Кыргызстан

Дүйнө

Аялзат

Башкы бет

Видео жаңылыктар

Видео

Биздин видеолор

Kyrgyz

Быйыл кыргызстанда кызамык оорусу күч алып, жыл башынан бери 1704 учур катталды. Илдетти жуктуруп алган бир жана үч жаштагы бөбөктөр чарчап калган. Саламаттык сактоо министрлиги көз жумган балдардын ата-энелери диний көз карашынан улам балдарын эмдетпегенин билдирди. Үч жаштагы бөбөк Бишкекте, бир жашар наристе Чүй облусунда чарчап калган.

Кызамык күч алды. Эмдөөдөн качкандарды кандай коркунуч тооруйт? 

Түркмөнстандын батышындагы порт шаар болгон Түркмөнбашыда апта башында азык-түлүк тартыштыгына нааразы болгон жарандар көчөгө чыгышканы кабарланды. Түркмөнстанда азык-түлүк тартыштыгы бир топ жылдан бери чечилбей жаткан көрүнүш. Кырдаал курчуган сайын кризис жанына баткан адамдар бийликтен коркпой этпей көчөгө чыга баштады.

"Байлыкты мыкчыган президенттик клан". Түркмөнстанда эл  көчөгө чыкты

Ысык-Көлдүн Түп районуна караштуу айылдардын биринде зордуктоо тууралуу чуу түшүргөн окуя аныкталды. Алдын ала маалыматтарга караганда, зордуктоого кабылган эки кыз бир тууган эже-сиңдилер, дагы бирөө башка кыз.

Майыптыгы бар кыздарды зордуктап жүргөнбү? Түптөгү чуулу окуя

Жылдык жүгүртүүсүндө 28 миллиард сом айланган Кыргызстандын дары-дармек тармагы бар. Миллиард дегенге жанаша күңгөй-тескейи да кошо жүрөт. Коррупция, миллиондор, керек болсо “дарыкана наркоманиясы” деген чуудан арылбаган тармак. Дүйнөдө курал-жарак бизнесине катарлаш эле жүргөн иштин бири делген фармацевтикада кызык иштер да, кыңыр иштер да аз эмес.  

Фармацевтика: миллиондор үнөмдөлдү. Анда бул акча мурун кайда кетчү? 

Кыргызстанда гепатиттин кесепетинен каза болгондордун саны күн санап өсүп жатат. Жол жээктеп, адам көп топтолгон жерлерде боор орулууларга деп акча топтогондор да арбыды. Бир топ мезгилден бери Кыргызстанда гепатитке каршы акысыз эмдөө жүргүзүлөт. Бирок анын натыйжасынан күмөн санагандардын да катары калың. Эми Германиядан келген дарыгерлердин тобу кыргызстандык кесиптештери менен бирге гепатит боюнча изилдөө жүргүзө турган болду. 

Гепатит: алдын алса боло турган илдет эмнеге токтобой жатат? 

Түштүк Корея K-Pop жана Самсунг сыяктуу глобалдык компаниялар менен дүйнөгө таанымал. Бирок бул өлкө өз жанын кыйгандардын көрсөткүчү боюнча дагы дүйнөдө алдыда турат. Мындай кайгы башынан өткөн бир адам азыр мындай балээден башкаларды куткаруу аракетин көрүүдө.

"Мен башкаларды куткаргыча, өз бир тууганым өз жанын кыйды"

Бишкектин “Жал” кичи районунда жайгашкан Эне жана баланы коргоо улуттук борборунда балдарын алып келген ата-энелердин кезеги түнкү саат үчтөн башталат. Антпесе кезек жетпей, ал күнү балдары медициналык кароодон өтпөй калышы мүмкүн. Ата-энелерди бушайманга салган ооруканадагы кезек көйгөйүн кабарчылар барып көрүп келди. 

