Donald Trump zai yi kome a matsayin shugaban Amurka na 47

Wannan shafi na kawo muku rahotanni da bayanai kan zaɓen ƙasar Amurka da aka gudanar a ranar Talata 5 ga watan Nuwamban 2024.

Taƙaitattu

Rahoto kai-tsaye

Isiyaku Mohammed, Usman Minjibir, Umar Mikail, Ibrahim Muhammad da Abdullahi Bello Diginza, Rabiatu Kabir Runka

6 Nuwamba 2024Akwai yiwuwar Trump ya lashe zaɓen shugaban ƙasar Amurka
Asalin hoton, Getty Images
Bisa ga dukkan alamu, Donald Trump ya riga ya lashe zaɓen shugaban ƙasar Amurka, inda ya yi kome a fadar shugaban ƙasar, bayan Joe Biden ya kayar kayar da shi shekara huɗu da suka gabata, kamar yadda wakilin BBC, Anthony Zurcher ya bayyana a sharhinsa.
Tun tuni Trump ya yi wa magoya bayansa jawabi, inda a ciki ya bayyana cewa ya samu gagarumar nasara a zaɓen.
Trump ya fi mayar da akalar yaƙin zaɓensa ne kan farfaɗo da tattalin arziki da yaƙi da kwararowar baƙin haure.
6 Nuwamba 2024Trump ya samu ƙuri'u 279 na wakilan masu zaɓe
Asalin hoton, Getty Images
Donald Trump ya samu ƙuri'un wakilan masu zaɓe da ake kira electoral college guda 279 zuwa yanzu, ita kuma Kamala tana da guda 219.
Dama ana buƙata ne ɗantakara ya samu ƙuri'u 270 na wakilan masu zaɓe domin lashe zaɓen na shugaban ƙasa. Yanzu ana dakon ƙuri'u wakilan masu zaɓe 46. Ke nan ko da ta lashe sauran ƙuri'un ba za ta kamo shi ba.
Haka kuma ya wuce ta a yawan ƙuri'un da gama-garin mutane suka kaɗa.
Yanzu dai saura sakamako guda shida ake jira.
6 Nuwamba 2024Tinubu ya taya Donald Trump murna
Asalin hoton, Getty Images
Shugaban ƙasa Bola Tinubu ya taya Donald Trump murna, inda ya ce a shirye yake su ci gaba da aiki tare domin inganta alaƙa tsakanin Najeriya da Amurka.
Ya ce, "idan muka haɗa kai, za mu inganta tattalin arziki da zaman lafiya da magance matsalolin da al'umarmu ke fuskanta," kamar yadda mai taimaka masa kan harkokin watsa labarai, Bayo Onanuga ya sanar.
Trump ne dai ya sanar da samun nasararsa a jawabinsa ga magoya bayansa, inda ya ce ya samu gagarumar nasara.
Tinubu ya kuma yaba wa Amurkawa bisa yadda suka gudanar da zaɓen cikin lumana.
Tinubu ya ce kasancewar Trump ya taɓa yin mulkin ƙasar, dawowarsa a matsayin shugaban ƙasar na 47 zai zo da gagarumar sauyi a tattalin arziki da ƙarin haɗin kai tsakanin Amurka da ƙasashen Afirka.
6 Nuwamba 2024Allah ne ya san dalilin da ya tseratar da ni daga yunƙurin kisa - Trump
Asalin hoton, Reuters
Donald Trump ya ce ashe ba a banza ya tsallake yunƙurin kashe shi da aka yi ba.
Ya bayyana haka ne a lokacin da yake jawabi ga ɗimbin magoya bayansa, inda ya bayyana nasararsa.
A watan Yuli ne aka kai masa hari a wurin yaƙin neman zaɓensa.
Da yake jawabin, ya ce, "ba a banza rayuwa ta tsira ba."
Har yanzu dai Trump bai kai adadin wakilan zaɓen da aka buƙata ba domin tabbatar da nasararsa a matsayin zaɓaɓɓen shugaban ƙasa.
6 Nuwamba 2024Yadda aka watse a wurin da aka shirya domin Kamala ta yi jawabi
Asalin hoton, Reuters
