Ukraine's president, Zelensky say Russian shelling dey affect evacuation for Mariupol

Live Coverage

1. 16 March 2022National grid wey collapse don recover - Minister, Electricity go return to normal afta two days of blackout for some parts of di kontri

   Article Information

   • • Author, Tamara Ebiwei
     • Role, BBC News Pidgin

   

   Wia dis foto come from, Getty Images

   Minister of Power, Abubakar Aliyu, say dem don restore di the national grid wey collapse few days ago.

   E tok on Wednesday during briefing afta di Federal Executive Council (FEC) meeting say plenti resolutions don come out afta plenti emergency meetings wey di Ministry of Power hold wit all stakeholders, and dem extensively discuss di issues and resolved all di problems.

   Di minister emphasise say Nigeria dey generates up to 8,000 Mega Watts of power

   According to Aliyu, di shortage of gas and maintenance of generators,plus di current fuel situation combine to make di problem worse for di national grid.

   E assure say di Federal Executive Council don approve Five billion Naira to open up and expand Lagos/Ogun, to reinforce power supply to dat region.

2. 16 March 2022Dem don throw Russia out of Council of Europe

   Dem don throw Russian Federation out of di Council of Europe.

   Di council na Europe's oldest political body and aims to uphold human rights, democracy and di rule of law across di continent.

   One statement from di council's committee of ministers say after an "extraordinary" meeting, Russia's membership don dey suspended.

   Di procedure to end Russia's membership first start on 25 February - one day afta President Putin's forces enta Ukraine, and almost exactly 26 years since Russia first join.

   

   Wia dis foto come from, Getty Images

3. 16 March 2022Ukraine don start to dey tap light from di main European electricity grid

   Ukraine now dey connect to di main European power grid, to fit fight di power outages wey Russia attacks dey cause.

   Na Ukraine President Volodymyr tok dis one for one post on Twitter say power don dey flow back an forth between Ukraine and di EU.

   Zelensky thank di senior EU officials wey make am happun.

   EU Commission President Ursula Von der Leyen say di move go "keep light in and houses dem warm for dis dark times".

   EU Commissioner for Energy Kadri Simson say, at least, "for dis area, Ukraien now dey part of Europe".

   

   Wia dis foto come from, Getty Images

4. 16 March 2022Wetin don happun so far today for Russia-Ukraine war?

   If una just dey join us, hia na some of di tins wey don happun today wey be di third week of Russian invasion of Ukraine.

   • Ukrainian President Volodymyr Zelensky don invoke 9/11 as e again call for a no-fly zone for im address to di US congree - wey receive standing ovation
   • US President Joe Biden dey expected to announce $800m (£612m) of military aid following Zelensky's address
   • Fighting still dey continue wit two pipo wunjure for Kyiv after two high-rise residential buildings dey were by shells Wednesday morning
   • For Kharkiv, Ukraine's second-largest city, two pipo done die after shells hit one apartment block, emergency services tok.
   • Ukrainian officials claim say dem kill a fourth Russian general since di invasion start, although dis never dey verified
   • Ukrainian negotiator Mykhailo Podoliak don tell local media say any peace deal must to protect di country's sovereignty and don reject di idea of "Austrian-style" neutrality
   • E dey come afta di Kremlin tok say Russia dey open to a peace deal wey see neutral Ukraine maintain im own army.

5. 16 March 2022Wetin we sabi about basketballer Brittney Griner wey chop arrest for Russia

   

   Wia dis foto come from, Getty Images

   E go soon be one full month since dem arrest ogbonge Women's Basketball Player Brittney Griner for Russia on top say she bin get vape cartridges with hashish oil.

   Brittney Griner don dey play for di WNBA for almost nine years and her fans call am say she be di greatest female basketballer of all times.

   Tori be say she go Russia for di WNBA off season to play for di league dia for February, shortly before US teams bin start to dey pull dia players from di Russian Federation.

   More than half of di WNBA players dey go play for Russia every off season as dem dey pay dem five times wetin dey collect for America.

   Di numbers show say NBA players dey gbab pass 200 percent of di highest money players dey make for di WNBA.

   So far, US congressman John Garamendi say, dem neva allow any pesin from di American Embassy for Ukraine to get consular access to am.

6. 16 March 2022Police kill cult leader wey allegedly kill pipo for one burial in Anambra

   

   Wia dis foto come from, Anambra Police command

   Police for Anambra state say dem don arrest gang members of one cult group wey allegedly attack and kill pipo one burial ceremony for Ebenebe area of di state.

   Commissioner of police for di state Echeng Echeng tok dis wen im dey real out some of di activities of im command on Wednesday.

   E say di gang also allegedly dey responsible for attack and killing of two police men for December 2021, say dem collect two Ak47 riffles from di officers during di attack.

   CP Echeng say im officers ambush di gang wen dem go attack one vigilante group and kill di gang leader Uchenna Nwobu alias Anali

   

   Wia dis foto come from, Anambra Police command

7. 16 March 2022Gunmen kill six police officers for tomato factory in Kebbi

   

   Wia dis foto come from, Getty Images

   Motorbike gunmen don kill six police officers wey dey guarde one tomato-processing factory for Kebbi, north-western Nigerian.