"Жалдагы" ооруканада жарым түндө кезек күткөндөр 

Эквадордо 76 жаштагы аял ооруканада каза болуп, жерге берердин алдында кайра тирилди.  Анын баласынын айтымында, табыттын ичинен тыкылдаган үн чыкканда, туугандары ачып жиберип, Белла Монтоя тирүү экенин көрүшкөн. Кайра тирилген аял ооруканага жеткирилип, бирок бир аптада кийин кайрадан каза болду. 

Табытта кайра  тирилген эквадордук аял

Ресторандын кардарлары алдында турган кесим этти лабораторияда өндүрүлгөн деп ойлобошу мүмкүн. Анткени татып көргөндөр эттин даамы менен жыты кадимки тоок этине окшош экенин айтышат.

Сингапур:  жасалма этти эл кандай кабыл алды?

Кыргызстанда акыркы жылдары ыктыярдуу түрдө кан тапшыргандар азайып, ооруканаларда канга муктаж болгондордун саны өсүп жатканын дарыгерлер маал-маалы менен айтып келишет. 

Караңгы түшүнүктөр жоголмоюн кан донорлору көбөйбөйт

Токмок шаарын айланып өтчү жолдогу үрөй учурган кырсыкта сегиз киши курман болду. Алардын бешөө бир үй-бүлө мүчөлөрү болгон. Бул окуя жол коопсуздугу темасын кайрадан козгоп, маселени кабыргасынан койду. 

Туугандарын боздотуп кетти. Сегиз өмүрдү алган каргашалуу каршы тилке...

Ойлоп табуучулар көзү көрбөй же кыймылдай албай калган адамдар атайын чиптердин жардамы менен кадимки жашоого кайтып келе алат деп үмүттөнүшөт.

Илон Маск адамдын мээсине импланттарды сыноого уруксат алды

УКМК Дары-дармек департаментинин директору А.А жеке менчик компаниядан пара алып жаткен жеринен кармалганын билдирди. Шектүү дары-дармекти каттоону мөөнөтүнөн эрте бүтүрүп берүү үчүн туруктуу коррупциялык схема уюштурган деп айыпталууда. 

Дары-дармек мафиясына каршы УКМКнын күрөшү

Адамдын каны тынымсыз айланып турарын билебиз. Бирок түрдүү себептер менен ал коюлуп, керек болсо ар кандай чоңдукта уюп да калат. Уюган кан бөлтөгү көлөмүнө жараша көйгөй жаратат. Бир топ учурда кишини биротоло майып кылып же өлүмгө жеткирет. Дал ошондой каны уюган бейтап кыйын абалда дарыгерлердин колуна түшөт. 

Дүйнөдө биринчи жолу: кыргыз дарыгеринин уникалдуу операциясынын өзгөчөлүгү эмнеде?  

Эл аралык уюмдар Кыргызстанга бөлгөн грант каражаттар ЛГБТга кетип жатканы Жогорку Кеңеште катуу сынга кабылды. Бул маселенин парламентте байма-бай көтөрүлүшү өлкөдө жыныстык азчылыктарга каршы маанай барган сайын курчуп жатканын көрсөтүүдө. 

ЛГБТга кеткен гранттардын чуусу

Ислам динин туткан жамааттарда орозо кармалчу ыйык рамазан айы ушул аптанын бейшемби күнү – 2023-жылдын 23-мартында башталат (Сауд Арабстандын Айды көргөн расмий өкүлдөрү ушул күндү жарыялашты). Рамазан айында дене тарбия көнүгүүлөрү менен тамактанууну кантип айкалыштырууга мүмкүн? Эмесе, адистердин пикирин угууга кеттик!

Орозо убагында кантип күч-кубат топтош керек?

“Ак-Кула” ат майданы бузулуп, анын ордуна ипотекалык көп кабатту үйлөр курулушу мүмкүн. Садыр Жапаров өткөн аптада ат майданга күтүүсүз барып, заманбап ипподром курууга жер бөлүп берүүнү тапшырды. Президенттин сунушу Бишкек дүйнөдө эң эле абасы кир шаарлардын катарында, шаарда жашыл аймак, сейил бактар жетишпейт деген талкуу жүрүп жаткан учурга туш келди.