Da farko an shirya kujeru a jami'ar Howard domin sauraron jawabin Kamala Haris ne, amma da sakamako ya fara fitowa ƙarara, sai aka watse a wurin, aka bar kujeru ba kowa.
Asalin hoton, Reuters
Asalin hoton, EPA-EFE/REX/Shutterstock
6 Nuwamba 2024Su wane ne wakilan masu zaɓe da ake kira 'electoral college' kuma wace rawa suke takawa?
A ranar Talata ne miliyoyin Amurkawa suka kaɗa ƙuri'ar zaɓen shugaban ƙasar Amurka. Sai dai akwai yiwuwar ɗan takarar da ya fi yawan kuri'u ba shi ne zai yi nasara ba.
Domin kuwa ba masu kaɗa ƙuri’a ne ke zaɓar shugaban ƙasa kai tsaye ba, wani tsari ne da ake kira wakilan masu zaɓe ko kuma electoral college a Turance.
Me ake nufi da wakilan masu zaɓe?
Mafi yawan masu zaɓe sun kaɗa ƙuri'a ne ga ƴar takarar Democrat Kamala Harris ko ɗan Republican Donald Trump.
Amma waɗannan ƙuri'un ba su za su tantance wanda ya yi nasara kai tsaye ba. A maimakon zaɓe na ƙasa bai-ɗaya, zaɓen na kasancewa ne a matakin jiha-jiha.
Samun ɗaya daga cikin jihohi 50 na nufin ɗan takara ya lashe duk ƙuri'un abin da ake kira wakilan zaɓe na wanna jihar. Akwai adadin kuri'u 538 na wakilan zaɓe a Amurka baki ɗaya.
Ana buƙatar dan takara ya sami rinjayen kuri'u - 270 ko fiye da haka - don lashe zaɓen shugaban ƙasa. Abokin takararsu kuma ya zama mataimakin shugaban ƙasa.
Ƙarin bayani - https://bbc.com.im/hausa/articles/cvg7pv0x0gro%3C/a%3E%3C/p%3E%3C/div%3E%3C/div%3E%3C/article%3E%3C/li%3E%3Cli class="css-xxlek1">
6 Nuwamba 2024Firaiministan Burtaniya ya taya Trump murna
Shi ma firaiministan Burtaniya Keir Starmer ya shiga cikin jagororin ƙasashen da suka taya Trump murna, inda ya bayyana nasarar da "nasara babba."
"Za mu ci gaba aiki tare kamar yadda muka saba, kasancer ƙawancenmu tun aru ne. Za mu ɗaura ne daga inda muka tsaya wajen yin aiki kafaɗa da kafada domin ciyar da ƙasashenmu da dimokuraɗiyya gaba."
Ya ƙara da cewa za su yi aiki tare wajen inganta tsaro da haɓaka tattalin arziki da sauransu, sannan ya ƙara da cewa, "na san alaƙar Amurka da Burtaniya da na kyau."
6 Nuwamba 2024Netanyahu ya taya Donald Trump murna
Asalin hoton, Reuters
Firaiministan Isra'ila, Benjamin Netanyahu ya taya Donald Trump murna, bayan ɗan takarar ya yi jawabin nasararsa.
Netanyahu ya ce, "ina taya ka murnar samun nasarar yin dawo-dawo mafi girma. Dawowarka shugaban ƙasar Amurka wata dama ce domin samar da sabuwar Amurka, da kuma ƙara inganta alaƙa da Isra'ila," in ji shi, sannan ya ƙara da cewa, "wannan nasara ce babba."
Shi ma firaiministan Hungary, Viktor Orban ya taya Trump murna, inda ya ce, "wannan babbar nasara ce a tarihin siyasar Amurka. Muna taya Donald Trump murna."
Trump dai ya bayyana nasararsa ne duk da kasancewar bai riga ya kai adadin wakilan zaɓen da ake buƙata ba.
6 Nuwamba 2024Donald Trump zai zama shugaban ƙasa na biyu da ya yi dawo-dawo
Idan Trump ya samu nasarar lashe wannan zaɓen, zai zama shugaban ƙasa na biyu a tarihin Amurka da ya yi dawo-dawo.
