Millions of Nigerians vote for di most competitive presidential election since military rule end. Sabi pipo say dis time, na three horse race.
Live Coverage
Victor Ezeama, Helen Oyibo, Jelilat Olawale and Annette Arotiba
Senate beg Nigerians to dey peaceful
Wia dis foto come from, The Nigerian Senate/Facebook
Di Senate don
beg Nigerians to remain peaceful and support di processes leading to di
collation and announcement of di 2023 presidential election results in line wit
extant laws.
Di Senate
resolution follow adoption of a motion on di build up to announcement of
election results by di Independent National Electoral Commission, Inec.
Lawan say:
“In di Electoral Act that we pass, nothing like di electoral transmission. Wetin
we pass na to transfer afta all di paper work.
'Demands by PDP, Labour Party, ADC for cancellation of results dey impossible'
Di
presidential campaign council of di All Progressives Congress (APC) say demand by
opposition parties calling for di cancellation of di presidential election dey
impossible.
PCC tok dis one in reaction to di press briefing wey three opposition political parties hold earlier.
Di PDP, ADC and Labour party dey protest di conduct of di election wey hold on Saturday.
Festus
Keyamo, tok-tok pesin for di APC campaign say di INEC chairman go violate di Law
if e cancel election process wey don start.
“Dis
requests no dey possible under di Law. Dem dey make illegal demand.”
Di APC say
di only remedy now na for di aggrieved parties to go court if dem no like di
outcome of di election.
'Stop threatening di SCOPE’ - INEC Rivers
Article Information
Author, Karina Igonikon
Role, BBC Pidgin, Port Harcourt
Wetin we call dis foto, INEC warn against threatening di SCOPE for Rivers State
Di Independent National Electoral Commission (Inec) dey tell pipo wey dey send threat messages to di State Collation Officer for di Presidential Election, Prof Teddy Adias to stop am as e no get hand for di election results.
Resident Electoral Commission of INEC for Rivers State, Dr Johnson Alalibo Sinikiem for media briefing emphasize say im function na just to collate results of elections time various local goment areas and so im no be supervising presiding office or presiding officer wey dey conduct elections for polling units.
Dr Sinikiem also draw attention of di Election commissioner and of Police wey be di co-chairman of di Inter-agency Consultative Committee on Election Security to dis attempt to spoil di collation of di Presidential Election for Rivers State.
Di State Collation Officer for di Presidential election Prof Teddy Adias bin suspend di collation exercise sake of death threats im receive since di election begin and say e no go kontinu wit di collation until INEC address di issue.
So far, INEC don receive results from 21 local goments areas and remain results from two local goment, Degema and Obio Akpor remain.
Meanwhile, di INEC REC announce di suspension of PHALGA 2 House of Representatives and Port Harcourt Senate elections for alleged irregularities.
E say di Commission go conduct thorough investigation before dem go take any further actions.
Different groups dey protest for INEC National Collation centre
Nigerians don arrange dey protest for di fromt of di collation building for Abuja.
Dis dey come as protests don happun for states like Imo wey claim say election no hold for di communities.
Di angry protesters for Abuja dey denounce di Independent National Electoral Commission (Inec) say dem tiff dia votes.
One man tell BBC say, "everytin happuning dia na lies, all lies... dem just dey cook di results".
Meawhile opposite dem supporters of Inec work arrange dia own protests.
Wey dem ask di collation centre make dem kontinu di work wey dem dey do.
Dia placards bin read, "Inec no dey intimidated by jokers".
Dr Fatima Abdullahi from Nasarawa State say "we want di results to kontinu to dey called by di bodi wey dey tasked to run elections".
Tensions dey already dey grow across di kontri, three days afta Nigeria vote for election wey spoil partially sake of kasala and ballot snatching.
Opposition parties don call for fresh election, wey accuse Inec say dem dabaru di poll, accusation wey Inec deny.
Di announcement of official results go soon start again.
Breaking, PDP, LP and ADC demand for fresh election
Three political parties for Nigeria dey demand for fresh
election, dem say di presidential election dey “compromised”.