   Dem also kill one civilian for di attack.

   One police toktok pesin tell BBC say di attackers bin wan kidnap foreign nationals wey dey work for di factory - but dem evacuate dem safely.

   Di region dey grapple wit armed motorbike gangs, known locally as bandits, wey dey frequently steal animals, kidnap for ransom and kill those who confront them

   Dem be sophisticated networks of criminals wey dey operate across large swathes of territory.

   E don lead communities to form local vigilante groups to try and defend villages and towns from attack.

8. 16 March 2022Manchester United: Club dey investigate video of fans wey throw object on Diego Simeone

   

   Wia dis foto come from, Getty Images

   Manchester United say dem dey review CCTV footage to identify fans wey throw objects inside pitch afta dia 1-0 loss to Atletico Madrid.

   Some body throw some objects on Atletico boss Diego Simone including bottles afta di final whistle for OId Trafford.

   Uefa dey wait di reports from match observers before deciding whether to charge di club.

   To throw objects inside field of play dey against ground regulations and subject to three year ban.

   Ralf Rangnick side comot from di Champions League afta a 2-1 defeat on aggregate to di Spanish club.

   Di result spoil United hope of ending five-year trophy drought, meaning dem dey on dia longest run without trophy since di period between FA Cup wins for 1977 and 1983.

9. 16 March 2022High Court for Port Harcourt sentence three to death by hanging for kidnapping, murder

   Article Information

   • • 
     • Author, Karina Igonikon
     • Role, BBC Pidgin, Port Harcourt

   

   One State High Court for Port Harcourt don sentence three out of five suspects to death by hanging for di kidnap and murder of former Director of Finance and Supply Rivers State Ministry of Health, Charles Nwogu and Chief Promise Wali.

   Dis incident happen on di 11th and 21st June, 2012 for Rumuokwuta and Woji Community all in Obio/Akpor local goment area and di trial don last 10 years before dis judgement day.

   Di three convicts : Andy Clement Ogbu, Goddrey Handson and Chima Morrison Nwokoma bin dey face nine count charge of conspiracy, kidnapping and murder.

   Di court also discharge and acquit two odas Obinna Okereofo and Ogechi Innocent- Ihunwo of di same charges of conspiracy and murder.

   Presiding Judge, Justice Adolphus Enebeli as e deliver di judgement say di prosecution really prove di case of conspiracy, kidnapping and murder charges wey dem bring against di three convicts.

   Justice Enebeli come sentence dem in line with section 401and 402 of di State administration justice law as di convicts contravene section1 sub 1 of di State Anti-kidnapping law as well as section 319 of criminal code and di various laws stipulate death by hanging upon conviction.

   Di convicts get right to appeal di judgement and sentencing of death by hanging up to di Supreme Court and Goment authorities wey be either di State Governor or di President need to sign dia death warrants before dem fit execute di death sentence.

   Since di return to Civilian rule for 1999, no State Governor for Rivers State don sign death warrant for di execution of death sentences wey Courts don give and such convicts still dey serve prison terms for Correctional Centres.

10. 16 March 2022Nazanin Zaghari-Ratcliffe on way home to UK

    

    Wia dis foto come from, EPA

    Nazanin Zaghari-Ratcliffe, di British-Iranian woman wey bin dey detained for Iran nearly six years ago, dey on her way back to di UK, her MP don tok.

    Mrs Zaghari-Ratcliffe dey for airport for Tehran, Tulip Siddiq tell BBC News.

    She dey di holding room wit fellow British-Iranian detainee Anoosheh Ashoori, she tok.

    Mrs Zaghari-Ratcliffe chop arrest for 2016 - accused of plotting to overthrow Iran's government, which she denied.

    Mr Ashoori chop arrest for 2017 on top accuse of spying, wey e deny.

    Meanwhile, Mrs Zaghari-Ratcliffe don dey under house arrest since and dem give her her UK passport back dis week.

11. 16 March 2022See di volunteers wey dey save babies and elderly pipo for eastern Ukraine

12. 16 March 2022Polish, Czech and Slovenian delegation return to Poland

    Di Prime ministers of Poland, Czech and Slovenia don go back to Poland afta dia visit to Kyiv, one Polish goment tok-tok pesin reveal.

    “Di Polish, Slovenia and Czech delegations safely return,” Piotr Muller write on Twitter.

    Di leaders, wey di head of Poland governing Law and Justice party, Jaroslaw Kaczynski join for di trip, travel go Kyiv by train in show of solidarity wit Ukraine.

    Na dem be di first set of leaders to visit di Ukrainian capital since war start.

    

    Wia dis foto come from, EPA

13. 16 March 2022UK grant visa 5,500 to Ukraine refugees

    Earlier Liz Truss say di first refugees under di UK Homes for Ukraine scheme go arrive next week, but we don get update on how many visas dem don grant under di oda scheme.

    Di scheme allow family members to join dia reletives wey base for UK.

