Liverpool ta bayar da tazarar maki 8 a saman teburi

Rahoto kai-tsaye

Umar Mikail and Buhari Muhammad Fagge

1. 10 Nuwamba 2019Man United ta cinye Brighton, ta koma ta 7, Man Utd 3-1 Brighton

   Manchester United ta lallasa Brighton 3-1 a wasan Premier mako na 12 a filin wasa na Old Trafford.

   Sakamkon ya sa Manchester United ta gangaro zuwa mataki na bakwai a teburi da maki 16, maki tara kenan tsakaninta da 'yan hudun farko.

   Pereira ne ya fara saka masu masaukin bakin a gaba da kwallon da ya ci a minti na 17 bayan ya buga ta ta daki jikin dan bayan Brighton, abin da ya hana mai tsaron raga Bryan tabuka komai domin hana ta shiga.

   Sai kuma D. Propper na Brighton da ya ci gidansu a minti na 19 bayan Harry Maguire da Scott Mc Tominay sun saka masa matsi a bakin ragarsu.

   Hakan ya sa Man United ta zama kungiyar da ta fi kowacce amfana da kwallon da abokan wasanta suka ci gida har sau biyar sama da kowacce kungiya a Premier.

   Marcus Rashford bai yi kasa a gwiwa ba sai da ya saka tasa a minti na 66. Anthony Martial ne ya taimaka masa, inda ya ba shi kwallo a cikin yadi na 18, shi kuma ya dada ta har sai da ta bigi tirke kafin ta kwanta.

   Wannan nasara za ta saukaka wa mai horarwa Ole Solskjaer ganin irin yadda kungiyar ta yi ta fama da sakamako maras dadin ji a 'yan makonnin nan.

   

   Asalin hoton, Getty Images

2. 10 Nuwamba 2019Liverpool, Liverpool v Man City 5:30

   Shima kocin Liverpool ya yi canji 4 daga yan wasan da suka buga wa kungiyar wasan Champion wanda ta cinye Genk. An sanya Andy Robertson, Jordan Henderson kuma zai shigo tsakiya, Roberto Firmino da Sadio Mane kuma su buga a gaba.

   YAn wasa :Alisson, Alexander-Arnold, Lovren, van Dijk, Robertson, Henderson, Fabinho, Wijnaldum, Salah, Firmino, Mane.

   Yan benci :Milner, Keita, Gomez, Adrian, Oxlade-Chamberlain, Lallana, Origi.

   

   Asalin hoton, BBC Sport

3. 10 Nuwamba 2019Manchester City, Liverpool v Man Cty 5:30

   Canji shida City ta yi daga yan wasan da suka buga mata wasan Champion wanda ta yi canjaras da Atlanta a tsakiyar mako.

   John Stones aka hada da Fernandinho a tsakiyar bayan, tare da Kyle Walker da kuma Angelino. Rodri kuma yana tsakiya.

   Yan wasa :Bravo, Walker, Stones, Fernandinho, Jose Angelino, De Bruyne, Rodri, Gundogan, Bernardo Silva, Aguero, Sterling.

   Yan benci :Gabriel Jesus, Silva, Mahrez, Joao Cancelo, Otamendi, Carson, Foden.

   

   Asalin hoton, BBC Sport

4. 10 Nuwamba 2019A shirye kuke domin bibiyar bayanai kan wasa mafi kalubale a Premier ta bana?, Liverpool v Man City 5:30

   Duk da cewa duka suna kokari amma a yanzu babu wanda ya ci wasanninsa uku na baya a jere.

   

   Asalin hoton, Getty Images

5. 10 Nuwamba 2019Gaba dai gaba dai Raul Jimenez, Wolves 2-1 Aston Villa

   Kwallo 14- Raheem Sterling ne kawai ya zira kwallo a kowacce gasa a cikin duka 'yan wasan Premier a bana, sama da dan wasan gaban Wolves Raul Jimenez da ya ci kwallo 13.

   Kauce wa X

   Ya kamata a bar bayanan X?

   Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.

   Accept and continue

   Gargadi: BBC ba za ta dauki alhakin bayanan da aka wallafa a shafukan da ba nata ne ba.