Di three wey call for fresh elections na Peoples Democratic
Party, Labour Party and African Democratic Congress.
Julius Abure from LP, PDP chairman, Iyorchia Ayu and ADC Ralph
Nwosu, tok dis one for joint press conference for Abuja on Tuesday.
Dem add say manual transmission of results compromise
diintegrity of di election process.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post
Final result from state level for Delta state
Wetin we call dis foto, Final result from state level for Delta state
Final
presidential results from Delta state Collation Centre, Asaba don land.
Delta state get
25 Local Government Areas and dis na di final result for di state level form
Delta state as announced by di SCOPE.
WARRI SOUTH WEST
APC: 2,857
LP: 2,591
NNPP: 40
PDP: 3,183
FINAL RESULTS
APC: 90,183
LP: 341,866
NNPP: 3,122
PDP: 161,600
Total Registered voters: 3,225,046
Accredited voters: 667,149
Valid votes: 615,341
Rejected votes: 39,309
Vote cast: 654,650
'Declare election inconclusive' - PDP tell INEC
Wia dis foto come from, Twitter/@IfeanyOkowa
Wetin we call dis foto, PDP want make INEC declare election inconclusive
Di Atiku/Okowa
Campaign Organisation don ask di Independent National Electoral Commission
(INEC) to cancel all di results dem don gada so far and declare di election
inconclusive.
One tok-tok pesin
for di campaign, Daniel Bwala wey tok dis one for inside statement say di
conduct of di 2023 presidential elections dey criticised acr
Di Peoples
Democratic Party President Campaign Council also want make di kontri electoral
body suspend di national collation immediately and address di complain wey some
parties raise as e relate to BVAS bypass plus di electronic transmission of
result.
Dis dey come afta
PDP accuse INEC say dey refuse to follow di electoral act wey tok say all anomalies
must dey corrected before di final declarations of result and returns.
E add say many pipo
don condemn di conduct of di 2023 general elections as one wey dey full of irregularities
and no follow di electoral act.
Breaking, National collation centre to resume by 2:00pm
Collation of results for Inec national centre Abuja go resume by 2:00pm today.
Dem bin adjourn am on Monday to 11:00am today.
Five states dey ground and ready to go but dem wan give chance for more states to come.
Before dem adjourn am, di returning officer for di presidential election, Inec oga, Prof Mahmood Yakubu bin don receive results of 14 states.
Nigeria goment reply former President Olusegun Obasanjo
Wetin we call dis foto, Nigeria goment reply former president Olusegun Obasanjo
Nigeria goment don respond to one letter wey former
President Olusegun Obasanjo write to president Muhammadu Buhari, say make e
cancel di Presidential/National Assembly election wey hold for di kontri on
Saturday 25, February on top accuse say magomago and electoral malpractice na
im full am.
Di Nigeria goment for inside one statement wey
di Minister of Information and Culture, Lai Mohammed issue say di former president
letter na calculated attempt to undermine di electoral process and to incite
violence.
And add say make di former Nigerian leader no scata
di 2023 general elections wit im inciting, self-serving and provocative letters
on di election.
As di announcement of di presidential election
dey go on for Abuja, di kontri capital on Monday, former President Olusegun bin
issue one letter wey e address to President Muhammadu Buhari.
E tok for inside di letter say make di electoral
body save di kontri from “a looming danger” over wetin e describe as corruption
of di electoral process.
Di elder statesman allege say tension dey build
up and e ask President Muhammadu Buhari to “cancel all di elections wey no
pass di credibility and transparency test.”
However, oga Lai say di former President
organize di worst election since Nigeria return to democratic rule for 1999, so
e no qualify to advise President Buhari wey dey try leave beta
election legacy.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post
‘My life dey under threat for di work I dey do’ - Prof. Adias
Article Information
Author, Karina Igonikon
Role, BBC Pidgin, Port Harcourt
Wetin we call dis foto, Prof. Charles Teddy Adias suspend collation process
Di State Collation Officer for di
Presidential election (SCOPE), Prof. Charles Teddy Adias don suspend collation and announcement of result for di state level afta e complain of plenti
threats to im life and family wey im dey receive since e start di work for di
elections
E say im name and foto dey all
over social media with allegation say na im be di pesin wey dey rig election
for Rivers State in favour of a particular party.