    Immigration minister Kevin Foster tell Commons home affairs committee say 20,000 Ukrainians don apply to come UK.

    E say so far, dem don grant 5,500 visas.

14. 16 March 2022Outgoing Anambra govnor beg Lawmakers to Support Soludo

    

    Wia dis foto come from, Charles Soludo

    Di outgoing governor of Anambra state Willie Obiano don tell di State House of Assembly to support di governor-elect, Prof Charles Soludo as dem support am.

    Obiano make di appeal for valedictory session for di State Assembly dem organise to honour am.

    Di administration of di current govnor go expire tomorrow wen e go officially handover to di govnor- on Thursday.

    Soludo go dey sworn in as di 6th executive governor of di state.

    “I appreciate di House for honouring me and for your kind words. E always hard to say goodbyes but I go remember una.

    “I wan beg una to give di incoming govnor di same legislative support and assistance una give me” e tok.

15. 16 March 2022Condoms, TB and HIV drugs, 'disappear' from State Agency warehouse for Kenya

    

    Wia dis foto come from, Getty Images

    Kenya Medical Supplies Authority (Kemsa) dey on di spotlight again, after hundreds of thousands of condoms, mosquito nets and tuberculosis drugs wey worth reach $100,000 disappear from dia warehouse.

    Global Fund, wey dey finance di fight against HIV/Aids, tuberculosis, and malaria na dem reveal dis one.

    Di Fund also accuse Kemsa of overstating di value of medicines by millions of dollars, with some types of drugs as e don increase by100 times. E dey believed say pipo steal and resell di lost medicines on di black market and to private chemists.

16. 16 March 2022Bandits kill DPO, two officers and four vigilantes for Niger State

    Article Information

    • • Author, Dooshima Abu
      • Role, BBC Pidgin, Abuja

    

    Wia dis foto come from, police

    Armed bandits invade Nasko village for Niger state-North Central Nigeria and kill di DPO Umar Digari, two oda police personnel and four vigilante corps.

    Police tok-tok pesin, DSP Wasiu Abiodun wey confam di incident say di DPO bin mobilise di police operatives and vigilante members to engage di bandits but during di gun battle, di DPO and di officers die.

    Di Area Commander for Kotangora don draft reinforcement wit military personnel to di area to stop any breakdown of law and order.

17. 16 March 2022In Fotos: Russia invasion of Ukraine

    One woman wey dey cry onboard train to Poland, di man wey dey ride bicycle pass one bombed building, tank wey dey patrol street wey pipo no dey.

    Here na some of di most recent pictures of Ukraine.

    

    Wia dis foto come from, Getty Images

    

    Wia dis foto come from, Getty Images

    

    Wia dis foto come from, Getty Images

    

    Wia dis foto come from, Getty Images

    

    Wia dis foto come from, Getty Images

18. 16 March 2022How di battle for Ukraine dey go?

    Here na a quick summary of Russia attacks based on di latest analysis by di Institute of di Study of War. Di US-based thinktank dey use OSINT and news reports to craft a frontline assessment evri day.

    Kyiv: While Russian forces launch scattered attacks on Irpin and Guta-Mezhyhirksa - areas just outside di capital - on Monday and Tuesday, dem neva take any broader action against di city in di past 24 hours

    Mariupol: Russia continue to attack di southern city from di east and west

    Kharkiv: Russian forces dey struggle wit shortage of ammunition for dia attempt to encircle dis north-eastern city

    Kherson region: Russia falsely claim say dem dey in control of dis region on Tuesday, but dem neva make any advance to either Zaporizhya or Mykolaiv - di key cities

    Odesa: Russia no dey ready yet to launch operation from di sea against di southern port city as dem neva establish troops on di ground here.

    Skip X post

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post

19. 16 March 2022Nigerians in darkness as national grid collapse again

    

    Wia dis foto come from, Getty Images

    Di collapse of Nigeria national electricity grids don leave many Nigerians for darkness.

    Electricity consumers for Lagos, Enugu, Ibadan, Anambra go live inside darkness as di national grid don collapse again.

    Dis na according to di electricity distribution companies wey dey serve di areas.

    Na di second time in two days wey di grid go collapse.

    Di collapse dey happun at di same time as di kontri dey battle fuel scarcity.

    Dis don make many pipo begin reason alternative source of power for pipo wey dey find stable electricity.

    Skip X post

    Allow X content?

    Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.

    Accept and kontinu

    Warning: Di BBC no dey responsible for di content of external sites.

    End of X post

20. 16 March 2022Welcome to Wednesday big news coverage

    Good morning and welcome to BBC Pidgin live-text report of news from around di world.

    Big tori wey dey make di headlines be say:

    • Russia dey continue wit dia invasion of Ukraine as di war don enta day 20.
    • For Nigeria, electricity distribution companies don announce say di national grid don collapse again
    • For Kenya, di kontri biggest transportation union go go on strike today
    • Namibia don announce say wearing facemask no dey compulsory again for public places.

    Make we also sama you wit our proverb for today, e come from Dami Horsefall and e say:

    "Na from black pot white soup dey come out from"