دره ادم خېل کې د ځمکو پر سر ډزو کې ۱۴ تنه وژل شوي
د عکس سرچینه، Getty Images
رپوټونه وايي، د خیبر پښتونخوا کوهاټ ولسوالۍ دره ادم خېل د سني خېل او زرغون خېل قومونو ترمنځ د ډبرو سکرو د یوه کان د سرحد ټاکلو پر سر شخړه کې ډزې شوې چې لږ تر لږه ۱۴ تنه پکې وژل شوي او پنځه نور ټپیان دي.
د پاکستان جیو تلوېزیون پخپل رپوټ کې ویلي، پولیسو او امنیتي ځواکونو وضعیت کابو کړی دی.
په سیمه کې د تحصیلدار په وینا، په وژل شویو کې د دواړو قومونو کسان دي.
دې پېښې ته د پښتون ژغورنې غورځنګ مشر منظور پښتین غبرګون ښودلی دی.
ښاغلي پښتین ددغې پېښې پړه پر پاکستاني حکومت اچولې ده او پر ټویټر یې لیکلي چې د دولتي انتظامیې د بې غورۍ له کبله دره ادم خېلو د ځمکې پر سر د لانجې له کبله وینې بهېدلې دي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
نوموړی وايي، "که سیاسي انجنیرۍ وزګار یاست، پر عمومي مسلو تمرکز وکړئ. پخوانیو قبایلي سیمو کې د ځمکو ثبت د ادارې له لوري ترسره کېده، خو ډېر کله اداره مقررات نه مراعاتوي او شخړې زیږوي".
ښاغلي پښتین په یوه بل ټویټ کې لیکلي چې "سلګونه پښتانه ماشومان د دولتي بنسټونو له لوري په خښو کړل شویو مایونو کې معلول یا شهیدان شوي، له پنځو کلونو راهیسې پښتون ژغورنې غورځنګ د ځمکنیو ماینونو د پاکولو غوښتنه کوي، خو برعکس، له موږ سره دوښمني پیل شوه. د د پښتون ژغورنې غورځنګ سوېلي وزیرستان کارمنان روزل شوي او د ماینونو شنډولو کار مخته وړي، موږ ټول په بدن کې له هغوی سره یوځای کېږو".
