Wannan shafi ne da zai ke kawo muku sharhi da bayanai kan labarain wasanni a faɗin duniya daga ranar Asabar 17 zuwa 23 ga watan Mayun 2025.
Mohammed Abdu
Asalin hoton, Getty Images
Magoya bayan Everton sun yi ban kwana da filin Goodison Park, bayan shekara 133 suna taka leda a ciki.
Ƙungiyar ta Mersyside za ta koma buga tamaula a Bramley-Moore Dock a kaka mai zuwa.
To amma Everton za ta bai wa matan ƙungiyar filin Goodison Park, domin ci gaba da wasanni a ciki, amma za ta rage yawan kujerun zaman ƴan kallo.
Ranar Juma'a, 16 ga watan Mayu
Ranar Lahadi, 18 ga watan Mayu
Asalin hoton, Getty Images
Kociyan Newcastle United, Eddie Howe ya ce yana sa ran zai samu gurbin Champions League.
Ranar Lahadi Arsenal ta ci Newcastle 1-0 a wasan mako na 37 a Premier League a Emirates.
Hakan ya sa Gunners ta ci gaba da zama ta biyu a teburin babbar gasar tamaula ta Ingila da maki 71, sannan za ta wakilci Ingila a gasar zakarun Turai a baɗi.
Kenan Liverpool, wadda ta lashe kofin Premier League na bana na 20 jimilla da Arsenal, sune suka samu tikitin shiga Champions League daga Ingila, kenan saura gurbi uku ake nema nan gaba.
Kawo yanzu Newcastle tana ta uku da maki 66, iri ɗaya da na Chelsea ta huɗu da Aston Villa ta biyar, Manchester City mai ƙwantan wasa tana da maki 65 a mataki na shida da kuma Nottingham Forest ta bakwai da maki iri ɗaya da na City.
Ranar Lahadi za a karkare wasannin kakar bana.
Asalin hoton, Getty Images
Lionel Messi ya bukaci ƴan wasan Inter Miami su kara sa ƙwazo, saboda rashin kokarin da suke a kakar nan, bayan da Orlando City ta je ta doke ta da ci 3-0 a gasar MLS.
Rashin nasara ta uku kenan a wasa bakwai a dukkan fafatawa, hakan ya sa ƙungiyar ta yi kasa zuwa ta shida a teburin Eastern Conference.
Messi, ƙyaftin ɗin Argentina, mai shekara 37, wanda ya lashe Ballon d'Or takwas bai yi kokari ba sosai, wanda ƙwallo biyu kacal ya buga da ya nufi raga a gabaki ɗayan wasan.
Da fatan kun ji dadin kasancewa da shirin na sharhi da bayanai kan labarain wasanni, kuma nan zan yi ban kwana da ku, zan ɗora ranar Litinin.
Sunana Mohammed Abdu nake cewa mu kwana lafiya.
Asalin hoton, Getty Images
Jarmie Vardy ya yi ban kwana da Leicester City, bayan kaka 13 da buga mata wasa 500 da cin ƙwallo 200.
Asalin hoton, Getty Images
Carlos Alcaraz ya lashe Italian Open, bayan caskara Jannik Sinner da 7-6 6-1 ranar Lahadi.
An kuma kawo karshen lashe wasa 26 a jere da Sinner yake lashewa
Sai dai Sinner ya yi fatan ɗaukar Italian Open na ban, domin ya zama na farko daga Italiya da ya lashe kofin tun bayan Adriano Panatta a 1976.
Sinner, wanda ya koma buga tennis bayan wata uku da aka dakatar da shi, sakamakon samunsa da laifin shan abubuwan kara kuzari, ya sha kashi a hannun ɗan Sifaniya cikin minti 33.
Asalin hoton, Getty Images
Ƙyaftin ɗin tawagar Ingila, Harry Kane ya ce yanzu Bayern Munich ta fara ganin ƙwazonsa sai ma kakar baɗi.
Kane ya lashe Bundesliga a bana, kofin farko da ya ci a tarihin rayuwarsa ta tamaula.
Mai shekara 31, yana da ƙunshin yarjejeniya da Bayern Munich zuwa karshen kakar 2027, wanda ya koma Jamus da taka leda kan £86.4million daga Tottenham a Agustan 2023.
Kane ya ci ƙwallo 38 a kakar nan, yayin da Bayern Munich ta caskara Hoffenheim 4-0 ranar Asabar a wasan karshe a Bundesliga.
Asalin hoton, Getty Images
Shin Arsenal na ci gaba ne karkashin Mikel Arteta ko kuma koma baya take yi?
Ga jerin sakamakon kaka shida da Arteta ya ja ragamar Arsenal
2019-20 - Mataki na takwas
2020-21 - Mataki na takwas
2021-22 - Mataki na biyar
2022-23 - Mataki na biyu
2023-24 - Mataki na biyu
2024-25 - Mataki na biyu
Asalin hoton, BBC Sport
Yanzu dai yaƙi ya rage tsakanin Newcastle da Chelsea da Aston Villa da Manchester City da Nottingham Forest a neman sauran gurbin shiga gasar zakarun Turai a baɗi.
Uku ne daga biyar daga cikinsu za su wakilci Ingila a Champions League a kaka mai zuwa.
A wasan karshe ranar Lahadi, Newcastle za ta kara da Everton a St James Park, Nottingham Forest da Chelsea za su kece raini a tsakaninsu a ranar.
Asalin hoton, Reuters
Wasa ya kare
Arsenal ta samu gurbin Champions League da za a buga a baɗi.
Asalin hoton, Getty Images
Alkalin wasa ya bayar da katin gargaɗi, watakila ga Jakub Kiwior.
Mai tsaron raga David Raya na Arsenal ya kama ƙwallo.
Asalin hoton, Getty Images
Yanzu haka Declan Rice ya ci ƙwallo da yawa a Arsenal 16 a wasa 102, fiye da 15 a karawa 245 a West Ham United.
Asalin hoton, Getty Images
Asalin hoton, Getty Images
Asalin hoton, Getty Images
Wadda take ta uku a ƙwallon tennis a duniya, Coco Gauff na fatan lashe French Open karo na uku.
Ƴar wasan ta ci karo da koma baya karo biyu a jere da aka doke ta a wasan karshe - na farko Italian Open a hannun Jasmine Paolini ranar Asabar da kuma a Madrid Open a hannun Aryna Sabalenka.
Za a fara French Open daga 25 ga watan Mayu.
Wannan shi ne karon farko da Arsenal ke wasan Premier League tun Oktoba ba tare da ko dai Gabriel Magalhaes ko kuma William Saliba ba a cikin fili.
Asalin hoton, Getty Images
Ƙwallo mai ƙyau da Declan Rice ya ci daga yadi na 20, bayan da ya samu tamaula daga Martin Odegaard.
Asalin hoton, Getty Images
Arsenal za ta kece raini da Newcastle United a wasan mako na 37 a Premier League a Emirates ranar Lahadi.
Arsenal tana ta biyu a teburin Premier League da tazarar maki biyu tsakani da Newcastle United ta ukun teburu.
Wannan shi ne karo na huɗu da za su kece raini a tsakaninsu a bana, inda Newcastle ta yi wa Gunners gida da waje a League Cup, sannan ta doke ta a Premier League.
Newcastle ta ɗauki Carabao Cup a kakar nan.
Wasa uku da aka buga tsakanin Arsenal da Newcastle United a 2024/2025
English League Cup ranar Laraba 5 ga watan Fabrairun 2025
English League Cup ranar Talata 7 ga watan Janairun 2025
Premier League ranar Asabar 2 ga watan Nuwambar 2024