Duk da cewa har yanzu ba a tabbatar da sakamakon zaɓen ba, amma dai alamu na nuna zai samu nasara.
Trump ya shiga takarar ne yana fuskantar tuhume-tuhume.
6 Nuwamba 2024Trump na gab da samun mafi yawan ƙuri'un da aka kaɗa
A yadda ƙirga ƙuri'u ke tafiya, alamu na nuna cewa Donald Trump zai iya samun mafi yawan ƙuri'un da aka kaɗa a wannan karon, nasarar da bai samu ba a zaɓen 2016, inda ya samu mafi yawan ƙuri'un wakilan zaɓe, amma ya sha kaye a ƙuri'un jama'a.
Trump dai ya yi alƙawarin koron baƙin haure da ba ataɓa ganin irinsa ba, sannan zai kawo ƙarshen yaƙin Ukraine da Gabas ta Tsakiya.
6 Nuwamba 2024Kamala ta samu ƙuri'un wakilan zaɓe a Minnesota da New Jersey
A daidai lokacin da Trump yake jawabin murna, ana ci gaba da samun sakamakon zaɓen daga jihohi.
Kamala ta samu jihar Minnesota da wakilan zaɓe guda. Wanda ke mara mata baya, Tim Walz ɗan jihar ne.
Ita ma jihar New Jersey, wadda jihar ce da jam'iyyar Democratic ke da ƙarfi, Haris ta samu ƙarin wakilan zaɓe 14.
6 Nuwamba 2024Trump ya bayyana Elon Musk da "mutumin kirki"
Haka kuma a cikin jawabin nasa, Trump ya bayyana Elon Musk, wanda ya shiga cikin yaƙin zaɓensa sosai a matsayin "mutumin kirki."
Ya bayar da labarai mai tsawo kan alaƙar da ke tsakaninsu.
6 Nuwamba 2024Trump ya yaba wa matarsa Melania
Asalin hoton, Reuters
A jawabin nasa, Donald Trump ya kuma yaba wa matarsa Melania Trump, inda ya kira ta da uwargidan shugaban ƙasa.
Ya yaba wa littafin da ta rubuta, inda ya bayyana littafin da ɗaya daga cikin waɗanda suka fi cin kasuwa.
"Ta yi aiki sosai," in ji shi, sannan ya ƙara da cewa, "tana ƙoƙarin taimakon mutane."
Ya kuma yi godiya da yaransa, inda ya kira sunansu ɗaya bayan ɗaya a saman dandamalin.
6 Nuwamba 2024Wannan nasara ce ga Amurkawa baki ɗaya- Trump
Donald Trump da matarsa Melania Trump da mataimakinsa JD Vance sun hau dandamalin jawabi domin yi wa magoya bayansa jawabi, inda ya ce ya samu gagarumar nasara.
A cewarsa, "za mu dawo da ƙasarmu hayyacinta," in ji shi, sannan ɗimbin magoya bayansa suka fara tafi suna ihu.
Ya sake nanata ƙudurinsa na tsuke iyakokin ƙasar.
Ya ƙara da cewa, "wannana nasara ce da ƴan Amurka, wanda kuma hakan ne zai ba mu damar sake dawo da martabar Amurka.
A ƙarshe ya yi godiya ga matarsa da mataimakinsa da magoya bayansa baki ɗaya.
Trump ya bayyana samun nasararsa, duk da cewa har zuwa yanzu bai kai ga tara adadin wakilan zaɓen da ake buƙata ba a hukumance.
6 Nuwamba 2024Ana hasashen Trump zai lashe Pennsylvania
Ƴantakarar biyu kowa na matuƙar son lashe jihar Pennsylvania saboda yadda take da matuƙar muhimmanci.
Sai dai hasashe na nuna cewa Donald Trump ne zai lashe jihar.
Lashe wannan jihar zai ƙasa kusantar da Trump zuwa nasarar lashe zaɓen.
6 Nuwamba 2024Republican na kan hanyar ƙwace iko a majalisar dattawa - Hasashe
Asalin hoton, Getty Images
