You’re viewing a text-only version of this website that uses less data. View the main version of the website including all images and videos.
Ndịagha Naịjirịa ekwupụtala na mmadụ iri abụọ na isii ebutela nje covid-19 n’ime mmadụ narị anọ na iri na asaa ha mere nnyocha.
Onyeisiala Amerịka bụ Donald Trump ekwuola na ya ga-alaghachị obi ya taa.
Ọ bụ n'akara Twitter ya ka Trump dere ihe dịka ọ gara n'ihu gwa ndị mmadụ ka ha atụla covid-19 ụjọ.
Ọ sị na gọọmentị ya emepụtala ọgwụ na amamihe ọpụrụchịe.
O kwukwara na ahụ di ya mma karịa etu ọ dị kemgbe afọ iri abụọ gara aga.
Kayleigh McEnany bụ onye odeakwụkwọ mgbasaozi onyeisiala Amerịka bụ Donald Trump ebutela coronavirus.
McEnany dere n'akara Twitter ya na ọ bụ n'ụbọchị Mọnde ka ọ chọpụtara na ya bu nje coronavirus dịka nnyocha ndị nke o mere kemgbe a chọpụtara na Trump bu coronavirus egosighi nje ahụ n'ahụ ha.
N'egwuregwu, onye egwu mba England na agbara Chelsea bụ Tammy Abraham arịọla mgbaghara maka ya bụ ọgbakọ ncheta ọmụmụ e meere ya bụ nke megidere iwu coronavirus.
Abraham sị na ya amaghị na ezinaụlọ na ndị enyị ya kpokobara ya bụ nkwarị maka ncheta ọmụmụ ya ma rịọ ka a gbaghara ya.
Ọgbakọ mbaụwa na-ahụ maka ahụike agbaala ama na Senegal bụ mba ọnụọgụgụ coronavirus kacha nta n'Afrịka agbanyeghị na ọrụahụike ha ririmperi.
Naani mmadụ narị atọ na iri na abụọ (312) nwugoro na ya bụ ọrịa n'ọnwa Septmba.
Ndị ọrụ mbaụwa a kọwara na Senegal malitere gbawa ya bụ ọsọ ndụ n'oge mara na ha enweghị ihe ha ga-eji lụọ ya bụ ọgụ ma ọ bado ha.
Ndị dọkịnta Senegal nwere ga-aga ndị ala ahụ dọkịnata asaa kwa otu puku mmadụ.
Parism bụ isi obodo mba Frans amalitela itinye mmachị ga-emetụta ụlọ oliri na ọṅụnụ dịka ọrịa coornavirus malitere mbawanye ya na mba ahụ.
Onyeisi ndị ụweojii na Paris bụ Didier Lallement sị na ụlọ mmanya ga-agbachi ruo izuụka abụọ site na Toozde.
Ọ sị na ebe a na-are nri na ebe a na-aga nkiri ka ga-emepe mana ha ga-eso usoro ịdị ọcha.
Ọ bụ sọsọ ụmụaka ka a ga-ekwe ka ha gaa ebe a na-egwu mmiri.
Ụfọdụ ebe nkiri dịka nke Bekee kpọrọ "circus" ga-agbachi ruo Ọktoba 15.
"Anyị ga-ebute mgawanye nje a tupu ọ karịa ike ụlọọgwụ anyị," bụ ihe onyeisi ndị ụweojii kwụrụ dịka mmadụ 260 n'ime 100,000 butere ọrịa na ụfọdụ mpaghara Paris.
Dịka Onyeisiala na mba Amerịka na eme na ya agbakewala n'ọrụ coronavirus ji ya aka kemgbe izuụka gara aga, ndị mmadụ agbaghala okwu dọkịnta ya bụ onye kwuru na Trump nwereike ịhapụ ya bụ ụlọọgwụ taa bụ Mọnde dịka ahụrụ ya bụ onyeisila ka ọ na-agagharị ụnyaahụ bụ Sọnde.
Dọkịnta onyeisiala ahụ bụ Sean Conley kwuburu na coronavirus Trump butere na izu gara aga esichaghị ike agbanyeghị na ọnaghị ekucha ume nke ọma.
Ọtụtụ ndị mmadụ dọrọ aka na ntị ma kwuo na Trump ekwesighị ịhapụ ụlọọgwụ Walter Reed bụ ebe ọ na-anata ọgwụgwọ maka ya bụ ọrịa jituru ya kemgbe Fraịde.
Ụlọ ọgwụ nke Mahadum John Hopkins edepụtala na ndị buterela ọrịa coronavirụs na mba ụwa niile eruola mmadụ nde iri atọ na ise, puku iri asaa na itolu na otu narị na iri ise na abụo (35,079,152).
Lee ọnụọgụgu mba anọ ọrịa a kacha akpa ike:
Amerịka : 7,420,971
India: 6,549,373
Brazịl: 4,915,289
Rushịa: 1,209,039.
Mmadụ otu nde, puku iri atọ na isii na otu narị na iri na otu (1,036,111) anwụọla sịte n'aka ọrịa coronavirus na mba ụwa niile.
Ngalaba NCDC ekwuola na mmadu iri ise na asatọ ọzọ ebutela ọrịa coronaviorus na Naịjirịa.
Ọnụ ọgụgu a gosiri na enweghị onye nwụrụ n'aka ya bụ ọrịa kamgbe ụbọchị atọ nke ọnwa Oktoba.
E nweghị onye si mpaghara ọwụwa anyanwụ butere ya bụ ọrịa dịka ha siri dee.
