Yadda wasannin Premier mako na 16 suka gudana

Rahoto kai-tsaye

Umar Mikail and Buhari Muhammad Fagge

1. 7 Disamba 2019GOAL '28, Man City 0-2 Man Utd

   Wuta kawai!

   Anthony Marttial ya ci kwallo abar sha'awa - shauda ta ya yi kuma ta wuce ta bangaren turken dama, duk da Ederson ya rufe wurin amma sai da ta wuce.

2. 7 Disamba 2019Rashford ya buga ta bigi tirke, Man City 0-1 Man Utd

   Rashford ya kara kai wani hari mai hadarin gaske, sai dai inaaaa kwallo ta daki turke ta fita waje.

3. 7 Disamba 2019Katin gargadi, Man City 0-0 Man Utd

   An bai wa Banardo Silva katin gargadi, wanda ya janyo finaritin.

4. 7 Disamba 2019GOAL '22, Man City 0-0 Man Utd

   Rashford ya cilla kwallo a ragar City daga bugun finareti. Sau bakwai ana bai wa United finareti a bana.

   Kwallo ta 11 kenan da Rashford ya ci a Premier ta bana.

5. 7 Disamba 2019United na neman finareti, Man City 0-0 Man Utd

   An ba ta

6. 7 Disamba 2019Ederson, Man City 0-0 Man Utd

   Ederson ya bige kwallo ta kai uku wadanda duka ci ne, ba karamin abin a yaba ba ne wannan.

7. 7 Disamba 2019Victor Lindelof, Man City 0-0 Man Utd

   Victor Lindelof ya taba kwallon har sau biyu da hannunsa amma alkalin wasa ya nuna halin ko in kula.

8. 7 Disamba 2019Waken magoya baya, Man City 0-0 Man Utd

   Ta ko-ina waken magoya baya ne ke tashi don karfafa gwiwa a wannan wasan hamayya.

9. 7 Disamba 2019Man City 0-0 Man Utd, Man City 0-0 Man Utd

   Raheem Sterling da alamun yau da karsashi a jikinsa.

10. 7 Disamba 2019Man City 0-0 Man Untd

    Lingard ya kai wani hari amma Ederson ya hana ta shiga.

11. 7 Disamba 2019Man City 0-0Man Utd, Man City 0-0Man Utd

    Cikin dakikun da ba su kai goma ba amma wasa ya yi zafi kamar an kai minti 30 amma City ta fi rike kwallon..

    De Bruyne ya dad kwallon amma ta fita wajen raga.

12. 7 Disamba 2019Harin farko, Man City 0-0 Man United

    James ya dada wa Ederson kwallo ta-ci amma mai tsaron ragar ya dawo da ita cikin fili.

13. 7 Disamba 2019To fa! An take wasan, Man City 0-0 Man United

14. 7 Disamba 2019Manchester City, Manchester City 6:30 Manchester United

    Dan wasan tsakiyar Man City Ilkay Gundogan ya dawo fili bayan dakatarwar da aka yi masa, yayin da shi kuma Oleksandr Zinchenko ya murmure daga jinyar raunin da ya ji.

    Shi kuwa Sergio Aguero ba zai buga wasan hamayyar ba.

    Tun bayan da Wolves ta doke ta a gidanta a watan Oktoba, Man City ba ta taba yin rashin nasara sau biyu a jere ba a gidanta a wasan Premier.

    Sai dai kuma ta barar da maki biyar a wasanni tsakaninta da manyan kungiyoiyin Premier guda shida a bana a gidanta, wanda shi ne abin da ta barar a baki daya kakar da ta gabata.

    Manchester City ta barar da maki 13 a wasannin gida da waje - 16 ta barar a kakar 2018-2019 sai kuma 14 da ta barar a kakar 2017-2018.

15. 7 Disamba 2019Manchester United, Manchester City 6:30 Manchester United

    Dan wasan gaban Man United Anthony Martial ka iya buga wasan duk da cewa ya dan yi fama da rauni, abin da ya sa bai buga wasansu da Tottenham ba.

    Paul Pogba zai ci gaba da zama a benci sakamakon raunin da ya ji a idon-sawunsa, yayin da shi kuma Nemanja Matic yake dab da dawowa daga jinya.

    Wasa hudu da ta yi a jere ba a ci ta ba a Premier, shi ne mafi tsawo da United ta yi tun daga lokacin da aka tabbatar da Solskjaer a matsayin kocin dindindin a watan Maris - ta ci biyu ta yi canjaras biyu.

    Sai dai kuma United din wasa daya kacal ta ci a cikin 11 na baya-bayan nan a waje da ta buga - ta yi canjaras hudu ta yi rashin nasara shida.

    Yanzu haka an zira wa United kwallo a dukkanin wasa 12 na Premier da ta buga, wanda shi ne mafi yawa a cikin sama da shekara 33 - an zira mata kwallo a wasa 15 a jere tsakanin Satumbar 1985 zuwa Afrilun 1986.

16. 7 Disamba 2019Tottenham ta yi wa Burnley ruwan kwallaye, Tottenham 5-0 Burnley

    Tottenham ta yi wa Burnley ruwan kwallaye har biyar a wasan Premier mako na 16 a filin wasa na Tottenham Hotspur.

    Tawagar Mourinho ta samu nasara karo na hudu kenan a dukkanin gasa tun bayan da ya karbi aikin horar da ita, amma a ranar Laraba ne Man United ta katse masa hanzarin cin wasa biyar a jere, inda aka cinye su 2-1 a Old Trafford.

    Zakakurin dan wasa Harry Kane ne ya ci biyu tun a minti na hudu da kuma 54, sai Lucas Moura da ya ci a minti na tara.

    Son Hueng-Min ya zira tasa kwallon ne mai kayatarwa a minti na 32 bayan ya jawo ta tun daga yadi na 20 na gidansu har zuwa yadi na 18 din Burnley kuma ya gara ta ta saman mai tsaron raga Nick Pope, babu abin da 'yan bayan suka iya yi.

    Yanzu haka Son ne dan wasan da ya fi jefa kwallo a raga a sabon filin wasa na Tottenham Hotspur sama da saura, inda ya ci tara, ya bayar aka ci shida a cikin wasa 15 da ya buga.

    Ba a tashi daga wasan ba sai da Mousa Sissoko ya kara ta biyar a minti na 74, abin da ya sa Spurs din ta matsa zuwa mataki na 5 kafin Man United da Wolves su buga wasanninsu.

    Ranar Laraba Tottenham za ta ziyarci Bayern Munich a gasar Zakarun Turai ta Champions League.

17. 7 Disamba 2019Wasa ya kare, Watford 0-0 Crystal Palace

    Da ma wasan bai cancanci wani ya yi nasara ba.

    Watford ta yi kokari, wannan ne wasan farko da aka tashi ba a sa mata kwallo ba a raga tun watan Oktoba.

18. 7 Disamba 2019Watford0-0 Crystal Palace, Watford0-0 Crystal Palace

    Fada ya kaure tsakanin yan wasa Zaha da Etienne Capoue.

19. 7 Disamba 2019An tashi daga wasa, Bournemouth 0-3 Liverpool

20. 7 Disamba 2019Katin gargadi, Watford0-0 Crystal Palace

    Etienne Capoue ya bige Zaha an bashi katin gargadi.