Kano Pillars ta yi wasa 13 a jere ba a doke ta ba

A ranar Lahadi kungiyar kwallon kafa ta Kano Pillars ta doke Adamawa United da ci 2-0 a wasan mako na 18.

Hakan ya sa kungiyar ta Kano ta yi wasa 13 a jere ba tare da an doke ta ba a gasar cin kofin Firimiyar Najeriya ta bana.

Rabon da aka doke Pillars tun ranar 20 ga watan Nuwamba, inda Jigawa Golden Stars ta yi nasara da ci 1-0.

Pillars wadda ta buga wasa 16 tana ta takwas a teburi da maki 24, inda ta ci karawa biyar da canjaras tara da rashin nasara biyu.

Kawo yanzu Kano Pillars ta ci kwallo 18 inda aka zura mata guda tara a raga.

Kwantan wasannin da kungiyar ta Kano keda su shi ne da Enugu Rangers da kuma Enyimba, wadan da suke buga gasar Zakarun Afirka ta Confederation.

Wasanni 12 da Pillars ta jera ba a doke ta ba:

Wasannin mako na 19

Lahadi 9 ga watan Fabrairu