په دوحه کې د افغان دولت او طالبانو د مرکچي پلاوو ترمنځ بین الافغاني مذاکرات له څو میاشتو ځنډ او خنډونو وروسته بلاخره د سپتمبر میاشتې پر دوولسمه نېټه پیل شول. د دې مذاکراتو لپاره دواړو خواوو خپل پلاوي اعلان کړي دي.
مالومه نه ده چې دا خبرې به څومره موده دوام کوي او داسې احتمال هم شته چې څو پړاوونه ولري او له قطر پرته نور هېوادونه یې هم په راتلونکي کې کوربتوب وکړي.
په لاندې لېست کې پر عکس کلېک کولی شئ چې د افغان دولت د مرکچي پلاوي د غړو د ژوند او کاري تجربو په اړه لنډ مالومات ترلاسه کړئ! د هر غړي/غړې په اړه د مالوماتو لپاره یې پر عکس کلېک وکړئ.
د اداري اصلاحاتو او ملکي خدماتو د کمېسیون مشر- د افغان ولسمشر سلاکار – د بشري حقونو او ټاکنیزو چارو برخه کې شل کلنه تجربه
د محلي ارګانونو د خپلواکې ادارې پخوانی مشر – د افغان ولسمشر سلاکار – د پارلمان د پخواني وکیل او جهادي قومندان مطلب بېک زوی، چې په ۲۰۱۱ کال کې په ځانمرګي برید کې ووژل شو
د پخوانۍ سولې عالي شورا مرستیاله – د بامیان پخوانۍ والۍ – په مسلک ډاکټره – د طالبانو په واکمنۍ کې په پټ ښوونځي کې ښوونکې وه
په پنځه ویشت کلنۍ کې د حکومتي پلاوي تر ټولو ځوان غړی – د بریتانیا پوځي اکاډمۍ کې یې زدکړې کړې دي – د بلخ پخواني والي عطا محمد نور مشر زوی
د جمعیت اسلامي ګوند مرستیال – د الکوزیو یو قومي مشر – پخوا یې ساختماني برخه کې کار کړی
د اجرائیه ریاست د مرستیال محمد محقق پخوانی سلاکار – د سیاسي ګوندونو او حرکتونو د کومېټې پخوانی مشر
د پارلمان پخوانی وکیل – د جمعیت اسلامي ګوند غړی – لیکوال او سیاسي شنونکی
د پارلمان د رئیس لومړنۍ ښځینه مرستیاله – د ښځو، مدني ټولنو او بشري حقونو کمېسیون پخوانۍ مشره، سیاسي فعاله
د پارلمان غړی او د دوستم خیریه بنسټ مشر – د نړیوالو اړیکو برخه کې په ترکیه کې یې زدکړې کړې دي – د ولسمشر د پخواني لومړي مرستیال عبدالرشید دوستم زوی
د مشرانو جرګې غړی – د حزب اسلامي د سیاسي کومېټې مشر – د امریکایانو په زندان کې یې بند تېر کړی – د حزب اسلامي د مشر ګلبدین حکمتیار زوم
د افغانستان د سرې میاشتې د ټولنې پخوانۍ مشره – د ښځو د حقونو فعاله – لیکواله – د شوروي اتحاد یرغل کلونو کې په لندن کې د افغان مجاهدینو ویانده
پخوانی وزیر – د ولسمشر حامد کرزي په دوره کې د کورنیو چارو، بهرنیو چارو او نشه یې توکو سره د مبارزې وزیر – د مجاهدینو پخوانی غړی
د پارلمان غړی – پخوانی پولیس افسر – پخوانی ولسوال – د پخوانیو لویو جرګو ګډونوال
په مسلک ډاکټر او د حزب وحدت ګوند په مهمو کسانو کې شمېرل کېده. د شوروي یرغل په کلونو کې په پاکستان او ایران کې د مجاهدینو په لیکو کې فعال و
د پارلمان پخوانۍ وکیله – د ټاکنو د کمېسیون پخوانۍ کمېشنره – پخوانۍ خبریاله
د هرات د پولیسو پخوانی مشر او د هلمند د پولیسو پخوانی مرستیال ـ د هلمند د لشکر ګاه اصلي اوسېدونکی
د ابن سینا خصوصي پوهنتون رئیس – د اساسي قانون د څار کمیسیون پخوانی غړی – په حکمت او اسلامي فلسفه کې دوکتورا لري
د کابینې پخوانی وزیر – د ملي امنیت پخوانی مشر – د ولسمشر سلاکار
پخوانی مرستیال والي – د عالمانو د شورا غړی – د پوهنتون استاد
د ننګرها پخوانی والي – د مشرانو جرګې پخوانی غړی – د سولې د عالي شورا مرستیال
د ښاري پراختیا پخوانی وزیر – د افغانستان بانک پخوانی سلاکار – د افغانستان د اسماعیلي فرقې د مشر سید منصور نادري زوی