Prof. Adias say im dey bombarded
with plenti calls and text messages wey dey threaten im life and family and
even display some social media posts about dis threats to im life.
E emphasize say im work na just
to receive reports of di results from LGA collation officers and e no get
access to di figures of results or how dem conduct di elections and so e no
deserve di threats e dey receive.
Di Scope ask di security agencies
and Inec to address di issues of threats e dey receive and so e adjourn further
collation of results till Inec address dis threats e dey receive.
Meanwhile, di commissioner of police on
election duty to Rivers State, CP Aderemi Adeoye condemn dis threats to di
Scope life.
E add say whoever dey behind dis
threats go get im say for court.
E come advise di Scope to write a
formal complaints about di threats to im life to di Commissioner of police so
dem go launch investigations into di mata and assure am say di police go provide
security for am for im house.
CP Adeoye appeal to di Scope to
complete di collation exercise so e no go affect wetin dey happun for di national collation centre and announcement of result. But e no gree.
Breaking, Rivers state Scope allege threat to life, suspend collation of result
Rivers state Scope Prof. Charles Teddy Adias don comot di state collation centre afta e say e no dey do again due to threats to im life and family.
E want make dem suspend further collation of results till further notice until dis threats to im life dey addressed by INEC.
Rivers state resume collation of results
Article Information
Author, Karina Igonikon
Role, BBC Pidgin, Port Harcourt
Rivers State don resume collation of di presidential election results.
Results from two local goments na im remain to complete di collation as 21 out of 23 local goments don already submit dia own.
Di two local goment wey remain na Obio Akpor and Degema.
APC reply former President Olusegun Obasanjo call for cancellation of election
Wia dis foto come from, Getty Images
Wetin we call dis foto, APC reply former President Olusegun Obasanjo
Di All Progressives Congress Presidential
Campaign Council don respond to one call by former President Olusegun Obasanjo wey say
make di Nigeria electoral body, Inec chairman, Prof. Mahmood Yakubu cancel di elections wey mago-mago dey for di Saturday exercise.
Di Special Adviser, Media, Communications and
Public Affairs, APC PCC, Dele Alake for im response describe Obasanjo
allegation as “coup to democracy” and add say im comments na move to disrupt di
kontri democratic process.
“Obasanjo repeat without no evidence rumours
wey e pick say di Bimodal Voters Accreditation System dey compromised and di
results wey Inec dey announce dey fraudulent.
“E dey tragic say na former president wey
suppose be elder statesman dey tok like dis to endanger and derail di democratic process for selfish, egoistic and malicious reasons.
“E no get any evidence to prove im laughable
and ridiculous allegations against Inec plus di credibility of di ongoing
process.” Dele Alake tok.
Di former two-time president for inside statement
wey e address to president Muhammadu Buhari, e allege say di election process dey
corrupted and most of di results wey no come from di Bimodal Voter
Accreditation System (BVAS) and server no be di true reflection of di will of
Nigerians wey don make dia choice.
E allege say Inec officials don dey
compromised plus di result don dey doctored as dem change to manual transmission. E
say make President Muhammadu Buhari cancel di elections for areas wey no pass
di credibility test.
“Tension dey build up, make all elections wey
no pass di credibility and transparency test dey cancelled and areas wia dem
disrupt di election, make dem cancel and do am again on March 4, 2023 and make e
change BVAS and server officials.”
Obasanjo add say make di Inec chairmo do
everytin to rectify di errors of di last two as “No BVAS, no result go dey
acceptable and no upload through service, no result go dey acceptable.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post
More results for di state level from Delta
Wetin we call dis foto, Delta state collation center
State collation of di
presidential election results for Delta State don resume today.
