Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Kyrgyz

66 миллион жыл мурда Жерде мезозой доорунун акыркы баскычы – бор мезгили аяктаган. Ал сыйкырдуу (же, айрымдар айткандай, акыр замандык) окуя менен соңуна чыккан: туурасы 10 чакырымга созулган эбегейсиз зор метеорит (астероид) Жерге кулап түшүп, анын айынан миллиард сандагы өзөктүк бомба жарылгандай алааматтуу окуя болгон жана анын жарылуу толкуну Жер бетин бир нече ирет айланып чыккан.

Эмне үчүн метеорит динозаврларды кырып, бирок сүт эмүүчүлөргө "ырайым кылды" 

Кыргызстанда катуу суук келет деп кабарлангандан бери бүт өлкө боюнча окуучулардын кышкы каникулу узартылып, баш калаадагы жылуулук электр борбору от жагууну күчөтүп, шаардык бийлик үй-жайы жок адамдар жылынып, тамак ичип кете турган баш паанек жайларды уюштуруп жатканын айтууда.

Гидрометтин "аномалдуу суугу" жана кубанган  кыргыздар

Кыргызстандын президенти Садыр Жапаров жыл башында жаңы демилгесин жарыялады. Ал өлкөнүн тышкы карызын жоюуга кете турган акчаны азыр дүйнө үчүн оголе актуалдуу жашыл экономикага жумшоо сунушун билдирди. Мамлекет башчысы өз оюн азырынча социалдык тармактагы жеке баракчасына жазды. Эми идея олуттуу негизделип, документке айланмагы жана насыя берген тараптарга расмий сунушталмагы алдыда. 

Карыз ордуна жашыл экономика: Президенттин демилгеси жана реалдуулук

Бишкектеги абанын кыш мезгилинде көрсөткүчү өтө начарлайт. Буга чейин бул ден-соолукка зыян деген менен, бирок, анын так кесепетин эч ким так айта албай, изилдөө жок деп келди. Өткөн жылы бир нече эл аралык иликтөө чыгып, анын негизинде кир аба Кыргызстанда дагы адам өмүрүн алууда деген тыянак чыкты. Кыргызстандык айрым дарыгерлер ал изилдөлөргө ынанбай турат. Бирок толук кандуу талдап, четке дагы кага элек. 

Кир аба: “Түркияда кийип жүргөн ак курткам эки күндө капкара болуп калды”

Абанын сапатына байкоо салган World Air Quality уюму Бишкекти абасы эң кир шаарлардын биринчи сабына койду. Көрсөткүч улам өзгөрүп, абанын абалына жараша алмашып турат. Бирок борбор калаа Бишкек күн сууктагандан бери бул тизмеден дээрлик чыкпай келе жатат. Абасы эң эле кир деген шаардын мэриясы ошого карабай 750 миң сомдук салют аттырганы турат. 

Бишкек: 750 миң сом салют деп сапырылат. Мынча акчага эмне алса болот? 

Бириккен Улуттар Уюмунун Башкы Ассамблеясы Кыргызстандын демилгесин колдоого алып, тоолуу аймактарды өнүктүрүүнүн беш жылдыгын жарыялады. Би-Би-Си ушуга байланыштуу Кыргызстандагы эң курч турган экологиялык көйгөйлөр жана аларды чечүүнүн мамлекеттик стратегиясын сурап, Жаратылыш ресурстары, экология жана техникалык көзөмөл министрлигинин биоартүрдүүлүк жана өзгөчө кайтаруудагы жаратылыш аймактары департаментинин директору Эмил Ибраевге кайрылды.

Тоо стратегиясы: мөңгү менен жайыт көйгөйүнө кандай жооп болот?

Кыргызстандын баш калаасынын бийликтери санитардык полигондогу таштандыларды кайра иштетүүчү ишкананын курулушу боюнча чехиялык компаниялар менен сүйлөшүүлөр жүрүп жатканын билдирүүдө. Бирок бул процесс канчага созулары белгисиз. Ал ортодо полигондон чыккан ыш менен түтүн бүт шаарга тарап, абаны булгап, элдин ден соолугуна зыян келтирүүдө. Ал эми Европа кайра куруу банкынан алынган миллиондордун баш-аягы табылбай турат.

Бишкектин баш оорусу: быкшыган полигон, булганыч аба, дайыны жок миллиондор

Индиянын борбору Делини коюу уулуу түтүн каптады, ал адам өмүрүнө коркунуч туудурат. Дүйнөлүк саламаттыкты сактоо уюмунун маалыматы боюнча абанын булганыч деңгээли коопсуз делген абадан 40 эсе жогору. Акыркы жылдары Делиде уулуу күзгү түтүн коркунучтуу көрүнүшкө айланды. 

Сүрөт: Делини нормадан 40 эсе жогору болгон уулуу ыш каптады

Теңиз Бөлтүрүк кызматтан алынды деген кабар кызуу талкууда. Президенттин эң ишенген кадрларынын бири катары сыпатталган адамга байланышкан чечимден улам түрдүү божомолдор айтылууда. 

Атай Бейшенбек: Т. Бөлтүрүк боюнча чечим кабыл алуу Садыр Жапаровго абдан оор болду деп ойлойм

Facebook коомдук сайтындагы “Политузник” баракчасынын администратору, блогер Ырыс Жекшеналиев эки ай тергөө абагында болот. Активисттин бөгөт чарасы 16-августта  Биринчи май райондук сотунда каралды. Жекшеналиев өзүнө козголгон кылмыш ишин “акылга сыйгыс” деп атады. 