Soro anyị taa maka akụkọ niile ga-amasị gị
Onyeisiala mba Amerịka bụ Donald Trump ekwuola na ya na-akawanye mma dịka ọ na-anata ọgwụgwọ n’ụlọọgwụ ndịagha a kpọrọ Walter Reed maka ọrịa coronavirus.
Trump kwuru nke a site n'ihe onyonyo o mere n'ụlọọgwụ ahụ ma kesaa ya n'akara Twitter ya.
O kwuru na ọ na-ele anya ịlaghachi n’achụmnta vootu ya n’oge na-adịghị anya.
Cheta na nnyocha gosiri na ọtụtụ ndị na-anọ Trump nso butekwara nje coronavirus.
Lee ihe onyonyo gosiri mmadụ ole buterela ya bụ nje n'ime ndị ha na Trump na-arụkọ ọrụ:
Otu onye ka ọrịa coronavirus gburu na Naịjirịa n’ụbọchị Satọde ebe mmadụ otu narị na iri isii butere nje a, dịka ngalaba ‘National Centre for Disease Control si kwupụta.
Na mpaghara ọwụwa anyanwụ mmadụ atọ butere nje a n’Imo, otu onye n’Anambra nakwa otu onye n’Abia.
Lee ka ha si gụpụta ya:
Ị saala chi.
Nke onye chiri ya zere.
Ka anyị malite mgbasa ozi nke taa n'uju.
Igbo ndị ọma. ka anyị wụsa ọwa ebe a.
Soro anyị echi maka akụkọ ga-amasị gị.
Akụkọ pụtara na-ekwu na Gọvanọ steeti New Jersey na mba Amerịka bụ Chris Christie ebutela ọrịa coronavirus.
Christie bụ otu onye aka nri Trump depụtara nke a n'akara Twitter ya ma kelee ndị niile nwere obi ọma n'ebe ọ nọ.
O kwukwara na ọ na-anata ọgwụgwọ maka ọrịa ahụ ugbua.
Christie abụrụla otu n'ime ọtụtụ ndị mmadụ nyere Trump aka kwado maka mkparịtaụka n'etiti ya na Joe Biden buterela ọrịa a
Gọọmentị Enugwu steeti enyela iwu ka agbape mahadum niile dị na steeti ahụ n'ụbọchị iri na abụọ nke ọnwa Ọktoba.
Iwu a gụnyere mahadum ndị abụghị nke gọọmentị dịka nke ndị ụka maọbụ nke otu onye nwe.
N'akwụkị̀ọ ozi nke kọmịshọna agụmakwụkwọ wepụtara, o kwuru na "ndị isi mahadum ọbụla ga-ebuzo wepụta ụsoro iji belata mfesa covid-19 nke ha wulitere n'ụlọakwụkwọ ha tupu ha kpoo oku mmepe"
Ministrị agụmakwụkwọ ekpokọbaala otu ga-ahụ na ụlọakwụkwọ ndị a debere usoro ọbụla ha hibere maka mgbochi ọrịa covid-19.
Onye ọgba bọọlụ otu Liverpool bụ Sadio Mane ebutela ọịa coronavirus.
Ọ chọpụtara ya dịka o mechara nyocha maka ọrịa ahụ n'ụbọchị Fraịde.
Mane ga-abụ onye abụo n'otu ahụ butere ya bụ ọrịa.
Bill Stepien, bụ onyeisioche achụmnta vootu Donald Trump esorola na ndị nọ Trump nso butere coronavirus.
Maazị Stepien kwuru maka nchọpụta nnyocha e mere ya maka ọrịa ahụ n'abalị Fraịde.
Ọ sị na ọ bụ obere ahụ na-eme ya ugbua, dịka ụlo ntaakụkọ Politico siri kwuo.
O kwukwara na ya ga-amalite isi n'ụlọ arụ ọrụ n'ihi nke a.
Akụkọ si mba Amerịka apụta ugbua na-ekwu na ọtụtụ ndị ha na onyeisiala mba Amerịka bụ Donald Trump so arụkọ ọrụ ebutekwala ọrịa coronavirus.
Ọtụtụ n'ime ndị a bụ ndị ha na Trump sonyere n'otu ọgbakọ e nwere n'ụbochị Satọde gara aga, ebe onyonyo gosiri na onweghị onye ọbụla n'ime ha chekwara onwe ya dịka ngalaba ahụike mba Amerịka si nye ntuziaka.
Ọgbakọ ahụ bụ ebe Donald Trump nọrọ họpụta Ọkaikpe Amy Coney Barrett dịka onye ọkaikpe nke ụlọikpe kachasị nke mba Amerịka.
Ndị a kpọpụtara aha ha butere nje a gụnyere: onye nhazi achụmnta vootu Trump bụ Bill Stepien; ọnụ na-ekwuburu Trump n'oge gara aga bụ Kellyanne Conway, ndị omeiwu otu Repọlikan bụ Mike Lee na Thom Tilis, na ọtụtụ ndị ọzọ.
Onye ntaakụkọ ụlọọrụ PBS aha ya bụ Lisa Desjardins depụtara aha ndị butere nje a oge ha sonyechara n'ọgbakọ ahụ e mere n'izuụka gara aga:
Ọnụọgụgụ ndị butere coronavirus na Naịjirịa bụ mmadụ otu narị, iri abụọ na isii (126).
Nke a si n'aka ngalaba 'National Centre for Disease Control' dịka ha si ewepụta ya kwa ụbochị.
Lee ka o si gbata kwụrụ ugbua: