Liverpool ta bayar da tazarar maki 8 a saman teburi

Rahoto kai-tsaye

Umar Mikail and Buhari Muhammad Fagge

1. 10 Nuwamba 2019GOAL '65, Man United 3-1 Brighton

   Rashford ya jefa kwallo ta uku, a iya cewa ya zamarwa United madogara,

2. 10 Nuwamba 2019Anfield na daukar harama, Liverpool vs Man City 5:30

   An girke wani kwamitin tarar motocin 'yan wasa tare da yi musu barka da zuwa a kofar shiga filin wasa na Anfield.

   

   Asalin hoton, rueters

   'Yan sandan Merseyside a wannan makon za su yi aiki tare da Liverpool da Manchester City domin tabbatar da magoya baya sun kalli kwallo cikin aminci da jin dadi.

   An dauki matakin hakan ne bayan korafin da City ta yi na gudun kar a maimaita abin da ya faru a shekarar da ta gabata, da aka kai farmaki motar 'yan wasanta.

3. 10 Nuwamba 2019GOAL '63 Brighton, Man United 2-1 Brighton

   Kyaftin din Brighton ne Lewis Dunk ya yi tsalle tsakanin 'yan bayan United ya saka mata kai bayan an bugo kwana.

4. 10 Nuwamba 2019Fred ya dada kwallo ta-ci, Man United 2-0 Brighton

   Fred ya kai wani, tun daga kusan yadi na 25 ya dada wa Bryan kwallo kuma da kyar golan ya sake kamo kwallon bayan ya sake ta ta fadi kasa

5. 10 Nuwamba 2019Katin gargadi, Man United 2-0 Brighton

   An bai wa Steve Williams katin gargadi bayan ya yi wa Steven Alzate wata keta mai kama da kong fu.

   Da farko sai da VAR ta duba ketar tukunna ko da abin ya kai girman jan kati amma sai ta ce yalon kati ne.

6. 10 Nuwamba 2019Maguire ya lallabo, Man United 2-0 Brighton

   Harry Maguire ya fito daga layyin bayan United har ya zo kusa da yadi na 24 ya dada kwallo. Sai dai ta daki jikin dan wasan Brighton ta fita kwana.

   United ta buga kwanarta ta biyar a wasan

7. 10 Nuwamba 2019An dawo daga hutun rabin lokaci, Man United 2-0 Brighton

   Har Man United ma ta bugo kwana - ta hudu kenan a wasan

8. 10 Nuwamba 2019Manchester United, Man United 2-0 Brighton

   United ta fi kowacce kungiya amfana da kwallon da abokan wasanta ke cin gida a Premier. Hakan ya faru ga United sau biyar sama da kowacce kungiya a Premier.

   A minti na 19 ne D. Propper ya ci gida bayan Harry Maguire da Mc Tominay sun saka masa matsi a gaban ragar Brighton.

   Kauce wa X

   Ya kamata a bar bayanan X?

   Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.

   Accept and continue

   Gargadi: BBC ba za ta dauki alhakin bayanan da aka wallafa a shafukan da ba nata ne ba.

   Karshen labarin da aka sa a X

9. 10 Nuwamba 2019Wolves, Wolves 1-0 Aston Villa

   A iya cewa Wolves na yadda ta saba wajen buga kwallo a kasa da kai kora don nuna jajircewa da kuma tsayawa kan neman sakamako a karshen wasa.

10. 10 Nuwamba 2019Hutun rabin lokaci, Wolves 1-0 Aston Villa

    Masu masaukin baki na jan ragamar wasan a filin wasa na Molineux

11. 10 Nuwamba 2019Hutun rabin lokaci, Man United 2-0 Brighton

    An tafi hutun rabin lokaci yau dai United abin sai san barka, da haka suke kokari da wasu daga magoya bayansu ba su rika tafiya hutu ba.

12. 10 Nuwamba 2019Man Utd 2-0 Brighton, Man Utd 2-0 Brighton

    Brandon Williams na kokari sosai magoya bayan kungiyar ba za su yi korafi kan dan wasan ba.

    Idon da wanda zai yi korafi shi ne dan wasan gaban Brighton Neal Maupay, wanda ya fusata da yadda yaron ke danne shi ya fitar da kwallo waje.

13. 10 Nuwamba 2019GOAL '41, GOAL - Wolves 1-0 Aston Villa

    Ruben Neves ya jefa kwalo a ragar Aston Villa.

14. 10 Nuwamba 2019Katin gargadi ga Rasford, Man United 2-0 Brighton

    An bai wa Rashford katin gargadi bisa keta da ya yi wa Mantoya - da ma dazu shi ma Mantoya ya yi masa ketar. Ban sani ba ko ramawa ya yi.

15. 10 Nuwamba 2019James yana kokari, Man United 2-0 Brighton

    James fa yau yana kokarin kawo kwallo daga bangaren dama. Da da tsautsayi da tuni Rashford ya kara ta uku, sai dai 'yan baya sun yi aikinsu sun figtar da ita kwana.

16. 10 Nuwamba 2019Neman finareti, Wolves 0-0 Aston Villa

    Wolves na neman a ba ta finareti lokacin da Matt Targett, wanda yau ba ya kokari, ya kayar da Matt Doherty... Babu finareti, in ji lafari.

17. 10 Nuwamba 2019Manchester United, Man United 2-0 Brighton

    Manchester United ta fi son ta ga kwallo a kafar Marcus Rashford ko da yaushe, kuma za a iya ganin dalilin cewa shi ne ya fi kowa saurin zuwa raga, shi yake haddasa duk wata matsala ga Brighton.

18. 10 Nuwamba 2019Rashford kwance a fili, Man United 2-0 Brighton

    Rashford na kwance a tsakiyar fili bayan ya yi taho-mu-gama da Shane Duffy.

19. 10 Nuwamba 2019Katin gargadi, Man United 2-0 Brighton

    An bai wa Mantoya katin gargadi bayan ya fyalli Macos Rashford.

20. 10 Nuwamba 2019Kwallo biyu cikin minti biyu, Man United 2-0 Brighton

    Cikin minti biyu kacal United ta ci ta biyu. Wannan sakamakon ya mayar da Man United mataki na bakwai a teburi amma fa sai idan an tashi a haka.

    Ko za a tashi hakan? Ko za ta kara? Muna nan dai muna zuba ido.

    

    Asalin hoton, Getty Images