayay i weydiiyaan’: Fanaanadii Waayaha Cusub ee geerideeda la faafiyay oo BBC la hadashay

11. 8 Nofembar 2023Cecafa U-15: Soomaliya oo saacad kadib cayareysa kadib guul daradii kulankii koowaad ee Axadi

    Xulka kubadda cagta 15 jirada Soomaaliya ayaa maanta saacadda Afrikada bari markay tahay 12-ka iyo bar ee duhurnimo ciyaraya kulankoodii labaad ee tartaka ciyaartooyda da'adood ka yartahay 15 sano jirka ee Cecafa U-15.

    Ciyaarta maanta ayaa waxay la ciyaarayaan xulka Zanzibar, kulankaas oo ka dhacaya dalka Uganda.

    Soomaaliya ayaa guul darro kala kulantay xulka Tanzania wareegii kowaad Axadi la soo dhaafay, waxaana looga badiyay 1-0.

    Dhegeyso: Maxay Soomaaliya ka rajeyneysaa cayaaraha Cecafa U-15?

    Cabdixaafid Maxamed: Waa kuma wiilka guusha soo hooyay balse laga reebay Xulka Qaranka Soomaaliya?

12. 8 Nofembar 2023Natiijada kursigii uu u tartamayay Nasri Warsame oo la shaaciyay

    Weli waxaa socota tirinta cododka doorashada xubnaha goloyaasha deegaanka ee guud ahaan Maraykanka.

    Gobolka Soomaalidu ku badna tahay ee Minnesota, waxaa kuraastaas u tartamayey sideed murashax oo Soomaali ah.

    Natiijada horu dhaca ah ayaa muujinaysa, in Nasri Warsame oo u tartamayey kursiga golaha degaanka ee xaafadda 10-aad ee Minnesota looga adkaaday kursigaas.

    Sida laga soo xigtay Fox9 oo warbaahinta Maraykanka ka mid ah,waxaa kursigaas ku guulaysatay gabar la yiraahdo Aisha Chughtai oo asal ahaan ka soo jeedda dalka Hindiya.

    Nasri Warsame ayaa olale xoogan ugu jiray mudooyinki dambe kursigaas.

    Kursiga golaha deegaanka ee xaafadda 10aad ee Minneapolis – Nasri iyo Aisha

    Waa tuma Naadiya Maxamed, gabadha Soomaaliyeed ee taariikhda cusub ka dhigtay Mareykanka?

13. 8 Nofembar 2023Dowlada Federalka oo shaacisay tirada guud ee dhimashada iyo khasaaraha ay geysteen roobabkii da'ay

    Haya’adda Maaraynta masiibooyinka Qaranka ayaa sheegtay, in tirada dadka ku dhintay daadadka iyo roobabka xooggan ee ka da’aya gobolada Soomaaliya ay gaartay 29 qof halka kuwa waxyeeladu ka soo gaartay ay ka badan yihiin 850,000 oo qof.

    Meelaha ugu daran ee daadadka iyo fatahaaduhu saameeyeen ayay haya’adda SOMDA ku sheegtay degmooyinka Garbahaaray, Baardheere, Ceelwaaq iyo Luuq oo ka tirsan gobolka Gedo iyadoo sidoo kale degmooyinka Baydhabo, Buurhakaba iyo Bardaale oo ka tirsan gobolka Bay ay waxyeelo xoogan gaarsiiyeen roobabku.

    Gudoomiyaha haya’dda SOMDA, Maxamuud Macallin Cabdulle oo warbahinta la hadlay ayaa sheegay, in weli waxyeelada ay sii kordhi karto balse ay wadaan dadaalo xoogan oo loogu gurmanayo dadka ku sugan meelaha ugu daran.

    Weli waxaa deegaano badan oo ka mid ah bartamaha iyo Koonfurta Soomaaliya ka da’aya roobab xoog leh oo sababay daadad rogmanaya kuwaas oo waxyeelo gaarsiiyey dad iyo duunyaba.

14. 8 Nofembar 2023Yaa ilaa hadda ku soo baxay 8-da musharax ee Soomaalida ah ee u tartamayay doorashada ka dhacday Mareykanka?

    Waxaa weli socota tirinta codadka doorashada xubnaha goleyaasha deegaanka ee guud ahaan dalka Mareykanka. Gobolka Minnesota, waxaa doorashadan u tartamayay sideed musharax oo Soomaali ah. Haddaba wararkii ugu dabeeyay ee doorashadaas, waxaa noo hayya Siyaad Siciid Saalax.

