د اروپايي ټولنې کمشنر: افغانستان د کورنۍ جګړې له خطر سره مخامخ دی
د عکس سرچینه، Arg
د اروپايي ټولنې کمشنر یانیز لینارچیچ ویلي افغانستان کې د تاوتریخوالي په زیاتیدو سره دغه هېواد د کورنۍ جګړې له خطر سره مخامخ دی.
د اروپايي ټولنې د کړکیچ اداره کولو کمشنر یانیز لینارچیچ له افغانستانه د لیدنې پرمهال ویلي د دې امکان شته چې د سولې روانې خبرې له ماتې سره مخامخ شي.
د اروپايي ټولنې دې کمنشر د سولې په اړه د ناهیلي ښودلو ترڅنګ ټېنګار کړی چې ټولې هڅې باید پر دې ورټولې وي چې د سولې روانې خبرې له ناکامۍ سره مخ نه شي.
ینس لنارچیچ چې پرون یې له افغان ولسمشر او نورو چارو سره کتلي ویلي چې د خبرو لپاره باید لومړی شرط اوربند وي.
د افغان دولت مرکچې پلاوي هم له طالبانو سره د خبرو لپاره د اجنډا په سر کې اوربند ته ځای ورکړی خو د رسنیزو رپوټونو له مخې اوربند د طالبانو لپاره د اجنډا په وروستۍ برخه کې ځای نیولی .
د اروپايي ټولنې دې کمشنر ویلي افغانستان کې وروستي بریدونه د اشخاصو پرضد نه بلکې د ارزښتونو او د قانون حاکمیت پرضد دي.
ده ویلي اروپايي ټولنه د خپلواک او د ملي حاکمیت لرونکي افغانستان غوښتونکې ده.
دا څرګندونې په داسې مهال دي چې دوحه کې د سولې روانې خبرې درېدلې او د دواړو پلاوو لیدنه کاته له څه باندې دوه اونیو راهیسې نه دي شوي.
له اړمنو سره مرستې
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
د ولسمشرۍ ماڼۍ په بیان کې ویل شوي ولسمشر محمد اشرف غني له ښاغلي لینارچیچ سره د افغانستان بیلابیلو برخو ته د مرستو رسولو په اړه خبرې کړې دي.
ښاغلي لینارچیچ ویلي د جګړې له امله افغانستان کې مرستو ته د اړو کسانو شمیر تر تیر کال دوه برابره شوی دی.
نوموړي خپل ټوېټ کې هم لیکلي، چې د افغانستان له نیمايي ډېر وګړي یا نږدې ۱۹ میلیونه کسان مرستې ته اړتیا لری:
"د جګړې ښکېل لوري باید د بېړنیو مرستو رسولو کې مرسته وکړي او خلکو ته مرسته رسول باید تر سولې ونه ځنډول شي."
د هدفي بریدونو غندنه
د اروپايي ټولنې دې کمشنر ویلي افغانستان کې وروستي بریدونه د اشخاصو پرضد نه بلکې د ارزښتونو او د قانون حاکمیت پرضد دي.
د نوموړي اشاره د چسپکي ماینونو چاودنې دي چې پکې تر ډېره حکومتي چارواکي، امنیتي ځواکونه، مدني او ټولنیز فعالان او خبریالان په نښه کېږي.
څلور ورځې وړاندې هم افغانستان کې د امریکا سفارت او د اروپايي ټولنې د څو غړو هېوادونو سفارتونو یوه ګډ بیان کې هدفي وژنې، انسان تښتونه او د عمومي بنسټونو نړول غندلي وو.
دې بیان کې ویل شوي چې "طالبان د دا ډول هدفي تاوتریخوالي د ډېری پېښو مسوولیت لري ، خو طالبانو تل دا ډول تورونه رد کړي دي.
