کرېکټ غوره ليګ: کابل ځوانانو کندهار ته په څلورو وېکټو ماته ورکړه

متحده عربي اماراتو کې د افغانستان د کرېکټ غوره لیګ سیالیو په ۱۶مه لوبه کې کابلو ځوانانو کندهار لوبډلې ته په څلورو وېکټو ماته ورکړه. پچه کابل ځوانان لوبډلې وګټله او لومړی یې د بالنګ پرېکړه وکړه.

کندهار لوبډلې په خپلو ۲۰ اورونو کې په ۵ وېکټو ۱۵۲ منډې جوړې کړې.

کپتان اصغر افغان دا ځل اوپننګ ته راوتلی و او ۶۰ منډې یې هم وکړې، خو ملګری یې پاول سټرلنګ په صفر وسوځېد.

تر دوی وروسته ناصر جمال له ۲۸ او نجیب الله ځدراڼ له ۲۵ منډو سره مخکښ وو. خو نور توپ وهونکي ونه توانېدل چې تېزه لوبه وکړي او کابل ځوانانو ته یې د ۱۵۳ منډو هدف وټاکه.

کرېکټ غوره ليګ: بلخ له پکتيا لوبه وګټله

کرېکټ غوره لیګ: پکتیا په ۹ منډو کندهار ته ماتې ورکړه

د کابل ځوانانو فرید احمد ۲ او راشد خان، ډبلیو پارنیل او ظاهر شهزاد یوه یوه وېکټه تر لاسه کړه. د کابلو ځوانانو د لوبې پیل بد نه و.

د کابل ځوانانو د لوبې پيل ښه و ,رونچي ۳۱ او حضرت الله ځاځي ۱۶ منډې وکړې. تر دوی وروسته اېونز هم له ۳۲ منډو سره ناسوځېدلی پاتې شو.

په پای کې کابل ځوانانو ټاکل شوی هدف په نولس اعشاریه یو اور کې په شپږو وېکټو ترلاسه کړ. د چارشنبې پر ورځ به د دې سیالیو په ترڅ کې بلخ له ننګرهار او پکتیا به له کندهار سره لوبه کوي.