د اردوغان بیا ولسمشر کېدو ته نړیوال غبرګونونه
د عکس سرچینه، Getty Images
د امریکا ولسمشر جو بایډن او د نړۍ ګڼو نورو مشرانو د ترکیې ولسمشریزو ټاکنو دویم پړاو کې ولسمشر رجب طیب اردوغان ته د بیا ولسمشر کېدو مبارکي ورکړې ده.
ولسمشر بایډن پر ټویټر لیکلي: "ترکي ولسمشر رجب طیب اردوغان ته د بیا ولسمشر کېدو مبارکي وایم. په ناتو کې د یوه ملګري په توګه به د ګډو نړیوالو ګواښونو د مخنیوي په برخه کې له هغه سره کار ته دوام ورکوو."
رجب طیب اردوغان د ۵۲٫۱۴ سلنه رایو په ترلاسه کولو سره د ترکیې د نوي ولسمشر په توګه وټاکل شو.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
په افغانستان کې د طالبانو حکومت لومړي وزیر ملا حسن اخوند هم په د ترکیې په ټاکنو ولسمشر اردوغان ته "د بریا مبارکي" ویلې.
پخواني ولسمشر حامد کرزي او پخواني اجرايه مشر عبدالله عبدالله هم ښاغلي اردوغان ته د بیا ولسمشر کېدو مبارکۍ ویلې دي.
د روسیې ولسمشر ولادیمیر پوتین هم اردوغان ته مبارکي ورکړې او لیکلي یې دي چې: "په دې ټاکنو کې ستا بریا د ترکیې د ولسمشر په توګه ستا د منقطي کار پایله وه، او دا یو ښکاره دلیل دی چې په خپلواک بهرني سیاست او ځمکنۍ بشپړتیا ساتلو کې د ترکیې ولس ستا ملاتړی دی."
د عکس سرچینه، Getty Images
د جو بایډن او پوتین سربېره، د بریتانیا لومړي وزیر ریشي سوناک، د جرمني صدر اعظم اولاف شولتس، د سعودي عربستان پاچا سلمان، د برازیل ولسمشر لویس ایناسیو لولا ده سېلوا، د اوکرایین ولسمشر ولودویمیر زیلېنسکي او ګڼو نورو نړیوالو مشرانو اردوغان ته په ټاکنو کې د بریا مبارکي ورکړې ده.
ریشي سوناک بیا پر ټویټر لیکلي: "اردوغان ته مبارکي وایم او زموږ د دواړو هېوادونو ترمنځ د همکارۍ د دوام په تمه یم، چې په ناټو کې د یوه ملګري په توګه د امنیتي ننګونو ختمولو ته ګډ کار وکړو."
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
د ناټو سرمنشي ینس سټولټنبرګ هم په یوه ټویټ کې اردوغان ته د مبارکۍ سربېره لیکلي: "اردوغان ته د ولسمشر کېدو مبارکي وایم، په راتلونکې جولای کې د ناټو سرمشریزه کې له هغه سره د ګډ کار په تمه یم".
د مصر ولسمشر عبدالفتاح السیسي بیا اردوغان ته د مبارکۍ پیغام استولی دی.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 3
په کور د ننه هم اردوغان ته ګڼو سیاستوالو او مخکنیو نوماندانو مبارکۍ ورکړې دي.
د ترکیې ولسمشریز ټاکنو ته نوماند او بیا له نوماندۍ تېر شوي محرم اینجه اردوغان ته د بیا ولسمشر کېدو د مبارکۍ سربېره هغه ته په کارونو کې د بریا هیله ښودلې ده.
د ترکیې د خلق جمهوریپال متحد او د (ښه ګوند) مشر مرال اکشنر اردوغان ته مبارکي ویلې ده.
نوموړي ویلي، لوی درسونه شته چې اردوغان یې د ټاکنو له پایلو باید زده کړي.
