Ramadan: Hotunan makon farko na watan Azumi

Karanta rubutu kawai domin rage cin data

An wallafa 17 Aprilu 2021

Miliyoyin musulmi na gudanar da azumin watan Ramadan, wata guda na azumi da gudanar da addu'o'i.

Musulmai na gudanar da ibada a masallaci — Bayanan hoto, Musulmi sun yi sallar Tarawih ta farko a cibiyar Diyanet da ke birnin Washington, a Amurka, ranar 13 ga watan Afirilu

Wannan shi ne azumin watan Ramadan na biyu da aka yi shi cikin annobar korona, hakan na nufin wasu al'umomin za su yi azumi cikin taka-tsantsan da bin ka'idojin kariya daga cutar.

Masu azumi ba za su ci abinci ko shan ruwa ba a tsawon yini guda, har sai zuwa faduwar rana.

Azumi ibada ce mai matukar muhimmanci, wadda ke kusanta bawa da ubangijinsa, da kara lafiya da kuma koyarwa ta fannoni da dama.

Ga wasu daga cikin hotuna daga sassa daban-daban na duniya, kan yadda wasu musulmi suke gudanar da ibada a watan azumin Ramadan.

Musulmai na duba wata ta amfani da abin hngen nesa lokacin da rana ta fadi — Bayanan hoto, Musulmai na duba watan Ramadan ta amfani da abin hangen nesa, a ranar 12 ga watan Afirilu a yankin Palembang, na Indonesia

Ana yin azumin Ramadan a watan 9 na addinin Musulunci, inda ake farawa da ganin watan wanda aka fi sani da hilal.

Katuwar fitilar kwai mai launi daban-daban. — Bayanan hoto, Ranar 12 ga watan Afirilu, ma'aikata a Zirin Gaza sun sanya katuwar fitilar kwai ta gargajiya, wadda ita ce alamar watan Ramadan da aka fara yin hakan shekaru 800 da suka wuce.

Watan Ramadan lokacin ibada ne mai matukar muhimmanci ga al'ummar musulmi.

Sannan daya daga cikin shika-shikan musulunci guda biyar, wanda ya zama wajibi ga kowanne musulmi ya aikata su, kamar yadda Allah SWT ya umarta.

Skip Wanda aka fi karantawa and continue reading

Wanda aka fi karantawa

End of Wanda aka fi karantawa

Haka kuma kauracewa ci da sha a tsahon yin, Ramadan lokaci ne da ake son musulmai su yawaita sadaka, da kara kusanci da Ubangiji , da nuna karamci da kyautatawa.

Ma'aikata akan tsani su na makala fitilar kwai — Bayanan hoto, A ranar 12 ga watan Afirilu, a birnin Najaf na Iraqi, ma'aikata na sanya fitilar kwai da ake ado da ita a lokacin azumin watan Ramadan.

Mutane a tsaye a gabar teku lokacin da rana ke shirin faduwa — Bayanan hoto, Al'ummar Indonesia sun yi ninkaya, a wani bangare na bikin gargajiya da ake kira Padusan domin taron watan Ramadan a tekun Parangtritis da ke Yogyakarta, ranar 12 ga watan Afirilu 2021. Padusan na nufin ninkayar wanke zunubi kamar yadda, gabanin fara Azumi.

Yayin da aka fara azumin Ramadan a ranar 12 ga watan Afrilu, yawancin musulmai za su sha wuya wajen amfani da dokokin kariya daga cutar korona, da za su hana su yin wasu bukukuwan al'ada.

Bayanan hoto, Ma'aikata na feshin magani a masallaci, domin rage yaduwar cutar korona a ranar farko da fara azumin Ramadan a Peshawar a Pakistan

Yawanci a Birtaniya iyalai suna zaman yin buda-baki ne tare da 'yan uwa da abokan arziki, amma saboda dokar kulle, haduwar za ta yi wuya.

Har wa yau, duk da cewa an haramta taruwar mutane da yawa a lokacin Azumin Ramadan na bara, wannan shekarar watan ya zo ne daidai lokacin da aka fara sassaut dokar kulle a wasu yankunan kasar.

An amince sama da mutum shida su hadu a waje, sannan gidajen sayar da abinci za su dinga sayar wa mutane abinci a waje.

Amma a wasu yankunan na duniya an sanya dokokin da suka hada da sanya takunkumi a lokacin ibada da sauran wurare.

Masallaci an yi masa ado da fitilun da suka rubuta Ramazan — Bayanan hoto, Hoton cibiyar Diyanet da ke birnin Washington a Amurka

Musulmi na sallah sanye da takunkumin rufe fuska — Bayanan hoto, Musulmai sun yi sallar Tarawih ta farkon watan azumin Ramadan a cibiyar Diyanet da ke birnin Washington a Amurka

Musulmai na gudanar da salla a masallaci

A wani sako da hukumomin Hadaddiyar Daular Larabawa ta wallafa a shafin Twitter, an bukaci mutane su kiyaye taruwa a lokacin azumi, su takaita ziyarar 'yan uwa, da kiyaye rarraba abinci tsakanin gidaje da iyalai.