सहा दिवसांपूर्वी
रशियाचे राष्ट्राध्यक्ष व्लादिमीर पुतिन यांनी मुक्त जगाच्या संकल्पनेला धक्का
दिला. आपण वाकवू तसं जग वाकेल असं त्यांना वाटलं. पण त्यांची ही मोहीम पूर्णत: फसली आहे असं अमेरिकेचे राष्ट्राध्यक्ष जो बायडन यांनी म्हटलं आहे.
युक्रेनच्या नागरिकांच्या
अतुलनीय धैर्याची त्यांनी जराही कल्पना नाही. युक्रेनचे राष्ट्राध्यक्ष
व्होल्दोमीर झेलेन्स्की यांनी अतिशय सक्षमतेनं देशाचं नेतृत्व केलं आहे. त्यांनी जगासमोर अनोखं उदाहरण सादर केलं आहे. आपण सगळ्यांनी
युक्रेनच्या ठामपणे युक्रेनच्या पाठीशी उभं राहायला हवं असं बायडन म्हणाले.
ते अमेरिकन काँग्रेसला उद्देशून केलेल्या 'स्टेट ऑफ द युनियन' भाषणात बोलत होते. दरवर्षी या खालच्या सभागृहाचं सत्र सुरू होण्याआधी अमेरिकन राष्ट्राध्यक्ष देशातील परिस्थितीविषयी संसदेला माहिती देतात.
"हूकूमशहांना
आपल्या आक्रमकतेची किंमत चुकवावी लागत नाही तेव्हा ते जास्त नुकसान करतात. रशियाने आखणी
करूनच हल्ला केला आहे. पण स्वातंत्र्याचं महत्त्व उमगलेल्या देशांनी एकत्र येत ताकद
दाखवून दिली आहे", असं बायडन यांनी पुढे सांगितलं.
"पुतिन चुकले आहेत.
आम्ही तयार आहोत. रशिया ज्या
पद्धतीने युक्रेनवर हल्ले करत आहे त्यासाठी पुतिनच सर्वस्वी जबाबदार आहेत. रशियाला
याची जबर किंमत चुकवावी लागेल.
पुतिन यांच्या हिंसक राजवटीत त्यांच्या सहकाऱ्यांनी
पैशाची अमाप उधळपट्टी केली आहे. त्यांना याचं उत्तर द्यावं लागेल", असं बायडन म्हणाले.
अमेरिकेने रशियाच्या कमर्शियल आणि खाजगी विमान वाहतुकीवर बंदी घातली आहे. युरोपियन युनियन आणि कॅनडाने याच स्वरुपाची बंदी घातली आहे.
या बंदीमुळे रशिया आणखी एकटं पडेल. रशियाचा शेअर बाजार 30 टक्क्यांनी घसरला आहे. अमेरिकेच्या नागरिकांनी युक्रेनच्या नागरिकांच्या निर्भय मानसिकतेतून प्रेरणा घ्यावी.
पुतिन त्यांच्या लष्कराच्या बळावर युक्रेनची राजधानी कीव्हला वेढा देऊ शकतात पण ते युक्रेनच्या लोकांचं मन जिंकू शकत नाहीत असं बायडन यांनी सांगितलं.