د امریکا له هوايي ډګره تښتول شوې مسافر وړونکې الوتکه سمندر کې لوېدلې
د عکس سرچینه، AFP
امریکايي چارواکو ویلي، هغه مسافر وړونکې الوتکه چې له اجازې پرته یې د "سیاتل تاکوما" له نړیوال هوايي ډګره الوت کړی و، په سمندر کې لوېدلې ده.
دغې الوتکې سپرلې نه لرلې او د پیلوټ د هویت په اړه یې تر دې دمه معلومات نه شته.
پولیسو ویلي، دا پېښه ترهګریزه نه ده او چلوونکي یې د ځانوژنې هڅه کړې ده.
د دغې الوتکې تر پرواز وروسته د "سیاتل تاکوما" هوايي ډګر ټولې الوتنې وځنډول شوې.
د راپورونو له مخې، د الوتکې تر پرواز وروسته، امریکايي جنګي جیټ الوتکو پروازونه پیل کړي وو.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
امریکايي چارواکو ویلي، د الوتکو یوه مستري (میکانیک) دغه الوتکه هوا ته پورته کړې او بیا یې په سمندر کې غورځولې ده.
د الوتکې څارنډلې څو ځله له پیلوټ سره چې لا یې هویت په ډاګه شوی نه دی، د اړیکې هڅه وکړه چې هغه دلاسا (قانع) کړي تر څو الوتکه په سمه توګه په هوايي ډګر کې کېنوي.
د "سیاتل تاکوما" هوايي ډګر الوتنې بیا پیل شوې دي.