   Karshen labarin da aka sa a X

6. 10 Nuwamba 2019Manchester United, Man Utd 3-1 Brighton

   Nasara mai cike da nishadi, United ta dawo ta 7 a teburin Premier.

7. 10 Nuwamba 2019An tashi, Man United 3-1 Brighton

   Duk da barin damar da United ta yi ta kai bantenta.

8. 10 Nuwamba 2019An tashi, Wolves 2-1 Aston Villa

   Kwallo da Villa ta ci a makare ba ta kara mata komi ba.

9. 10 Nuwamba 2019Martial ko Rashford!, Man United 3-1 Brighton

   Du ranar da suka yi kokari abin yana yi wa United dadi. Wa za a bai wa gwarzon wannan wasa a cikinsu?

   Rashford: Ya ci 1, ya buga shot 7, ya yi fasin sau.

   Martial: Ya taimaka an ci kwallo biyu, ya yi shot 3, ya yi fasin sau 17.

   

   Asalin hoton, Getty Images

10. 10 Nuwamba 2019GOAL '90, Wolves 2-1 Aston Villa

    Trezeguet yau ma ya kara ci wa Aston Villa kwallo,

11. 10 Nuwamba 2019United ta yi canji, Man United 3-1 Brighton

    Marcus Rashford da Brandon Williams sun fita. Marcos Rojo da Mason Greenwood sun shiga

12. 10 Nuwamba 2019GOAL '86, Wolves 2-0 Aston Villa Raul Jimenez

    Raul Jimenez ya kara kwallo ta biyu, Aston Villa garin neman gira an rasa ido.

13. 10 Nuwamba 2019Wolves 1-0 Aston Villa, Wolves 1-0 Aston Villa

    Aston Villa ta kara matsawa sosai, yadda duk 'yan wasanta suka fito domin samun ko maki daya ne a hannun Wolves, suna ta kai kwallo cikin yadi na 18, sai dai masu masaukin bakin a nutse suke cire kwallon ba tare da tashin hankali ba.

14. 10 Nuwamba 2019Man United 3-1 Brighton, Man United 3-1 Brighton

    Kasa da minti 10 ne ya yi saura a wasan, United na ci gaba da jan ragama, sai dai ta na wasa da damar da take samu ta kara kwallo.

15. 10 Nuwamba 2019Bugun tazara, Man United 3-1 Brighton

    Fred ya buga bugun tazara a wuri mai hadari, sai dai bugun nasa babu hadari. Kwallo ta fita waje.

16. 10 Nuwamba 2019Wolves 1-0 Aston Villa, Wolves 1-0 Aston Villa

    Aston Villa na nuna damuwa ga Tyrone Mings da ya fadi kasa, da alamun yana cikin yanayi mara dadi. tuni dai Villa ta kammala canjinta 3 sai dai anyi sa a Mings zai iya ci gaba da wasan.

17. 10 Nuwamba 2019Rashford ya kwallafa, Man United 3-1 Brighton

    Marcus Rashford ya shigo da kwallo cikin yadi na 6 ta bangaren hagu amma ya hana kowa ya ce sai ya ci alhalin golan ya tare bangaren.

    An dai yi asarar wannan kwallo.

18. 10 Nuwamba 2019Katin gargadi ga Pröpper, Man United 3-1 Brighton

    Katin gargadi na 5 kenan da aka bai wa Brighton a yau.

19. 10 Nuwamba 2019Old Trafford ta barke da sowa, Man United 3-1 Brighton

    Filin Old Trafford fa ya dau sowa, Man United na yin abin da suka yi ta marari a makonnin da suka gabata.

    Zuwa yanzu ta buga shot 13 kuma 7 daga ciki na-ci ne (on target). Brighton kuma 6 ta buga biyu daga ciki na-ci ne.

20. 10 Nuwamba 2019Wolves 1-0 Aston Villa, Wolves 1-0 Aston Villa

    Wolves na neman kara kwallo ta biyu domin tabbatar da nasararta a filin wasa na Molineux, yayin da Raul Jimenez ya kai wani hari sai dai kwallon ta yi sama sosai.