Борбордун баш оорусу: тамды тандайбы же бакты тандайбы? 

Бишкекте балдар ооруканасындагы беш дарыгердин камалышы жаңы жыл алдындагы урунттуу окуя болуп калды. Медициналык профсоюз жана коомчулук тарабынан курч реакция болгондон кийин сот дарыгерлерди үй камагына чыгарды. Бул окуядан улам билип-билбей каталык кетирген дарыгерлерди соттоп, түрмөгө салуу канчалык туура деген талаш-талкуу жанданды.   Би-Би-Си бул суроону өз кезегинде мурдагы саламаттык сактоо министри, саламаттык сактоонун ардагерлер ассоциациясынын төрагасы Накен Касиевге жолдодук. 

Накен Касиев: "Үч жашар баланы ушунча врач карап туруп колдон чыгарып жибергени чоң трагедия".

Ансыз деле саясатчылар менен жарандык активисттер массалык түрдө камакта отурганда, акыйкатчы ээнбаштык менен камоолор болуп жатканын айтып турган чакта, дарыгерлердин темир торго салынышы коомдук пикирди ого бетер удургутуп, адилеттик менен чындыкка күйгөндөргө оор тийүүдө.

Камалган дарыгерлер жана караңгы же айдама соттор

Абанын сапатына байкоо салган World Air Quality уюму Бишкекти абасы эң кир шаарлардын биринчи сабына койду. Көрсөткүч улам өзгөрүп, абанын абалына жараша алмашып турат. Бирок борбор калаа Бишкек күн сууктагандан бери бул тизмеден дээрлик чыкпай келе жатат. Абасы эң эле кир деген шаардын мэриясы ошого карабай 750 миң сомдук салют аттырганы турат. 

Бишкек: 750 миң сом салют деп сапырылат. Мынча акчага эмне алса болот? 

Кытайда коронавирустун жайылышына каршы катуу күрөш болуп жаткан чакта, бүт өлкө боюнча крематорийлердин кызматкерлери жайнап келген сөөктөр менен иштөөгө араң жетишип жатканын айтышууда.

Кытайда крематорийлер жык-жыйма толуп, кезек күткөндөр көбөйдү

Соңку он жылдыктарда эркектердин уругунун саны да, сапаты да кескин начарлап кетти, эксперттер буга абдан кабатыр. Буга эмне себептер бар экенин жана аны жакшыртуунун негизги жолдорун карап көрөлү.

Эркектин кубаты: бүт дүйнөдө сперматозоиддин сапаты кетип жатканынын беш себеби

Кыргызстанда соңку жумада сасык тумоо менен ооругандар саны 1,5 эсеге өстү. Саламаттыкты сактоо министрлиги өлкө боюнча ушу тапта 13 миң 993 адам курч дем вирустук оору,  83 жаран грипп менен алышып жатканын билдирди. Бул эсепке алынганы эле. Дарыгерге кайрылбай өз алдынча даарыланып жаткандарды эске алганда чыныгы абал ойлондурбай койбойт.   
Жалпы ооругандардын 68,7% - 14 жашка чейинки балдар.

Сасык тумоо күч алды: кошумча орундар дайын, дарыгерлер жетишсиз

Интернетти ачтың дегиче эле боору ооруган, бөлөк бөйрөк издеген, ашказаны айыккыс дартка кабылган, аты жаман ооруу менен алышып, алы жетпей жаткан дагы далай-далай шумдук ооруулар менен эзилген кыргызстандыктар... Ымыркайдан баштап, өбөктөгөн карыга чейин бар. Интернет баарын ачыкка алып чыгып, кабар ушунча тараганы үчүн бул көрүнүш көп болуп жатабы же медицинанын чабалдыгынанбы? 

Ден-соолук