15. 8 Nofembar 2023Waa tuma Naadiya Maxamed, gabadha Soomaaliyeed ee taariikhda cusub ka dhigtay Mareykanka?

16. 8 Nofembar 2023Israel oo sheegtay in ciidamadeeda ay ku suganyihiin 'xudunta Qasa'

    Wasiirka gaashaandhigga Israa'iil, Yoav, Gallant, ayaa sheegay in ciidamadooda ay ku suganyihiin 'xudunta magaalada Qasa', iyadoo qaranku xusayo muddo bil ah oo ay ka soo wareegatay weerarkii 7-dii Oktoobar.

    Gallant waxaa uu sheegay, in ciidamada Israa'iil 'ay qaadeen werarro dhulka, cirka iyo badda ah'.

    Hore, raysal wasaaraha Israel, Benjamin Netanyahu, waxaa uu sheegay in ciidamada ay hareereynayaan isla markaana ay 'ka howlgalayaan' magaalada Qasa.

    In ka badan 10,300 oo qof ayaa lagu dilay Qasa sida laga soo xigtay wasaaradda caafimaadka ee ay maamusho Xamaas, kuwaas oo ay ku jiraan in ka badan 1,400 carruur ah halka la afduubay tiro ka badan 200 oo qof.

17. 8 Nofembar 2023Dhowr iyo labaatan qof oo daadad ku laayay Dowlad Deegaanka Soomaalida

    Iyadoo roobab ay ka da'ayaan qeybo badan oo kamid ah deegaanada Soomaalida, ayaa waxaa lagu soo warramayaa in ilaa 24 qof ay ku geeriyoodeen magaalooyin ka tirsan gobolada Shabeelle, Liibaan iyo Af-dheer ee Dowlad Deegaanka Soomaalida Itoobiya kadib markii ay biyo qaadeen dadkaas.

    Xaafadaha qaar ayaa sidookale laga barakacay kadib markii ay fatahaado sameeyeen webiyada mara gobolladaas. Jidadka ayaa sidoo kale go'an, taas oo adkeyneysa in gargaar la gaarsiiyo dadkaas.

    Faahfaahinta khasaaraha roobabka ka da'ay DD ayaan ka wareysannay wasiirka gargaarka iyo musiibooyinka, Axmed Yaasiin Sheekh.

18. 8 Nofembar 2023Dagaalka Qasa: Sida uu Maxamed Saalax "tusaale" ugu noqday bahda cayaaraha

19. 7 Nofembar 2023

    Intaas waxaa inoogu eg tebinteenii toska ahayd ee saaka ilaa caawa fiidkii. Wararka aan maanta tabinay wixii kasoo kordha iyo tebinteena tooska ah ee Arbacada, halkan ayey inoogasii socon doonaan.

    Hoos u deg si aad uga bogato wararkii ku dhaafay 24-kii saac ee u dambeeyay.

20. 7 Nofembar 2023Xisbullaah oo sheegtay inay weerarrada sii waydayso si ay Maraykanka iyo Israa'iil ugu qasbaan inay joojiyaan dagaalka Qaza

    Isagoo la hadlayay NBC News, Naim Qasem, ku xigeenka xoghayaha guud ee Xisbullah, ayaa sheegay in heerka sii kordhaya ee dagaalka xudduudaha ay tahay in la diro "farriin cad oo ah in haddii aad ballaariso dagaalka ay jiri doonto cawaaqib xun".

    "Xisbullah waxay ka qaybqaadanaysaa hoos u dhigista cadaadiska Qaza," ayuu Qassem u sheegay warbaahinta Mareykanka.

    Qassem ayaa intaa ku daray in Xisbullah ay weerar ku tahay Israa'iil halka kooxaha kale ee Iran ay taageerto ay weerar ku yihiin ciidamada Mareykanka si ay fariin ugu diraan joojinta weerarka Qaza.

    "Kuwa ku jira dagaalada iskacaabintu waxay arkeen in maskaxdu tahay Ameerika," ayuu yiri Qassem. "Sidaas darteed waxay garaacayaan Maraykanka iyaga oo raacaya mabda'a ah in fariin loo diro si loo joojiyo. Sida ay tahay in Israa'iil ay joojiso."