تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
ستانکزی: پاکستان افغان کډوال د سیاسي لوبو لپاره کاروي
په داسې حال کې چې د پاکستان حکومت له خوا افغان کډوالو د ایستلو لپاره ټاکل شوی ضرب الاجل په رانژدې کېدو دی، د طالبانو د لنډمهالي حکومت د بهرنیو چارو مرستیال شېرمحمد عباس ستانکزي یو ځل پر پاکستان نیوکه کړې چې سیاسي مشرتابه یې له کډوالو د فشار په توګه کار اخلي.
شیر محمد عباس ستانکزي ویلي هغه څه چې ګاونډي هېوادونه په ځانګړې توګه پاکستان له افغان کډوالو سره کوي باید ودرول شي او د پاکستان له سیاسي ګوندونو او ملګرو ملتونو یې وغوښتل چې په دې اړه د پاکستان له حکومت سره خبرې وکړي.
نوموړي د افغان کډوالو په اړه د پاکستان د سیاسي ګوندونو د دریځ ستاینه وکړه او د پاکستاني خلکو یې مننه وکړه چې افغان کډوالو کوربتوب یې کړی.
په ورته وخت کې د افغانستان په چارو کې د پاکستان ځانګړي استازي اصف دراني ویلي چې په جنیوا کې یې د ملګرو ملتونو د کډوالو د عالي کمېشنرۍ له مشر فلیپو ګرانډي سره د افغان کډوالو د اوسني وضعیت او په افغانستان کې په خپله خوښه د کډوالو د ستنېدو لپاره د شرایطو د برابرولو پر اړتیا غږېدلی دی.
له دې وړاندې د ملګرو ملتونو د کډوالو ادارې استازو له طالب چارواکو سره کتنه کې ټينګار کړی و چې نژدې راتلونکې کې به د جنیوا په یوه غونډه کې د افغان کډوالو پر وضعیت خبرې وشي.
شاوخوا لس ورځې وړاندې د پاکستان لنډمهال حکومت اعلان وکړ چې ټول ناقانون افغان کډوال باید افغانستان ته ستانه شي.
له دې اعلان وړاندې د پاکستان حکومت او امنیتي ځواکونو له د کډوالو پرضد د نیولو او بېرته افغانستان ته ستنولو لپاره اقدام شوی و.
د ښځو او ماشومانو په ګډون یو لوی شمېر افغان کډوال ونیول شول چې یو شمېر یې لا هم توقیف کې دي.
له دې اعلان وروسته د کډوالو پرضد د عملیات لړۍ لا پراخه شوه.
د بشري حقونو فعالانو او ډلو او د کډوالو ادارو د پاکستان ل حکومت وغوښتل چې پرېږدي کډوال په خپله خوښه ستانه شي.