Блогер Ырыс Жекшеналиев эки айга камакка алынды

Туризм кирешенин булагы деген менен көлгө түшүүдө эң жөнөкөй эрежелерди сактабагандар бар. Килем-паласынан бери жууп, итине чейин киринтип, көлгө самынданып түшкөндөрдүн видео, сүрөттөрү улам жарыяланып жатат. Алардын айрымдарына айып пул да салынды

Көлгө биз да, ит да киринди. Килем, талпак дагы эмне?

Боом капчыгайынын ичинде кайра-кайра сел жүрүп, жолду каптап, туристтик сезондун кайнаган убагында көлгө каттап жаткандар үчүн чоң машакат жаратууда. Социалдык тармакта бул жолду салгандарды тилдеп жатышканда, биз бул жолду долбоорлогон мекеменин адистери менен жолугуп, климаттык өзгөрүүлөрдөн улам тоо арасындагы тооруган күтүлбөгөн коркунучтар болуп жатканын билип келдик.

Боомдогу сел: Тилсиз жоону тосконго күчүбүз жетеби?

Кыргызстандын баш калаасындагы абанын булганышы көп жылдан бери жүрөк өйүгөн маселе болуп келатат. Кыш жакындап, от жагуу сезону келатканда, Бишкектин абасы кайрадан ышка толот экен деп шаардыктар кыжаалат ойго чөгүүдө. 

Ыш баскан Бишкек: санаага салган сандар

Нурсултан Аттокуров 3 жылдан бери тоолорго саякаттап, көк мелжиген тоолорду, тоо көлдөрүн, жайлоолорду, токой жана агын сууларды суктангыдай кылып сүрөткө тартып келет. Анын сүрөттөрүнөн алган таасирден улам өз көздөрү менен көрмөккө Кыргызстанга атайын келген туристтер да бар.

Сүрөттүн керемети: Ала-Тоого азгырган сүрөттөр кантип тартылат? 

Эндик казгандар “эптеп оокат кылып жатабыз, жыргагандан тамыр казып жүрөбүзбү, башка аргабыз жок” деп чукуп кирет. Урук чачканга жеткирбей кайра-кайра каза берсек ал такыр жок болуп кетээрин, аны кайра калыбына келтирүү силер тапкан каражаттан жүз эсе кымбат түшөрүн кантип түшүнбөйбүз? 

Дары чөп өстүрүңүз, акча да, дары да болуп берет

Кыргыз өкмөтү Нарындагы эң ири Жетим-Тоо темир кенин иштетүүгө шымаланып жаткан чагы. Бирок бул демилгеге  жергиликтүү айрым активисттер катуу каршылыгын көргөзүп жатышат.  

Жетим-Тоо: өкмөттүн дымагы, активисттердин каршылыгы

Жууку капчыгайындагы чокулардын биринен күр этип тоо жаңырта мөңгү көчтү. Баса белгилеп койчу жагдай, бул кар көчкүсү эмес, балким, бери дегенде жүз жылдап чогулган мөңгү. Мөңгү көчкөн учур видеого да тартылып калган. Бир караган кишиге көз жоосун алган кооздук. Көк мелжиген тоолор, ээ жаа бербей, кокту толо көчүп келе жаткан аппак көбүк өтө тез жүргөн коюу тумандай элес калтырат. Бирок бул канча жылдык кардын кору, таза суунун башаты көчтү дегенди түшүндүрөт. 

Мөңгү көчтү... Укмуштай көркөм көрүнүшпү же чоң көйгөйдүн коңгуроосубу? 

Тоо-кен тармагындагы кырдаал үч жыл мурда Коопсуздук кеңешинде  өзүнчө каралып, мамлекеттик органдардын лицензия берүү системасын тамырлаган коррупция, экологиялык зыян, жергиликтүү калктын инвесторлорго каршылыгы  биринчи кезекте чечүүнү талап кылган маселе болуп каралган.

Тоо-кен тармагындагы тобокел иштер

Британиядагы электромобилдердин саны дээрлик жарым миллионго жетет. Күйүүчү майдын баасы өсүп, көпчүлүк электромобилге өтүүдө.

Электромобиль айдап акча үнөмдөөгө болобу?

“Кумтөрдө” карьерде автоматтык радар системасы жаңы эле орнотулган, алар техникалык кырсыктардын алдын алуу үчүн коюлган.
Алар борттордогу өзгөрүүлөрдү автоматтык түрдө карап турат. Бул радар системасы сатып алганына бир ай эле убакыт болду.

"Кумтөрдөгү" күзөтчү радарлар 

Президент чү дегенде эле мурунку аткаминер Алексей Ширшовдун кармалып, бирок көп өтпөй үй камагына чыгышы тууралуу маселеге токтолду:

«Ширшов менен иштешкидей мен Максим же Айдар эмесмин» 

Кыргыз өкмөтү “Центерра” менен ажырашуу келишиминде кендеги экологиялык кырдаал үчүн экологиялык жоопкерчиликти өзүнө алды. Ошол эле учурда ага канадалык компания башкарып тургандагы экологиялык зыяндын ордун толтуруу маселеси кантип чечилет деген жагы бүдөмүк калууда.

"Кумтөр": экологиялык кырдаал үчүн жоопкерчилик кимде?

Кыргызстандын баш калаасынын бийликтери санитардык полигондогу таштандыларды сортточу ишкана күзгө чейин курулат деп билдирүүдө. Жума күнү парламенттеги “Элдик” депутаттык тобунун мүчөлөрү бул полигондогу иренжиткен абалды өздөрү  барып көрүштү.

Бишкектин таштанды полигону -  бүтпөгөн баш оору

Жаңы кийим сатып алышыңыз керек болсо, кайсы кездемелерге көңүл бурушуңуз керек? Бул жерде туруктуу жашоо таризин түзүүгө жардам бере турган алты материал же инновация бар.