Lagos state goment don relax curfew

Live Coverage

1. 19 October 2020Jaguda pipo don take ova End Sars protest – Lai Mohammed

   Nigeria goment say dem no go sidon look while di kontri become lawless sake of di violence wey dey happun for di End Sars protest.

   Di kontri minister of information and Culture. Lai Mohammed, say as tins dey so, jaguda pipo plus pipo wey get oda agenda don hijack di protest and dia plan a to destabilise di kotri.

   Di Minister tok dis one for di late night programme “Weekend File” wey local tori pipo Nigeria Television Authority do Sunday night.

   Oga Mohammed say as e be so, federal goment don meet di demands of di group and don begin implement am sef.

   Im add say, true-true di original conveners bin mean well but e dey obvious say dem no dey in control again.

   E say, “peaceful protest na important part of democracy and dat na why since di last 11 days federal goment dey treat protesters well.

   “But if you look wetin happun to di govnor of Osun state, e don comot from peaceful protest against excesses and abuse of power by police.

2. 18 October 2020See di qualification of di police officers for di new SWAT team

3. 18 October 2020Delta State don set up 8 man judicial panel to address complaints of police brutality

   Delta State Goment don set up 8 man judicial panel of inquiry wey go chook eye into all complaints of police brutality wey di dissolved Special Anti-Robbery Squad SARS or any oda police unit do for di State wit di aim to give dem justice.

   For statement wey di Secretary to di Delta State Goment, Chiedu Ebie sign, na Justice Celestina Ogisi Rtd go head di panel.

   Oda members of di panel include AIG David Igbodo, Retired Police Officer, Harrison Gwannishu, youth representative, Godwin Oyovweadjebore, Student representative, Freedom Atsepoyi amd Ambassador Eris Jewo-Ibi from civil society organization; Nicholas Osadolor from Human Rights Commission and Omamuzo Erebe, Permanent Secretary Ministry of Justice as Secretary of di panel.

   Di work of di Panel na to investigate complaints of police brutality or oda related extra judicial killings wey happen for inside Delta State to judge weda e dey legit or not.

   Dem go also recommend compensation and oda ways dem go fit take solve di individual cases as dem dey come.

   Di State Governor, Sen. Ifeanyi Okowa go inaugurate di panel on Monday 19 October, 2020 for Goment House Asaba.

4. 18 October 2020Senate President say "time don come for protest to stop"

   Di Senate Presido Ahmad Ibrahinm Lawan, don announce say time don reach make di end SARS protest stop.

   E tok am give some tori pipo today afta im meeting with President Muhammadu Buhari on di same mata.

   E say. "na sake of say goment need time and clear environment to take do wetin di protesters dey ask for."

   Oga Lawan say na also make di ecoonomy of di kontri dey move and as goment don start di protest by say di President announce di end of protest, reason no dey again for di protest to continue.

   Dis na as di End Sars protest don grow from di Special Anti-robbery Squad to full police reform and justice for di victims of police brutality.

5. 18 October 2020Buhari beg youths to end di End SARS protest across di kontri

   President Muhammadu Buhari beg Nigerian youth to end di End Sars protest across di kontri.

   For inside tweet wey di Presido personal assistant on new media, Bashir Ahmed tweet e say goment don hear dia demands e add say dem dey work hard to address all of dem.

   E tok dis one afta di President bin don meeting wit Senate Presido Ahmad Lawan and Speaker of di House of Representatives Femi Gbajabiamila on top di End SARS protests wey still dey go o across di kontri.

   Na since early October di youths for di kontri don dey protest against di Special Anti-Robbery Squad of di police unit and call for di end of police brutality.

6. 18 October 2020See how Nigeria End SARS protest go global

7. 17 October 2020Human Rights Commision set 11 man panel for police brutality

   Di National Human Rights Commission don announce sa dem sey set up aan eleven man Independent Investigative Paneel (IIP) to take chook eye put di human rights violations wey SARS and di Nigerian Police Force don commit.

   For statement, dem tok say di panel go give recommendations to Federal goments ova wetin dem go fit do to reform di police force and if dem see any case dem fit prosecute na to give di federal or state attorney generals.