Jam'iyyar Republican na kan hanyar ƙwace iko da majalisar dattawan Amurka, kamar yadda abokiyar ƙawancen BBC, CBS ta yi hasashe.
Har yanzu ana fafatawa a sakamakon kujerun majalisar, to amma bisa ga dukkan alamu jam'iyyar Democrats ta rasa rinjayen da take da shi a majalisar.
Bisa bayanana da ake da su, jam'iyyar ta kasa kayar da ɗan majalisar West Texas, wanda ke cikin wuraren da take fatan samun nasara.
6 Nuwamba 2024Donald Trump na kan hanyar isa cibiyar dakon sakamakonsa a Florida
Asalin hoton, Reuters
Ana sa ran Donald Trump zai isa cibiyar dakon sakamakon zaɓensa da ke bain tekun Palm, a jihar Florida, inda ake sa ran zai yi jawabi.
Daga cikin manyan mutanen da ke cibiyar har da mamallakin shafin X, Elon Musk, wanda ke ɗaya daga cikin manyan masu yaƙin neman zaɓen ɗan takarar, da kuma manyan abokansa na siyasa irin su Robert F Kennedy Jr da Tulsi Gabbard.
Wakilanmu da ke wurin sun ruwaito cewa tuni magoya bayan ɗan takarar suka fara cincirindo a wajen cibiyar domin yin arba da motocin ɗan takarar.
6 Nuwamba 2024Harris ba za ta yi jawabi a daren yau ba
Asalin hoton, Reuters
Mutanen da suka yi cincirindo a cibiyar tattara sakamako na jam'iyyar Demokrats sun fara watsewa bayan da wani babban jami'in yaƙin neman zaɓen 'yar takarar ya sanar da cewa mataimakiyar shugabar ƙasar ba za ta yi jawabi ba a yau.
Tuni dai yanayi ya sauya a cibiyar bayan da sakamakon jihohi biyu marasa tabbas da ya nuna Donald Trump ke kan gaba.
Cibiyar wadda a baya ke cike da dandazon jama'a a yanzu ta fara yashewa yayin da damar yiwuwar nasarar Harris ke ƙara raguwa.
6 Nuwamba 2024Magoya bayan Trump na munar lashe jihohi masu muhimmanci
Hotunan yadda magoya bayan Donald Trump suka riƙa murnar lashe muhimman jihohi biyu, a ƙoƙarinsa na lashe zaɓen shugaban ƙasar na 2024.
Wasu daga cikin magoya bayan na sanye da hulunan yaƙin neman zaɓen ɗan takarar , yayin da wasu ke ɗauke da tutar Amurka.
Asalin hoton, Reuters
Asalin hoton, Reuters
Asalin hoton, Getty Images
Asalin hoton, Reuters
6 Nuwamba 2024An sake hasashen Trump ya yi nasara a Georgia
Dan takarar jam'iyyar Republican, Donald Trump kan yiwuwar lashe jihar Georgia, wata jihar mai muhimmanci da ke cikin marasa tabbas a zaɓen na Amurka.
Kawo yanzu Mista Trump ya lashe zaɓen jihohi biyu cikin marasa tabbas bakwai da za su yi tasiri a zaɓen ƙasar.
Jihar na da adadin ƙuri'un masu zaɓe 16. Tun da farko ya lashe jihar North Carolina

Donald Trump zai yi kome a matsayin shugaban Amurka na 47

Taƙaitattu

Rahoto kai-tsaye

6 Nuwamba 2024Akwai yiwuwar Trump ya lashe zaɓen shugaban ƙasar Amurka

6 Nuwamba 2024Trump ya samu ƙuri'u 279 na wakilan masu zaɓe

6 Nuwamba 2024Tinubu ya taya Donald Trump murna

6 Nuwamba 2024Allah ne ya san dalilin da ya tseratar da ni daga yunƙurin kisa - Trump

6 Nuwamba 2024Yadda aka watse a wurin da aka shirya domin Kamala ta yi jawabi

6 Nuwamba 2024Su wane ne wakilan masu zaɓe da ake kira 'electoral college' kuma wace rawa suke takawa?