Before now, 22 local goment bin don
announce dia results out of di 25 Local Government Areas wey dey Delta State.
Di three local goment areas wey
remain na; Warri South, Warri South West and Isoko North.
See latest result dem announce:
Isoko North
APC:2,734
LP:17,765
NNPP:105
PDP:8,254
Warri South
APC: 1,234
LP: 13,289
NNPP: 177
PDP: 7,653
Wetin be di presidential results state by state so far?
Wia dis foto come from, Getty Images
Wetin we call dis foto, Lagos state Inec collation center
Nigeria
Independent National Electoral Commission (Inec) don so far receive di results
of 14 states for di national collation centre from di hands of di State Coalition Officers for the Presidential Election, Scope.
Di winners for each state na
as follows:
Bola Tinubu:
Kwara state
Oyo state
Ogun state
Ekiti state
Ondo state
Jigawa state
Atiku Abubakar
Osun state
Adamawa state
Gombe state
Yobe state
Katsina state
Peter Obi:
Lagos state
Enugu state
Nasarawa state
Remember, to win for di first round, a candidate must get
di largest number of votes nationwide and at least 25% of di votes inside
two-thirds of di 36 states plus di Federal Capital Territory.
Na di Inec chairman wey be di returning officer for di presidential election go announce or call di winner of di election afta e don receive and accept all results from di states and di FCT.
Final result for state level from Cross River
Wia dis foto come from, Twitter/@Peterobi
Wetin we call dis foto, Final result from Cross River State
Dis na di final result for di state level from Cross River state as announced by di Scope.
Di breakdown na as
follows:
APC:130,520
PDP:95425
LP: 179,917
NNPP: 1644
Registered voters: 1691642
Valid votes: 416968
Accredited votes: 416968
Rejected votes: 24608
Total votes:441576
Final result for state level from Bayelsa State
Wia dis foto come from, Atiku Abubakar
Dis na di final result for di state level from Bayelsa state as announced by di Scope.
See
di breakdown as follows:
APC - 42572
LP - 49975
NNPP- 540
PDP - 68818
Registered voters -1056862
Accredited voters -177368
Valid votes -165325
Rejected Votes -7786
Total Votes Cast -173111
EU observers criticise failures for Nigerian poll
Wia dis foto come from, ge
Wetin we call dis foto, EU observers criticise failures for Nigerian poll
One European Union observer mission don fault di lack of
transparency and operational failures for di Nigerian election, according to dia
preliminary findings.
Confidence bin dey say di
electoral body Inec bin dey independent and professional as dem dey prepare for di elections.
But e no be so as public
trust reduce sake of lack of correct planning and effective communication for
di process - including on di election day, di observers tok.
Nigerians bin vote for di
presidential and parliamentary general election on Saturday.
Di observers note say some
poll centres open late and dem also no always follow polling procedures.
Dem add say, uploading di results using electronic system no
work, and dis don raise concerns as transmission of presidential election
results forms delay.
Di observer team don ask
stakeholders for di election to uphold peace until dem complete di process and
say make pipo address any palava wey arise through legal channels.
Final results for state level from Kaduna
Final results from Kaduna State.
Registered Voters: 4,335,208
Accredited Voters: 1,418,046
APC : 399,293
LP : 294,494
NNPP : 92,969
PDP 554,360
Total Valid Votes :
1,360,153
Invalid Votes :
41,223
Total Votes Cast : 1,401,376
Wetin don happun so far?
Inec national collation centre dey on break and go reconvene by 11:00am today afta dem begin receive results from di state level.
See wetin don happun so far:
Inec don receive results from 14 states so far including Lagos, Kwara and Katsina.
PDP spokesperson Dino Melaye fault result announcement process for national collation centre, stage walk-out
Bola Tinubu call for calm afta losing Lagos to Peter Obi
Kwankwaso win Kano
Atiku win Adamawa, Katsina, Osun
Some states still dey collate result for di state level
Former Nigeria President Olusegun Obasanjo reject manual transmission of result