   Dem also anounce say dem go give recommendations on di compensation goment go give di family of victims of police brutality.

   Di commision give till di end of October for all petitions and complaints to reach dia domot.

8. 17 October 2020States don begin set up panel of inquiry into police brutality and extrajudicial killings - See wetin you need to know

9. 17 October 2020Sanwo-Olu promise justice for Surulere End Sars protest shooting victim

   Lagos state govnor Babajide Sanwo-Olu don visit di wife of one of di victims of gunshot wey die during di #ENDSARS protest for Surulere for Monday.

   Oga Sanwo-Olu promise Mrs Okechukwu Iloamuazor say im make sure say she get justice.

   E tok say, "e no get wetin I go tell Mrs Ngozi Iloamauzor wey fo make up for for her loss."

   But e also announce say as state, dem go try make her life easier.

   Dis na afta pga Sanwo-Olu bin don announce say dem don start panel wey go prosecute di officers wey get hand for di Suruler protest kill-kill

10. 17 October 2020End SARS victims attend police orderly trial for Lagos

    Lagos state govnor Babajide Sanwo-olu say di orderly room trial of di police officers wey bin dey involved for di surulere End sars protest wey kill at least one pesin don start.

    Sanwo- Olu say some of di victims attend di trial, e add say dem go testify before di panel next week.

    "I don see di powerful pictures and videos dem for di Candle for SARS victims vigils wey hold all ova di kontri, e call for sober reflection."

    Oga Sanwo-Olu say work still plenty, e add say e go continue to share di actions dem dey take.

11. 17 October 2020"No be true say northern Nigeria no join EndSARS protests sake of Buhari"

12. 17 October 2020Three tins Osinbajo tell Nigerians as End SARS protest continue

13. 16 October 2020Port Harcourt protesters organise candle light service for police brutality victims

    End SARS protesters for Port Harcourt, Rivers state south south Nigeria, do candle light service for di victims of police brutality for di state.

    Pipo for Port Harcourt bin comot plenty on Tuesday to join youths for oda parts of di kontri to protest di end of di Special Anti-Robbery Squad SARS and police brutality.

    Watch how e go:

14. 16 October 2020'Dem kill my husband for nothing'

15. 16 October 2020At least one pesin die afta hoodlums attack End Sars protesters for Benin

    Article Information

    • • Author, Karina Igonikan
      • Role, BBC Pidgin

    At least one pesin don die for di End Sars protest for Benin City di Edo State capital after jaguda boys attack di protesters.

    Local tori pesin Timothy Ojon tell BBC Pidgin say di incident happen for Ring Road, di heart of Benin City wia di End Sars protesters gada dey do di protest wen di jaguda boys attack dem wit machetes, injure many of dem and at least one pesin don die, while odas wit serious injuries dey take treatment for hospitals.

    Edo State Governor, Godwin Obaseki don condemn di attack come ask Police to do thorough investigation into wetin happen and bring di pipo responsible to justice.

    "I extend my condolences to victims of di attacks including di ones wey lose dia lives and di ones wey di thugs injure.

    E dey very sad say any pesin fit attack a peaceful assembly of pipo wey dey express genuine concerns over police brutality and intimidation for dia own kontri.

    I call on di Police Command for di State to go out for di street to provide adequate security for di protesters and make sure say nobody dey harassed as dem dey exercise dia rights for Edo State." Di Governor add.

16. 16 October 2020Eight pipo wey dia death from 'suspected' police brutality shake Nigeria

17. 16 October 2020FALZ wash hand comot FG town hall meeting

    Nigerian musician Falz and one of di voices for di End Sars protest don wash hand comot one Town Hall Meeting wey goment organise.

    Twitter handle of di Goment of Nigeria bin tweet say di Town Hall Meeting go happun around 3:00pm, but Falz tweet say dem give wrong information and e no go show.

18. 16 October 2020Why End Sars protesters reject foods and drinks from NURTW oga MC Oluomo

19. 16 October 2020#EndSARS protests gains since di protesters enta streets across Nigeria

20. 16 October 2020Hackers post take over of all Nigeria goment official Twitter account